Juliet and Cinderella (GL) [Book I & II, Completed]

Chapter 44

Mukha namang hindi siya na-offend. Tatawa-tawa pa nga, eh. Parang tanga, oh. Makatawa wagas.

"'Tol, hindi mo ba kilala 'yan?" Sabi ni kuyang pang-last habang nakaturo sa akin. Iling-iling naman yung dalawang bugok. "Siya yung girlfriend ni Miss Parker."

"Ay, talaga ba, p're?" Gulat na gulat naman si Chubs. "Bah, ang ganda ng taste ni Miss Juliet, ah. Maganda itong si..." Tumingin siya sa akin. "Anong name mo?"

"Cindy," sagot ko, "and alam ko, maganda talaga ako."

"Mga p're, babagyo!" Komento no'ng payat, inalug-alog pa iyong katawan na akala mo liliparin siya ng hangin. "Bagyong Cindy!"

Ah, gano'n. Kumuha ako ng crumpled paper sa bag ko na ginamit kong scratch paper kanina at walang pagdadalawang-isip na hinagis 'yon sa kanya. Sapul sa mukha si mokong! "Bagyuhin mong mukha mo! Sa susunod pader na paliliparin ko sa'yo!"

Pang-asar, eh.

Nagsitawanan silang dalawa except kay Romeo na napapangiti lang at kay payat na nakatitig lang do'n sa papel na binato ko na nasalo niya. "Ibang klase. P're, in love na yata ako kay Miss Cindy."

"Ay, sapul!"

"Tinamaan ang hayp!"

Napakamot ako sa ulo ko. Anong klaseng mga lalaki 'to?

Medyo nayamot ako. As in. Mag-decide na sana akong umalis nang tawagin ako ni Romeo.

"Cindy."

"Bakit?"

"Can we talk?"

Napatikom ako ng bibig. Pero tumango ako.

"P're huwag mo ako unahan, ah" Warning no'ng payat. "Popormahan ko pa 'yan."

Hindi siya pinansin ni Romeo na nilapitan na ako. Naglakad na kami palayo.

"Uy, payat!" tawag ko. Lingon naman agad yung pinaka-malnourished. Ngumiti ako ng pagkatamis-tamis, as in super tamis. "Basted ka na."

--

Dinala ako ni Romeo sa isang fast food chain, request ko na rin. Mas feel ko sa gano'n kasi. Pagkatapos niyang um-order ay biglang deadair na kaya awkward. Hay nako naman.

"Uhm." Umubo siya kunwari.

"Anong pag-uusapan natin?" Tanong ko.

"About that," Napainom agad siya sa inumin niya. Ako naman ay nagsimula nang kumain. Gutom, eh. "I have to tell you something you should know." Tumango ako na parang sinasabi na ituloy lang niya ang sasabihin. Mukha namang na-gets niya. "I'm sorry. Noong nag-break kayo ni Juliet dahil sa akin, I'm really sorry. It was all planned. Ako na rin ang humihingi ng patawad para kay Nikki—"

Bigla akong nabulunan na ikinahinto niya. Mabilis kong ininom yung Coke na pinili ko, napangiwi ako kasi ang hapdi no'n sa lalamunan. Biglain mo ba naman inom tapos ang lamig pa.

"A-are you okay?" Concern na tanong niya.

Mabilis naman akong tumango. "Ano nga ulit yung s-sinasabi mo? Bakit nasama si Nikki sa usapan?"

"She's—she's kind of responsible why you guys broke up." Panimula niya, "Pero aaminin kong that won't happen kung hindi ako nakinig sa kanya. So, tingin ko, ako pa rin yung may mali."

"May mali rin si Juliet," singit ko, "Pinatulan ka niya, eh."

"Let's give her the benefit of the doubt."

Hindi ako sumagot. Matagal ko nang napatawad si Juliet. Tsaka naiintindihan ko naman. Hindi naman ako gano'n kasama para maging bitter na lang palagi kasi naloko ako, ganern. Para sa'kin, deserved pa rin ni Juliet na mapakinggan yung side niya kahit na mali siya. At iyon ang ginawa ko no'n, iyon din ang reason kaya ako nakipag-break.

Kasi alam kong sincere siya. Ramdam ko. Pati yung pagsisisi niya, alam ko. At saka kahit ba sa paningin ng iba ay perfect siya kasi mukha siyang diyosa, mayaman, mabait, at matalino—tao pa rin siya. Hindi perfect.

Gano'n naman talaga, 'di ba? Hindi maiiwasan yung magkakamali tayo. Pero at least, marunong tayong tumanggap ng mali. At siyempre, dapat marunong tayong mag-effort kung alam nating may nasaktan tayo.

Bigla akong napasubo ulit sa kinakain. Oh, my gosh. Ano 'yon? Ang seryoso ko masyado mag-isip! So deep, pare!

"So, anong ginawa ni Nikki?" tanong ko na lang, "Bakit nasabi mong kasama siya?"

"My sister has this tendency na ma-obsess. She likes you so much." Pahayag niya, "She stalked you, apparently. She asked me to make a move on Juliet because she wants you for herself. I like Juliet, kaya hindi na ako nagdalawang-isip na gawim yung gusto niya." Ngumiti siya na parang humihingi ng dispensa. "Pero na-guilty rin ako. Ayoko ng gano'n. Pakiramdam ko na-degrade ko yung sarili ko."

"Alam na ba 'to ni Juliet?"

"Yes."

Tumango ako. Kailangan kong makausap si Nikki.

_____