الساعه الواحدة ظهراً
في غرفة مظلمة فتحت روان عيونها بقوة من النعاس :
ايش الازعاج اللي تحت !!
قامت بكسل من السرير وفتحت باب غرفتها وطالعت من سياج الدرج وشافت أروى بعد مارجعت من شهر العسل
روان : هلا بالعروس
نزلت بسرعه عشان تسلم ع اختها وتاخذ اخبار السفره
أروى حاضنه امها : وخري عنني لسا ماشبعت من امي .
روان تسحبها : خلاص صار لك نص ساعه بحضنها بشوف وجهك .
أروى تعدل جلستها : هاه شتبين ؟
سعاد : ههههههههههههه
روان بحزن : ماجبتي لي ولا شي من هناك !
أروى تبتسم : الا جبتلك رورو
روان وقفت : الشرهه مو عليك والله الشرهه علي انا اللي صحيت من نومي عشانك مالت "وطلعت"
لحقتها اروى لغرفتها وتمددت جنبها ع السرير وهي تطالعها بتأمل
اروى : يالله ياروان طلع غير عنهم كلهم
غير عن محمد العصبي وحسام المغرور ومعتز اللعاب .
روان انشكحت : كيف غير ؟
اروى : مدري كيف اوصف لك بس كثير شغلات بيننا مشتركه ورايق ويفهمني .
روان عطتها ظهرها : قالولك اننه اعقل واحد فيهم
اروى تحضنها : مبسووطه مبسوطه اللهم لك الحمد
كنت خايفه كثير وبس افكر عن الجزء الجاي من حياتي كيف بيكون .
روان ابتسمت بفرح ان اختها اروى ارق ماخلق ربي مرتاحه وكملت نومها .
----
في بيت زيد الفيصل
معتز : هما كذا العرسان الجدد تبان ع وجههم الراحه اول كم شهر بعدين تبدا تنقلب حياتهم نكد هههههههههه
حسام : تكلم عن نفسك انت
معتز : ليش لايكون متعشم بحياة غير .. انت بعد آخرك زي اخوك محمد و خالد في المستقبل القريب تعب ومشاكل ووجع راس "حسام و روان مخطوبين من سنتين بس مايتواصلون هو ماهمه وهي تتناسا انها مقيده برجل "
خالد : شف ذا البزر قام ينصحنا !
حسام : انت تشوف !
معتز : اللهم اني بلغت .. شكرا حسام خلصت عليهم
انا اللحين مسموح لي اخذ اللي ابي
حسام : اكيد اجنبيه
معتز : هذاااك الوقت يصير خير
خالد : الله يكملك بعقلك بس
دخل ابوهم المجلس : السلام عليكم
الشباب : وعليكم السلام
الاب: هلا بالخالد .. بشرني عنك ان شاءالله مرتاح ومبسوط
خالد يبوس راس ابوه : الحمدلله الامور طيبه
بعد نصف ساعه
معتز : انا استأذنكم عندي شغله
الاب : الله معك
خالد : اشوفك ان شاءالله تجيني البيت
معتز : بإذن الله
دخلت الام جميلة : الحمدلله ياابو محمد ولدك مبسوط ومستانس واموره زينه الله يديمها
الاب : اللهم امين
الام التفتت لحسام اللي جالس على جواله : ترا كلمت ام سلمان اننك مسافر تاخذ الدكتوراه باامريكا
وانا صراحة اخاف عليك هناك من الفتن ماظهر منها ومابطن عشان كذا قلتلهم يستعجلون الزواج قبل نهاية الشهر الجاي موعد سفرتك .
حسام بضيقه : يمه الله يهديك انا ماني طفل اقدر ادبر اموري هناك لحالي .
الاب : ياولدي في بلاد الغربه لازم زوجة تساعدك هناك
وانت بعد بتدرس هناك مو رايح سياحه!
جميله : ياولدي انت لاجيت من هناك بتكون دخلت الاربعين واللي قدك اللحين جايبين لي احفاد .
حسام بااستسلام : اللي تامرون عليه حاضر
جميله ابتسمت : الليلة ان شاءالله بنحدد انا وام سلمان الموعد ونجهز كل شي انتم لاتشيلون هم .
-----
في بيت عبدالرحمن الفيصل
على طاولة العشاء
روان بعصبيه : كيف يعني ورايي مو مهم !!
الولد عشان بيسافر لازم تزوجوني اللحين
طيب مستقبلي ودراستي ؟
سعاد بحزن على بنتها : كلمت ام محمد تشوف حسام يسجلك هناك بالولاية اللي يدرس فيها .
الاب : بنتي حبيبتي انتي مو صغيره اللحين كلها كم شهر وتدخلين العشرين لازم تفتحين عيونك زين وتشوفين وين مصلحتك.
سلمان : ولا تزعلين انا كل شهر بااخذ امي واجيك هناك
وبعدين كلها ثلاث سنين
روان دموعها بعينها : كل شي هو هو انا ماتفكرون ف مشاعري ووش ابي !
طلعت غرفتها وهي تبكي قفلت على نفسها وحاولت تنام .
أنت تقرأ
حديث السكوت
Romanceهيَ و أخواتها اجبرتهم تقاليدهم على الزواج منه هو واخوته. هيَ تكره العادات والتقاليد و هو لا يأبه. هيَ لم تدخل العشرين و هو ثلاثيني. هيَ مرحة و هو هادئ. هيَ قصيرة و هو طويل. هيَ روان و هو حُسام.
