كل كلمه نطقت بيها ام احمد جانت سجاجين تكطع بيه .. احمد شايف كل هذا المرار واني راح ازيد الهم عليه ... منها قتل اخوه ...وبنته الي امها تخلت عنها باول حياتها و زوجته الي جانت خيانتها لاحمد واضحه وزواجها بعد العدة بايام .. واني ارتباطي بيه مستحيل لا ومن سابع المستحيلات هم..
طلعت من يمهم بعد ماترخصت من ام احمد واعتذرتلها لان مكدرت ابقى على الغدة كتبها خاله اني تعبانه ومااكدر اتاخر اهلي يقلقون عليه او وعدتها ازورها مرة ثانيه ..
طلعت وياه وجنت لازم احجيله بعد ما اكدر ااظم عليه اكثر .. بديت بالكلام وياه عن حياته والي مر بيه كله ومانطيته الحق أنه يضم عليه موضوع طليقته وبنته .. لان لو حاجيلي من البدايه جان ماتعمقت وياه وجان سيطرت على مشاعري اتجاهه بس اكيد هذا الشي جان متاكد منه هو فاختصرها وضم الموضوع عليه لحد مايحين وقته حسب رأيه ..
احمد اسمعني .. اني ماحجيت كدام خاله اني اهلي يردوني اتزوج من ابن صديق بابا و جنت اتصور موضوع ارتباطنا بيه صعوبه نوعا ما بس بعد الي عرفته مااضم عليك صار شي مستحيل ..
احمد .. وانتي شنو رايج توافقين وتعوفيني المن وفاء اني ماعندي غيرج ولااكدر اجيب ام غيرج لبنتي ولا اثق بعد بأي مرة .. اجي اخطبج اني ومنكول لاهلج اني جنت متزوج وبعد زواجنا خلي يعرفون الحقيقه ..
وفاء .. احمد لا مستحيل اول الناس امي تتخلى عني مو اني الي اجازي اهلي هيج احمد كل شي الا الكذب ..
احمد ... وفاء ماعندي غير حل الجمعه الجايه اني واهلي يمكم ويصير خير .. وحاولي تقنعيهم وفاء انتي مو صغيرة وهاي حياتج مو حياتهم واني واثق منج تكدرين تقنعيهم ..
وفاء ... احمد خليني افكر واردلك الجواب اني الاثنين اخلص امتحاناتي والمشكله بابا يريدنا نطلع لسوريا على العطله ..
احمد .. حتى لو تطلعين اجي وراج اني وسارة منعوفج ..
نزلت من يمه واخذتها مشي للبيت فتت من يم مدرسه سارة وتذكرت من اول مرة شفتها لسارة هنا وشلون التقيت باحمد وبعدها سارة كالتلي حمودي يسلم عليج .. ياريت لو ارجع بعمر سارة وانسى الهم الي بكلبي صح احمد يحبني وعمري ماشكيت بحبه الي بس مستحيل حبه يعادل او يعوض حبي اله ..
وصلت البيت وصعدت لغرفتي بدون مااغير ملابسي ولا حتى اغسل وجهي خليت راسي بنص وسادتي وضليت ابجي وكأنه عمري مابجيت بيوم .. وفجاه رفعت راسي لكيت امي فوك راسي وهي تكولي شبيج ماما وحضنتها وبجيت واتخيل نفسي سارة الي تركتها امها سنين .. وقررت أنه احجي لامي كلشي لان بعد مااكدر أضم عليها وضروري اواجه وادافع عن سعادتي واحمد هو كل سعادتي ...
ماما ..
اني مااريد اتزوج ابن صديق بابا .. ماما اكو احد بحياتي مااكدر اعوفه ولا اكدر اتنازل عنه ..
كالت امي... من حقج ترفضين بس من حقي اعرف منو هذا الشخص الي تريديه وابن منو .. ويكدر يعيشج نفس مستواج ..
كتلها .. يامستوى اني عايشه اني بنيه مثل كل البنات وبالعكس اني فد يوم طلبت منكم شي او كتلكم اشترولي لو جيبولي اشو حتى ملابسي انتي تختاريها الي .. حتى احذيتي وجنطتي .. حتى صديقات ماعندي مثل البنات ...
الام .. ردتي بيوم تشترين شي اني منعتج عنه لو ردتي تروحين لصديقه واني منعتج او ابوج ..
لاتذبين مشاكلج علينا وهذا الي تريدين اذا خوش شاب واحسن من دكتور عادل اني وياج مو ضدج ..
