متفكرش ان كل الناس بتحبك و متفكرش ان كل الناس بتكرهك اكيد في كده و في كده بس في فتره في حياتك صدقني هتعرف تقدر الناس بس هتخسر نفسك و هتتغير في بعد الايام هتتعلم ان كلمه الحب اللي بتطلع من بوقك ديه غاليه اوي و هتتعلم انك لازم تفكر في سعاده نفسك كتير و مش لازم تبقا تافهه عشان تبقي سعيد بالمره ديه اممكن يكون محتوي حياتي و فيه من محتوي حياتكم.
ابدأ انا مين انا نورهان عندي ٢٣ سنه انا كانوا بيقولوا عليا مريضه نفسياً بمرض ان عمري ما كنت كئيبه زيهم.
انا بحب الضحك اوي و مكنتش بهتم بكلامهم عني زي متضحكيش في الشارع ده الضحك بدون سبب قله ادب لا كنت مختلفه مش متخلفه كانت كل الناس بتشوفني مريضه بمرض السعاده اللي هما اصلاً يتمنوا نصه انا كشكل فأنا حسناء فده اللي زاد الطينه بله من متضحكيش في الشارع كتير عشان متلفتيش النظر ادخل بقا.
انا و انا في ابتدائي كان ليا صحاب كتير اوي و لما دخلت اعدادي لقيتني تعرض لكلمه مش هنفرح بيكي بقا و حماده ابني جاهز تقوم امي رده ربنا يخليكي يا طنط ديه لسه في اولي اعدادي تقوم الست بنت البارده بجد طيب ربنا يبارك.
كنت دايماً بيلاحظو فيا اني اكبر من سني في عقلي كنت بشوف كل اللي حواليا اغبياء لا ده مش غباء ده عشان انا ميزان بس.
و علي داخله تالته اعدادي حصل تغيير مفأجاء في حياتي بابا كان لازم ينتقل من شغله لظروف رحت عشت في الاسكندريه انا و بابا و ماما و اخواتي الاكبر مني احمد و اسامه و الصراحه مبقتش عايشه مع الجو بقيت منعزله مع نفسي معرفتش اصاحب و من كتر عزلتي بقيت مدمنه للروايات لحد ما في يوم من الايام جت بنت عندنا المدرسه اسمها حور اكدب لو قلت انها ملفتتش انتباهي و بعدها بيومين نجحت اني اتعرف عليها و بقينا صحاب حور شخصيه كانت كامله من كل حاجه و الحمد لله شقلبت حياتي كلها اقنعتني البس الحجاب و بقيت متدينه جداً هي بقت نصي التاني و بقينا بنكمل بعض جداً لحد ما في يوم حور كانت معديه الطريق و كنت ماشيه معاها حصلت المفأجاءه اللي عمري في حياتي ما كنت اتوقعها...
يتبع...........
