Juliet and Cinderella (GL) [Book I & II, Completed]

Chapter 20

"Nakakainis! Dapat 'di na ko sumama, eh," Nakangusong bulong ng pinsan ko.

"May sinasabi ka, Yanyan?" Tinaasan ko siya ng kilay at hinawakan ang kwelyo ng damit niya na parang mananapak.

"W-wala! Wala. Ikaw talaga, sabi ko excited na 'ko. Grabe, pangarap ko 'to, eh!" Ngumiti siya ng pilit pagkatapos umalis sa pagkakahawak ko at pumunta na kina Kapitan. Siya na siguro mag-a-assist.

Tinabihan ko naman sa pag-upo si Juliet na nakasimangot pa rin hanggang ngayon. Aba, mukhang dinamdam ang no kiss punishment, ah. Grabe, ganoon ba kasarap, ka-yummylicious at ka-irresistible ang mapupula, maninipis, at magaganda kong labi para sumimangot siya ng ganyan?

"Hoy Juliet, sambakol 'yang mukha mo. Pumunta ka na ro'n, ikaw unang mang-i-interview, eh." Sabi ko habang hinihila siya sa braso.

"No." Umiiling-iling na sagot niya.

Tinaasan ko siya ng kilay at nameywang. "At bakit?"

"Kiss." Ang maikling sagot niya.

"Hindi pwede. Parusa mo 'yan. Punta ro'n." Flat na sabi ko. Kahit deep inside, I am like—Ang cute mo, Juliet! Don't worry, may kiss ka later!

"But, Mine, please?"

Jeskelerd, nagpapaawa na po siya! Hinapit at niyakap na ako sa baywang, yung mukha niya nakabaon sa tiyan ko. Nilalaro-laro na rin niya yung kamay ko.

"Mine."

Buti na lang hindi niya ako nakikita dahil nakangiti na talaga ako. Ang cute-cute naman kasi! Matatanggihan ko ba naman itong girlfriend ko?

"Ayaw. Pumunta ka na ro'n." Sabi ko at pinigilan agad ang pag-ngiti dahil nakatitig na siya sa akin.

Acting lang 'to, promise! Mamaya halikan ko na 'yan. Papakipot lang muna ang dyosa.

"No." Umiling siya.

"Isa. Susunod ka o susunod?"

"Kiss muna."

"Dalawa."

"Please?"

"Susunod ka o ie-extend ko 'yang no kiss punishment?"

"Susunod."

"Good. Go na, okay?" Ngumiti ako sa kanya at hinalikan na lang siya sa noo niya at hinawi ang ilang hibla ng buhok na humarang sa buhok ni Juliet. Napangiti naman siya sa ginawa ko at tumango. "I love you."

"Hoy, love birds! Awat sa landian, start na tayo!" Sigaw ni Yanyan na kinukuhanan kami. Tiningnan ko siya ng masama. Nag-peace sign lang siya.

"I love you, too!" Bumitaw na siya sa akin ng may ngiti sa labi at nagmamadaling pumunta sa mga kasama namin.

Ang ganda talaga ng Juliet ko.

"Ang sweet ninyong dalawa."

"Ay, ang ganda!" Gulat na sambit ko. Napatingin ako sa may kaedarang babae na katabi ko na pala at nakangiti sakin na parang aliw na aliw siya. "Ate naman, huwag ho kayong manggulat ng gano'n."

"Bawas-bawasan mo ang kape, iha, nang sa ganoon ay hindi ka maging magugulatin." Bilin niya sa akin habang nakangiti pa rin. Base sa suot niya, isa siya sa mga tanod dito. In fairness, may babaeng tanod sila.

Ngumiti na lang din ako at tumango. Hindi naman ako nagkakape palagi, eh. "Ano nga po ulit yung sinabi ninyo kanina?"

"Kako, ang sweet ninyo. Girlfriend mo ba yung maganda babae na 'yon?" Tanong niya habang nakaturo kay Juliet na abala naman sa pagtatanong. Kinukahanan siya ni Yanyan habang sa likuran naman ng pinsan ko ay naghaharutan sina Cath at isa pa naming classmate na si Tessa. Natatawa tuloy si Kapitan habang nagsasalita. Kita niya kasi yung dalawa.