بيت جدي اللي جمع كل المحبه والأماني والحنين

الـبــــارت 2

انتظر !!
مَآزل عْشقي يَسترق
مآزل قلبْي يحَترق
مآزلت انتظر الرجُوع
ولم اردَ انْ نفتَرق
مآزَال ينتفضُ الحنِين
مازال يُزعجني الرَنين
مآزلت لآانًسى السنْين
مازَآل دمْعي يَبترق

-
الجزء الثاني

الساعه 2 العصر
فاتحه شنطه متوسطه الحجم وقاعده تحط فيها الاغراض اللي بتاخذهم معاها للمزرعه وبما انهم بيقعدون اسبوع حطت اغلب الاغراض اللي تحتاجها وحاولت تتذكر عشان لا تنسى شي لان المزرعه بعيده شوي تقريبا ثلاث ساعات عشان يوصلون
امل وهي ترجع شعرها لورى : امممم ذكريني مرام مانسيت شي ترا ماحد بيرجعني - وطالعت الاغراض بتفكير - شاحن الجوال موجود والكميرا وشاحنها موجوده سماعاتي و الـــــ
قاطعتها مرام وهي تضحك : اهم شي المايوه لاتنسينه هههههههههههههههههههههههه امزح امزح بس خلاص مابقى شي ماخذتيه ترا المزرعه مليانه ملابس واغراض يعني حتى لو نسيتي شي لاتحاتين - قالت بحماس - ياربي مرا متحمسه التهينا بَ الاختبارات ومن زمان مارحنا
قالت امل وهي تبتسم :ايه والله جات في وقتها طلعتنا للمزرعه - تذكرت شي وكشرت - ليكون بيت عمي ابو فهد بيجون ترا وربي رايحين ننبسط ولا لنا خلقهم ولا لي خلق اقابل طلال
مرام : اكيد بيجون مهما يكون عمي ابو فهد يصير اخو جدي ومستحيل مايعزمهم انتي وش عليك منهم لاتحتكين في احد منهم خلينا ننبسط واذا على طلال تراه يحبك لاتلومينه شوفي كم صار لها امه تحاول فيه يتزوج وهو مايبي غيرك
امل بلا مبالاه : الله يرزقه ببنت الحلال اللي تستاهله والله انه رجال ومايعيبه شي واحسن من خواته بس القب ومايهوى وانتي تدرين وش قصدي - سكتت شوي وقالت تضيع الموضوع - الا متى حددتوا زواجكم يلا عجلوا نبي نفرح ونرقص
مرام : مادري للحين ماحددنا بس ان شاء الله قريب - همست بحب - يالله يا أمل يجنن عبد العزيز ماتخيل حياتي بدونه شايلني على كفوف الراحه اللي يخلي لي عينه
امل :ههههههههههههههههههههههههههههه ترا بتحمسيني اتزوج بس صادقه وربي عبد العزيز رجال من ظهر رجال الله يسخره لك ويخليكم لبعض ويهنيكم
مرام من قلب : امييييييييين -غمزت وقالت بهمس - عقبالك مع حبيب القلب
ضحكت امل بخجل : - هههههههههههههه الله يسمع منك - مدت بوزها - وانتي يَ الخايسه بتتزوجين وتتركيني
مرام وهي تضمها بحب :ههههههههههههههه وانا اقدر اتركك انتي ناسيه ان جدي جهز لي جناح في بيت عمي بو عبد العزيز يعني بسكن هنا اطلعي وتعالي لي كلها خطوتين تلقيني بوجهك وبعدين مها موجوده وليان(ليان صديقة امل الروح بالروح واكثر من اختها) تــ
وقبل لاتكمل كلامها كانت مها داخله : وش فيها مها بس تحشون فيها يلا قوموا الغداء جاهز - ناظرت الشنطه - ياويلي جهزتوا اغراضكم وانا ماجهزت شي اففف مالي خلق الله يعين اليوم فَ الليل اجهزها
امل وهي تسكر الشنطه : جهزيها بعد الغداء احسن لك على رواقه فَ الليل بتنحاسين وبتنسين نص اغراضك - وقفت - يلا بس نتغدا ميته جووووع من قعدت وانا على لحم بطني
نزلوا تحت يتغدون شافوا البنات والحريم قاعدين على الطاوله وينتظرون الغدا القوا عليهم السلام وجلسوا معاهم يسولون وصل الغدا وتغدوا وماتخلى القعده من الضحك وخفة دم البنات
قالت امل لمرام : ياربي ليان مصره نروح عندها اليوم وتحلف انها بتزعل اذا مارحنا قلت لها بنروح المزرعه بكرا ومايمدي تحلفت فيني وقالت والله لو ماتجين بزعل وش اسوي معاها الحين
مرام تطالع الساعه : ياعمي خل نروح نغير جو عندنا وقت طويل وش ورانا حتى لو نروح مواصلين عادي ننام هناك
مها وهي تاكل : وهي صادقه خل نروح جنبها من زمان ماشفناها واذا على المزرعه لاتخافين مثل ماقالت مرام عندنا وقت طويل
امل : خلاص طيب بس تتغدون جهزوا اغراض المزرعه كلها وبعدها نروح عشان حتى لو تاخرنا نرجع وننام على طول مايكون عندنا شي
بعد الغداء جهزوا البنات اغراضهم وبدوا يجهزون عشان يروحون لليان اللي تنتظرهم
لبست امل شورت جينز غامق يوصل لنص الفخذ مع بلوزه بيضاء حفر ورافعه شعرها الطويل ذيل حصان ولابسه شوز فلات وطالع شكلها يجنن
اما مرام لبست فستان للركبه لونه سماوي رايق ولبست معاه كعب بسيط ابيض وخلت شعرها مثل ماهو
ومها لبست تيشيرت احمر وبرمودا ابيض وشوز سبورت ابيض لانها تحب السبورت وشعرها قصير يوصل لكتوفها خلته مثل ماهو
طلعوا وركبوا السياره والسواق ينتظرهم قالت امل : سعيد روح بيت ليان
وصلوا بوقت قصير لان البيت مو مره بعيد نزلوا البنات واول مادخلوا ركضت ليان تضم صديقتها واختها وحبيبتها امل لان صار لها فتره مو شايفتها
قالت امل وهي تضحك : هههههههههههههههههه طيب ابعدي بموت
ليان وهي تبعد وتسلم على مرام وهيا : وربي انك حماره صار لي الحين اكثر من شهر ماشفتك
امل وهي تبتسم بحب : شسوي انشغلت شوي انتي ليش ماجيتي لو انك جد مشتاقه كان مريتيني البيت
ليان بحزن : انتي تدرين بابا فَ المستشفى واروح له كثير وماخذ كل وقتي
امل بضيق على ابو صديقتها الطيب الحنون اللي يعاملها وكانها بنته : الله يشفيه ويقومه بالسلامه يارب
ليان من قلب : امين تفضلوا اسفه خليتكم واقفين عند الباب كله من امول خذتني بالسوالف ههههههههههههه
قعدوا البنات سوالف وضحك وقعدتهم حلوه انبسطوا كثير خصوصا انهم من زمان ماقعدوا مثل هالقعده
شغلت ليان الاغاني والبنات استهبال ورقص راحت امل عند المرايه الكبيره اللي بالممر وقفت تعدل نفسها بالمرايه وهي تدندن وتتمايل مع صوت الاغاني
مانتبهت للعيون اللي تطالعها بصدمه وش هالجمااااااال هذي بشر ولا وش تكون !! تحرك عيب عليك تطالع البنت كذا لكن فيه شي يمنعه مايبالغ لو قال اجمل بنت شافها بحياته لا بتلفزيون ولا بكل الدول اللي سافرها شاف مثلها
بلع ريقه وهو يشوفها تتمايل وتغني بصوتها الحلو وريحة عطرها منتشره فَ المكان تعوذ من ابليس حاول يبعد عيونه حاول يمشي لكن مافيه فايده وقف على وضعه يناظرها بدون لاتنتبه له وين شايف هالعيون وين سامع هالصوت
التفتت والتقت عيونها بعيونه وشهقت بقوه وهي تشوف الرجال الوسيم اللي واقف قبالها ويناظرها هذا اللي شافته ذاك اليوم بالسوبر ماركت هي تدري ان ليان عندها اخو اسمه راكان بس ولا مرا شافته طول عمرها تروح وتجي بالسواق واخوانها قليل يجون للبيت
رجلها تجمدت للحظات حست على نفسها وركضت بسرعه لداخل وهو عيونه ظلت معلقه مكان مادخلت وصدره يطلع وينزل بسرعه من هذي اكيد وحده من صديقات ليان سمعها تقول صديقاتها بيجون اليوم
استوعب ان صار له وقت مو قليل واقف في مكانه وماتحرك مشى وهو يفكر ياترى من هذي انا متاكد انها نفسها اللي شفتها ذاك اليوم بالسوبر ماركت
وقفت امل قبل لاتدخل للبنات وهي تهدي نفسها وتهوي على وجهها الاحممممر دخلت للبنات وهي ترسم ابتسامه على وجهها عشان لايلاحظون شي
بس على مين وهم حافظينها عدل قالت مها : شفيك امول وشفيه وجهك مولع كذا
ارتبكت وقالت تصرف : آآآآ مافيني شي بس جاتني البسه (القطه) حقت ليان وانتوا تعرفوني اخاف من البسس
ناظرتها ليان باستغراب لان البسه فَ غرفتها بس فهمت نظرات امل وسكتت وقررت تتكلم معاها بعدين
كملوا قعدتهم وامل مو على بعضها والله لو درى سعود انه شافني بهالمنظر ذبحه لا وواقف يناظر بعد جد مايستحي وكانت طول الوقت تفكر ومو معاهم
مر الوقت بسرعه وصار لازم يمشون لبسوا البنات عباياتهم وليان همست لامل : امول شفيك وش صاير
امل بهمس مثلها : اقول لك بعدين
سلموا عليها وطلعوا وتوجهوا للبيت عشان يتاكدون من اغراضهم وينامون عشان بيمشون المزرعه بعد صلاة الفجر
نزلوا وكل وحده توجهت لغرفتها امل دخلت للبيت بهدوء وتوجهت لغرفتها والنوم ذابحها لبست بجامه لونها بينك كيوت وانسدحت ونامت بسرعه
صحت على صوت المنبه اللي يصحيها للصلاه مسكت راسها بتعب فيها النوم تعوذت من ابليس وقامت توضت وصلت وبدلت ولمت كل اغراضها وقالت للخدامه تنزلهم
نزلت لقت جدها وفيصل وريان راجعين من الصلاه قربت وباست راس جدها وهي تبتسم : صباح الخير
جدها بحب : صباح الورد والفل لاحلى ورده
ريان : لااااااا وش هالكلام نغار احنا كذا
جدها وهو يبوس راسها :هذي الغاليه العزيزه
امل وهو تبوس يده : الله يخليك لنا ولا يرحمنا منك
قعدوا وريان راح يشوف السياره ويتاكد من كل شي سولفوا شوي لين سمعوا صوت البنات يدخلون
صارت الصاله ازعاج والخدامات يشيلون الاغراض يودونهم السياره
بعد ماخلصوا وجهزوا كل شي الكل طلع والدنيا بدت تنور والشمس طلعت تعلن عن بداية يوم جديد وكان الجو حلو وفيه نسمات منعشه
امل دق قلبها بقوه وهي تشوف سعود واقف ورافع ثوبه رابطه على خصره وشماغة على كتفه ولابس نظاره شمسيه وشعره منكوش بشكل طبيعي وشكله طالع خياااااال
التفتت وطاحت عيونه بعيونها اللي لونها وضح اكثر مع الشمس والتعقيده اللي كانت فَ حواجبه انفتحت وتحولت لأبتسامه ارتبكت امل من ابتسامته ونزلت راسها
ابتسم اكثر يموووت على خجلها يحبها يعشقها ويعشق الارض اللي تمشي عليها مافيه كلمة حب تعبر عن حب سعود لا امل وده يناظرها لاخر يوم بعمره ولا يشيل عيونه من عليها
دقتها مها وهي تهمس : اموووول امشي وش فيك جمدتي بارضك
مشت امل بسرعه ومرت جنب سعود وهي منزله راسها بَ الارض ومتعلقه في مها كتمت مها ضحكتها على امل اللي بتموت من الحيا
التفتو على صوت وعد ووليد اللي يتهاوشون كالعاده
وليد : يابنت الناس اقصري الشر وانقلعي عن وجهي الحين
وعد : وش فيك انت ليكون تحسبني ميته على وجهك تراني جايه عشان مشاعل
وليد : خذي مشاعل وانقلعي انتي وياها مكان ثاني مابيكم معاي روحو مع السواق
فهد : وبعدين وعد استحي على وجهك وانقلعي هناك
وعد ضربت رجلها بَ الارض بقهر : مابي لاتصارخ علي عشان هالغبي
فهد بعصبيه : وعد ورب الكعبه لو ماتروحين من وجهي الحين لاكسر راسك انقلعي اشوف اركبي سيارتي
مشت وعد بقهر وهي تسب وتلعن صرخ فهد : بتسكتين ولا شلون
وعد : ماراح اسكت هو الغلطان وانا اللي اتهزئ
مسك فهد كوره قريبه منه ورماها عليها بقوه لكنها ركضت وجات الكوره في وجه مها
مسكت وجهها بالم وفهد قرب منها بسرعه بخوف وقال : مها تعورتي
مها تعورت بس ماتبي تبين : لا
فهد عض شفته يدري انها متالمه وتكابر لان الضربه كانت قويه : اسف ماكان قصدي كنت برميها على هالزفته وعيد
مها بخجل من قربه منها : لا عادي
قرب وهمس بدون لاحد يسمع : تنكسر يدي اللي رمت الكوره
ولع وجه مها والتفتت تدور امل اللي ركبت السياره من زمان
مشت بسرعه للسياره اللي فيها امل ومرام وقلبها يدق بقوه من نظرات فهد لها حطت يدها على قلبها وهي تهمس : فديته
توزعوا فَ السيارات ومشو اللي كمل نومه واللي يسولف واللي يقرا كتاب لين وصلوا
نزلوا والبنات راحوا يرتبون اغراضهم في غرفهم المخصصه والخدامات والحريم راحوا يجهزون الفطور
جهزوا الفطور والنبات فطروا برا والجو كان يجنن وسوالف وضحك واشكالهم تضحك فيهم النوم
بعد الفطور الكل نام عشان يقعدون مع صلاة الظهر
مرام تقلبت حاولت تنام ماجاها نوم راحت تشوف امل ومها لو صاحيين شافتهم نايمين تاففت وطلعت تتمشى شوي بما ان الكل نايم
تمشت على العشب الاخضر والهواء يداعب خصلات شعرها كانت تدور وتغني بمرح لكن وقفها صوت كلب (اكرمكم الله) جمدت بارضها وهي تشوفه قاعد على الارض قدامها
تجمعت الدموع بعيونها وتخاف اذا تحركت يلحقها وقفت وهي تقرا الاذكار تموت خوف من الكلاب عضت شفايفها وش تسوي الحين حتى جوالها ماجابته
حست بشي يتحرك وراها انتفضت من الخوف اكيد كلب ثاني حط يده على اكتوفها وهي صرخت بخوف التفتت بسرعه شافته عبد العزيز
عبد العزيز وهو كاتم ضحكته عليها :بسم الله عليك حبيبتي شفيك
مرام تحمد الله انه جاء تعلقت فيه وقالت بخوف وعيونها مغرقه : وخر هالكلب عني
عبد العزيز : امشي معاي مايسوي شي
مرام تهز راسها بخوف : لالا اذا مشينا بيلحقنا
شالها عبد العزيز بسرعه وخفه وهي ولع وجهها : عبد العزيز نزلني
عبد العزيز مبسوط : لا مو توك خايفه من الكلب
مرام : عز خلاص مو خايفه تكفى نزلني لايشوفنا احد
عبد العزيز : ويشوفونا خير ياطير تراك زوجتي بس باقي العرس وتراه بعد شهر
طلعت عيون مرام : بعد شهر ليش ماحد قال لي
عبد العزيز وهو يقرب منها قال بهمس : انا ماقدر اصبر اكثر من كذا اخاف اتهور واجيب العيد عشان كذا قدمت موعد الزواج
مرام بتموت من الاحراج وهو شايلها بهالطريقه ووجهه قريب من وجهها قرب منها اكثر وهي لفت وجهها بسرعه وهي تقول : خلاص راح الكلب نزلني الله يخليك
عبد العزيز هز راسه بلا ومشى فيها بخفه وصار يتمشى فَ المزرعه الواسعه وهو يغني بصوت عذب بعد فتره استغرب من هدوء مرام ناظرها شافها نايمه بسلام وكانها طفله
باس راسها وابتسم بحب ورجع متوجهه للفله اللي بوسط المزرعه بس تذكر شلون بيوديها غرفتها يمكن فيه احد من البنات داخل قرر يوديها غرفته توجه لغرفته وسدحها بالسرير وانسدح جنبها ضمها بحب ونام معاها
الكل صحى مع اذان الظهر صلوا وقعدوا فَ الصاله والحريم يجهزون للغداء
امل : مها وين مرام مو بغرفتها
مها : مادري يمكن بَ الحمام(اكرمكم الله)
امل : مو بَ الحمام وجوالها بَ الغرفه
مها بتفكير : يمكن طلعت شوي تتمشى
امل بلامبالاه : يمكن المهم شخبار وجهك بعد ضربت اليوم هههههههههههههه
مها بهمس : عسل على قلبي اول مرا وعد تسوي شي زين بحياتها ههههههههههههههه
اما عند مرام فتح عيونها وهي مو مستوعبه هي وين شافت صدر عبد العزيز العاري لانه مايعرف ينام الا كذا وشهقت وقامت بسرعه عبد العزيز كان قاعد ومبتسم : شفيك
مرام بخوف : آآآآ انا وش جابني هنا وليش نايم معاي كذا
عبد العزيز يمد يده : اهدي قلبي تعالي اقعدي انتي نمتي وماعرفت اوديك داخل جبتك هنا
مرام : طيب ليش نايم معاي بهالشكل - تجمعت الدموع بعيونها - انت سويت شي
عبد العزيز ابتسم : ماسويت شي مو واثقه فيني يعني
تطمنت مرام شوي وتنفست براحه وقالت : طيب يلا انا بروح
عبد العزيز بخبث : طيب مالي بوسه قبل لاتروحين - واشر على خده -
عضت مرام شفايفها بخجل وقربت منه بتبوس خده لكنه لف وجهه بسرعه وجات البوسه بمكان ثاني ضحك عبد العزيز بقوه ومرام وجهها شب ضو وتتمنى الارض تنشق وتبلعها
عبد العزيز : ههههههههههههههههههههههههههههههههه يالبيه عيديها تكفين
ناظرته مرام بقهر وطلعت بسرعه وقلبها يدق بقوه وقفت تهدي نفسها قبل لاتدخل دخلت لمقلط الحريم الثاني عشان ماتقابل احد
لكنها سمعت صوت امل ومها يضحكون حمدت ربها مافيه احد غيرهم دخلت وهم ناظروها باستغراب واضح انها كانت نايمه ووجهها احمر
قربت امل منها وهي تسالها : مها شفيك وين كنتي - ناظرتها بشك - توك صاحيه من النوم
مها : تكلمي وش فيك ساكته ووجهك احمر ووينك مختفيه - سكتت شوي وشهقت - كنتي نايمه مع عبد العزيز
تجمعت الدموع بعيون مرام من الاحراج شهقت مها وهي تحط يدها على فمها بصدمه : نمتي معاه
بكت مرام وضمتها امل : حبيبتي اهدي شفيك واذا نمتي معاه تراه زوجك ماعليك منها
مها بعصبيه : زوجها بس مابعد يتزوجون تكلمي صار شي قرب منك
مرام هزت راسها بقوه : ماصار شي
تنفست مها براحه وقالت : طيب شفيك الحين خلاص اهدي بس انتبهي مرا ثانيه ترا انتي حلاله واذا شافك قدامه اكيد يعني ....
قاطعتها امل : خلاص مها البنت ماسوت شي غلط واذا نامت مع زوجها مافيها شي وهذا هي قالت لك ماصار شي
مسحت مرام دموعها وهي تقول : معها حق انا غلطانه بس وربي مو قصدي وترا زواجي بعد شهر
انبسطوا البنات كثير وصاروا يستهبلون ويقطون عليها قطات وهي وجهها مولع
دخل فارس ولد منال وركض لخالته مرام اللي ضمته بحب : جيت حبيبي وحشتني
دخلت منال وهي توها جايه سلمت عليهم وسولفوا شوي وبعدين قاموا وقعدوا مع البنات فَ الصاله الرئيسيه
كانوا مبسوطين ويضحكون لين دخلت مرت عمهم ام فهد ووراها بناتها وقالت بصوت عالي : السلام عليكم
الكل : وعليكم السلام
تقدمت هي وبناتها وسلموا ببرود ومن طرف خشمهم وكان احد غاصبهم على الجيه
ضاق خلق امل بعد ماكانت مبسوطه وحاولت تكون طبيعيه وترسم ابتسامه على وجهها
جهز الغدا وتغدوا وبعدها طلعوا كلهم برا كانوا الشباب قاعدين يستعدون بيلعبون كوره ومقسمين نفسهم فريقين
كشرت امل وهي تشوف طلال واقف معاهم ويدور عليها بعيونه اول ماشافها ابتسم والضحكه شقه حلقه ومانتبه لنظرات سعود اللي وده يقطعه باسنانه
سعود يدري ان طلال من زمان يحب امل وماتزوج للحين عشانها دايم يقول لامه اخاف اظلم البنت اللي باخذها وانا افكر بغيرها
طلال رجال والنعم فيه وطيب عكس امه خواته ويحب امل من كل قلبه وصادق بحبه لها وهالشي من زمان
قرب ابو عبد الكريم هو يقول للبنات : شوفوني يابنات وانا العب مو تقولون كبر ومايعرف يلعب شوفو شلون بكسر راسهم
ضحكوا البنات عليه وهو قال : ضحكتوا بليا ضروس تحسبوني امزح انا انشط منكم كلكم
منال : الله يعطيك الصحه والعافيه يبا فديتك شيخ الشباب انت هههههههههههههههههههههه
قرب راشد زوج منال وهو يقول بمزح : افاااا تغازلينه وقدامي بعد
ابو عبد الكريم : تغار مني يابو فارس وانت مصدق اني شيخ الشباب هههههههههههههههههههههه
راشد يبوس راسه : ههههههههههههههه الله يطو لنا بعمرك
ضحكت منال بدلع وقالت : ههههههههههههه الله يخليكم لي ثنينكم بس خلكم بفريق واحد عشان اشجعكم
غمز لها راشد وقال يبي يحرجها : انا بعد هالضحكه دخت وصدقيني ماراح اعرف العب
ضحكوا البنات على منال اللي انحرجت وقالت تضيع السالفه : رح يلا بيبدون اللعب
مسك فارس يد ابوه : بلعب معاك بابا
راشد خربط شعره : رح حق امك بابا لايحسبونك الكوره ويشوتونك ههههههههههههههههه
راح فارس وقعد بحضن امه وهو زعلان وماد بوزه
مشاعل : فديت هالبوز انا تعال ياروح خاله حاصل لهم تلعب معاهم اصلا
بدو الرجال يلعبون كوره والبنات تشجيع وحماس وكل ماسجلوا هدف صراخ وتصفيق
بعد فتره دخلوا الحريم والرجال الكبار يتقهوون ويسولفون ومابقى الا الشباب والبنات
كانت امل منزله راسها وتحوس بجوالها وبين كل فتره وفتره ترفع راسها وترجع لجوالها
سجل سعود هدف وصرخوا البنات بحماس ومعاهم امل
ناظرتها عبير بنت ابو فهد باحتقار وقالت : اعصابك كل هذا تشجيع لسعود
كانت امل بترد بس مها قالت بسرعه : عبير اقصري الشر واسكتي
عبير برفعة حاجب : انتي اسكتي ماكلمتك انا اكلم -قالت باستهزاء - المزه
امل : انسه عبير ترا انا جايه استانس اكرمينا بسكوتك
عبير باستهزاء : هه استانسي
مسكت امل اعصابها لاتكب كاس العصير اللي بيدها على راس عبير
سحبتها مها وهي تقول : قومي امل
قاموا وقوموا معهم مرام وراحو يتمشون بعيد عنهم
قالت امل بضيق : انا قايله انهم بيطينون عيشتي
مرام : امول وش قلت لك في البيت هم والجدار واحد من اليوم وهالسوسات يحاولون يسمعوني كلام ولا هموني حرقت دمهم سويت نفسي ماسمع
مها : صادقه الحقران يقطع المصران
امل : تعالوا بس نروح الاصطبل من زمان عنه
مشوا البنات للاسطبل وابتسمت مها ولمعة عيونها بحماس وهي تشوف الخيول
فصخت عبايتها وعطتها للبنات : امسكوا
مرام : هي بنت بلا هبال وش بتسوين
مها بحماس : بركب
وقبل لايتكلمون البنات ركضت وركبت بمهاره على الفرس الاسود هو مميز بينهم بلونه وشكله
تمشت فيه شوي والبنات يناظرونها وينادونها تنزل ضربت الفرس عشان يزيد سرعته شوي
امل صرخت : مها بلا استهبال هذا ماينمزح معه يلا انزلني
ماسمعت لهم وهي كل شوي تضرب الفرس يزيد سرعته فجاءه هاج الفرس وصار يتحرك بقوه
حاولت مها تهديه بما انها عندها خبره شوي كانت تجي دايما مع جدها اللي علمهم كل شي عن الخيل
لكنه كان يزيد حركة ويضرب رجله بَ الارض بقوه ومها مو قادره تتماسك صرخوا البنات بخوف
ومانتبهوا لفهد اللي جاي يركض ونط من السرج بمهاره وقبل ماتكون مها بَ الارض كان ماسكها
كانت مغمضه عيونها بقوه ومستعده لضربه قويه ممكن تكسر ضهرها لكنها استغربت انها صدمت بجسم جامد وطاحت معاه على الارض
كان فهد على الارض ومها طايحه فوقه ومن الخوف تحس رجلها انشلت مو قادره تقوم ومو مستوعبه انها نجت من هالطيحه
ناظر فهد وجهها القريب وقلبه يدق بجنون خصوصا انها بدون عبايه تعوذ من الشيطان وقام بسرعه ووقفها معاه : انتي بخير
مها شوي وتبكي من الاحراج والرعب اللي كانت فيه من دقايق هزت راسها بدون لاتتكلم وبلعت ريقها ودموعها تجمعت وفهد يحاول يغض البصر عنها
قربوا البنات بخوف : مها صار لك شي
مها هزت راسها بنفي وقالت باحراج وصوت مبحوح : شكرا فهد
فهد : المره هذي الله ستر المره الجايه انتبهي لاتركبين فرس الا بوجود رجال معاك لا وماخترتي الا ادهم - اسم الفرس- اشرس واعند فرس موجود ب الاصطبل
نزلت دموع مها اللي كانت ماسكتها وقطت وجهها بيدينها وهي تشهق حطت نفسها بموقف محرج من لقافتها وكانت بتتكسر لولا الله ثم فهد
ضمتها امل وهي تهديها : مهاوي حبيبتي خلاص حصل خير وش فيك
فهد: خلاص روحو خلوها ترتاح وشربوها ماي هي مخترعه من اللي صار
عطوها البنات عبايتها تلبسها ومشو معاها وهم يهدونها
مرام : خلاص مها انتي ليه تبكين الحين
مها : احراج مرام احراج وربي وش بيقول عني هبله وملقوفه
كتموا البنات ضحكتهم عليها عشان ماتذبحهم ودخلوا بسرعه لداخل قبل لاحد يشوفها وهي تبكي
كانت فجر قاعده بالصاله واول ماشافتها قالت بخوف : مها شفيك
مها تمسح دموعها : مافيني شي
فجر قربت وقالت بحنان : شلون مافيك شي وانتي تبكين قولي لي انا اختك ليكون وحده من بنات عمي ابو فهد مضايقتك بكلمه ولا شي
ضمتها مها : صدقيني مافيني شي متضايقه شوي بس لاتشيلين هم
ارتاحت فجر شوي هذي اختها الوحيده وماتحب تشوفها متضايقه صحيح تتهاوش معاها دايم ويتضاربون بس لما احد ثاني يضايقها او يدوس لها على طرف تذبحه
حاولت مها تهدى وراحت تاخذ شور يروقها شوي وخصوصا انها توسخت من التراب
قعدوا مرام وامل على الكراسي الطويله فَ المطبخ يشربون عصير وهم مايبون يطلعون برا ويقابلون عبير واختها وامها
لكن وين يرتاحون من وجه عبير اللي دخلت وهي تتلعك بمياعه وقالت : اووه انتوا هنا تعالوا اقعدوا معنا ترا مانآكل
تأففت امل وهي تتعوذ من الشيطان : يابنت الناس شتبين انتي
عبير بلعانه وتجرد من الانسانيه : ايه بنت ناس وعندي ام وابو مو مثل بعض الناس الله لايبلانا
امل لين هنا وانفجرت قامت لعند عبير بسرعه ومرام تنآظر عبير بصدمه شلون تتجرأ وتقول هالكلام
وقبل ماتنطق امل جاهم صوت قوي ومرعب : عبير وش هالكلام
التفتت عبير وشافت اخوها طلال واقف وعيونه يتطاير منها الشرر وقف قلبها من الخوف وصارت ترجف تعرف اخوها لاعصب مايعرف احد وخصوصا انها غلطانه على امل
قامت مرام بسرعه وسحبت امل لانهم بدون عبايات مشت امل معاها مسيره مو خيره وبالغصب ماسكه دموعها وودها تقطع عبير
وقفت مرام عند باب المطبخ وهي ماسكه امل وعندها فضول تعرف وش بيسوي طلال في عبير
قرب طلال من عبير وشياطين الارض كلها تتنطط قبال وجهه شد شعرها بقوه وهو يقول بين اسنانه : وش هالكلام اللي قلتيه يامسودة الوجه
عبير بصراخ : اااااااااي شعري طلال تضربني عشان شينة الحلايا
طلال يزيد من شده على شعرها : ياليتك تصيرين نصها ولا حتى ربعها ورب العزه والجلال ياعبير ان ماخليتي امل في حالها لاكون موريك شغلك ولا احد بيقدر يقوف في وجهي
بعد عنها بقسوه وهي صرخت ودموعها بدت تنزل : تراك زاعجنا مع هالشينه اكيد ساحرتك الا الا اكيد ساحرتك ولا ليش تحبها هالكثر
طلال من بين اسنانه : عبير اسكتي عني الحين احسن لك لا وربي ادفنك في ارضك صدق انك قليلة اصل لكن انا اللي بربيك
طلع وتركها مقهوره وتاكل في عمرها : الله ياخذك انت وهالكلبه
ضحكت مرام بشماته وقالت بصوت عالي متعمده : تستاهل وربي طلال كفو رباها والله انك مو سهله امول كل هذا عشانك
امل المقهوره بس ضحكت عناد في عبير :هههههههههههههههههههههههه تستاهل وهذا اقل من جزاها بعد
سمعتهم عبير وولعت شوي وتقطع شعرها من القهر طلعت بسرعه تشم هوا قبل لاتحرق المزرعه باللي فيها
جات لهم مها بعد ماخذت لها شور وروقت : خير ضحكوني معاكم
مرام بحماس : فااااااتك يامها فاتك
مها بحماس اكثر: ايش اللي فاتني
سحبتها مرام وقعدت تقول لها السالفه ضحكت امل على حماسهم رغم ان كلام عبير جرحها وضايقها كثير الا ان طلال برد قلبها
تنهدت وهي تفكر والله طلال رجال والنعم فيه وسامه ورجوله وهيبه بس خواته وامه مخربين عليه الله يوفقك ويرزقك ببنت الحلال اللي تسعدك وتصونك
تضايقت هي تدري انه يحبها بجنون من زمان بس هي ماتشوفه الا اخو ماودها تجرحه بس شتسوي هي قلبها وعقلها مع سعود ولد عمها
صحت من تفكيرها على صوت مها ومرام وهم يضحكون قالت وهي تناظرهم : الحين هذي اللي بتموت من الصياح قبل شوي
مها : ههههههههههههههههههههههههه ليش تذكريني ياخي وربي احراج
جات سديم الصغيره لامل وهي تبكي ضمتها امل وهي تقول : حبيبتي شفيييييك
سديم ببراءة الاطفال : فارس وسلاف يقولون اني صغيره وبزر
ضحكت امل من قلب : هههههههههههههههههههههههههههههههه عاد من كبرهم الحين
سديم : ماحبهم انا دايم يلعبون مع بعض وانا يقولون لي بزر
مرام :هههههههههههههههههههههههه فديتهم والله الزعنانين
امل : عيب حبيبتي لا تقولين ماحبهم انتي شاطره وتحبين كل الاطفال شقلت لك انا ذيك المره
سديم : بس اللي مايحبني ماحبه
مسحت امل دموعها وضمتها بحب :انتي مين مايحبك انتي عسل شفتي العسل شلون حلو والناس تحبه هذا انتي
سديم بتكشيره : انا مااحب العسل طيب
ماتوا البنات ضحك على براءتها وهي مدت بوزها وقالت : ماقلت شي يضحك
طلعت عيون مها : اخس يَ النتفه يطلع منك هالكلام مالوم فارس وسلاف يوم اجحدوك
رجعت عيون سديم تدمع وقالت لامل : شوفيهاااااا
امل ضربت مها على كتفها : اسكتي عن سدومتي مالك دخل فيها اصلا حاصل لهم تلعب معاهم -مسكت يدها - قومي حبيبتي انا العب معك
مسكت امل يد سديم وصارت تدور فيها وسديم تضحك بوناسه
مرام : اقول اقعدي لا تصفعين على وجهك انتي وياها
بعد فتره قعدت امل بتعب وقعدت سديم في حضنها وقفت سديم وسحبت يد امل : بعد بعد
امل : سدومه خلاص تعبت اقعدي
سديم : احسن بروح العب برا
امل : شف الكلبه جحدتني ههههههههههههههههههههههههههه
مرام ومها : هههههههههههههههههههههههههههههههههههههههههههههههههه ههههه
جات وعد بسرعه وقالت بحماس : ابشركم بعد العشاء بينقلعون بيت عمي بو فهد
مرام : مين قالك
وعد : سمعتهم يتكلمون برا وطلال يقول مالكم قعده هنا بس نتعشا ونمشي
مها براحه :الحمد لله بيفكونا من وجيههم نبي ننبسط صراحه
ابتسمت امل براحه وماتكلمت الحين بس بتاخذ راحتها

# انتهى