أبتسم لي

33

ام سالم كاعده على النار اشون بيه بعد اشوية وترجع اشوف وجه البين مها هاي الي تتوقع على أيده تخرب هيبته ..  نار وتسعر بكلبه لو تدري مجان طالبت بالطفله وغلست احسن اله ولا تدخل مها عليه جنه مرة ثانية ضلت تلوم بنفسه واحتركت حرك ...
.....
مها كملت شالت جنطه .
شافه سالم دخلت
مها:- السلام عليكم .
سالم:- وعليكم السلام والرحمه اشونج ام فرح عسى ما انغثيتي
مها:- لا ليش خوية !!!!!!!!
سالم:- يعني اعرف مو بخاطرج هذا الشي بس انشالله ترتاحين بهذا الوضع اعتقد احسن للكل . ويرضي جميع الاطراف
اني:-  اي
هو:- يلا وين ام علي خل نترخص منه وصدك ودعت اهلي وطلعنا .....
... ضليت صافنه على سيارته ما توقعت بيوم اصعد.وياه بيه بتي تبارك طفرت كعدت بالصدر واني والبقية كعدنا بخلف ....
نزلنا من السيارة وكبل اجه صبي يشتغل عدهم
اخذ الجنط من ابو سالم ..
دخل وينا للحديقه .
اني تعثرت بخطاي ما اتوقعت ارجع اخطي بهذا المكان  .
ابو سالم :- تفضلي ام فرح
اني:-انتبهت ومشيت وراه وشايله بيدي ترف
ترف نسيت اوصفه الكم حيل ضعيفه وترفه واخاف عليه من نسمه الهوى وحتى اول ما جبته سويتله فحص عام اخاف  وارثه مرض ابوهه ...
الصبي وصل الجنط لباب البيت الداخليه وراح . اجه ابن حماي اخذهن ما يخلون عمهم يشيلهن ..
اول ما دخلت تلكتني ياسمين بالاحظان .
دخلت شفت بس مرت ابو سالم امه ماهيه ؟ .
سلمت عليه واخذتني ياسمين لغرفتي
.. غرفة الاطلال . كل شبر بيه يذكرني بأحمد ضليت ما طلعت منه واني اتخيل ايامي الحلوة بيه بس طلعت كلش قليله اكثره عذاب والم و دموع بسبب الحرمان والفقد الي عشته ويه أحمد ...
العشية الا كملت  تعديل ملابسي وغراضي بيه
ورحت رتبت غراض بناتي هم . 
وانوب طلعت . للمطبخ شفت  نسوان حمويني وبناتهم يحضرن العشا سلمت عليهم وعلى ام داود . اهنا دخلت ام وجيهه رحت اريد اخذه بالاحضان . بس هي دفعتني عنه
ام وجيهه:- دروحي روحي اخذتي رجلي وجايه بعين وكحه اتحضنيني
اني:- يا اشبيج ام وجيهه منو اخذ رجلج؟؟ .
ام وجيهه:- لعد ليش وافقتي هاا
اني:- وافقت يكتب عليه حتى اكدر اعيش اهنا بيت رجلي احمد ولو اريد رجلج جان اعتقد كتلكم اريد غرفه من بيتكم واكعد بيه مو ارجع اهنا
ام داود :- عيب اعليج وجدان اسكتي
ام وجيهه:-والله شسوي متت من قهري اشبيه وياخذ اعليه مرة اشو مال وجمال وحباله اجيب منا احبل منا .
اني:- من كالت جمال متت ضحك اني وجميع الحضور
وهي هم ضحكت على روحه .. طيبة كلش ام وجيهه بكلمتين  اشتري خاطره وام داود مرة زاهده الدنيا خطية  من ازوج عليه اول مرة  بعد ما يمهم اشكد ما ياخذ وهي خطيه لا طفل لا شي بس الشي الحلو انو سالم مخلي جهاله من مرته ام وجيهه(وجدان) يصيحونه يمة ويحبوهه ....
كملنا صب واجت اللحظه الموعده اشوف بيه عمي و #عمتي شااااايلة هم شوفته اكثر من عروسه بليلة دخلته خهههه
صدك شلت صينية مواعين الزلاطه ودخلت شفته كاعد ع السفره حطيت الصينيه ورحت بست راس عمي وسلمت عليه نفسه ما متغير ودرت وجهي شفته كاعده هم انحنيت عليه بست راسه و كلت:-- اشونج عمه
هي ما كلفت نفسه ترد السلام دارت وجه وسوت نفسه تريد تاكل اني هم مادرت اله بال ولا ضجت . عباله راح تفشلني ماتدري هذا الموقف يصغره ويكبرني بنظرهم ابتسمت اله ورحت كعدت اكل ....
ثاني يوم  عندي دوام كمت بدلت وتعطرت ورحت طبعا اني ما ذابه الاسود ولا حافه حواجبي بس وجهي انضفه .. تريكت وجنت حايره منو يوصلني جان احمد خطيه يوصلني ويجيبني .. اهنا سمعت بسالم اجه يسلم على امه وابوه اني دخلت لغرفتي اخذت جنطتي وطلعت للحديقه اتمشى .
سمعت شخص ورايه كال
ابو داود:- اسبقيني للسيارة واني جاي وراج
اني التفتت شفته
اني:- هلا صباح الخير (حبيت افشله واذكره هو ما سلم)
هو:- صباح النور
اني:- ماريد ازحمك ابو داود اني اروح احب اتمشى اصلا
ابو داود:- على راحتج .
اني رحت . خنب هذا ماصدك غير يجلب بيه خنب شمشيني المسافه اشطوله وكله بساتين واني ما اندل اطلع من طرق مختصره تودي للشارع فارحت على طريق البساتين شسوي ..
كلت هسه ويطلع الي جلب ياااو يلي خنب شو خل اخذ الطريق ركض خاف يطلع حرامي لو خاطف لو هم جلب صدك ركضت همزين محد يشوفني  بس اريد اخلص الطريق .. ..
احس واحد يركض ورايه شنو اني أتهيئ لو صدك باوعت لورة صدك شفت واحد لابس دشداشه يركض ورايه خنببببببب ركضت وهو يركض يطلع شاب عشريني لو اقل . هو يركض اسرع مني لهذا قرب يوصلي  
اتقرب مني وجرني من ايدي . طبعا جانت الدنيا صبح و ضباب والشجر والنخل ظلالهم مخيم علينا ... الولد تعاي يحلوة ليش اتركضين
اني:-وخر ولك شنو اتريد
الشاب:- هههههههه  اشعندج اهنا شنو حراميه ؟
اني:- انجب و ولي من خلقتي وهدني لا و الله افضحك
الشاب :- ههه صيحي منا لباجر محد يسمعج
يتبع