أبتسم لي

14

نص الليل الا رجع احمد
اني جنت بعدني كاعده انتظره
احمدكعد وفهم مها على كل شي
مها ما حجت شي خافت تجرحه بس حيل ضاجت من اهله لان خدعوهه ....
نام احمد بعد ما خلص ضميره . وضلت مها كاعده تفكر بخيبة بخته للمرة الثانية تنخدع ويطلع مريض .... كامت لبست شاله وطلعت .. راحت للحديقة تتمشى ....
جان اكو قنفات  خشب قديمات محطوطات بالحديقه اني كعدت على وحده وضميت وجهي بدية ونزلت راسي على رجليه انحنيت وابجي
من مريض نفسي على مريض جسدي من دون النسوان اني انخدع ...........ياربي شنو اسوي حتى لو مثل ما كال  احمد مستعد يطلقني اشون  اطلك مرة ثانية واهلي اشون راح يتقبلون الامر .. والناس شخلصني منه؟؟؟
انسدت بوجهي كعدت ابجي ...
احس اكو حركه يمي
رفعت راسي وجان اشوف ابو داود.واكف يمي ومن الضوه الي معكوس على وجه شفت نظرة ماعرف شنو معناه يمكن اتدل على الشفقه او العطف هاي النظرة جنت اشوف بعيون ابوية من امي تقسى عليه اتمنيت ابويه عايش وغط راسي بحظنه مثل الطفل ....
سالم:- بدون ما يحجي مد مدنيله
اني::- ابسرعه مسحت ادموعي  بيدي وما اخذته
هو:- ليش كاعده اهنا هيج وقت
اني:- ماحجيت ماحب احجي واني توني باجيه صوتي يصير مختلف تماما تعرفون صوت الباكي ...
اني
سكتت وكمت وكوة حجيت :- تصبح على خير ..
ورحت لغرفتي اشويه ارتاحيت من بجيت ..
........
ثاني يوم الصبح لكت احمد كاعد يباوع اله وهي نايمة
احمد:- صباح الخير
مها:- صباح النور
احمد :-جوعان
مها:- اوك حروح اسويلك ريوك
احمد::-بيض وطماطة
مها:- اوك
رحت ممممم هاي اول مرة ادخل المطبخ لوحدي طلعت طاوة كرانيت مممم ابد ما شايفه منه والطباخ اويلي ترة الطباخ الي جان عند هاشم مو طباخ سكروبه.
سويت الاكل وحطيته بصينية بس اني جنت ما اشتهي اكل ...
وديته اله
احمد:--- جان بالصالة كاعد
اني جبت الاكل يمة
احمد:- هاي شنو ؟ وانت وين كلاصج
اني:- اني مااشتهي
احمد:- تعاي اكعدي بصفي ...
اني كعدت يمه وهو بده ياكل .. فجاءة احمد حط لكمة بحلكي
احمد:- اكلي الباارحه ما اتعشيتي وهسه هم يلا اكليه كله
اني كوة جبرت نفسي وبلعته .. وشربني من كلاصه شاي ..
وانفتحت نفسي وية احمد اول مرة احد يوكلن يجفاف عاطفي الله وكيلكم اجيت اكل ايد الرجال من كثر شعوري باني مهمة عند شخص
بهاي الاثناء دخل سالم كتلكم ابيوتهم مفتوحه على البيت الجبير الي احنه عايشين بيه ..
جان احمد يحط اللكمة بحلكي ويدلع بيه مثل الطفله يشاقه وياي ودخل علينا ابو وجه العبوس احمد من احراجة دخل اللكمه حيل بحلكي ونزل ايده ..
سالم:- صبحكم الله بالخير
احمد:-صباح النور
اني:- صباح الخيرات ..
كمل اكل احمد طلع واني هم وديت الصينيه للمطبخ وسالم سلم على امه وابوه وراح للمدرسة طلعت من عادات سالم ما يطلع الصبح الا ما يسلم على امه وابوه...
...............
العصر كاعده بالحديقة وصافنه على جمال منظره العصريات والعصافير تزقزق ..
دخل احمد و وياه امي واياد ومنى وبنااااتي متت من الفرح
طفرت حظنت بناتي يكلك صارلي عمر ما شايفتهم ..
امي:- عيني واحنه مالنا معزه عندج اتحظنينا
اني حظنت امي وكلت:- اكيد يبعد روحي
وسلمت عليهم ..
وبعدين اجت عمتي دخلتهم طبعا عمي دومه مو بالبيت بعد شيخ عشيره ..
بناتي راحن يلعبن بالحديقه واياد بالديوانية ويه احمد ..
ضلينا اني وامي ومنى
امي: - ها يمة عساج مرتاحه اهنا
منى :- بشرينا امورج اشونه وغمزت
اني:- تمام الحمدلله
امي:- وعيالج مرتاحه وياهم
اني:- لحد الان زينين
امي :- انشالله دومكم
اني:- اكوم اسويلكم شي اشربوه وكمت ومنى لفت عبايته عليه وكامت ورايه
منى:- تعاي تعاي اشبيج
اني:- اشبيه
منى:- ينعرفلج انت ... اشو ضايجه وتكولين شي وتعابير وجهج تكول شي شنو الفلم هاا
اني:- لا ماكو شي مناوي كلشي تمام
منى:- اهاا خوش .... بس هذا احمد مبين معدل هو اجه واخذنا الج كال مها مفتقدتكم حيل وها صدك يوم الجمعه عزمنا نجي يمكم على الغده
اني اها صدك
منى:- اي ها صدك حطيت كلشي يخص البنات بالجنط احمد كال اريدهم مراح يرجعن ويانه
اني فرحت حيل من احمد هيج سوة عمودي .. 
...
مرت ايام وليالي بديت احبه لأحمد جان طيب كولش وياي والبنات حبوه حيل واني صرفت نظر عن   فكرة الطلاق ماريد منه شي غير الي الله قسمه الي مو مهم او هذا الي حاولت اقنع نفسي بي حتى اكمل عمري مع احمد ...