Deviltale [Completed]

Deviltale [#19]

NINETEEN

“Ladies and gentlemen, welcome to the 2011 Student council Meeting de Avance!” sabi ni Liel dun sa stage. Oo. Meeting de avance na at bukas, panalo na kami sa student council election. Bwahaha. 

“Today, we’re going to get familiar with the platforms of the two parties competing as the school’s council. ” sabi naman nung nerd na vice president.

“Exactly. But before that, I want to hear you guys make some noise!”  Huminto si Liel dahil sumigaw yung mga audience.

“Alright! So who among you guys are supporting the Party in the USA?”tinapat ni Liel yung mic niya sa audience. Walang sumigaw. Bwahaha. Joke. Meron naman. Yung mga lalaki. Maganda naman kasi sila Yulary  pwera lang kina Goldy na Secretary nila at Cynthia na batch representative.

“Nice! How about  for the Party Pilipinas?” sumigaw lahat ng babae sa auditorium sa sinabi ni vice nerd. Bwahaha. No match sila Yulary samin. 

Teka lang. Di kami nagisip ng party name kaya wag niyo kaming sisihin kung korni. Bwahaha. [A/N: Wag din ako! Kinahihiya ko ang naisip ng utak ko. Lol. Pero ayos na yan kesa Party A and Party B. Lol. O mas ayos yon? Lol.]

“Ayos. Mukhang tie a?” sabi ni Vice Nerd na todo smile pa. Amp. Tie ba yon? Mas lamang kaya kami. Bwahaha.

“Mukha nga. Anyway, what are we waiting for? Let us get the ball roling and call on the running president of Party Pilipinas to present to us their party’s platform.” Nagpalakpakan yung mga tao tapos umakyat si Alexi ng stage at kinuha yung mic kay Liel. Mamaya pa kasi ipapakilala yung mga candidates pagtapos nung presentation kaya nakaupo pa kami dito sa may harap.

“Hey guys. I’m Alexi Henson, the running President of  Party Pilipinas and here’s our party’s platform.” Pinindot ko yung mouse ng laptop ko. Nawala kasi yung flashdrive ni  Alexi kaya pinadala namin to kay Manang G kaninang lunch. Ayos na nga sana dahil wala nang pangblackmail si Alexi sakin pero naalala kong inupload niya nga pala sa 4shared yon. Tsk. Sayang.

Nagplay na yung powerpoint habang nageexplain si Alexi nung mga objectives. Galing nga e.  Natural speaker talaga siya. Alam niyo yung mga taong pag nagsalita, papakinggan talaga? Isa si Alexi dun.

“And here are our proposed events for the year.” Pinindot ko ulit yung mouse ng laptop ko. Inexplain naman ni Alexi yung mga mangyayari sa tatlong events na yon. Dapat nga lima yon kaso kj ng school at hanggang tatlo lang daw pwede. Idadagdag lang kasi yon sa mga annual events ng school. 

Pagtapos magexplain ni Alexi, pinapindot na niya yung next slide. 

Pagpindot ko, may nag-play na video kaya  nag’woh’ yung mga tao. Ako naman, nataranta at inexit agad yung powerpoint presentation. WTF? Bakit may ganon dun? O.O?

Tinignan ko si Yulary na umiiyak  tapos tumakbo siya palabas ng auditorium. Si Alexi naman, halatang nagulat sa powerpoint at sinundan siya.

“Like, Oh my Godliness. You guys are like, such majorlycheaters. That’s so much of a foul  strategizing. I hope yourhappiness overloads.” Sabi ni Goldy sa may stage. Ano daw?  O.O?

Nag-boo yung mga tao pagkasabi nun ni Goldy tapos nagchant  sila ng ‘Party in the USA’. 

“Play mo ulit para manahimik sila.” Sabi ni Gyptian nang patawa-tawa sa tabi ni Izzard. Di ko lang siya pinansin tapos tumayo ako at sinundan sila Alexi.

Paglabas ko ng auditorium, nakita ko agad sila Alexi na naguusap sa may tapat ng hagdan.

“Yulary. Di ako yung naglagay nun. Believe  me.” sabi ni Alexi habang hawak yung braso ni Yulary. 

“Yeah right.” Pumiglas si Yulary kay Alexi  habang umiiyak padin. 

Pagkapiglas niya, tumakbo siya pababa. Tapos nun, may parang sumigaw kaya pinuntahan agad siya ni Alexi. Sumunod naman ako. 

PUT@NGENA. Basag bungo ni Yulary. 

“Aero, dalin mo siya sa clinic, bilis.” Binuhat ko si Yulary at nagmadali papuntang clinic. Tinawag naman agad nung nurse yung resident doctor tapos dinala nila si Yulary sa operating room.

Pagkapasok nila sa OR, tinignan ko si Alexi na umiiyak.

“Ayos ka lang?” tanong ko. Ngayon ko lang kasi siyang nakitang umiyak kaya parang naawa ako na ewan. 

“San ba galing yung video? Wala naman dapat dun yun e.”reply niya saken. Amp. Pinagbibintangan ba ko neto?

“Teka. Wala akong alam dun. Di ko nga ginalaw yung powerpoint mo simula nung ginawa mo yun e.” Totoo naman. Hindi ko nga alam yung file name nun e. 

Tinignan niya lang ako  tapos parang nag-isip siya. Nung sasagot na siya, biglang dumating si Tita Mich sa clinic.

“Aero, ano na namang kalokohan tong ginawang mo? This is way overboard.” Sabi ni TitaMich saken na galit yung expression. Amp. Ba’t ako?

Dumating din sila Liel nun kasama si Izzard at Zain pati yung barkada ni Yulary. Mas nabadtrip tuloy ako kasi magkaholding hands pa yung magshota. Tsk. Oo na. Alam ko dapat di na ko maapektuhan pero di lang naman instant ang pagmove on e.

“Anong klaseng trip yon, pre?” Tanong ni Izzard. Di ko lang siya pinansin at lumabas na ko ng clinic.

Pucha kasi e. Ang ayoko sa lahat yung pinagbibintangan ako sa isang bagay na di ko ginawa e. Porke't sakin ba yung laptop, ako na may pakana? Kitid din mag-isip ng mga tao minsan e.  

Lumabas na ako ng campus at sumakay ng kotse ko. Nung inistart ko na, biglang huminto agad. Amp. Wala ng gas. 

Dahil badtrip nga ako, lumabas ako ng kotse  at naglakad. Saan ako pupunta? Di ko alam. Basta gusto kong malayo sa lugar na to.

Habang naglalakad ako, may nabangga akong matabang taga ibang school. Magsosorry nga dapat ako pero naalala kong eto yung matabang nangbastos kay Alexi dati.

“S-sorry.” Sabi niya tapos nagmadaling umalis. Amp. Sayang. Sasapakin ko sana para mawala tong pagkabadtrip ko.

Naglakad lang ako hanggang makarating ako sa may park. Naalala ko yung punching bag na sinusuntok namin sa may playground nung bata kami kaya pinuntahan ko. Wala na kong pake kung magmukha akong ewan. Mawawala ba badtrip ko kung isisipin ko yon?

Pagdating ko dun, sinuntok ko yung punching bag ng madaming beses hanggang sa napagod ako at umupo sa may bench. Badtrip talaga!

“Kuya mayabang, nag-away kayo ni Ate Alexi?” tumingin ako dun sa nagsalita. Si Grei pala. 

“Ayus lang yan, wafu ka padin naman e.” Sabi naman ni Shei sa tabi niya kaya napasmile ako. Honest talaga tong batang to no?

Umupo silang pareho sa tabi ko. Si Grei sa left tapos si Shei sa right.

 “Batet ka ba sad, Kuya Aero?” tanong ni Shei. Naalala ko naman yung video dun sa powerpoint. PUT@NGENA.

Sino ba kasi naglagay ng sex video ni Yulary dun?