البارت الثالث والعشرون (23)
جنى ممدده على الارض بملابس الكليه انصدمت وماعرفت وش تسوي كل الي جا ببالها راشـــــــــــــــد
"يمكن لانها اتذكرت انه يغلي جنى بالحيل ويمكن لانه ماحد ساعدها في محنتها غيره"
وراحت تدور جوال جنى ولقيته في الشنطه الي طايحه على الارض
ودقت على راشد
راشد:هلا وغلا بجنى لايكون بس محمد جحدك
حور بخوف:ههههلا ررراششد احم وحاولت تستجمع قوتها:انا حور لقيت جنى طايحه على باب غرفتها وكملت بدموع
مو راضيه تتحرك راشد تعال بسرعه الله يخليك وبكيت
راشد ارتاع:يالله لبسيها عبايتها انا جاي في الطريق
وطار باسرع ماعنده
عند حور الي لبست جنى عبايتها وجلست تقرى عليها وهي خايفه
ومنهاره من الصياح خلاص مهي قادره خايفه على بنت عمها الي تعزها وتغليها ومهي عارفه تتصرف الخوف شّالها
جا راشد يركض وماطل فيها شال جنى وطار فيهاع المستشفى
وهناك اعطوها بخار لغايه مارجعت لطبيعتها وغير لها الدكتور الدوا وبلغ راشد انها مو منتظمه على الدوا وانه لها كم يوم ما اخذته
طالع راشد مقهور انه اهتم بنفسه والتهى بمشاكله عنها
مهما كان المفروض يطمن عليها ويعطيها اهتمام اكبر
وبعد ماخلصت من البخار جاب لها الدوا واخذها على السياره وحرك على البيت
حور لما راح راشد مع جنى طلعت للجناح وظلت تبكي على الكنب في الصاله وعيونها اتنفخت من كثر الصياح
تبكي خوفها على جنى وقهرها من الي هيا فيه ومن كل شي
راشد وصل البيت وطّلع جنى لغرفتها واعطاها الدوا وجلس عندها الين نامت
وطلع جناحه تعبان ومهدود حيله
وهو متوجه لغرفته سمع صوت انين قطع قلبه واتوجه للصاله
وشاف حور تبكي من قلب انفجع عليها وبدون شعور راح لها :حور وش بلاك وش صاير خرعتيني
حور بخوف وانهيار كامل
:وش فيها جنى ليه كذا اتعبت
راشد مسح على شعرها:لا مافيها شي ازمت ربو وعدت على خير لا تبكي
وهو يمسح دموعها :هههه ترى دموعك غاليه
حور بانهزام وهي تقوم لغرفتها:ههه أي غاليه وانا بكبري رخيصه
راشد مسك يدها بعصبيه:حور من قال انك رخيصه
حوربشبح حزن طغى على بحر عينيها وخوف من مسكه راشد لها:كل شي يدل على كذا وانا لو ماني رخيصه كان ماشفتني ببيتك الحين
وهربت منه على الحمام
ماتدري هي ليش قالت له كذا ولا ليش كلمته بها الطريقه كل الي صار انه نفسها تفّهمه انها ماتبيه وبتظل ماتبيه وفي أي مناسبه لازم تبين له كرهها
راشد كان وده يقتلها على الكلام الي سمعه بس وش يسوي مابيده حيله سكت وراح غرفته تروش وحط راسه ونام
بعد يومين
الساعه 2:30 بعد منتصف الليل
دخل خالد غرفه النوم بهدوء مايبي يزعج لمى
:هلا وغلا بحياتي كلها والله
خالد ارتاع:بسم الله وش مصحيكي للحين
لمى :ياقلبي مااقدر انام وانت مو جنبي
خالد باس خدها:طيب ياقلبي بماانك صاحيه طلعيلي بيجامه و
قاطعته لمى وهي تجره على غرفه النوم
ودخل وهو مو فاهم وشاف احلى شي وقعت عليه عينه
شاف بنته اسيل في مهادها نايمه بهدوء راح اخذها وباسها
