البارت السابع عشر
وبعد فتره طالع عبدالله براشد وكأنه اتذكر شي
:راشد هي قالت تبي رماح بنت عمي
راشد:انا بدق عليهم يمكن تكون عندهم
فيصل:يارب
ودق راشد على بيت عمه ابوزياد
الي كان عندهم لجين وماجد
راشد:السلام عليكم
حور:وعليكم السلام
راشد :ممكن اكلم عمي او ماجد اذا موجود
حور بملل:اقولهم مين
راشد:معاكي راشد
حور من الخوف رمت السماعه
وراحت لماجد
حور:ممممماجد
ماجد:حور وش بلاك
حور:ررررررااااااششد ييييبيك
عععلى التيليفون
ماجد نقع ضحك على شكلها ولونها المخطوف
وراح للتليفون الي رمته حور:هههه هلا راشد
راشد بدون مقدمات :اقول ليان بنت عبد الله عندكم
ماجد بقلق:لأ خير وش صاير
راشد:البنت طلعت من البيت والحين الساعه 10 ومحد يدري وينها قلبنا الحي بس مالقيناها وعبدالله يقول كانت تبيه يوديها لرماح
ماجد خاف :خلاص الحين اطلع ادور عليها
وراح ماجد وقالهم وانفجعو ورماح اصرت تروح معاه
"رماح تموت بليان لو عليها تبيها تعيش عندها لان رماح اساسا تموت بالاطفال وليان خصوصا لانه اتيتمت بدري
وتعتبرها بنتها وتعاملها بحنيه وماترفض لها طلب وهذا سبب تعلق ليان فيها"
ماجد ورماح كانو بالسياره رايحين بيت ابو عبدالله وفجاءه دق جوال رماح
رماح:الو
:الو السلام عليكم اخت رماح
رماح باستغراب :ايه منو حضرتك
:والله انا لقيت بنت صغيره قريب من المسجد وكانت تبكي واعطتني رقمك عشان اكلمك تجين لها
رماح بفرح:انت وينك
قالها الرجال ع المكان الي طار له ماجد وكان المسجد الي بالحي الي ورا حي بيت عمهم
وصلو وشافة ليان تبكي والرجال ماسكها وعلى طول رماح راحت لها وحظنتها وماجد راح للرجال وشكره ودق على راشد وقاله انهم لقوها وانهم جايين في الطريق
عبدالله من الفرحه سجد شكر لله
وراحو كلهم لبيت ابو عبدالله عشان يستنو ماجد ورماح
وخالد راح لشغله
وبعد 10 دقايق كانت ليان في حظن ابوها
رماح بدون شعور بقهر من عبدالله واستهتاره في بنته لان ليان شكت لها انها كم مره تقوله تبي تخرج ومايوديها وكم مره تقوله انها تبي تجي عند رماح وبرضو مايوديها:عبدالله ليش مهمل البنت كذا حرام عليك مايصير كذا
عبدالله بيأس :والله تعبت
رماح بجديه:عموما الحين احنا في اجازه والبنت تبي تخرج وتنبسط لاتنسى انها طفله
وانا فاضيه وماعندي شغل وياريت تسمحلي اخذها عندي ولاتخاف عليها بحطها بعيوني
عبدالله انحرج من اسلوبها الجدي:والله يارماح مااعرف ايش اقولك
تدخل راشد:خليها تاخذها لان عندك سفره بعد يومين وبتقعد اسبوع وماينفع تترك البنت في البيت لوحدها ورماح صادقه البنت تبي تخرج وتتمشى
عبدالله:خلاص بكره اجيبها لكم مشكوره يارماح والله ريحتيني
رماح برسميه :العفو وراح ماجد ورماح لبيتهم
وابوعبدالله لما دري عن الي صارعصب من عبدالله
ابوعبدالله :شوف الي صار اليوم ماله الاحل واحد انك تتزوج سامع انا صبرت عليك كثير لازم تتزوج عشان بنتك
عبدالله تعب وقرريسمع كلام ابوه:طيب ومين الي ترضى انها تتزوج عشان تربي بنت غيرها
ابو عبدالله فرح اخيرا غير رايه:رماح بنت عمك وش فيها ذرابه وادب واخلاق وفوق هاذاكله تحب بنتك وبنتك تموت عليها
عبدالله انصدم رماح بس ابوي معاه حق انا محتاج وحده حنونه لبنتي وهي تحبها ولماعرفت بالي صارسابت الدنيا وجات لليان وليان يوم ضاعت لجاءت لها واعطت الرجال رقمها:خلاص يبه الي تشوفه بس خلني استخير
ابوه:خلاص حقك ياولدي
عبدالله استخار وارتاح لكنه طلب من ابوه انه اذا البنت وافقت هو له شرط وبيقوله لها قبل أي ارتباط واذا وافقت راح يتمم كل شي"لانه ماعنده استعداد يغامر ويجازف مره ثانيه لايلدغ مؤمن من جحر مرتين"وسافر بعد ماقال لابوه يروح يخطبها له
ابو زياد دخل على رماح االغرفه عشان يبلغها بالموضوع
ابوزياد:رماح يابنتي اتقدم لك عريس وانا جاي ابلغك باني موافق ومارح اسمح لك ترفضي
رماح:يبه بس
قاطعها ابوها وبحده
:لا بس ولا شي الي متقدم لك عبدالله ولد عمك وهو جاي بعد اسبوع عشان يبي يقولك شرط ويبي يسمع الموافقه منك وياويلك يارماح ان رفضتي
"ابوها اضطر يضغط عليها لانه اولا البنت عندهم مالها رأي ابدا ثانيا لمتى بتظل سجينه الذكريات وعايشه مع حب مات من زمان"
