بعد اسبوع <بعد مارجع عبدالله من السفر وراح ياخذ بنته من عندرماح وبالمره يكلمها في الشرط الي حاطه>
بيت ابوزياد
بالتحديد في مجلس ابو زياد
عبد الله :وشلونك يارماح
رماح بخجل مع انها جالسه معه بحجابها بس لانهم لوحدهم:الحمد لله
عبدالله:وشلون ليان معك انشاء الله مو تاعبتك
رماح:لا ابد ليان عسل
عبدالله :رماح انا جيت اليوم بعد مابلغني عمي بموافقتك علي شوفي انا لي شرط واحد ومن الحين اذا مو موافقه عليه قولي وبتضلي اخت وعزيزه
رماح بترقب:قوله
عبدالله:يارماح انا ماوافقت ع الزواج الالاني ماني قادر اتحمل مسؤليه ليان لوحد ي انا ابي وحده تساعدني وتكون ام لها
والصراحه ماابي اكثر من كذا
رماح مافهمت:مافهمت وضح اكثر
عبدالله بثقه :الصراحه انا مابي زوجه لي انا ابي بس ام لليان
رماح انصدمت:اسمحلي طلبك غريب
عبدالله بتوتر وشريط الذكريات المؤلمه يمر قدامه:انا الي جاني من مرتي الاوليه خلاني اكتفي من الحريم بس محتاجك ام لليان
استناها ترد عليه بس هي ماردت كانت تفكر بعرضه الي بالنسبه لها
جاها من السما
عبدالله لما شافها طولت عرف انها مو موافقه ووقف وجا بيمشي
رماح:عبد الله استنى انا موافقه بس
عبدالله بفرح وتردد:بس شنو
رماح: زي ماسمعتك ابيك تسمعني
عبدالله جلس:اتفضلي
رماح استجمعت قوتها
:انت تعرف اني كنت مخطوبه واني احب خطيبي والصراحه انا ماابي اتزوج بعده بس ابوي بيجبرني وحلك هذا حل مشكلتي انا كنت ابيك تعرف سبب موافقتي على شرطك عشان نبداء حياتنا بصدق ومثل ماانت صارحتني انا بعد كان لازم اصارحك
عبدالله ارتاح "في قريح انتي وهو تحبيه ماتحبيه مو مشكلتي المهم بنتي":خلاص انا عاذرك واحترم صراحتك بس الي ابيه منك ان محد يدري عن هذا الاتفاق ماشي
رماح:انشاء الله
وطلعو من الجلس وكل واحد مبسوط من الاخر جاتهم ع الطبطاب
واتفق عبدالله مع عمه ان الملكه تكون الاسبوع الجاي لكن الزواج بعد ثلاث شهور على مايجهز الجناح حقه "ابو عبدالله رفض انه يطلع من البيت لانه يحب ليان ويعزها ومايقدر على فراقها"
بعد مرور ثلاث اشهر
لجين وريما في الشهر السادس من الحمل
محمد وسلام الحال كماهوا عليه مالمسها ولاقرب جنبها
والباقين حياتهم ماشيه مثل ماهي
ونواف راح انتداب لمده 4شهور للشرقيه وياعيني طالعه روحه
والبنات رجعو الدوامات ماعدا لجين الي قدمت اعتذار عن السنه كلها بسبب الحمل
عند زياد
في غرفه النوم
ريما:زياد ابي اقوم حرام عليك ماتسوى علي
زياد:ياريما ياحبيبتي الدكتوره قالت تنامي على ظهرك الين السابع وخلاص هانت كلها كم يوم وتولدي"ريما حامل بتؤام عشان كذا احتمال كبير انها تولد بالسابع والحمل متعبها مره لذلك اضطرت الدكتوره انها تخليها تنام على ظهرها لحد ماتولد"
ريما بحزن:الله يعين
زياد ماهانت عليه تكون زعلانه ومايسوي شي
:ريما انا خارج اقضي للبيت توصي شي
ريما:انتبه على نفسك ومابي غير سلامتك
زياد باس راسها وطلع
ورجع بعد نص ساعه وجاب لها شوكلاته هيا تحبها وخلهاتسلى فيها وراح غرفه المعيشه ورتبها وجهز فيلم توحفه
كوميدي عشان يخفف عنها
وجهز عشا خفيف وشويه شوكلاتات على عصير وشبس
وجهز لها كنبه عشان تنسدح عليها
