The Lost Princess

Chapter 9

Nagtataka nalang kaming tiningnan ng mga tao dun.

Nung nakalayo na kami bigla kong tinulak ni Sunjong palayo.

"Ano bang pumasok sa isip mo? Pumunta ako dun para kumuha ng gamot para sa sakit ng ulo! Bigla kang nanghihila." Galit siya. Ramdam ko. Ang taas ng boses niya eh.

"Eh, pasensya na, kinukulit kasi ako ni Yeong, ayokong kumalat pa kung sino talaga ako."

"Kahit anong gawin mo lalabas ang katotohanan, wag mo kong idamay sa kasinungalingan mo." Naglakad na siya. Tahimik akong sumusunod sa likod niya.

"Sunjong, galit kaba?" Tanong ko. Di siya sumagot.

"Sunjong..."

"Uyy, Sunjong pogi." Hindi parin niya ko nililingon. Nakaabot na kami sa may tapat ng tinutuluyan niya. Bigla siya lumingon sakin.

"Gusto kong mawala yung galit ko?" Tumango ako.

"Samahan mo ko sa labas." Teka, eh hindi ako pwede lumabas eh. Pwera nalang kung iba ang suot ko o hindi ako ang prinsesa........oh, wait.

"Sige!"

**********

Prince Sunjong's POV.

Nagpahintay si Ariane sa may sikretong lagusan palabas ng palasyo, isusuot daw niya yung damit niyang panlabas para daw di siya makilala ng mga tao. Hinayaan ko lang naman siya kasi ayoko ding mapagalitan ako dahil sinama ko siya kahit di naman siya yung tunay na prinsesa. Psssh.

"Sunjong." Nandyan na siya. Paglingon ko ibang iba ang itsura niya. Nakalugay ang mahaba niyang buhok, nakasuot siya ng ipit na bulaklakin, hindi niya suot ang Hongwonsam (Princess dress) at nakasuot siya ng puting palda at puting pantaas. Mas maganda pa ang itsura niya sa suot ng mga prinsesa sa palasyo.

Nakangiti pa siyang lumapit sakin. Bigla ko ulit naramdaman yung malakas na pagkabog ng dibdib ko na para akong tumatakbo. Napahawak ako sa dibdib ko. Habang palapit naman siya nagliliwanag siya lalo sa ilalim ng magandang kalikasan.

Sunjong, ano bang nangyayare sa iyo?

"Tara na!" Para akong nabuhusan ng tubig nung tinapik niya ko sa braso ko. Nauna na siyang naglakad.

Hawak ko padin yung dibdib ko, medyo bumagal na yung pag kaba nito. Pero nagliliwanag parin si Ariane sa paningin ko.

Una naming pinuntahan yung pinuno ng mga magsasaka sa hilaga, madaming napapalingon kay Ariane sa daan, hindi siya nakikilala ng mga tao dahil ibang iba ang suot niya at ayos. Hindi ko nga nakikita sa kanya ngayon si Jisoo, ibang babae ang nakikita ko.

Si Ariane.

Pagdating namin sa bahay ng pinuno itinago ko si Ariane sa likod ko.

"Bakit?" Tanong niya.

"Dyan ka lang. Bawal ka nilang makita, baka pagkamalan ka nilang diwata." Sabi ko.

"Diwata? Woah. Ang ganda ko naman pala para pagkamalan nilang diwata. Yieeh." Para siyang tanga. Nakaningiti na naman siya. Hindi ko na siya pinansin, pumasok na kami sa bahay, nung makita kami nung ibang magsasaka natuwa sila. Sabay sabay silang nagsiyukuan, pinaayos ko na sila ng upo para makausap ko na sila.

"Magandang araw po." Bati ko. Nagsimula na kaming magpulong.

"Kamahalan, ayaw na po namin pang magpaligoy ligoy, gusto po sana naming sabihin sa inyo ang problema sa mga pananim. Para po kasing me delubyong darating sa nangyayare." Sabi ng pinuno ng mga magsasaka.