Bigla akong napahakbang patalikod. Na-realize kong nakakailang hakbang na ako nung nabundol ko na si Ice. Somehow, bumalik ulit ako sa realidad—yung realidad na nandito si Aaron. Pati sina Luke.
Bakit sila nandito?
"How's it going, Ember?"
Si Luke yun. Problema na naman nito? Pagabi na nga't matatapos na tong araw na to na hindi ako badtrip tapos sisirain lang niya?
"Eto, masaya sana. Dumating ka lang."
"Masaya? Kasama niyang dalawang yan?" tinignan niya ng masama sina Ice at Lester, "Hah, you've gotta be kidding." Tumawa siya tsaka si Nathan.
"Alam mo, sumosobra ka na, eh!"
Handa na sana akong manipa ng dalawang demonyong nasa harapan ko. Pero, may humawak sa mga braso ko para pigilan ako.
Si Ice.
"Bitawan mo ko!" nagpapapalag ako sa kanya.
"Okay lang yan. Hayaan mo na sina kuya."
"Iniinsulto ka na nga tapos okay lang?! Alisin mo nga kasi yung mga kam—"
"Okay nga lang."
Imbis na kumalma ako, mas naasar lang ako. Ano na naman bang nasa isip nito ni Ice? This time, pinakawalan niya ko. Hinarap ko siya.
"Ba't okay lang?!"
"At least hindi ikaw yung iniinsulto."
Pati ba naman sa ganitong sitwasyon ganito pa rin inaasal nito? Ako na naman? Bahala nga siya. Siniringan ko siya kagaya ng pagsiring ng kuya niya sa kanila ni Lester.
"Ano ba kasing ginagawa niyo rito?" tinanong sila ni Johanna.
"We're here for you and Ember," sinagot siya ni Nathan.
"Candice wants to remind you about the sleep over," pahabol ni Prince kay Johanna. Tapos tumingin siya sakin, "so, Ember. Are you in?"
Si Prince. Siya yung older brother ni Candice. Ang bait niya samin nina Gertrude at Johanna. Ewan ko ba kung bakit siya napahalo diyan kina Luke.
Hindi ako mapakali sa pananahimik ni Aaron.
Oo, nandun pa din siya. Simula nung makita ko siya, wala na siyang ibang inatupag kundi yung cellphone niya.
"Ember?"
"Umm..." tinignan ko si Gertrude, "hindi ka kasama?"
"I'm so sorry, dear," sagot ni Gertrude, "nasabihan din ako ni Candice about that, pero I refused to join. May usapan na kasi kami ni Wanda sa kanila tonight."
"Para saan?"
Nagkatinginan sina Gertrude, Wanda at Kisa.
"Actually, hindi lang kami. Kasama din namin si Ice. Umm, kasi Ember, gusto muna kasi namin sanang ilihim yun," sagot ni Kisa, "okay lang ba?"
"Umm, sige," sinagot ko siya, managing a smile, "basta malalaman ko sa susunod ah?" pahabol ko.
"Malalaman mo naman talaga, eh," pagsabat ni Ice.
"So kasama ka talaga?"
"Para sayo yun eh."
Ano daw? Para sakin? Ano na naman yun? Bakit siya may kinalaman dun?
Una, nandito si Aaron. Kasama pa sina Luke. Tapos eto pang something na involved si Ice.
Ano ba talagang meron?
