She Was Bitten

48: Bloody Town

"Kung hindi lang kita mahal eh," deretso niyang sabi sa akin kaya agad na nag-init ang mukha ko.

Narinig ko ang tawanan ng dalawa sa likod kaya pinandilatan ko ng mga mata si Titus. Nakakahiya.

Ngumisi siya sa akin. "Why are you mad? Aren't you happy that I'm so proud that I love you?"

Mas lumakas ang tawanan ng dalawa sa likuran at naghampasan pa nang sobrang lakas kaya inirapan ko sila.

"So, ano ang plano natin pagdating ng Hellville?"pag-iiba ko na lang ng usapan.

"Nothing. I love you," tipid na sagot ni Titus saka muling sumandal sa upuan n'ya.

"Oo na! Teka nga. Ano bang wala? Paano sina Lucinda at Florence?" nagpa-panic kong tanong.

Pwede ba naman 'yun?

"The city is still ours. Unless Lucinda brainwashed our men there or something. Hopefully not," nakasimangot niyang sagot. "Rocco, you said the Purebloods were fighting back?"

"Oo, T. Marami sa kanila ang nagpunta sa Upstate para magtago sa mga mansyon ninyo. Meron ding mga tumakas. Sa ngayon ay ang bayan ang gusto nina Lucinda," sagot ni Rocco mula sa driver's seat. Isa siya sa mga tauhan nina Matteo.

"Ito 'yung plano niyang gawing witch city ang Hellville," sabi ko.

"She can try," ani Titus.

"Nag-try na nga 'di ba?" sabi naman ni Matteo.

"Hindi papayag ang mga Purebloods na mangyari 'yun," ani Nadine.

"Kung si Lucinda lang, hindi talaga siya magtatagumpay," sa wakas ay nagseryoso na si Titus. Alam kong malaki ang tiwala niya sa mga Purebloods na naiwan sa bayan kaya hindi siya masyadong nababahala. "I've been thinking about it. Hindi lang halata dahil nadi-distract ako ni Nichola."

At sinisi pa talaga ako.

"Pero kung kakampi na niya ang ibang witches," pagpapatuloy niya. "ibig sabihin, mas magiging madali sa kanya ang ginagawa niyang coup."

"So, ano'ng plano? Kanina ko pa 'yan tinatanong," taas-kilay kong tanong.

"We are four Purebloods. You are one vampire-witch. You think we can do that much difference?"

Hindi. Ang konti namin. We couldn't even be considered reinforcement.

"At kapag nandoon na tayo, paano kung hulihin nila tayo at ikulong?" hindi pa rin ako mapanatag.

"You think they can just capture us that easily?" aniyang sumulyap sa akin nang nakakunut-noo.

"Savannah, don't worry. Isa pa, nandoon naman ang parents namin. I'm sure hindi sila hawak nina Lucinda," ani Nadine kaya napatango ako.

Sana naman.

"But we still need to have a plan. We have eight hours before we arrive. So, what's your suggestion?" ani Titus.

"Go for the heart of it all," ani Nadine at sumang-ayon kami.

Kailangan naming unahin ang pinakaugat ng kaguluhang ito. Si Lucinda!

Naging tahimik ang aming biyahe pagkatapos naming gumawa ng iilang plano. One plan was not enough. Things might go awry.

Nadaanan namin ang ilan pang maliliit na bayan ng mga mortal. Iyung mga normal na tao na wala man lang kaalam-alam sa panganib na dala ng mga vampires at witches.

They were so carefree and happy. They didn't have any worries at all except for the needs they had to gather in order to live. Everyone did that- look for food, shelter and other necessities. But not everyone had to face war almost everyday.