Chasing Hell (PUBLISHED)

Chapter 14

"Excuse me miss, I have to ask something." Humugot ako ng lakas ng loob. Malakas ang kutob ko pero gusto ko pa ring marinig ang katotohanan. "S-Sino po ang may ari ng room 342?" Tanong ko.

"I'll check it for you, ma'am."

Humarap ito sa mga monitor habang ako ay hindi mapakali. Oh Ghad! Ano na naman ito?

"Mr. Ace Craige."

Natulala ako matapos marinig ang pangalan nya. I knew it! Nanginig ako sa galit ngunit kinalma ko ang sarili ko. Kailangan kong maging kalmado sa mga ganitong pagkakataon. Ayokong magpadalos-dalos.

"C-Can I have his password?"

"I'm sorry ma'am, that's a very confidential information. We can't give it unless you were permitted by the owner."

"I'm his girlfriend."

"You have to bring him with you or maybe a letter from him with his signature."

Tulalang bumalik na lang ako sa dorm. May sikreto na naman nga. Kailangan ko na naman bang magbulag-bulagan? Kailangan ko na lang bang hintayin kung kailan nya sasabihin sa akin? Siguro ganon na nga lang, alam na nya ang ginagawa nya at alam kong hindi sya gagawa ng hakhang na ikakapahamak nya.

Kumuha na ako ng maisusuot na damit bago dumiretso sa cr. Pilit kong iwinaksi lahat ng nalaman ko. Kung kailangang labanan ko ang kuryosidad na kumakain sa akin ay gagawin ko. Kung ito ang mas makakabuti ay mananahimik na lang ako at maghihintay kung kailan sya magsasalita.

Nagcommute na lang ako dahil dala ni Ace ang kanyang sasakyan. Natanaw ko agad si Vanessa sa isang coffee shop dito sa mall.

"Hindi ka pa nag-order?"

"Hinihintay kita."

May lumapit sa aming lalaki at sinabi naman namin sa kanya ang coffee frappe namin at syempre, libre ko.

"Anong balita?" Tanong nya.

Natigilan ako at nag-isip kung dapat ko bang sabihin sa kanya lahat ng nalaman ko pero baka mas lumala lang ang lahat. Mas mabuting sa akin na muna ito at hindi ko na muna ilalabas.

"Just bored, Van." I sigh. "Nakakamiss din si Mia." Pag-amin ko.

Ilang taon na kaming hindi nagkikita. Wala na nga kaming balita tungkol sa kanya at wala rin namang nababanggit si Dave sa amin. Masyado ba syang busy?

"Ang weird nga eh..."

"Huh?" Tanong ko.

Umiling ito sa akin pero alam kong may gusto syang sabihin sa akin pero hindi nya alam kung paano uumpisahan. Napabuntong-hininga na lang ako. Pakiramdam ko ay may inililihim lahat ng taong nakapaligid sa akin.

Nagkwentuhan lang kami tungkol sa mga requirements namin sa finals bago napagpasyahan na maglakad-lakad.

Ramdam na rin ang nalalapit na pasko sa mall na ito. Kabilaan ang mga figure ni Santa Claus at mga christmas tree. May photo booth din kung saan kami nagpapicture ni Vanessa.

"One more..."

Hindi ko alam kung pang-ilan ng sinabi nya 'yon. May mga nakapila pa at hindi ko alam kung aware ba sya ron o wala lang syang pakialam.

Kung hindi ko pa sya hinila ay baka magalit na sa amin ang mga nakapila na kanina pa bumubulong.

"Ang cute natin!" She giggled.

Natawa na lang ako habang nakatingin sa maraming shot namin kung saan iisa lang ang poise ko. Naka peace sign. Habang sya ay makefaces.

"Nabalitaan mo na?" Tanong nya sa akin nang nasa food court kami at kumakain ng shawarma.

"Not interested."

Umirap ito sa akin bago sinubo ang natirang kapiraso ng pagkain nya. "Outdated ka talaga lagi." Muli itong umirap.

"Eh sa hindi ako chismosang katulad mo eh."

"Che!" Pagsusungit nito. "Ano ba? Gusto mong malaman ang nasagap kong balita?" Muling tanong nito.

"Huwag na lang."

"May bumili sa Hell University."

Nabulunan ako kaya inabutan nya ako ng tubig. Hindi makapaniwalang tinapunan ko sya ng tingin.

"Seryoso ka?"

Tumango ito. Sino naman ang magkaka-interest na bumili sa unibersidad na 'yon? Isang madugong nakaraan ang nangyari roon. Oh well, wala namang nakakaalam doon eh. Tanging kami lang ang nakakaalam at makakapagkwento tungkol sa totoong nangyari sa Hell University.

"Sino? Kilala mo kung sinong bumili?"

"Hindi ako sigurado pero hmmm... tao sya."

Mabilis na binatukan ko sya sa sagot na ibinigay nya. Akala kong seryoso ang isasagot kabulastugan lang naman pala.

"Seryoso!"

"Seryoso ako! Sa tingin mo ba, may multong bibili don? Gaga ka talaga, common sense."

Napairap na lang ako. Kahit kailan talaga walang kwentang kausap ang nilalang na ito. Bagay talaga sila ni Jerome.

Pero naisip ko. Hindi naman masama ang lugar na 'yon. Malawak 'yon at magagawan nila ng paraan ang masukal na daan patungo ron. Kung sakali, baka doon ko na lang din pag-aralin ang mga anak namin ni Ace.

"What are you thinking, Zein?" Tanong ni Vanessa na halatang curious. "Hindi naman ikaw ang bumili sa school na 'yon, hindi ba?" Pabalang na tanong nya.

Umiling ako at napagpasyahang pumunta muna sa cr. Napaupo ako sa floor nang mabangga ako ng isang babaeng kagagaling lang din sa cr.

"Sorry..." Paghingi ko ng paumanhin.

Pagkaangat ko ng tingin ay halos manlambot ako nang makita kung sino ito. Ngumisi ito sa akin bago nagpatuloy sa paglalakad.

"N-Nicky?"

Si Nicky 'yon. Malaki man ang pinagbago ng itsura nya ay alam kong sya 'yon. Nawalan na rin ako ng balita sa kanila magsimula nang magkalagas kami sa HU.

Pagkapasok ko sa CR ay masangsang na amoy ang agad na bumungad sa akin. Ako lang ang tao pero masangsang ang amoy. Malansa.

Napatingin ako sa paa ko nang may makapang basa ron. Nanlaki ang mata ko nang makita ang umaagos na dugo mula sa isang cubicle.

Inipon ko lahat ng lakas ng loob ko bago binuksan ang pinto. Bumungad sa akin ang isang lalaking naliligo sa kanyang sariling dugo.

Sa kaliwang kamay nito ay may hawak syang kutsilyo habang sa leeg nya ay may nakapulupot na wire.

Hindi na ako gaanong nasisindak sa dugo kaya kahit papaano ay nakakalma ko ang sarili ko. Mas madugo pa rin ang naransan ko.

Napatingin ako sa pinto nang maalala ko kung sino ang huling nanggaling dito sa cr, was it her?

Why?