"Okay, madali lang din nman akong kausap. It's either you accept my offer or I could hire someone to shut you up. Your call!"
Natigagal si Erika sa narinig. At parang may sakit na biglang nanghina ito at napaupo. Larawan ng pagkatalo. Ng kawalan ng pagpipilian.
'Spare me the drama!' gustong isigaw ni Kim . Kaya umikot lang ang mata nya .Ni hindi nakakaramdam ng konting simpatya o awa sa kausap.
"So pwede na ba nating pag-usapan ang deal natin? I don't have the luxury of time para patagalin pa ito..." naupo ulit si Kim sa kinaupuan kanina at kinuha ang cheque book.
Nang tumango si Erika na parang wala sa loob bilang pagsang-ayon , dumating din kay Kim ang point of no return. She called her bluff! Mabuting pangatawanan na nya ang mga sinabi at ipinangako dito . Ang nagpapatibay na lang ng sikmura nya sa mga pinaggagagawa ay ang reward...si Xian. At ang isiping, nagawan nya ng pabor ang Tita Mary Ann nya na hindi mag-end up ang anak nito sa isang katulad ni Erika. Isa pa ,ito nman ang matagal na nyang gustong mangyari at ngayong abot kamay na nya, walang puwang ang pagbabago ng isip!
"Ang Ate Erika mo, nasaan?" masayang salubong ni Xian sa isang kapatid ng Girlfriend na nasalubong at naglalaro sa bungad ng eskinita. Hindi din sya magkandadala sa dami ng pasalubong mula sa Cebu. Excited syang makita ito dahil halos isa at kalahating buwan din silang di nagkita. Maswerteng naisingit nya dahil nagkaroon lang sya ng pagkakataon. May meeting sila ni Kim with their big boss regarding sa development ng project sa Cebu.
"Kuya Xi! Nasa bahay kasama si Kuya Bart! Yung manliligaw ni Ate!" walang malisyang sagot nito habang kamal-kamal ang napakaraming text sa kamay. Ni hindi napansin ang biglang pagkunot ng noo ng binatang kausap.
'Bart?...sinong Bart?...manliligaw?' Wala sa loob na naglakad na sya patungo sa bahay ng mga ito. Halos hindi nya gustong ihakbang ang paa. Bakit ba parang may gustong sabihin ang gut feeling nya. Parang may mali!
Nakailang katok si Xian sa pinto ng bahay nina Erika, pero mukhang hindi yata naririnig ng mga tao sa loob. Bahagya syang sumilip sa bintanilya pero mukhang wala ang mga tao sa sala. Sinubukan nya ulit at tinawag na ang pangalan ng girlfriend. Pinagpapawisan na sya sa mga naiisip nyang maaring ginagawa ng mga ito. Nagseselos sya at hindi nya ikakaila. Nang sa wakas may yabag syang narinig palapit sa likod ng pinto. Nagtatawanan.
"Ano yu---" nakangiti pang bati ni Erika kasunod ang isang lalaking nakangiti din . Nang makilala sya ni Erika ay biglang napalis ang ngiti nito at halata rin ang gulat. "X-xian!...Anong ginagawa mo dito?" Ang itsura nito ay parang dagang nahuli ng pusa.
Tiim nman ang bagang nya . Hindi nya gustong sagutin ang tanong na yun. Mas busy syang pagmasdan ang lalaking kasama nito.
Kayumanggi ang lalaki. Magandang pumorma at may hitsura din. Mukhang bumbayin ang feature nito hindi nga lang kasing taas nya .
Nahalata siguro ni Erika ang tanong sa mga mata ni Xian tungkol sa lalaking kasama nya kaya pinagkilala ang dalawa. "Bart si Xian....Xian si Bart, nakilala ko sa trabaho!"
Hindi nakaligtas kay Xian ang paraan ng pagpapakilala ni Erika sa kanya. Ni hindi man lang binanggit na boyfriend sya nito . Parang isa lang syang kakilala na dumalaw at pinakilala nito. Nasaktan sya. Mayroon talagang mali ...
Buti naman at hindi nman nagtagal ay nagpaalam na si Bart . Tamang-tama dahil kating-kati na syang tanungin si Erika tungkol doon. Hindi nya gustong palampasin ang pagkakataong magkalinawan sila nito. Usapan na nila noon pa na hindi ito mag-eentertain ng manliligaw. Pero bakit pakiramdam nya ay may ginagawa itong kakaiba habang wala sya. At yun ang gusto nyang malinawan.
Chapter 5
Start from the beginning
