احببتكي

الفصل السابع عشر

غدوة من ذاك ناض الصباح على صوتها تهدر في التيليفون في بيتها سمعها تقول -يا سندس افهمي قتلك خويا اغنصب وحدة وهوما اخفاو الحقيقة حتا انا وماقالوليش -...- ايه خويا بصح ثاني مانقدرش نسمع حاجة ونسكت على الحق -.....-انا سجلت هدرتهم وضرك نروح نشكي عليهم وبعدما يدخل للحبس نرفع قضية طلاق -....-ايه مانقدرش نصبر خلاص هانني وضربني و خلاني نهاركامل مارقدتش وجاب هاذيك المصفارة وزادت كملت عليا انا خلاص للتوب -......- والو ماعنديش القوة باش نعطيه الفرصة اللي راكي تهدري عليها -..... باي .... كان يسمع فيها ومصدوم يعني هيا ماكانتش عارفة ؟..دخل لبيتو قعد على السرير وحط راسو بين يديه وبدا يتفكر في النهار اللي ضربها ونهار قبل مايتزوجو كيفاه كانو يضحكو ويتمسخرو كان يحس في الحب في عينيها ضرك يشوف في الحقد اللي مالي عينيها مجرد فكرة انو كرهتو راح تطلق منو خلاتو يخاف بصح هو اللي جنا على روحو يستاهل سمع صوت الباب تحل راح للشباك شافها خارجة طلعت راسها وتلاقاو عينيهم بقات تخزر فيه بنظرة عكس نظرتو كان يشوف بحب وندم وهي بكره وحقد .هاذيك النظرة وجعاتو بزاف .... وصل للمركز قدمت الشكوى عطاتهم الكارت ميموار وقالوها استناي حتا يجي المدعي عليه بقات تستنا وهي مش حابة تشوف عمر اللي حياتها كاملة وهيا دايراتو قدوة ليها بصح املها خاب فيه وخرج وحش نذل لدرجة انو يغتصب طفلة بعد ساعة من الانتظار دخل عمر وملبسينو الكلبشات خزرلها وهبط راسو بعد شوي جا بوها اللي كي شافها بدا يصيح :يا خسارة تربيتي فيك يعني درتيها وماهمكش اذا كنتي رايحة تخسري عايلتك انساي من اليوم ماعندكش عايلة
خزرتلو بانكسار وقالت بصوت راكز وهادي عكس الفوضى اللي راها داخلها :اذا كنت رايحة نخسر عايلتي لاخاطر هدرت وبينت الصح ماعليش يجي الوقت وتعرف روحك غالط الف في المية عندها رايحة نفكرك بهاذا اليوم ...دارت لامها وختها :يعني نتوما تاني ماكمش رايحين تهدرو معايا ؟ ..امها شافتها من فوق لتحت ودورت وجهها وختها هطت راسها - تسنيم ماكيش رايحة تهدري ؟ ... تسنيم كيف فكرت في هدرت ختها ايه عندها الحق وعلاه تسكت علحق كون صرات حاجة ليهم هوما واش يصرا لبوها طلعت راسها -ايه انا معاك وعندك الحق مالازمش نسكت غلطت هاذي الغلطة من عامين وكان ظميري مانبني مانقدرش نعيش في الذنب مرة اخرى ....وجدان جاها امل انو كاين اللي فهمها ويوقف معاها اما بوها فزادت نارو وعلا صوتو - ننتي تاني خسرتي عايلتك نتوما الزوج ماتحبوش لخير لخوكم كون جيتو محترمينو تسامحوه على اخطاؤو - ماناش حنا اللي نسامحوه الناس اللي. تحب سلوى هيا اللي تسامحو .... خرج بوها كشاكو طالعة وجدان شافت ختها وعنقتها - ميرسي لاخاطر وقفتي معا الحق ...بداو في زوج يبكو -ايه بصح خسرنا عايلتنا ..بعدتها شوي ومسحتلها دموعها بصح ماكانتش عارفة بلي كاين شخصو وحداوخر دموعو يهبطو وحابها تجي تمسحهملو خالد ماصدقش اللي يصير راح يتبعها وتصدم بلي سمعو وشافو .. بداو عينيه يطيحو كيف تفكر بلي ماسمعهاش ولاحتا عطاها فرصة باش ادافع على روحها