احببتكي

الفصل السادس عشر

.. فات شهر وخالد يحاول يتقرب منها وهي تبعدو بقسوة في اليوم الاخير من شهر العسل - وجدان هيا نروحو اليوم الطيارة ... راحت وجدت فاليزتها وخرجو في الطونوبيل - وجدان مازلت زعفانة ؟. قاتلو باستهزاء -ههه لالا رضيت - راني من نيتي - وانا تاني مستحيل نسمحلك يا لوكان تحبو وذنيك مش عينيك ايه وباش نقول حاجة كي نروحو للدار رح طلقني ...حس الدم طلعلو لمخو -مانطلقكش - ههه تحكم في روحك وقيل - ربي يحظك اعطيني فرصة - ماعنديش ومانيش حابة ... سكت بسيف ماهوش حاب يطلقها واخيرا اللي عاشو مع سلوى عاود لقاه معا وجدان مايقدرش يخليها تروح ركبو في الطيارة وهو يستنا وقتاه تقلع الطيارة يخي قلعت وما كبشتش فيه شافها لقاها كابسة على اليدين نتاع الكرسي رقدت في الطيارة شافها لقاها كيف الملاك راقدة تكا راسو على الكرسي ويتامل فيها حط يدو على وجهها ونحلها في الشعر اللي طاحلها فوق عينيها تنهد وقال - سامحيني نتمنا نرجع للور ونعاملك مليح ونعترفلك بحبي ليك كون غير جيت انسان هادي مش كلب اسمحيلي مانقدرش نقول حاجة اكثر من هاك ...كانت راقدة وتحس حاجة تحطت على وجهها تفجعت ناضت لقاتو هوا نحاتلو يدو وبنبرة التهديد - ماتزيدش تحطها عليا خيرلك اوكي ؟ قاتلو هاك ودارت للشباك بقا مشوكي فيها هاذي وجدان اللي كان يضربها وهي تهبط راسها وتروح
وصلو للمطار وطلبتو يروحو لدارهم قبل راحت لدار بوها وهو ماهوش حاب يشوف عمر وراح بعد ما سلمت عليهم وعطاتهم كادواتهم -ماما وين بابا وعمر - هنا في بيرو بوك -اوكي نروح نعطيهم كادواتهم - اوكي ....راحت وصلت وكانت رح تفتح الباب بصح سمعت - بابا ايه انا اغتصبت سلوى بصح كانت غلطة ....تبلوكات الحاجة الوحيدة اللي دارتها جبدت التيليفون وبدات تسجل في هدرتهم -ايه وعلاه راك خايف ؟-خايف وجدان تعرف بغلطتي وتكرهني -ماهيش بش تعرف - بصح اذا عرفت انو اغتصبت وحدة بسبب غريزتي رايحة تنقم عليا -ماتنقمش عليك على جال سلوى **** حنا اصلا قفلنا كلش بالنفوذ نتاع العايلة ... حفضاتو وجاتها امها وجدان واش راكي اديري ..تفجعو معناها سمعت ؟ خرجو يجروو - وجدان نتي هنا ؟ -ايه يا اخي المصون هنا وسمعت بجريمتك .. ونتا يا بابا فرحان ونتا تفتخر بنفوذك اللي اعمى العدالة يعني هاذي اخرتها معاك ؟ -بنتي احترمي روحك-هههه يعني هاذي اللي تقولها وعلاه ماقلتهاش لعمر اللي اغتصب وحدة هاه؟ عموما انا مش رايحة نسكت على الحقيقة -واش تقصدي -انا سجلت لهدرة ورايحة نعطيها للبوليس وهيا تهدر معاكم - نتبرا منك اذا درتيها - هههه تتبرا مني اذا كشفت الحقيقة واذا ابنك اغتصب وحدة تدعمو اوكي اتبرا مني ....