احببتكي

الفصل الثامن

دخل عمر على بوه في المكتب نتاع الشركة - باب كاين مشكل ... تنطر من بلاصتو - واش كاين الله ماتفجعنيش ... تقدملو - وجدان سقساتني على سلوى ... عينيه وساعت رما روحو على الكرسي ومسح العرق اللي على جبهتو - واش عرفها ؟؟- مانيش عارف - واش قتلها ؟؟-قلت بلي كانت تحبني وانا ماقبلتش
- مليح خلاص فاتت حكاية سلوى وتغلقت وانا سكرتها بنفوذي ومعارفي مالازمش نزيدو نهدرو عليها ..- ايه عارف بصح مانيش حاب وجدان تعرف وتدي نظرة شينة عليا - كي عدت خايف على شكلك قدامها وعلاه تغلط ؟؟؟ حك شعرو غلطة وندمان عليها - جات وجدان اليوم ؟؟ .. - لالا اليوم معروضين عند دار خالد .- امممم ...... عند وجدان وخالد .. كان حاط يدو على كتفها كلي حاضنها وهي مازلت مشوكية من تناقض نتاعو وتمثيلو ام خالد : واش اخباركم ... خالد باس جبهة وجدان
وجدان هي احسن حاجة في حياتي قالها وهو يشوف في عينين وجدان والغريب انو وجدان حست بهذاك الحب اللي كانت تشوفو قبل تقول ماهوش الي ضربها البارح ولا هو اللي هانها الصباح ولا هو الشخص اللي راه معول يحطملها حياتها ... ام خالد بتسوميم : هههه مانيش مصدقة بلي وحدة كيما هادي تقدر تكون حاجة مهمة في حياتك ...وجدان ببرائة مافهمتش ... ام خالد : يعني **** من لندن تكون حاجة كبيرة بالنسبة ... خالد صح ماهمتوش واصلا عجبتو امو كي هانتها بصح كان لازم يبين احتارامو ليها :امي لو سمحتي خفي شوي عليها ( وجدان هبطت راسها وشادة الدمعة بسيف مش ساهل اللي صرالها بين يوم وليلة ) / وانا واش قلت ؟ راني نسقسي برك ..اسماء تحاول تبدل الموضوع :ايييه وقتاه نكون عمة ؟ ... وجدان زادت على ما بيها .. خالد -لالا مازال نحب نستمتع بحياتي معاها ومن بعد نجيب اللي يشاركني بيها ..كاملين ضحكو الا وجدان :اسمحولي نروح للحمام ..- اسماء : انا نديها ..... راحو وصلو عند الحمام - ادخلي هنا - ميرسي ...دخلت مسحت وجهها وعنقها باش تهدي روحها وما تبكيش قدامهم ...خرجت لقات اسماء تستنا فيها بداو يمشو ومن بعد وجدان حبست اسماء - اسماء ..خالد كان يحب من قبلي ؟ - ايه وحدة اسمها .... حبسها صوت خالد - واش تنسنسي يا وجدان ؟ ... وضحك ضحكة صفراء خلاتها. تخاف جبها لحظنو وقال - المهم اني نحبك انتي وعلاه تحوسي على الماضي