ﺍﺳﺘﻘﺒﻞ " ﺁﺩﻡ " ﺻﺪﻳﻘﻪ " ﺯﻳﺎﺩ " ﻓﻰ ﺍﻟﻤﻄﺎﺭ ﻗﺎﺋﻼً :
- ﺣﻤﺪﺍﻟﻠﻪ ﻋﻠﻰ ﺍﻟﺴﻼﻣﺔ ﻳﺎ " ﺯﻳﺰﻭ "
ﻋﺎﻧﻘﻪ " ﺯﻳﺎﺩ " ﻗﺎﺋﻼً :
- ﺍﻟﻠﻪ ﻳﺴﻠﻤﻚ ﻳﺎ " ﺁﺩﻡ .. " ﺧﻴﺮ ﺟﺎﻳﺒﻨﻰ ﻋﻠﻰ ﻣﻼ ﻭﺷﻰ ﻟﻴﻪ .. ﺗﻌﺎﻟﻰ ﺑﺴﺮﻋﺔ ﻭﻋﺎﻳﺰﻙ ﺍﻟﻤﻮﺿﻮﻉ ﻣﻴﺤﺘﻤﻠﺶ ﺗﺄﺟﻴﻞ ﺧﻴﺮ ﻓﻬﻤﻨﻰ ﺑﺄﻩ
ﻗﺎﻝ " ﺁﺩﻡ " ﻭﻫﻮ ﻳﻀﻊ ﺫﺭﺍﻋﻪ ﻋﻠﻰ ﻛﺘﻔﻴﻪ ﻭﻳﺴﻴﺮ ﻣﻌﻪ :
- ﺗﻌﺎﻟﻰ ﺑﺲ ﻭﺃﻧﺎ ﻫﺤﻜﻴﻠﻚ
ﺗﻮﻗﻔﺖ ﺳﻴﺎﺭﺓ " ﺁﺩﻡ " ﻓﻰ ﻣﻜﺎﻧﻪ ﺍﻟﻤﻔﻀﻞ ﻓﻮﻕ ﺟﺒﻞ ﺍﻟﻤﻘﻄﻢ .. ﻧﺰﻝ ﻭ " ﺯﻳﺎﺩ " ﻭﻭﻗﻔﺎً ﻣﺘﺠﺎﻭﺭﻳﻦ .. ﻗﺎﻝ " ﺯﻳﺎﺩ " ﻣﺒﺘﺴﻤﺎً :
- ﺍﻧﺖ ﻟﺴﻪ ﺑﺘﺤﺐ ﺗﻴﺠﻲ ﻫﻨﺎ ؟
ﻗﺎﻝ " ﺁﺩﻡ " ﻭﻫﻮ ﻳﻨﻈﺮ ﺍﻟﻰ ﺍﻟﻔﺮﺍﻍ ﺃﻣﺎﻣﻪ :
- ﺃﻳﻮﺓ .. ﻫﻨﺎ ﺑﺤﺲ ﺍﻧﻰ ﺣﺮ .. ﻭﺍﻷﺑﻮﺍﺏ ﻛﻠﻬﺎ ﻣﻔﺘﻮﺣﺔ ﺃﺩﺍﻣﻰ
ﻧﻈﺮ ﺍﻟﻴﻪ " ﺯﻳﺎﺩ " ﺑﺈﻫﺘﻤﺎﻡ ﻗﺎﺋﻼً :
- ﻗﻮﻟﻰ ﺑﺄﻩ ﺍﻧﺖ ﻣﺤﺘﺎﺟﻨﻰ ﻓﻰ ﺍﻳﻪ ؟ .. ﻭﺍﻳﻪ ﺩﻩ ﺍﻟﻤﻮﺿﻮﻉ ﺍﻟﻠﻰ ﻣﻴﺤﺘﻤﻠﺶ ﺗﺄﺟﻴﻞ
ﻧﻈﺮ ﺍﻟﻴﻪ " ﺁﺩﻡ " ﻗﺎﺋﻼً :
- ﺃﻧﺎ ﻛﺘﺐ ﻛﺘﺎﺑﻰ ﺑﻌﺪ 5 ﺃﻳﺎﻡ ﻳﺎ " ﺯﻳﺎﺩ "
ﻫﺘﻒ " ﺯﻳﺎﺩ " ﻓﻰ ﺳﻌﺎﺩﺓ :
- ﺃﻟﻒ ﺃﻟﻒ ﻣﻠﻴﻮﻥ ﻣﺒﺮﻭﻙ ﻳﺎ " ﺁﺩﻡ .. " ﺍﺧﺺ ﻋﻠﻴﻚ ﻭﻣﺨﺒﻰ ﻋﻠﻴﺎ ﻣﻜﻨﺶ ﺍﻟﻌﺸﻢ
ﻧﻈﺮ " ﺁﺩﻡ " ﺃﻣﺎﻣﻪ ﻓﻰ ﻭﺟﻮﻡ .. ﺍﺧﺘﻔﺖ ﺍﺑﺘﺴﺎﻣﺔ " ﺯﻳﺎﺩ " ﻭﺳﺄﻟﻪ ﻗﺎﺋﻼً :
- ﻓﻰ ﺍﻳﻪ ﻳﺎ " ﺁﺩﻡ .. " ﺍﻭﻋﻰ ﺗﻘﻮﻝ ﺃﻣﻚ ﺍﻟﻠﻰ ﻏﺼﺒﺘﻚ ﻭﺟﻮ ﺃﻓﻼﻡ ﺍﻷﺑﻴﺾ ﻭﺍﺳﻮﺩ ﺩﻩ
ﺗﻨﻬﺪ " ﺁﺩﻡ " ﻗﺎﺋﻼً :
- ﻻ ﻣﺤﺪﺵ ﻏﺼﺒﻨﻰ
ﺃﺷﺎﺭ ﺍﻟﻴﻪ " ﺯﻳﺎﺩ " ﻗﺎﺋﻼً :
- ﺑﺄﻩ ﺩﻯ ﺧﻠﻘﺔ ﻭﺍﺣﺪ ﻫﻴﺘﺠﻮﺯ ﺑﻌﺪ 5 ﺃﻳﺎﻡ
ﻗﺎﻝ " ﺁﺩﻡ " ﺑﺠﺪﻳﺔ ﻭﻫﻮ ﻳﻠﺘﻔﺖ ﺍﻟﻴﻪ :
- ﺍﺳﻤﻌﻨﻰ ﻳﺎ " ﺯﻳﺎﺩ .. " ﺍﻟﻠﻰ ﻫﻜﺘﺐ ﻛﺘﺎﺑﻰ ﻋﻠﻴﻬﺎ ﺩﻯ ﺗﺒﻘﻰ ﺑﻨﺖ ﺃﺧﻮ " ﺳﺮﺍﺝ ﺣﺴﺎﻥ ﺍﻟﻴﻤﺎﻧﻰ "
ﻧﻈﺮ ﺍﻟﻴﻪ " ﺯﻳﺎﺩ " ﺑﺪﻫﺸﺔ ﻛﺒﻴﺮﺓ ﻭﻗﺎﻝ :
- ﺍﺯﺍﻯ ﻳﻌﻨﻲ ﺑﻨﺖ ﺃﺧﻮﻩ .. ﻭﺍﺷﻤﻌﻨﻰ ﺑﻨﺖ ﺃﺧﻮﻩ .. ﻭﺑﻌﺪﻳﻦ ﻫﻮ " ﺳﺮﺍﺝ " ﺍﺯﺍﻯ ﺳﻜﺘﻠﻚ
ﺻﻤﺖ " ﺁﺩﻡ " ﻓﻬﺘﻒ " ﺯﻳﺎﺩ " :
" - ﺁﺩﻡ " ﺭﺩ ﻋﻠﻴﺎ ﻭﻓﻬﻤﻨﻰ ﺍﻳﻪ ﺍﻟﻠﻰ ﺑﻴﺤﺼﻞ ﺑﺎﻟﻈﺒﻂ
ﻗﺎﻝ " ﺁﺩﻡ " ﺑﺒﺮﻭﺩ ﻭﻗﺴﻮﺓ :
" - ﺳﺮﺍﺝ " ﻣﻴﻌﺮﻓﺶ ﻻﻧﻪ ﻣﻘﺎﻃﻊ ﺃﺑﻮ ﺧﻄﻴﺒﺘﻰ .. ﻭﺩﻩ ﺍﻟﻠﻰ ﻧﻔﻌﻨﻰ ﻻﻥ " ﺳﺮﺍﺝ " ﻟﻮ ﻛﺎﻥ ﻋﺮﻑ ﻛﺎﻧﺖ ﺧﻄﺘﻰ ﻓﺸﻠﺖ ﻣﻦ ﺃﻭﻟﻬﺎ
ﻧﻈﺮ ﺍﻟﻴﻪ " ﺯﻳﺎﺩ " ﺑﺸﻚ ﻗﺎﺋﻼً :
- ﺧﻄﺖ ﺍﻳﻪ ﺍﻟﻠﻰ ﻓﺸﻠﺖ ؟ .. ﺍﻧﺖ ﻧﺎﻭﻯ ﻋﻠﻰ ﺍﻳﻪ " ﺁﺩﻡ "
ﻗﺎﻝ " ﺁﺩﻡ " ﺑﻘﺴﻮﺓ :
- ﻧﺎﻭﻯ ﺃﺭﺟﻊ ﺣﻘﻰ ﺍﻟﻠﻰ ﺍﺗﺴﺮﻕ ﻣﻨﻰ ﻳﺎ " ﺯﻳﺎﺩ "
ﻗﺎﻝ " ﺯﻳﺎﺩ :"
- ﻭﻫﺘﺮﺟﻌﻪ ﺍﺯﺍﻯ ؟
ﻗﺎﻝ " ﺁﺩﻡ " ﻭﻧﻈﺮﺍﺕ ﻋﻴﻨﻴﻪ ﺍﻟﺒﺎﺭﺩﻩ ﺗﺰﻳﺪ ﻣﻦ ﺑﺮﻭﺩﻩ ﺍﻟﻠﻴﻞ :
- ﻫﻜﺘﺐ ﻛﺘﺎﺑﻰ ﻋﻠﻴﻬﺎ .. ﻭﻫﺴﺎﻭﻣﻬﻢ ﻋﻠﻰ ﺍﻟﻄﻼﻕ
ﻧﻈﺮ ﺍﻟﻴﻪ " ﺯﻳﺎﺩ " ﻣﺼﺪﻭﻣﺎً ﺩﻭﻥ ﺃﻥ ﻳﺘﻔﻮﻩ ﺑﻜﻠﻤﻪ .. ﻓﺄﻛﻤﻞ " ﺁﺩﻡ " :
- ﺳﺎﻋﺘﻬﺎ ﺃﺑﻮﻫﺎ ﻫﻴﻀﻄﺮ ﻳﺴﺎﻋﺪﻧﻰ ﻭﻳﻀﻐﻂ ﻋﻠﻰ ﺃﺧﻮﻩ ﻳﺮﺟﻌﻠﻰ ﺣﻘﻰ ﻋﺸﺎﻥ ﻳﺨﻠﺺ ﺑﻨﺘﻪ
ﺧﺮﺝ " ﺯﻳﺎﺩ " ﻣﻦ ﺻﻤﺘﻪ ﻗﺎﺋﻼً :
- ﻳﺎ ﺳﻼﻡ ﻭﺍﻓﺮﺽ ﺑﺄﻩ " ﺳﺮﺍﺝ " ﻣﺮﺿﺎﺵ ﻳﺮﺟﻌﻠﻚ ﺣﻘﻚ .. ﺍﻧﺖ ﻋﺎﺭﻓﻪ ﻛﻠﺐ ﻭﻣﻴﻬﻤﻮﺵ ﺍﻻ ﻧﻔﺴﻪ
ﻗﺎﻝ " ﺁﺩﻡ " ﺑﺤﺪﻩ :
- ﺳﺎﻋﺘﻬﺎ ﺃﺑﻮﻫﺎ ﻫﻮ ﺍﻟﻠﻰ ﻫﻴﻀﻄﺮ ﻳﺪﻓﻌﻠﻰ ﺣﻘﻰ
ﻗﺎﻝ " ﺯﻳﺎﺩ " ﺑﺤﺪﻩ :
- ﻭ ﺍﺑﻮﻫﺎ ﺫﻧﺒﻪ ﺍﻳﻪ ﻳﺎ " ﺁﺩﻡ " ؟
ﺻﺎﺡ " ﺃﺩﻡ " ﺑﻀﻴﻖ :
- ﻫﻤﺎ ﻣﺶ ﻋﻴﻠﺔ ﻓﻰ ﺑﻌﺾ ﻭﺍﻟﻠﻰ ﺳﺮﻗﻨﻰ ﻳﺒﻘﻰ ﺃﺧﻮﻩ ﻭﺍﺑﻦ ﺃﺧﻮﻩ .. ﺧﻼﺹ ﻳﺘﺼﺮﻓﻮﺍ ﻣﻊ ﺑﻌﺾ ﺍﻟﻤﻬﻢ ﺣﻘﻰ ﻳﺮﺟﻊ
ﻗﺎﻝ " ﺯﻳﺎﺩ " ﺑﺄﺳﻰ :
" - ﻭَﻟَﺎ ﺗَﺰِﺭُ ﻭَﺍﺯِﺭَﺓٌ ﻭِﺯْﺭَ ﺃُﺧْﺮَﻯ " ﻳﺎ " ﺁﺩﻡ "
ﺛﻢ ﻗﺎﻝ ﺑﺘﺤﺪﻯ :
- ﻃﻴﺐ ﺍﻓﺮﺽ ﺑﺄﻩ ﻣﺮﺿﻴﻮﺵ ﻭﺭﻓﻌﻮﺍ ﻋﻠﻴﻚ ﻗﻀﻴﺔ ﺧﻠﻊ ﻭﻻ ﻗﻀﻴﺔ ﻧﺼﺐ ﻫﺘﻌﻤﻞ ﺍﻳﻪ ﺳﺎﻋﺘﻬﺎ
ﺻﻤﺖ " ﺁﺩﻡ " ﻗﻠﻴﻼً ﺛﻢ ﺍﻟﺘﻔﺖ ﺍﻟﻴﻪ ﻗﺎﺋﻼً ﺑﻬﺪﻭﺀ :
- ﻻ ﻫﻴﺨﺎﻓﻮﺍ
ﻗﺎﻝ " ﺯﻳﺎﺩ " ﺑﺪﻫﺸﺔ :
- ﻭﺍﻳﻪ ﺍﻟﻠﻰ ﻫﻴﺨﻠﻴﻬﻢ ﻳﺨﺎﻓﻮﺍ ﺍﻥ ﺷﺎﺀ ﺍﻟﻠﻪ
ﻗﺎﻝ " ﺁﺩﻡ " ﺑﺠﻤﻮﺩ :
- ﻻﻧﻰ ﻫﻬﺪﺩﻫﻢ ﺳﺎﻋﺘﻬﺎ ﺍﻧﻰ ﻫﻘﻮﻝ ﺍﻧﻬﺎ ﻛﺎﻧﺖ ﺑﺘﺠﻴﻠﻲ ﺍﻟﺒﻴﺖ ﻭﺃﺳﻮﺃ ﺳﻤﻌﺘﻬﺎ ﻓﻰ ﺍﻟﻜﻠﻴﺔ ﻭﺃﻗﻮﻝ ﺍﻧﻰ ﻛﻨﺖ ﻋﻠﻰ ﻋﻼﻗﺔ ﺑﻴﻬﺎ ﻣﻦ ﺯﻣﺎﻥ
ﺷﻌﺮ " ﺯﻳﺎﺩ " ﺑﺎﻟﺼﺪﻣﺔ ﻭﻫﻮ ﻳﺴﺘﻤﻊ ﺍﻟﻰ ﻛﻠﻤﺎﺕ " ﺁﺩﻡ " ﺍﻟﺘﻰ ﺗﺨﻠﻮ ﻣﻦ ﺃﻯ ﺧﻠﻖ ﻓﻘﺎﻝ :
- ﺣﺮﺍﻡ ﻋﻠﻴﻚ .. ﺣﺮﺍﻡ ﻋﻠﻴﻚ ﻳﺎ " ﺁﺩﻡ " ﻭﻫﻰ ﺫﻧﺒﻬﺎ ﺍﻳﻪ ؟
ﻗﺎﻝ " ﺁﺩﻡ " ﺑﻌﺼﺒﻴﻪ :
- ﺃﻧﺎ ﻣﺶ ﻫﺄﺫﻳﻬﺎ ﻳﺎ " ﺯﻳﺎﺩ .. " ﺃﻧﺎ ﻫﻬﺪﺩﻫﻢ ﺑﺲ ﻟﻜﻦ ﻣﺶ ﻫﻘﻮﻝ ﻋﻨﻬﺎ ﺣﺎﺟﺔ .. ﻭﺑﻌﺪﻳﻦ ﺃﻧﺎ ﻟﻮ ﻛﻨﺖ ﻋﺎﻳﺰ ﺃﺃﺫﻳﻬﺎ ﻛﻨﺖ ﻛﺸﻔﺖ ﻧﻔﺴﻲ ﺑﻌﺪ ﺍﻟﺪﺧﻠﺔ ﻣﺶ ﺑﻌﺪ ﻛﺘﺐ ﺍﻟﻜﺘﺎﺏ .. ﺃﻧﺎ ﺑﺲ ﻋﺎﻳﺰ ﺃﻣﺴﻚ ﻋﻠﻴﻬﻢ ﺣﺎﺟﺔ ﻋﺸﺎﻥ ﺃﻗﺪﺭ ﺃﺳﺎﻭﻡ ﺑﻴﻬﺎ ﻭﺃﺭﺟﻊ ﺣﻘﻰ
ﻫﺘﻒ " ﺯﻳﺎﺩ " ﺑﻐﻀﺐ :
- ﻏﻠﻂ ﻳﺎ " ﺁﺩﻡ " ﺍﻟﻠﻰ ﺍﻧﺖ ﺑﺘﻌﻤﻠﻪ ﺩﻩ ﻏﻠﻂ .. ﺫﻧﺒﻬﺎ ﺍﻳﻪ ﻫﻰ ﻭﺃﺑﻮﻫﺎ ﻓﻰ ﻣﺸﺎﻛﻠﻚ ﺍﻧﺖ ﻭ " ﺳﺮﺍﺝ " ﻭ " ﻋﺎﺻﻰ " ؟
ﺻﺎﺡ " ﺁﺩﻡ " ﺑﻐﻀﺐ ﻫﺎﺩﺭ ﻭﻫﻮ ﻳﺸﻴﺢ ﺑﻴﺪﻳﻪ :
- ﻭ ﺃﻧﺎ ﺫﻧﺒﻲ ﺍﻳﻪ ﻓﻰ ﺍﻟﻠﻰ ﺣﺼﻞ ﺩﻩ ﻛﻠﻪ ؟ .. ﻧﺼﺒﻮﺍ ﻋﻠﻴﺎ ﻫﻤﺎ ﺍﻻﺗﻨﻴﻦ ﻭﺳﺮﻗﻮﻧﻰ ﻭﻛﻞ ﺩﻩ ﻋﺸﺎﻥ ﻓﺴﺨﺖ ﺧﻄﻮﺑﺘﻰ ﺑﺒﻨﺘﻬﻢ .. ﺍﺗﺮﻣﻴﺖ ﻓﻰ ﺍﻟﺴﺠﻦ ﺷﻬﺮﻳﻦ ﻣﻊ ﺍﻟﺤﺮﺍﻣﻴﺔ ﻭﺍﻟﻨﺼﺎﺑﻴﻦ ﻭﺍﻟﺒﻠﻄﺠﻴﺔ ﻛﻞ ﺩﻩ ﻋﺸﺎﻥ ﻃﺎﻟﺒﺖ ﺑﺤﻘﻰ .. ﺑﻌﺘﻮﻟﻰ ﺑﻠﻄﺠﻴﺔ ﻟﺤﺪ ﺑﻴﺘﻲ ﺿﺮﺑﻮﻧﻰ ﻭﻛﺴﺮﻭﻩ ﻓﻮﻕ ﺩﻣﺎﻏﻰ ﻭﻛﺴﺮﻭﺍ ﻋﺮﺑﻴﺘﻲ ﻛﻞ ﺩﻩ ﻋﺸﺎﻥ ﺍﺗﺠﺮﺃﺕ ﻭﺭﻓﻌﺖ ﻋﻠﻴﻬﻢ ﻗﻀﻴﺔ ﻭﺑﺮﺩﻩ ﺧﺴﺮﺗﻬﺎ .. ﻗﻮﻟﻰ ﺃﻋﻤﻞ ﺍﻳﻪ ﺃﺭﺟﻊ ﺣﻘﻰ ﺍﺯﺍﻯ .. ﻣﺸﻴﺖ ﺻﺢ ﺧﺪﺕ ﻓﻮﻕ ﺩﻣﺎﻏﻰ .. ﻣﻌﺪﺵ ﻗﺪﺍﻣﻰ ﻏﻴﺮ ﻃﺮﻳﻖ ﻭﺍﺣﺪ ﻭﻫﻮ ﺍﻧﻰ ﺁﺧﺪ ﺣﻘﻰ ﺑﺪﺭﺍﻋﻰ
ﺛﻢ ﻗﺎﻝ ﺑﻘﺴﻮﺓ ﺷﺪﻳﺪﺓ :
- ﻭﻣﺶ ﺑﺲ ﺁﺧﺪ ﺣﻘﻰ .. ﺃﻧﺎ ﻣﺶ ﻫﺴﻴﺒﻬﻢ ﺍﻻ ﻟﻤﺎ ﺃﻧﺴﻔﻬﻢ ﻣﻦ ﺃﺩﺍﻣﻰ ﻧﺴﻒ .. ﻫﺤﺎﺭﺑﻬﻢ ﻓﻰ ﺷﻐﻠﻬﻢ ﻟﺤﺪ ﻣﺎ ﺃﺧﺴﺮﻫﻢ ﻛﻞ ﺣﺎﺟﺔ
ﻧﻈﺮ " ﺯﻳﺎﺩ " ﺍﻟﻰ ﺻﺪﻳﻘﻪ ﺑﺄﺳﻰ ﻭﻗﺎﻝ :
- ﺃﻧﺎ ﻣﻘﺪﺭ ﻛﻞ ﺍﻟﻠﻰ ﺍﻧﺖ ﺑﺘﻘﻮﻟﻪ ﻭﻋﺎﺭﻑ ﺃﺩ ﺍﻳﻪ ﺍﻧﺖ ﺍﺗﻈﻠﻤﺖ ﻳﺎ " ﺁﺩﻡ " .. ﻟﻜﻦ ﻣﻬﻤﺎ ﺣﺼﻞ ﻣﻴﻨﻔﻌﺶ ﺗﻈﻠﻢ ﻭﺍﺣﺪﺓ ﺑﺮﻳﺌﺔ ﻣﻠﻬﺎﺵ ﺫﻧﺐ ﻓﻰ ﺃﻯ ﺣﺎﺟﺔ .. ﺍﻧﺖ ﺑﺘﻘﻮﻝ ﺍﻧﻚ ﻣﺶ ﻫﺘﺄﺫﻳﻬﺎ .. ﻛﻮﻥ ﺍﻧﻚ ﺗﻜﺘﺐ ﻋﻠﻴﻬﺎ ﻭﺗﻄﻠﻘﻬﺎ ﺩﻩ ﻣﺶ ﻫﻴﺒﻘﻰ ﺃﺫﻳﻪ ﻟﻴﻬﺎ ؟
ﻗﺎﻝ " ﺁﺩﻡ " ﺑﻌﺼﺒﻴﻪ :
- ﻻ ﻣﺶ ﺃﺫﻳﻪ .. ﺃﺻﻼ ﻛﺘﺐ ﺍﻟﻜﺘﺎﺏ ﺯﻯ ﺍﻟﺨﻄﻮﺑﺔ ﺷﻮﻑ ﻛﺎﻡ ﺑﻨﺖ ﺧﻄﻮﺑﺘﻬﺎ ﺑﺘﺘﻔﺴﺦ .. ﺩﻯ ﺣﺎﺟﻪ ﻋﺎﺩﻳﻪ ﺑﺘﺤﺼﻞ ﻷﻯ ﺑﻨﺖ
ﻗﺎﻝ " ﺯﻳﺎﺩ " ﻭﻗﺪ ﻳﺄﺱ ﻣﻦ ﻣﺤﺎﻭﻟﺔ ﺍﻗﻨﺎﻋﻪ :
- ﻭﺟﺎﻳﺒﻨﻰ ﻫﻨﺎ ﻟﻴﻪ ؟
ﻧﻈﺮ ﺍﻟﻴﻪ " ﺁﺩﻡ " ﻗﺎﺋﻼً :
- ﻣﺤﺘﺎﺟﻚ ﻣﻌﺎﻳﺎ .. ﻋﺎﻳﺰﻙ ﺗﻜﻮﻥ ﺷﺎﻫﺪ ﻋﻠﻰ ﺍﻟﻌﻘﺪ .. ﻻﻥ ﻃﺒﻌﺎ ﻣﻔﻴﺶ ﺣﺪ ﻣﻦ ﻗﺮﺍﻳﺒﻲ ﻫﻴﻜﻮﻥ ﻣﻮﺟﻮﺩ ﻭﻻ ﺣﺘﻰ ﻭﺍﻟﺪﺗﻰ ﻣﻔﻴﺶ ﺍﻻ ﺯﻣﺎﻳﻠﻰ ﻓﻰ ﺍﻟﺠﺎﻣﻌﺔ .. ﻓﻬﻘﺪﻣﻚ ﻟﻴﻬﻢ ﻋﻠﻰ ﺍﻧﻚ ﻗﺮﻳﺒﻲ .. ﻣﺶ ﻋﺎﻳﺰ ﺃﺛﻴﺮ ﺷﻜﻮﻛﻬﻢ ﻟﺤﺪ ﻣﺎ ﻛﺘﺐ ﺍﻟﻜﺘﺎﺏ ﻳﺘﻢ
ﻗﺎﻝ " ﺯﻳﺎﺩ " ﺑﺄﺳﻰ :
- ﺃﻧﺎ ﺁﺳﻒ ﻳﺎ " ﺁﺩﻡ " ﻣﺴﺘﺤﻴﻞ ﺃﺷﺎﺭﻙ ﻓﻰ ﺣﺎﺟﺔ ﺯﻯ ﻛﺪﻩ
ﺻﺎﺡ " ﺁﺩﻡ " ﺑﻐﻀﺐ :
- ﻫﻮ ﺍﻧﺎ ﺑﻘﻮﻟﻚ ﺍﺷﻬﺪ ﻋﻠﻰ ﻭﺭﻗﺔ ﺟﻮﺍﺯ ﻋﺮﻓﻰ .. ﺩﻩ ﺟﻮﺍﺯ ﻳﺎ ﺍﺑﻨﻰ ﻋﻠﻰ ﺍﻳﺪ ﻣﺄﺫﻭﻥ
ﻗﺎﻝ " ﺯﻳﺎﺩ " ﺑﺤﺰﻡ :
- ﺟﻮﺍﺯ ﻟﻌﺒﺔ ﻳﺎ " ﺁﺩﻡ .. " ﻟﻌﺒﺔ ﺑﺘﻠﻌﺒﻬﺎ ﻋﺸﺎﻥ ﺗﻀﺮ ﺑﻴﻬﺎ ﻏﻴﺮﻙ ﻭﺃﻧﺎ ﻣﺴﺘﺤﻴﻞ ﺃﺷﺎﺭﻙ ﻓﻰ ﻛﺪﻩ
ﻗﺎﻝ " ﺁﺩﻡ " ﺑﺤﻨﻖ :
- ﻗﻮﻟﺘﻠﻚ ﻣﺤﺪﺵ ﻫﻴﻨﻀﺮ
ﻭﺿﻊ " ﺯﻳﺎﺩ " ﻛﻔﻪ ﻋﻠﻰ ﻛﺘﻒ " ﺁﺩﻡ " ﻗﺎﺋﻼً :
- ﺃﺗﻤﻨﻰ ﻳﺎ " ﺁﺩﻡ " ﺍﻧﻚ ﺗﺼﺤﻰ ﻭﺗﻔﻮﻕ ﻟﻨﻔﺴﻚ ﻗﺒﻞ ﻓﻮﺍﺕ ﺍﻷﻭﺍﻥ
**********************************
ﺟﻠﺴﺖ " ﺑﻮﺳﻰ " ﻋﻠﻰ ﺍﻷﺭﻳﻜﺔ ﺗﻔﻜﺮ ﻓﻰ ﺃﻟﻒ ﻃﺮﻳﻘﺔ ﻭﻃﺮﻳﻘﺔ ﻟﻺﻧﺘﻘﺎﻡ ﻣﻦ " ﺁﺩﻡ " ﺍﻟﺬﻯ ﺧﺎﻧﻬﺎ ﻭﺑﺎﻋﻬﺎ .. ﻛﺎﻧﺖ ﺗﺸﻌﺮ ﺑﺎﻟﻐﻀﺐ ﻭﺍﻟﺤﻘﺪ ﻭﺍﻟﻜﺮﻩ .. ﻭﺩﺕ ﻟﻮ ﺗﻮﺟﻬﺖ ﺍﻟﻴﻪ ﻓﻰ ﺍﻟﺠﺎﻣﻌﺔ ﻭﻓﻀﺤﺘﻪ ﻭﺳﻂ ﻃﻼﺑﻪ .. ﻭﺃﺧﺒﺮﺗﻬﻢ ﺑﺤﻘﻴﻘﺔ ﻫﺬﺍ ﺍﻟﺮﺟﻞ ﺍﻟﺬﻯ ﻳﺠﻤﻌﻪ ﺑﻬﺎ ﻋﻼﻗﺔ ﻣﺤﺮﻣﺔ .. ﻭﺍﻟﺬﻯ ﻳﺴﺤﺐ ﻣﻨﻬﺎ ﺍﻷﻣﻮﺍﻝ ﻟﻴﺼﺮﻓﻬﺎ ﻋﻠﻰ ﻣﻠﺬﺍﺗﻪ .. ﻭﺍﻟﺬﻯ ﻻ ﻳﺼﻠﺢ ﻷﻥ ﻳﻜﻮﻥ ﺩﻛﺘﻮﺭﺓ ﻓﻰ ﺟﺎﻣﻌﺔ ﻣﺤﺘﺮﻣﺔ ﻭﻣﺴﺆﻻً ﻋﻦ ﻃﺎﻟﺒﺎﺕ ﻓﻰ ﺳﻦ ﺍﻟﻤﺮﺍﻫﻘﺔ .. ﺃﺧﺬﺕ ﺗﻘﻄﻢ ﺃﺿﺎﻓﺮ ﻳﺪﻫﺎ ﺑﻌﺼﺒﻴﻪ ﻭﻫﻰ ﺗﺤﺎﻭﻝ ﺃﻥ ﺗﺼﻞ ﺍﻟﻰ ﺧﻄﺔ ﻣﺤﻜﻤﺔ ﻟﻺﻧﺘﻘﺎﻡ .. ﻓﻬﻰ ﺗﻌﺮﻑ " ﺁﺩﻡ " ﺟﻴﺪﺍً ﻭﺗﻌﺮﻑ ﻃﺮﻗﻪ ﺍﻟﻤﻠﺘﻮﻳﺔ ﻟﻠﻬﺮﻭﺏ ﻣﻦ ﺃﻯ ﻣﺸﻜﻠﺔ .. ﻓﺠﺄﺓ ﺳﻤﻌﺖ ﺻﻮﺕ ﺍﻟﻤﻔﺘﺎﺡ ﻓﻰ ﺍﻟﺒﺎﺏ ﻓﻬﺒﺖ ﻭﺍﻗﻔﺔ .. ﺩﺧﻞ " ﺁﺩﻡ " ﻭﺃﻟﻘﻰ ﻋﻠﻴﻬﺎ ﻧﻈﺮﺓ ﻭﺃﻏﻠﻖ ﺍﻟﺒﺎﺏ ﺧﻠﻔﻪ .. ﺍﻗﺘﺮﺏ ﻣﻨﻬﺎ ﻣﺒﺘﺴﻤﺎً .. ﻭﺩﺕ ﻟﻮ ﻗﻔﺰﺕ ﻭﺃﻣﺴﻜﺖ ﻓﻰ ﻋﻨﻘﻪ ﻭﺣﻄﻤﺘﻪ ﺑﻴﻦ ﻳﺪﻳﻬﺎ ﻟﻜﻨﻬﺎ ﺗﻤﺎﻟﻜﺖ ﻧﻔﺴﻬﺎ ﺣﺘﻰ ﺗﺤﻴﻦ ﺍﻟﻠﺤﻈﺔ ﺍﻟﻤﻨﺎﺳﺒﺔ .. ﻗﺎﻝ " ﺁﺩﻡ " ﺑﺼﻮﺗﻪ ﺍﻟﺮﺧﻴﻢ ﻭﻫﻮ ﻳﻘﺒﻞ ﻭﺟﻨﺘﻴﻬﺎ :
- ﺍﺯﻳﻚ ﻳﺎ ﺣﺒﻴﺒﺘﻰ
ﻋﻘﺪﺕ ﺫﺭﺍﻋﻴﻬﺎ ﺃﻣﺎﻡ ﺻﺪﺭﻫﺎ ﻭﻫﻰ ﺗﻨﻈﺮ ﺍﻟﻴﻪ ﺑﺤﺪﻩ .. ﺃﺧﺮﺝ ﻳﺪﻩ ﻣﻦ ﺧﻠﻒ ﻇﻬﺮﻩ ﻣﺤﻤﻠﺔ ﺑﺒﺎﻗﺔ ﻭﺭﺩ ﻛﺒﻴﺮﺓ ﻭﺍﺑﺘﺴﻢ ﻟﻬﺎ ﻗﺎﺋﻼً :
- ﺩﻯ ﻋﺸﺎﻧﻚ
ﻧﻈﺮﺕ " ﺑﻮﺳﻰ " ﺍﻟﻰ ﺍﻟﺒﺎﻗﺔ ﺛﻢ ﺍﻟﻴﻪ ﺩﻭﻥ ﺃﻥ ﺗﻠﻤﺴﻬﺎ ﻓﻘﺎﻝ " ﺁﺩﻡ " :
- ﻣﻀﺎﻳﻘﻪ ﻣﻨﻰ ﻋﺸﺎﻥ ﺑﻘﺎﻟﻰ ﻓﺘﺮﺓ ﺑﻌﻴﺪ ﻋﻨﻚ ﻣﺶ ﻛﺪﻩ ؟
ﻋﺎﻧﻘﻬﺎ ﻗﺎﺋﻼً :
- ﺣﺒﻴﺒﺘﻰ ﻣﻌﻠﺶ ﺣﻘﻚ ﻋﻠﻴﺎ ﺑﺲ ﻣﻜﻨﺘﺶ ﻓﻰ ﺍﻟﻤﻮﺩ ﺍﻷﻳﺎﻡ ﺍﻟﻠﻰ ﻓﺎﺗﺖ ﻭﻛﻨﺖ ﻣﺤﺘﺎﺝ ﺃﺑﻘﻰ ﻟﻮﺣﺪﻯ ﺷﻮﻳﻪ
ﻗﺎﻟﺖ ﻟﻪ " ﺑﻮﺳﻰ : "
- ﻭﺩﻟﻮﻗﺘﻰ ﺍﻧﺖ ﻓﻰ ﺍﻟﻤﻮﺩ
ﺃﺑﻌﺪﻫﺎ ﻋﻨﻪ ﻭﻧﻈﺮ ﺍﻟﻴﻬﺎ ﻣﺒﺘﺴﻤﺎً ﻭﻗﺎﻝ :
- ﺃﻳﻮﺓ ﻳﺎ ﺣﺒﻴﺒﺘﻰ ﻭﺟﻴﺖ ﺃﺻﺎﻟﺤﻚ ﻭﺃﻗﻮﻟﻚ ﺃﻧﺎ ﺁﺳﻒ ﻳﺎ " ﺑﻮﺳﻰ .. " ﻭﻛﻤﺎﻥ ﺃﺧﺮﺟﻚ ﻭﻧﺴﻬﺮ ﺳﻬﺮﺓ ﺣﻠﻮﺓ .. ﺍﻳﻪ ﺭﺃﻳﻚ ؟
ﺃﺧﺬﺕ ﻣﻨﻪ ﺍﻟﺒﺎﻗﻪ ﻭﻫﻰ ﺗﻘﻮﻝ ﺑﻠﺆﻡ :
- ﻣﺎﺷﻰ ﻳﺎ ﺣﺒﻴﺒﻰ ﺛﻮﺍﻧﻰ ﺃﺟﻬﺰ ﻧﻔﺴﻰ
ﺩﺧﻠﺖ " ﺑﻮﺳﻰ " ﻭﺑﺪﻟﺖ ﻣﻼﺑﺴﻬﺎ ﻭﻗﺪ ﺷﻌﺮﺕ ﺑﺎﻟﺪﻫﺸﺔ ﻣﻦ ﺗﻐﻴﺮﻩ ﺍﻟﻤﻔﺎﺟﺊ ﺧﺎﺻﺔ ﺑﻌﺪﻣﺎ ﻋﻠﻤﺖ ﺑﺄﻣﺮ ﻛﺘﺐ ﻛﺘﺎﺑﻪ .. ﻛﺎﻧﺖ ﻭﺍﺛﻘﻪ ﻣﻦ ﺃﻧﻪ ﻳﺮﻳﺪ ﻣﻨﻬﺎ ﺷﻴﺌﺎً ﻣﺎ ﻭﺍﻻ ﻟﻤﺎ ﻋﺎﻣﻠﻬﺎ ﺑﺘﻠﻚ ﺍﻟﻄﺮﻳﻘﺔ ﺍﻟﺤﺎﻧﻴﺔ .. ﺧﺮﺟﺎ ﻣﻌﺎً ﺍﻟﻰ ﺍﺣﺪﻯ ﺍﻟﻤﻄﺎﻋﻢ ﺍﻟﺮﺍﻗﻴﺔ ﻭﺣﺮﺹ " ﺁﺩﻡ " ﻋﻠﻰ ﺗﺪﻟﻴﻠﻬﺎ ﻛﺜﻴﺮﺍً ﺣﺘﻰ ﻛﺎﺩﺕ ﺃﻥ ﺗﺘﻨﺎﺳﻰ ﺃﻣﺮ ﺧﻄﺒﺘﻪ .. ﻧﻈﺮﺕ ﺍﻟﻰ ﻳﺪﻳﻪ ﻟﺘﺠﺪﻫﻤﺎ ﺧﺎﻟﻴﺘﺎﻥ ﻣﻦ ﺃﻯ ﺩﺑﻠﺔ .. ﻓﻔﻜﺮﺕ ﺗُﺮﻯ ﺃﻛﺬﺑﺖ ﻋﻠﻴﻬﺎ ﺍﻟﻔﺘﺎﺗﺎﻥ ﺑﺎﻟﺠﺎﻣﻌﺔ ؟ .. ﺛﻢ ﻗﺎﻟﺖ ﻟﻨﻔﺴﻬﺎ ﻭﻟﻤﺎ ﺗﻜﺬﺑﺎﻥ .. ﻣﺎ ﻣﺼﻠﺤﺘﻬﻤﺎ ﻓﻰ ﺫﻟﻚ .. ﺍﻧﺘﻬﺖ ﺍﻟﺴﻬﺮﺓ ﺍﻟﺘﻰ ﻛﺎﻧﺖ ﻛﺎﻟﺤﻠﻢ ﺑﺎﻟﻨﺴﺒﺔ ﻟﻬﺎ .. ﻓﻤﻀﻰ ﺯﻣﻦ ﻟﻢ ﺗﺮﻯ " ﺁﺩﻡ " ﻳﺪﻟﻠﻬﺎ ﻋﻠﻰ ﻫﺬﺍ ﺍﻟﻨﺤﻮ .. ﻋﺎﺩﺍ ﺍﻟﻰ ﺍﻟﺒﻴﺖ ﺑﺪﻟﺖ ﻣﻼﺑﺴﻬﺎ ﻓﻌﺎﻧﻘﻬﺎ " ﺁﺩﻡ " ﻗﺎﺋﻼً :
- ﻭﺣﺸﺘﻴﻨﻲ ﺃﻭﻯ ﻳﺎ " ﺑﻮﺳﻰ "
ﺍﺑﺘﺴﻤﺖ ﻗﺎﺋﻠﻪ ﻭﻗﺪ ﺗﻨﺎﺳﺖ ﻛﻞ ﻏﻀﺒﻬﺎ :
- ﻭﺍﻧﺖ ﻛﻤﺎﻥ ﻳﺎ ﺣﺒﻴﺒﻰ
ﺭﻓﻊ ﺭﺃﺳﻬﺎ ﻭﻧﻈﺮ ﺍﻟﻴﻬﺎ ﻳﺪﺍﻋﺐ ﺧﺼﻼﺕ ﺷﻌﺮﻫﺎ ﻭﻫﻮ ﻳﻘﻮﻝ :
" - ﺑﻮﺳﻰ " ﻋﺎﻳﺰ ﻣﻨﻚ ﺧﺪﻣﻪ
ﺍﺑﺘﺴﻤﺖ ﻭﻫﻰ ﺗﻠﻘﻰ ﺑﺮﺃﺳﻬﺎ ﻓﻮﻕ ﺻﺪﺭﻩ ﻗﺎﺋﻠﻪ :
- ﺃﺃﻣﺮ ﻳﺎ ﺣﺒﻴﺒﻰ
ﺍﺗﺴﻌﺖ ﻋﻴﻨﺎﻫﺎ ﺩﻫﺸﺔ ﻭﺗﺠﻤﺪﺕ ﻣﻜﺎﻧﻬﺎ ﻋﻨﺪﻣﺎ ﺳﻤﻌﺘﻪ ﻳﻘﻮﻝ :
- ﻋﺎﻳﺰ 30 ﺃﻟﻒ ﺗﺎﻧﻴﻴﻦ ﻏﻴﺮ ﺍﻟﻠﻰ ﺧﺪﺗﻬﻢ .. ﻭﻫﺮﺩﻫﻤﻠﻚ ﻓﻰ ﺃﻗﺮﺏ ﻭﻗﺖ
ﺍﺑﺘﻌﺪﺕ ﻋﻨﻪ " ﺑﻮﺳﻰ " ﻭﻧﻈﺮﺕ ﺍﻟﻴﻪ ﺑﺤﺪﻩ ﻗﺎﺋﻠﻪ ﺑﺈﺣﺘﻘﺎﺭ :
- ﻫﻮ ﺩﻩ ﺑﺄﻩ ﺍﻟﻠﻰ ﻣﺨﻠﻴﻚ ﺗﻌﺎﻣﻠﻨﻰ ﻃﻮﻝ ﺍﻟﻠﻴﻞ ﺯﻯ ﺍﻟﺒﺮﻧﺴﻴﺴﺔ .. ﺃﻧﺎ ﺑﺮﺩﻩ ﻗﻮﻟﺖ ﻫﻮ " ﺁﺩﻡ " ﻋﻴﺎﻥ ﻭﻻ ﺍﻳﻪ ﻋﺸﺎﻥ ﻳﻌﺎﻣﻠﻨﻰ ﺑﺎﻟﺤﻨﻴﺔ ﺩﻯ
ﺯﻓﺮ " ﺁﺩﻡ " ﺑﻀﻴﻖ ﻭﻗﺎﻝ :
- ﺍﻳﻪ ﻟﺰﻣﺔ ﺍﻟﻜﻼﻡ ﺩﻩ ﺩﻟﻮﻗﺘﻰ
ﺻﺎﺣﺖ ﺑﻐﻀﺐ :
- ﻋﺸﺎﻥ ﻣﺒﺘﻌﺮﻓﻨﻴﺶ ﺍﻻ ﻟﻮ ﻛﻨﺖ ﻋﺎﻳﺰ ﺣﺎﺟﺔ ﻳﺎ " ﺁﺩﻡ .. " ﻣﺒﺴﻤﻌﺶ ﻛﻠﻤﺔ ﺣﻠﻮﺓ ﻣﻨﻚ ﺍﻻ ﻟﻮ ﻛﻨﺖ ﻋﺎﻳﺰ ﻣﻨﻰ ﺣﺎﺟﺔ .. ﺍﺭﺣﻤﻨﻰ ﺑﺄﻩ .. ﺍﻧﺖ ﺍﻳﻪ ﻣﺒﺘﺤﺴﺶ
ﺣﻤﻞ " ﺁﺩﻡ " ﺍﻟﺠﺎﻛﺖ ﻓﻰ ﻋﺼﺒﻴﻪ ﻭﻫﺘﻒ ﻓﻰ ﻏﻀﺐ :
- ﺃﻧﺎ ﺧﺎﺭﺝ
ﺃﺳﺮﻋﺖ ﺧﻠﻔﻪ ﻭﺻﺎﺣﺖ ﺑﻐﻀﺐ :
- ﻓﻰ ﺳﺘﻴﻦ ﺩﺍﻫﻴﺔ
ﺧﺮﺝ ﻭﺃﻏﻠﻖ ﺍﻟﺒﺎﺏ ﺧﻠﻔﻪ ﺑﻘﻮﺓ .. ﺍﺗﺠﻪ ﺍﻟﻰ ﺳﻴﺎﺭﺗﻪ ﻭﺍﻧﻄﻠﻖ ﺑﻬﺎ ﺑﻌﺼﺒﻴﻪ ﺑﺎﻟﻐﺔ
*****************************************
ﻭﻗﻔﺖ " ﺍﻳﻤﺎﻥ " ﺗﺮﺗﺪﻯ ﺍﺳﺪﺍﻟﻬﺎ ﻭﺗﻨﺸﺮ ﺍﻟﻐﺴﻴﻞ ﻓﻰ ﺷﺮﻓﺔ ﺑﻴﺘﻬﻢ .. ﻋﻨﺪﻣﺎ ﺗﻌﺎﻟﺖ ﻓﺠﺄﺓ ﺃﺻﻮﺍﺕ ﺍﻟﺰﻏﺎﺭﻳﺪ .. ﻧﻈﺮﺕ " ﺇﻳﻤﺎﻥ " ﺣﻮﻟﻬﺎ ﻟﺘﺘﺒﻴﻦ ﻣﺼﺪﺭ ﺗﻠﻚ ﺍﻟﺰﻏﺎﺭﻳﺪ .. ﻗﻔﺰ ﻗﻠﺒﻬﺎ ﻣﻦ ﻣﻜﺎﻧﻪ ﻋﻨﺪﻣﺎ ﺃﺩﺭﻛﺖ ﺍﻥ ﺗﻠﻚ ﺍﻷﺻﻮﺍﺕ ﻣﻨﺒﻌﺜﺔ ﻣﻦ ﺩﺍﺧﻞ ﺑﻴﺘﻬﺎ .. ﺗﺮﻛﺖ ﻣﺎ ﺑﻴﺪﻫﺎ ﻭﺩﺧﻠﺖ ﻟﺘﺴﺘﻘﺒﻠﻬﺎ ﺃﻣﻬﺎ ﻗﺎﻟﺖ ﺑﻠﻬﻔﻪ :
- ﻓﻰ ﺍﻳﻪ ﻳﺎ ﻣﺎﻣﺎ ؟
ﺃﻃﻠﻘﺖ " ﺃﻣﻬﺎ " ﺯﻏﺮﻭﺩﻩ ﺃﺧﺮﻯ ﺛﻢ ﻗﺎﻟﺖ :
- ﺍﻟﻌﺮﻳﺲ ﻭﺍﻓﻖ ﻳﺎ " ﺇﻳﻤﺎﻥ " ﻭﺟﺎﻯ ﻫﻮ ﻭﺃﻣﻪ ﻭﺃﺑﻮﻩ ﻳﻮﻡ ﺍﻟﺨﻤﻴﺲ ﻋﺸﺎﻥ ﻳﺨﻄﺒﻮﻛﻰ
ﺗﺤﻮﻟﺖ ﻣﻼﻣﺢ " ﺇﻳﻤﺎﻥ " ﻣﻦ ﺍﻟﺼﺪﻣﺔ ﺍﻟﻰ ﻋﺪﻡ ﺍﻟﺘﺼﺪﻳﻖ ﺍﻟﻰ ﺍﻟﺴﻌﺎﺩﺓ ﻭﻫﻰ ﺗﺼﻴﺢ ﺑﻔﺮﺡ :
- ﺑﺠﺪ ﻳﺎ ﻣﺎﻣﺎ .. ﻣﺘﺄﻛﺪﻩ ؟ .. ﺍﻭﻋﻰ ﺗﻜﻮﻧﻰ ﺑﺘﻬﺰﺭﻯ
ﺃﻃﻠﻘﺖ ﺃﻣﻬﺎ ﺯﻏﺮﻭﺩﻩ ﺃﺧﺮﻯ ﻭﻗﺎﻟﺖ :
- ﻣﺒﺮﻭﻙ ﻳﺎ " ﺇﻳﻤﺎﻥ " ﻣﺒﺮﻭﻙ ﻳﺎ ﺣﺒﻴﺒﺘﻰ
ﻗﻔﺰﺕ " ﺇﻳﻤﺎﻥ " ﻓﻰ ﺍﻟﻬﻮﺍﺀ ﻭﻫﻰ ﻻ ﺗﺼﺪﻕ ﺳﻌﺎﺩﺗﻬﺎ .. ﺳﻤﻌﺘﺎ ﻃﺮﻗﺎﺕ ﻋﻠﻰ ﺍﻟﺒﺎﺏ ﻓﺘﺤﺖ ﻟﺘﺠﺪ ﺍﺣﺪﻯ ﺟﺎﺭﺍﺗﻬﺎ ﺗﻘﻮﻝ :
- ﺧﻴﺮ ﻳﺎ ﺃﻡ " ﻋﻠﻰ " ﺳﻤﻌﻨﺎ ﺯﻏﺎﺭﻳﺖ ﻃﺎﻟﻌﻪ ﻣﻦ ﻋﻨﺪﻛﻮﺍ
ﻗﺎﻟﺖ ﺃﻣﻬﺎ ﺑﺴﻌﺎﺩﺓ :
- ﻋﻘﺒﺎﻝ ﻋﻨﺪﻙ ﻳﺎ ﺃﻡ " ﻣﺤﻤﺪ .. " " ﺇﻳﻤﺎﻥ " ﺑﻨﺘﻰ ﻫﺘﺘﺨﻄﺐ
ﺃﻃﻠﻘﺖ ﺍﻟﻤﺮﺃﺓ ﺯﻏﺮﻭﺩﻩ ﺛﻢ ﻗﺎﻟﺖ :
- ﻳﺎ ﺃﻟﻒ ﻧﻬﺎﺭ ﺃﺑﻴﺾ ﻭﺍﻟﻠﻪ ﻭﻛﺒﺮﺗﻰ ﻳﺎ " ﺇﻳﻤﺎﻥ " .. ﻋﻘﺒﺎﻝ ﻋﻠﻰ ﻳﺎ ﺃﻡ " ﻋﻠﻰ "
ﻗﺎﻟﺖ ﺃﻣﻬﺎ ﺿﺎﺣﻜﺔ :
- ﺗﻌﻴﺸﻲ .. ﻭﻋﻘﺒﺎﻝ ﻣﺘﻔﺮﺣﻰ ﺑﻮﻻﺩﻙ ﺍﻧﺘﻰ ﻛﻤﺎﻥ .. ﺍﺩﺧﻠﻰ ﺍﺩﺧﻠﻰ ﻻﺯﻡ ﺃﻋﻤﻠﻚ ﺷﺮﺑﺎﺕ ﺣﻼﻭﺓ ﺍﻟﺨﺒﺮ ﺍﻟﺤﻠﻮ ﺩﻩ
ﺩﺧﻠﺖ " ﺇﻳﻤﺎﻥ " ﻏﺮﻓﺘﻬﺎ ﻭﻫﻰ ﻻ ﺗﺼﺪﻕ ﻧﻔﺴﻬﺎ .. ﻻ ﺗﺼﺪﻕ ﺃﻥ ﺍﻟﺴﻌﺎﺩﺓ ﻃﺮﻗﺖ ﺑﺎﺑﻬﺎ ﺃﺧﻴﺮﺍً .. ﺳﺠﺪﺕ ﺍﻟﻰ ﺍﻟﻠﻪ ﺷﺎﻛﺮﺓ ﻟﻪ .. ﻭﻗﻠﺒﻬﺎ ﻳﻘﻔﺰ ﻣﻦ ﺍﻟﻔﺮﺡ .. ﻓﺘﺤﺖ ﺩﻭﻻﺏ ﻣﻼﺑﺴﻬﺎ ﻟﻠﺘﺘﺨﻴﺮ ﻣﻨﺬ ﺍﻵﻥ .. ﻣﺎﺫﺍ ﺳﺘﺮﺗﺪﻯ ﻟﻤﻼﻗﺎﺓ ﻋﺮﻳﺴﻬﺎ ﻭﺃﻫﻠﻪ
**************************************
ﺗﻠﻘﺖ " ﺳﻤﺮ " ﻣﻜﺎﻟﻤﺔ ﻣﻦ " ﺇﻳﻤﺎﻥ " ﻗﺎﻟﺖ ﻟﻬﺎ ﻓﻴﻬﺎ :
" - ﺳﻤﺮ " ﻣﺶ ﻫﺘﺼﺪﻗﻰ .. ﺍﻟﻌﺮﻳﺲ ﻭﺍﻓﻖ ﻋﻠﻴﺎ ﻳﺎ " ﺳﻤﺮ "
ﻗﺎﻟﺖ " ﺳﻤﺮ " ﺑﺴﻌﺎﺩﺓ ﻣﻤﺰﻭﺟﺔ ﺑﺪﻫﺸﺔ :
- ﺍﻧﻬﻰ ﻳﺎ " ﺇﻳﻤﺎﻥ .. " ﺍﻟﻠﻰ ﻛﺎﻥ ﺭﻓﺾ؟
ﻗﺎﻟﺖ " ﺇﻳﻤﺎﻥ " ﺑﻔﺮﺡ :
- ﻻ ﻣﺶ ﺩﻩ ﺩﻩ ﻭﺍﺣﺪ ﻏﻴﺮﻩ
ﻗﺎﻟﺖ " ﺳﻤﺮ " ﺑﻌﺘﺎﺏ ﻭﻫﻰ ﺗﻀﺤﻚ :
- ﺍﺧﺺ ﻋﻠﻴﻜﻲ ﻣﺠﺒﺘﻠﻴﺶ ﺳﻴﺮﺗﻪ ﻳﺎ ﻧﺎﺩﻟﻪ
ﻗﺎﻟﺖ " ﺇﻳﻤﺎﻥ " :
- ﻣﻌﻠﺶ ﻳﺎ " ﺳﻤﺮ " ﻭﺍﻟﻠﻪ ﻛﻨﺖ ﺧﺎﻳﻔﻪ ﻳﺮﻓﺾ ﻭﻳﺒﻘﻰ ﺷﻜﻠﻰ ﺯﺑﺎﻟﺔ ﻛﺎﻟﻌﺎﺩﺓ
ﺿﺤﻜﺖ " ﺳﻤﺮ " ﻗﺎﺋﻠﻪ :
- ﻭﺍﻟﻠﻪ ﻓﺮﺣﺘﻴﻨﻲ ﻳﺎ " ﺇﻳﻤﺎﻥ " ﺭﺑﻨﺎ ﻳﺘﻤﻤﻠﻚ ﻋﻠﻰ ﺧﻴﺮ ﻳﺎ ﺣﺒﻴﺒﺘﻰ
ﻗﺎﻟﺖ " ﺇﻳﻤﺎﻥ " ﺑﻠﻬﻔﻪ :
- ﺑﻘﻮﻟﻚ ﺍﻳﻪ ﺗﻌﺎﻟﻰ ﻋﺪﻯ ﻋﻠﻴﺎ ﺍﻟﻨﻬﺎﺭﺩﺓ .. ﻫﻮ ﻭﺃﻫﻠﻪ ﺟﺎﻳﻴﻦ ﻳﻮﻡ ﺍﻟﺨﻤﻴﺲ ﻭﻋﺎﻳﺰﺍﻛﻰ ﺗﺨﺘﺎﺭﻯ ﻣﻌﺎﻳﺎ ﺍﻟﻬﺪﻭﻡ ﺍﻟﻰ ﻫﻠﺒﺴﻬﺎ
ﻗﺎﻟﺖ " ﺳﻤﺮ " :
- ﻣﺎﺷﻰ ﻳﺎ ﺣﺒﻴﺒﺘﻰ ﻫﺨﻠﺺ ﺷﻐﻞ ﻭﺃﻋﺪﻯ ﻋﻠﻴﻜﻲ ﺍﻥ ﺷﺎﺀ ﺍﻟﻠﻪ
ﻗﺎﻟﺖ " ﺇﻳﻤﺎﻥ " ﺑﺴﻌﺎﺩﺓ :
- ﻣﺘﺤﺮﻣﺶ ﻣﻨﻚ ﻳﺎ " ﺳﻤﺮ " ﻭﻋﻘﺒﺎﻟﻚ ﺍﻧﺘﻰ ﻛﻤﺎﻥ
ﺍﺧﺘﻔﺖ ﺍﺑﺘﺴﺎﻣﺔ " ﺳﻤﺮ " ﻟﻜﻨﻬﺎ ﻋﺎﺩﺕ ﻟﺘﺮﺳﻤﻬﺎ ﻋﻠﻰ ﻭﺟﻬﻬﺎ ﻣﺮﺓ ﺃﺧﺮﻯ ﻭﻗﺎﻟﺖ :
- ﺍﻟﻤﻬﻢ ﻧﻔﺮﺡ ﺑﻴﻜﻲ ﺍﻷﻭﻝ ﻳﺎ ﻋﺮﻭﺳﻪ .. ﻳﻼ ﺍﻗﻔﻠﻰ ﻋﺸﺎﻥ ﺃﻟﺤﻖ ﺃﺧﻠﺺ ﺍﻟﻜﺸﻮﻓﺎﺕ ﺍﻟﻠﻰ ﺑﺮﻩ ﺩﻯ
ﻗﺎﻟﺖ " ﺇﻳﻤﺎﻥ " ﺿﺎﺣﻜﺔ :
- ﻛﺮﻭﺗﻴﻬﻢ ﻳﺎ " ﺳﻤﺮ " ﺩﻩ ﺃﻧﺎ ﻗﻠﺒﺖ ﺍﻟﻌﻴﺎﻧﻴﻦ ﺍﻟﻨﻬﺎﺭﺩﺓ ﻋﺸﺎﻥ ﺃﺭﻭﺡ ﺑﺪﺭﻯ
ﺿﺤﻜﺖ " ﺳﻤﺮ " ﻗﺎﺋﻠﻪ :
- ﻣﺎ ﺍﻧﺘﻰ ﻓﺎﺷﻠﺔ ﻫﻘﻮﻝ ﺍﻳﻪ .. ﻳﻼ ﻳﺎ ﺑﺖ ﺳﺒﻴﻨﻰ ﺃﺷﻮﻑ ﺷﻐﻠﻰ ﺧﻠﻴﻨﻲ ﺃﺟﻴﻠﻚ ﺑﺪﺭﻯ
ﻗﺎﻟﺖ " ﺇﻳﻤﺎﻥ " ﺑﻠﻬﻔﻪ :
- ﻣﺎﺷﻰ ﻫﺴﺘﻨﺎﻛﻰ ﻳﻼ ﺳﻼﻡ
ﺃﻧﻬﺖ " ﺳﻤﺮ " ﻋﻤﻠﻬﺎ ﻭﺗﻮﺟﻬﺖ ﺍﻟﻰ ﺑﻴﺖ " ﺇﻳﻤﺎﻥ " ﺍﻟﺘﻔﺘﺖ ﻟﺘﺪﺧﻞ ﺍﻟﺒﻮﺍﺑﺔ ﻓﻮﺟﺪﺕ ﺷﺎﺑﺎً ﺟﺎﻟﺴﺎً ﻳﺴﺪ ﻣﻜﺎﻥ ﺍﻟﺪﺧﻮﻝ ﻓﻐﻀﺖ ﺑﺼﺮﻫﺎ ﻭﻗﺎﻟﺖ :
- ﻟﻮ ﺳﻤﺤﺖ ﻣﻤﻜﻦ ﺃﻋﺪﻯ
ﻧﻈﺮ ﺍﻟﻴﻬﺎ ﺍﻟﺸﺎﺏ ﻭﺍﺑﺘﺴﻢ ﻓﻰ ﻣﺮﺡ ﻗﺎﺋﻼً :
- ﺗﺪﻓﻌﻰ ﻛﺎﻡ ﻭﺃﻧﺎ ﺃﻋﺪﻳﻜﻲ
ﺯﻓﺮﺕ " ﺳﻤﺮ " ﺑﻀﻴﻖ ﻭﻗﺎﻟﺖ :
- ﻟﻮ ﺳﻤﺤﺖ ﻋﺪﻳﻨﻲ
ﻗﺎﻝ ﺍﻟﺸﺎﺏ ﺿﺎﺣﻜﺎً :
- ﻃﻴﺐ ﻗﻮﻣﻴﻨﻲ ﻋﺸﺎﻥ ﻣﺶ ﻗﺎﺩﺭ ﺃﻗﻮﻡ
ﻣﺎ ﻛﺎﺩ " ﻋﻠﻰ " ﻳﺨﺮﺝ ﻣﻦ ﺍﻟﻤﺴﺠﺪ ﺍﻟﻤﻮﺍﺟﻪ ﻟﺒﻴﺘﻪ ﺣﺘﻰ ﻭﺟﺪ " ﺳﻤﺮ " ﻭﺍﻗﻔﺔ ﻻ ﺗﺴﺘﻄﻴﻊ ﺍﻟﺪﺧﻮﻝ ﻣﻦ ﺍﻟﺒﻮﺍﺑﺔ ﺗﻄﺮﻕ ﺑﺮﺃﺳﻬﺎ ﻭﻋﻠﻰ ﻭﺟﻬﻬﺎ ﻋﻼﻣﺎﺕ ﺍﻟﻀﻴﻖ .. ﻭﺍﻟﺸﺎﺏ ﺍﻟﺠﺎﻟﺲ ﻳﺮﻣﻘﻬﺎ ﺑﻨﻈﺮﺍﺗﻪ ﻭﻳﺒﺘﺴﻢ ﻓﻰ ﻭﺟﻬﻬﺎ .. ﺷﻌﺮ " ﻋﻠﻰ " ﺑﺪﻣﺎﺅﻩ ﺗﻐﻠﻰ ﻓﻰ ﻋﺮﻭﻗﻪ ﻭﺍﻗﺘﺮﺏ ﻣﻦ ﺍﻟﺸﺎﺏ ﺻﺎﺋﺤﺎً :
- ﻟﻢ ﻧﻔﺴﻚ ﻳﻠﻪ
ﺍﺧﺘﻔﺖ ﺍﺑﺘﺴﺎﻣﺔ ﺍﻟﺸﺎﺏ ﻭﺍﻟﺘﻔﺖ ﻫﻮ ﻭ " ﺳﻤﺮ " ﻳﻨﻈﺮﺍﻥ ﺍﻟﻰ ﻋﻠﻰ ﺍﻟﺬﻯ ﺟﺬﺏ ﺍﻟﺸﺎﺏ ﻣﻦ ﻣﻼﺑﺴﻪ ﻭﻫﻮ ﻳﺼﻴﺢ ﺑﻐﻀﺐ :
- ﻟﻮ ﻋﺎﻳﺰ ﺗﺘﺮﺑﻰ ﻗﻮﻟﻰ ﻭﺃﻧﺎ ﺃﺭﺑﻴﻚ
ﺻﺎﺡ ﺍﻟﺸﺎﺏ :
- ﺍﻳﻪ ﻓﻰ ﺍﻳﻪ ﻳﺎ " ﻋﻠﻰ " .. ﺍﻧﺎ ﻣﻌﻤﻠﺘﻬﺎﺵ ﺣﺎﺟﺔ
ﺛﻢ ﺍﻟﺘﻔﺖ ﺍﻟﺸﺎﺏ ﺍﻟﻰ " ﺳﻤﺮ " ﻗﺎﺋﻼً ﺑﺤﻨﻖ :
- ﻋﺪﻯ ﻳﺎ ﺳﺘﻰ
ﺩﺧﻠﺖ " ﺳﻤﺮ " ﻣﻦ ﺍﻟﺒﻮﺍﺑﺔ ﺑﺴﺮﻋﺔ ﻓﻘﺎﻝ " ﻋﻠﻰ " ﻟﻠﺸﺎﺏ ﻭﻫﻮ ﻳﺮﻣﻘﻪ ﺑﻨﻈﺮﺍﺕ ﻏﺎﺿﺒﺔ :
- ﻟﻮ ﺷﻮﻓﺘﻚ ﺑﺘﻀﺎﻳﻘﻬﺎ ﺗﺎﻧﻰ ﻣﺶ ﻫﺴﻴﺒﻚ ﻓﺎﻫﻢ
ﻗﺎﻝ ﺍﻟﺸﺎﺏ ﺑﺤﻨﻖ :
- ﺧﻼﺹ ﻳﺎ ﺳﻲ " ﻋﻠﻰ .. " ﺧﻠﺼﻨﺎ ﺑﺄﻩ
ﺩﺧﻞ " ﻋﻠﻰ " ﺍﻟﺒﻴﺖ ﻓﻮﺟﺪ ﻏﺮﻓﺔ " ﺇﻳﻤﺎﻥ " ﻣﻐﻠﻘﺔ ﻓﻌﻠﻢ ﺃﻥ " ﺳﻤﺮ " ﻣﻌﻬﺎ ﻓﻰ ﺍﻟﺪﺍﺧﻞ .. ﻃﺮﻕ ﺍﻟﺒﺎﺏ ﺛﻢ ﻭﻗﻒ ﺑﻌﻴﺪﺍً .. ﻓﺘﺤﺖ " ﺇﻳﻤﺎﻥ " ﺍﻟﺒﺎﺏ ﻓﺄﺷﺎﺭ ﻟﻬﺎ " ﻋﻠﻰ " ﺑﺎﻟﺨﺮﻭﺝ .. ﺧﺮﺟﺖ " ﺇﻳﻤﺎﻥ " ﻭﻫﻰ ﺗﻨﻈﺮ ﺍﻟﻴﻪ ﺑﺪﻫﺸﺔ ﻗﺎﺋﻠﻪ :
- ﻓﻰ ﺍﻳﻪ ﻳﺎ " ﻋﻠﻰ " ؟
ﻗﺎﻝ " ﻋﻠﻰ " ﻭﻫﻮ ﻳﻠﻘﻰ ﻧﻈﺮﺓ ﻋﻠﻰ ﺑﺎﺏ ﻏﺮﻓﺘﻬﺎ ﺍﻟﺬﻯ ﺃﻏﻠﻘﺘﻪ ﺧﻠﻔﻬﺎ :
- ﻗﻮﻟﻰ ﻟﺼﺤﺒﺘﻚ ﻟﻮ ﺣﺪ ﺿﺎﻳﻘﻬﺎ ﺗﺎﻧﻰ ﺗﻘﻮﻟﻚ ﻭ ﺃﻧﺎ ﻫﻌﺮﻑ ﺷﻐﻠﻰ ﻣﻌﺎﻩ
ﻗﺎﻟﺖ " ﺇﻳﻤﺎﻥ " ﺑﺪﻫﺸﺔ :
- ﻣﺶ ﻓﺎﻫﻤﺔ ﻣﻴﻦ ﻳﻀﺎﻳﻖ " ﺳﻤﺮ "
ﻗﺎﻝ " ﻋﻠﻰ " :
- ﻗﻮﻟﻴﻠﻬﺎ ﺑﺲ ﺍﻟﻠﻰ ﻗﻮﻟﺘﻬﻮﻟﻚ ﺩﻩ
ﻗﺎﻟﺖ ﺑﺈﺳﺘﻐﺮﺍﺏ :
- ﻣﺎﺷﻰ ﻫﻘﻮﻟﻬﺎ
ﺩﺧﻠﺖ " ﺇﻳﻤﺎﻥ " ﻭﻗﺎﻟﺖ ﻟـ " ﺳﻤﺮ " ﺍﻟﺘﻰ ﻛﺎﻧﺖ ﺗﺘﻔﺤﺺ ﻣﻼﺑﺲ " ﺇﻳﻤﺎﻥ " ﺍﻟﻤﻌﻠﻘﺔ ﻓﻰ ﺩﻭﻻﺑﻬﺎ :
" - ﻋﻠﻰ " ﻗﺎﻟﻰ ﺃﻗﻮﻟﻚ ﻟﻮ ﺣﺪ ﺿﺎﻳﻘﻚ ﺗﺎﻧﻰ ﻗﻮﻟﻴﻠﻰ ﻭﻫﻮ ﻫﻴﺘﺼﺮﻑ ﻣﻌﺎﻩ
ﺍﻟﺘﻔﺘﺖ " ﺳﻤﺮ " ﺗﻨﻈﺮ ﺍﻟﻰ " ﺇﻳﻤﺎﻥ " ﺑﺈﺭﺗﺒﺎﻙ .. ﻭﺃﻭﻣﺄﺕ ﺑﺮﺃﺳﻬﺎ ﺛﻢ ﻋﺎﺩﺕ ﺗﺘﻔﺤﺺ ﺍﻟﻤﻼﺑﺲ .. ﻗﺎﻟﺖ " ﺇﻳﻤﺎﻥ " ﺑﺨﺒﺚ ﻭﻫﻰ ﺗﺠﻠﺲ ﻓﻮﻕ ﻓﺮﺍﺷﻬﺎ :
- ﻫﻰ ﺍﻳﻪ ﺍﻟﺤﻜﺎﻳﺔ ﺑﺎﻟﻈﺒﻂ ؟
ﻗﺎﻟﺖ " ﺳﻤﺮ " ﺑﺼﻮﺕ ﻫﺎﺩﺉ :
- ﻣﻔﻴﺶ .. ﻓﻰ ﺷﺎﺏ ﺿﺎﻳﻘﻨﻰ ﺗﺤﺖ ﻭﻣﻜﻨﺶ ﺭﺍﺿﻰ ﻳﻌﺪﻳﻨﻲ ﻭﺃﺧﻮﻛﻰ ﻫﺰﺃﻩ .. ﺑﺲ ﻛﺪﻩ
ﻗﺎﻟﺖ " ﺇﻳﻤﺎﻥ " ﺑﻠﺆﻡ ﻭﻫﻰ ﺗﺒﺘﺴﻢ :
- ﺁﻩ ﻗﻮﻟﺘﻴﻠﻲ .. ﺃﺻﻞ ﺃﺧﻮﻳﺎ " ﻋﻠﻰ " ﺑﻴﻐﻴﺮ ﺟﺪﺍ
ﺍﺣﻤﺮ ﻭﺟﻪ " ﺳﻤﺮ " ﻭﻗﺎﻟﺖ ﻟﺘﻐﻴﺮ ﺍﻟﻤﻮﺿﻮﻉ :
- ﺍﻟﻄﻘﻢ ﺩﻩ ﻣﻨﺎﺳﺐ
ﻗﺎﻟﺖ " ﺇﻳﻤﺎﻥ " ﻣﺒﺘﺴﻤﻪ ﺑﺨﺒﺚ :
- ﺃﻧﺎ ﻛﻤﺎﻥ ﺷﺎﻳﻔﻪ ﻛﺪﺓ .. ﺷﺎﻳﻔﺎﻩ ﻣﻨﺎﺳﺐ
ﻧﻈﺮﺕ " ﺳﻤﺮ " ﺍﻟﻰ " ﺇﻳﻤﺎﻥ " ﺑﺤﺪﻩ ﻓﺈﻧﻔﺠﺮﺕ " ﺇﻳﻤﺎﻥ " ﺿﺎﺣﻜﺔ ﻭﻫﻰ ﺗﻘﻮﻝ :
- ﻳﺎ ﺑﻨﺘﻰ ﺍﻋﺘﺮﻓﻰ ﺑﺄﻩ ﺩﻩ ﺃﻧﺎ ﺻﺤﺒﺘﻚ
ﻗﺎﻟﺖ " ﺳﻤﺮ " ﺑﺤﺪﻩ :
- ﺃﻋﺘﺮﻑ ﺑﺈﻳﻪ .. ﺍﻧﺘﻰ ﺍﺗﻬﺒﻠﺘﻰ ﻓﻰ ﻋﻘﻠﻚ ﻳﺎ " ﺇﻳﻤﺎﻥ "
ﻗﺎﻟﺖ " ﺇﻳﻤﺎﻥ " ﺑﺪﻟﻊ :
- ﻃﻴﺐ ﺧﻠﻴﻜﻮﺍ ﺍﻧﺘﻮﺍ ﺍﻻﺗﻨﻴﻦ ﻛﺪﻩ .. ﺑﻜﺮﺓ ﺗﺘﺮﺟﻮﻧﻰ ﻋﺸﺎﻥ ﺃﻛﻮﻥ ﺣﻤﺎﻣﺔ ﺍﻟﺴﻼﻡ ﺑﻴﻨﻜﻮﺍ
ﻗﺎﻟﺖ " ﺳﻤﺮ " ﺑﺤﻨﻖ :
- ﻻ ﺍﻧﺘﻰ ﺷﻜﻠﻚ ﺍﺗﻬﺒﻠﺘﻰ ﻓﻌﻼً .. ﺍﻟﻌﺮﻳﺲ ﻃﻴﺮ ﻋﻘﻠﻚ ﻣﻦ ﺃﻋﺪﻩ ﻭﺍﺣﺪﺓ .. ﺭﺑﻨﺎ ﻳﺴﺘﺮ ﻣﻦ ﺍﻟﻠﻰ ﻫﻴﺤﺼﻞ ﺑﻌﺪ ﻛﺪﻩ
ﺃﻃﻠﻘﺖ " ﺇﻳﻤﺎﻥ " ﺿﺤﻜﺔ ﻋﺎﻟﻴﺔ ﻭ " ﺳﻤﺮ " ﺗﺮﻣﻘﻬﺎ ﺑﻨﻈﺮﺍﺕ ﻏﻴﻆ
**************************************
ﻧﺰﻟﺖ " ﺁﻳﺎﺕ " ﺍﻟﺪﺭﺝ ﻣﺒﺘﺴﻤﻪ ﻭﻫﻰ ﻣﺘﻮﺟﻬﺔ ﺍﻟﻰ ﻏﺮﻓﺔ ﺍﻟﺼﺎﻟﻮﻥ ﻟﻤﻼﻗﺎﺓ " ﺁﺩﻡ " ﻟﻜﻨﻬﺎ ﺗﻮﻗﻔﺖ ﻓﺠﺄﺓ ﻋﻨﺪﻣﺎ ﺳﻤﻌﺘﻪ ﻳﻘﻮﻝ :
- ﻃﻴﺐ ﻋﻠﻰ ﺍﻷﻗﻞ ﻧﺄﺟﻠﻬﺎ ﻟﺒﻌﺪ ﻛﺘﺐ ﺍﻟﻜﺘﺎﺏ
ﺷﻌﺮﺕ ﺑﺎﻟﺪﻫﺸﺔ ﻓﺄﻃﺮﻗﺖ ﺍﻟﺴﻤﻊ .. ﺳﻤﻌﺖ ﻭﺍﻟﺪﻫﺎ ﻳﻘﻮﻝ ﺑﺤﺰﻡ :
- ﺍﺯﺍﻯ ﻳﻌﻨﻲ ﻳﺎ ﺩﻛﺘﻮﺭ .. ﺧﻄﻮﺑﺔ ﻭﻛﺘﺐ ﻛﺘﺎﺏ ﻣﻦ ﻏﻴﺮ ﺷﺒﻜﺔ .. ﻟﻮ ﻣﺶ ﻣﺴﺘﻌﺪ ﺣﺎﻟﻴﺎ ﺧﻼﺹ ﻧﺄﺟﻞ ﻛﺘﺐ ﺍﻟﻜﺘﺎﺏ ﺷﻮﻳﺔ
ﻗﺎﻝ " ﺁﺩﻡ " ﺑﺴﺮﻋﺔ :
- ﻻ ﺃﻧﺎ ﻣﺶ ﺣﺎﺑﺐ ﺍﻟﺘﺄﺟﻴﻞ
ﻗﺎﻝ " ﻋﺒﺪ ﺍﻟﻌﺰﻳﺰ :
- ﻭﺃﻧﺎ ﻣﻴﻨﻔﻌﺶ ﺃﻭﺍﻓﻖ ﺍﻥ ﺑﻨﺘﻰ ﺗﺘﻜﺘﺐ ﻛﺘﺎﺑﻬﺎ ﻣﻦ ﻏﻴﺮ ﺷﺒﻜﺔ ﻣﺤﺘﺮﻣﺔ ﺗﻠﻴﻖ ﺑﻴﻬﺎ ﻭﺑﻤﻘﺎﻣﻬﺎ .. ﻭﻻ ﺍﻧﺖ ﻣﺴﺘﺨﺴﺮ ﻓﻰ ﺑﻨﺘﻰ ﻳﺎ ﺩﻛﺘﻮﺭ
ﻗﺎﻝ " ﺁﺩﻡ " ﻋﻠﻰ ﺍﻟﻔﻮﺭ :
- ﻻ ﻃﺒﻌﺎً ﻣﺶ ﻣﻤﻜﻦ ﺃﺳﺘﺨﺴﺮ ﻓﻴﻬﺎ ﺣﺎﺟﺔ
ﺻﻤﺖ ﻗﻠﻴﻼً ﺛﻢ ﻗﺎﻝ :
- ﺧﻼﺹ ﻋﻠﻰ ﻣﻌﺎﺩﻧﺎ ﺍﻥ ﺷﺎﺀ ﺍﻟﻠﻪ .. ﻭﺑﻌﺪ ﺑﻜﺮﺓ ﻧﻨﺰﻝ ﻧﺸﺘﺮﻯ ﺍﻟﺸﺒﻜﺔ
ﻗﺎﻝ " ﻋﺒﺪ ﺍﻟﻌﺰﻳﺰ " ﺑﺈﺭﺗﻴﺎﺡ :
- ﻋﻠﻰ ﺧﻴﺮﺓ ﺍﻟﻠﻪ
ﺗﻮﺟﻬﺖ " ﺁﻳﺎﺕ " ﺍﻟﻰ ﺍﻟﻐﺮﻓﺔ ﻭﺍﺑﺘﺴﻤﺖ ﻓﻰ ﻭﺟﻬﻬﻤﺎ .. ﺧﺮﺟﺖ " ﺁﻳﺎﺕ " ﺑﺼﺤﺒﺔ " ﺁﺩﻡ " ﺍﻟﺬﻯ ﺑﺪﺍ ﻭﺍﺟﻤﺎً ﺷﺎﺭﺩﺍً .. ﺍﺑﺘﺴﻤﺖ ﻟﻪ ﻗﺎﺋﻠﻪ :
- ﻓﻰ ﺣﺎﺟﺔ ﻳﺎ ﺣﺒﻴﺒﻰ
ﻗﺎﻝ " ﺁﺩﻡ " ﺑﻮﺟﻮﻡ :
- ﻻ ﻣﺘﺸﻐﻠﻴﺶ ﺑﺎﻟﻚ
ﺛﻢ ﺍﻟﺘﻔﺖ ﺍﻟﻴﻬﺎ ﻗﺎﺋﻼً :
- ﺑﻌﺪ ﺑﻜﺮﺓ ﺍﻥ ﺷﺎﺀ ﺍﻟﻠﻪ ﻫﻨﻨﺰﻝ ﻧﺸﺘﺮﻯ ﺍﻟﺸﺒﻜﺔ ﻭﻛﺘﺐ ﺍﻟﻜﺘﺎﺏ ﻓﻰ ﻣﻌﺎﺩﻩ
ﺍﺑﺘﺴﻤﺖ ﻟﻪ ﻭﻇﻠﺖ ﻋﻴﻨﻴﻬﺎ ﻣﻌﻠﻘﺔ ﺑﻪ .. ﺛﻢ ﻣﺎ ﻟﺒﺜﺖ ﺃﻥ ﺷﻌﺮﺕ ﺑﺎﻷﺳﻰ ﻭﻫﻰ ﺗﺮﺍﻗﺐ ﺟﺒﻴﻨﻪ ﺍﻟﻤﻘﻄﺐ ﻭﻧﻈﺮﺍﺕ ﻋﻴﻨﻴﻪ ﺍﻟﺤﺎﺋﺮﺓ .. ﺗﻮﻗﻒ " ﺃﺩﻡ " ﻋﻨﺪ ﺍﺣﺪﻯ ﺍﺷﺎﺭﺍﺕ ﺍﻟﻤﺮﻭﺭ ﻓﻘﺎﻟﺖ ﻟﻪ ﻫﺎﻣﺴﻪ ﻭﻫﻰ ﻣﺎﺯﺍﻟﺖ ﺗﻨﻈﺮ ﺍﻟﻴﻪ :
- ﺑﺤﺒﻚ ﺃﻭﻯ
ﺍﻟﺘﻔﺖ " ﺁﺩﻡ " ﻳﻨﻈﺮ ﺍﻟﻴﻬﺎ .. ﺧﻔﻖ ﻗﻠﺒﻪ .. ﻣﺮﺓ ﺃﺧﺮﻯ .. ﻭﻫﻮ ﻳﺮﻯ ﺍﻟﺼﺪﻕ ﻓﻰ ﻋﻴﻨﻴﻬﺎ .. ﺣﺎﻭﻝ ﺃﻥ ﻳﻨﻄﻖ ﺑﻬﺎ ﻓﻠﻢ ﻳﺴﺘﻄﻊ .. ﻟﻢ ﻳﺴﺘﻄﻊ ﻗﻮﻟﻬﺎ ﻭﻫﻮ ﻳﻨﻈﺮ ﺍﻟﻰ ﻋﻴﻨﻴﻬﺎ .. ﻓﻨﻈﺮ ﺃﻣﺎﻣﻪ ﺛﻢ ﻗﺎﻝ :
- ﻭﺃﻧﺎ ﻛﻤﺎﻥ ﺑﺤﺒﻚ ﺃﻭﻯ
ﺍﺑﺘﺴﻤﺖ " ﺁﻳﺎﺕ .. " ﺛﻢ ﻣﺎ ﻟﺒﺜﺖ ﺷﺮﺩﺕ ﻫﻰ ﺍﻷﺧﺮﻯ ﻭﻗﻄﺒﺖ ﺟﺒﻴﻨﻬﺎ ﺗﻔﻜﺮ ﺑﻌﻤﻖ ﺍﻟﻰ ﺃﻥ ﻇﻬﺮﺕ ﻋﻼﻣﺎﺕ ﺍﻻﺭﺗﻴﺎﺡ ﻋﻠﻰ ﻭﺟﻬﻬﺎ .. ﻟﻤﺎ ﻫﺪﺍﻫﺎ ﺍﻟﻴﻪ ﻋﻘﻠﻬﺎ
**********************************
ﻭﻗﻒ " ﺁﺩﻡ " ﻣﻊ " ﺯﻳﺎﺩ " ﻓﻰ ﺷﺮﻓﺔ ﺑﻴﺖ ﻫﺬﺍ ﺍﻟﺜﺎﻧﻲ ﻭﻫﻮ ﻳﻘﻮﻝ ﺑﺤﻨﻖ :
- ﺃﻋﻤﻞ ﺍﻳﻪ ﺃﺑﻮﻫﺎ ﻃﺎﻟﺐ ﺷﺒﻜﺔ ﺑﻤﺒﻠﻎ ﻣﺶ ﻋﺎﺭﻑ ﺃﺩﺑﺮﻩ ﻭﺭﺍﻓﺾ ﻳﺄﺟﻠﻬﺎ .. ﻟﻮ ﺍﻟﺸﺒﻜﺔ ﻣﺠﺘﺶ ﻣﺶ ﻫﻨﻌﺮﻑ ﻧﻜﺘﺐ ﺍﻟﻜﺘﺎﺏ
ﻗﺎﻝ " ﺯﻳﺎﺩ " ﺑﺤﺰﻡ ﻭﻫﻮ ﻳﻨﻈﺮ ﺍﻝ ﺻﺪﻳﻘﻪ :
- ﻃﻠﻌﻨﻰ ﺃﻧﺎ ﺧﺎﻟﺺ ﻣﻦ ﺍﻟﻠﻌﺒﺔ ﺩﻯ ﻗﻮﻟﺘﻠﻚ ﻣﺶ ﻫﺴﺎﻋﺪﻙ ﻳﺎ " ﺁﺩﻡ .. " ﻣﺶ ﻋﺎﻳﺰ ﺃﺷﻴﻞ ﺫﻧﺐ ﺍﻟﺒﻨﺖ ﺍﻟﻐﻠﺒﺎﻧﻪ ﺩﻯ ﻫﻰ ﻭﺃﺑﻮﻫﺎ
ﻗﺎﻝ " ﺁﺩﻡ " ﺑﺤﻨﻖ :
- ﻫﺮﺟﻌﻬﻤﻠﻚ ﻓﻰ ﺃﻗﺮﺏ ﻭﻗﺖ ﻳﺎ " ﺯﻳﺎﺩ .. " ﺃﻧﺎ ﺧﻼﺹ ﻫﺎﺧﺪ ﺣﻘﻰ
ﻗﺎﻝ " ﺯﻳﺎﺩ " ﺑﺠﺪﻳﺔ :
- ﻟﻮ ﺧﺪﺗﻬﻢ ﺑﺎﻟﻄﺮﻳﻘﺔ ﺩﻯ ﻓﻠﻮﺳﻚ ﻫﺘﺒﻘﻰ ﺣﺮﺍﻡ ﻳﺎ " ﺁﺩﻡ "
ﻗﺎﻝ " ﺁﺩﻡ " ﺑﻐﻴﻆ :
- ﺧﻼﺹ ﻳﺎ " ﺯﻳﺎﺩ " ﻓﻀﻬﺎ ﺳﻴﺮﺓ ﺃﻧﺎ ﻫﺘﺼﺮﻑ
ﻗﺎﻝ " ﺯﻳﺎﺩ " ﺑﺘﻬﻜﻢ :
- ﻣﺨﺪﺗﻬﻤﺶ ﻟﻴﻪ ﻣﻦ ﺍﻟﺒﻨﻚ ﺑﺘﺎﻋﻚ
ﻧﻈﺮ ﺍﻟﻴﻪ " ﺁﺩﻡ " ﺑﻐﻴﻆ ﻓﺄﻛﻤﻞ " ﺯﻳﺎﺩ : "
- ﺳﺖ " ﺑﻮﺳﻰ " ﻫﺎﻧﻢ ﺍﻟﻠﻰ ﻣﺶ ﻻﻗﻴﻪ ﺣﺪ ﻳﺮﺑﻴﻬﺎ .. ﺗﻌﺮﻑ ﺍﻧﺖ ﻣﺘﺴﺘﻬﻠﺶ ﺍﻻ ﻭﺍﺣﺪﺓ ﺯﻳﻬﺎ ﻓﻌﻼً
ﻧﻈﺮ ﺍﻟﻴﻪ " ﺁﺩﻡ " ﺑﺤﺪﻩ ﻓﺄﻛﻤﻞ ﻗﺎﺋﻼً :
- ﻣﺘﺮﺩ ﻣﺨﺪﺗﻬﻤﺶ ﻣﻨﻬﺎ ﻟﻴﻪ
ﻗﺎﻝ " ﺁﺩﻡ " ﺑﺈﻗﺘﻀﺎﺏ :
- ﻣﺮﻳﻀﻴﺘﺶ
ﻗﺎﻝ " ﺯﻳﺎﺩ " ﺳﺎﺧﺮﺍً :
- ﺍﻟﺒﻨﻚ ﻓﻠﺲ ﻭﻻ ﺑﺘﺘﻘﻞ ﻋﻠﻴﻚ ؟ .. ﺷﻜﻠﻚ ﻋﻤﻠﺖ ﺣﺎﺟﺔ ﺿﺎﻳﻘﺘﻬﺎ ﻓﻘﻄﻌﺖ ﻋﻨﻚ ﺍﻟﻤﺼﺮﻭﻑ
ﺻﺎﺡ " ﺁﺩﻡ " ﺑﻐﻀﺐ :
- ﺍﻧﺖ ﻓﻲ ﺍﻳﻪ ﻧﺎﺯﻝ ﺗﺮﻳﻘﻪ ﻣﻦ ﺍﻟﺼﺒﺢ .. ﺃﻧﺎ ﻏﻠﻄﺎﻥ ﺍﻧﻰ ﺟﺘﻠﻚ ﺃﺻﻼً
ﺗﻮﺟﻪ " ﺁﺩﻡ " ﺍﻟﻰ ﺍﻟﺒﺎﺏ ﻭﻗﺒﻞ ﺃﻥ ﻳﺨﺮﺝ ﻟﺤﻖ ﺑﻪ " ﺯﻳﺎﺩ " ﻗﺎﺋﻼً :
" - ﺁﺩﻡ " ﺍﻓﺘﻜﺮ ﻛﻮﻳﺲ ﺍﻟﻤﻘﻮﻟﺔ ﺍﻟﻠﻰ ﺑﺘﻘﻮﻝ " : ﻣﻦ ﻳﺄﺑﻰ ﺍﻟﻴﻮﻡ ﻗﺒﻮﻝ ﺍﻟﻨﺼﻴﺤﻪ ﺍﻟﺘﻲ ﻻﺗﻜﻠﻔﻪ ﺷﻴﺌﺎً ﻓﺴﻮﻑ ﻳﻀﻄﺮ ﻓﻲ ﺍﻟﻐﺪ ﺍﻟﻲ ﺷﺮﺍﺀ ﺍﻷﺳﻒ ﺑﺄﻏﻠﻰ ﺳﻌﺮ "
ﺗﻮﻗﻒ " ﺁﺩﻡ " ﻟﻠﺤﻈﺎﺕ ﻭﻗﺪ ﺃﻭﻻﻩ ﻇﻬﺮﻩ .. ﺛﻢ ﺗﺮﻛﻪ ﻭﺧﺮﺝ ﻣﻦ ﺍﻟﺒﻴﺖ .. ﻧﻈﺮ ﺍﻟﻴﻪ " ﺯﻳﺎﺩ " ﻣﻦ ﺍﻟﺸﺮﻓﺔ ﻭﻫﻮ ﻳﺮﻛﺐ ﺳﻴﺎﺭﺗﻪ .. ﻓﺘﻨﻬﺪ ﻗﺎﺋﻼً :
- ﺭﺑﻨﺎ ﻳﻬﺪﻳﻚ ﻳﺎ " ﺁﺩﻡ .. " ﻭﺗﺮﺟﻊ " ﺁﺩﻡ " ﺑﺘﺎﻉ ﺯﻣﺎﻥ
ﺟﻠﺲ " ﺁﺩﻡ " ﻓﻰ ﺑﻴﺘﻪ ﺳﺎﻫﺮﺍً ﻳﻔﻜﺮ ﺑﻀﻴﻖ .. ﻛﻴﻒ ﻳﺴﺘﻄﻴﻊ ﺗﺪﺑﻴﺮ ﺍﻟﻤﺒﻠﻎ ﻟﺸﺮﺍﺀ ﺍﻟﺸﺒﻜﺔ .. ﻳﻔﺼﻠﻪ ﻋﻦ ﺗﺤﻘﻴﻖ ﺧﻄﺘﻪ ﺑﻀﻌﺔ ﺁﻻﻑ .. ﻫﻞ ﺳﻴﺘﻬﺪﻡ ﻛﻞ ﺷﺊ ﻓﻰ ﻟﺤﻈﺔ .. ﺷﻌﺮ ﺑﺎﻟﻐﻀﺐ ﻭﺯﻓﺮ ﺑﻀﻴﻖ ﻭﻫﻮ ﻻ ﻳﺪﺭﻯ ﻣﺎﺫﺍ ﻳﺼﻨﻊ ..
ﻭﺟﺪ ﻓﺠﺄﺓ " ﺁﺩﻡ " ﺍﺗﺼﺎﻻ ﻣﻦ " ﺑﻮﺳﻰ .. " ﺗﺠﺎﻫﻠﻬﺎ ﺗﻤﺎﻣﺎً .. ﻟﻜﻨﻪ ﻭﺟﺪ ﺑﻌﺪ ﺩﻗﺎﺋﻖ ﺭﺳﺎﻟﺔ ﺗﻘﻮﻝ ﻓﻴﻬﺎ :
- ﺗﻌﺎﻻﻟﻰ ﺩﻟﻮﻗﺘﻰ ﺟﺒﺘﻠﻚ ﺍﻟﻤﺒﻠﻎ ﺍﻟﻠﻰ ﻃﻠﺒﺘﻪ .. ﻣﻨﺘﻈﺮﺍﻙ
ﺍﺑﺘﺴﻢ " ﺁﺩﻡ " ﺑﺴﻌﺎﺩﺓ ﻭﻗﻔﺰ ﻣﻦ ﻓﺮﺍﺷﻪ ﺗﻮﺟﻪ ﺍﻟﻰ ﺑﻴﺘﻬﺎ ﻋﻠﻰ ﺍﻟﻔﻮﺭ .. ﻓﺘﺢ ﺍﻟﺒﺎﺏ ﻓﺎﺳﺘﻘﺒﻠﺘﻪ " ﺑﻮﺳﻰ " ﺑﻜﺎﻣﻞ ﺯﻳﻨﺘﻬﺎ ﻭﺍﺑﺘﺴﻤﺖ ﻓﻰ ﻭﺟﻬﻪ ﻭﻫﻰ ﺗﻘﻮﻝ :
- ﺣﺒﻴﺒﻰ ﻣﻬﻨﺶ ﻋﻠﻴﺎ ﺯﻋﻠﻚ
ﺍﻗﺘﺮﺏ " ﺁﺩﻡ " ﻣﻨﻬﺎ ﻭﻋﺎﻧﻘﻬﺎ ﻗﺎﺋﻼً :
- ﺗﺴﻠﻤﻰ ﻳﺎ ﺣﺒﻴﺒﺘﻰ
ﺭﻓﻌﺖ " ﺑﻮﺳﻰ " ﺭﺃﺳﻬﺎ ﻭﺍﺑﺘﺴﻤﺖ ﻟﻪ .. ﺛﻢ ﺗﻮﺟﻬﺖ ﺍﻟﻰ ﺍﻟﻤﻨﻀﺪﺓ ﻭﺣﻤﻠﺖ ﺍﻟﻤﺎﻝ ﺍﻟﻤﻮﺿﻮﻉ ﻓﻮﻗﻬﺎ ﻭﺍﺗﺠﻬﺖ ﺑﻪ ﺍﻟﻰ " ﺁﺩﻡ " ﺍﻟﺬﻯ ﻟﻤﻌﺖ ﻋﻴﻨﺎﻩ ﺑﻤﺠﺮﺩ ﺃﻥ ﺭﺁﻯ ﺍﻟﻤﺎﻝ ﻓﻰ ﻳﺪﻫﺎ .. ﺃﺧﺬﻩ ﻣﻨﻬﺎ ﻭﻗﺒﻠﻬﺎ ﻗﺎﺋﻼً :
- ﻣﺘﻘﻠﻘﻴﺶ ﻳﺎ " ﺑﻮﺳﻰ " ﻫﺮﺟﻌﻬﻤﻠﻚ ﻓﻰ ﺃﻗﺮﺏ ﻭﻗﺖ
ﺍﺑﺘﺴﻤﺖ ﻗﺎﺋﻠﻪ ﺑﺪﻻﻝ :
" - ﺁﺩﻡ " ﻣﺘﺴﺒﻨﻴﺶ ﺍﻟﻨﻬﺎﺭﺩﺓ .. ﺃﻧﺎ ﺃﺻﻼ ﻣﺴﺎﻓﺮﻩ ﻭﻣﺶ ﻫﺸﻮﻓﻚ ﺍﻻ ﺑﻌﺪ ﻓﺘﺮﺓ ﻃﻮﻳﻠﺔ
ﺳﺄﻟﻬﺎ ﻗﺎﺋﻼً ﺩﻭﻥ ﺍﻫﺘﻤﺎﻡ ﺣﻘﻴﻘﻲ :
- ﻣﺴﺎﻓﺮﺓ ﻓﻴﻦ ؟
ﻗﺎﻟﺖ :
- ﻣﺴﺎﻓﺮﺓ ﻷﺧﻮﻳﺎ ﻓﻰ ﺃﻣﺮﻳﻜﺎ .. ﻫﻌﺪ ﻋﻨﺪﻩ ﻓﺘﺮﺓ ﻳﻌﻨﻲ ﺗﻐﻴﻴﺮ ﺟﻮ
ﺍﺑﺘﺴﻢ ﻟﻬﺎ ﻗﺎﺋﻼً :
- ﻫﺘﻮﺣﺸﻴﻨﻲ ﻳﺎ " ﺑﻮﺳﻰ "
ﺍﻗﺘﺮﺑﺖ ﻣﻨﻪ ﻫﺎﻣﺴﻪ :
- ﺍﻧﺖ ﺃﻛﺘﺮ
ﺟﺬﺑﺘﻪ ﻣﻦ ﻳﺪﻩ ﻓﺘﺮﻙ ﺍﻟﻤﺎﻝ ﻋﻠﻰ ﺍﻟﻄﺎﻭﻟﺔ ﻭﺗﻮﺟﻪ ﻣﻌﻬﺎ ﺍﻟﻰ ﻏﺮﻓﺔ ﺍﻟﻨﻮﻡ ..
ﻓﻰ ﺍﻟﺼﺒﺎﺡ ﺍﺳﺘﻴﻘﻆ " ﺁﺩﻡ " ﻭﺃﻟﻘﻰ ﻧﻈﺮﺓ ﻋﻠﻴﻬﺎ ﺛﻢ ﻧﻬﺾ ﻭﺍﺭﺗﺪﻯ ﻣﻼﺑﺴﻪ ﻭﺃﺧﺬ ﺍﻟﻤﺎﻝ ﻭﻏﺎﺩﺭ ﺍﻟﺒﻴﺖ .. ﺳﻤﻌﺖ " ﺑﻮﺳﻰ " ﺻﻮﺕ ﺍﻟﺒﺎﺏ ﻭﻫﻮ ﻳﻐﻠﻖ .. ﻓﻨﻬﻀﺖ ﺗﻨﻈﺮ ﻟﻠﻔﺮﺍﻍ ﺑﺠﻮﺍﺭﻫﺎ ﻓﻰ ﺳﺨﺮﻳﺔ .. ﺛﻢ ﺗﻮﺟﻬﺖ ﺍﻟﻰ ﺍﻟﻤﻘﻌﺪ ﺍﻟﺬﻯ ﻏﻴﺮﺕ ﻣﻜﺎﻧﻪ ﺍﻟﻠﻴﻠﺔ ﺍﻟﻤﺎﺿﻴﺔ ﻭﻭﺿﻌﺖ ﻓﻮﻕ ﻇﻬﺮﻩ ﺟﺰﺀ ﻣﻦ ﺳﺘﺎﺭﺓ ﺍﻟﺸﺮﻓﺔ .. ﺭﻓﻌﺖ ﺍﻟﺴﺘﺎﺭﺓ ﻟﺘﻈﻬﺮ ﺍﻟﻜﺎﻣﻴﺮﺍ ﺍﻟﻤﻮﺿﻮﻋﻪ ﻓﻮﻕ ﻇﻬﺮ ﺍﻟﻤﻘﻌﺪ .. ﺃﻋﺎﺩﺕ ﺍﻟﻔﻴﺪﻳﻮ ﻣﻦ ﺍﻟﺒﺪﺍﻳﺔ ﻟﺘﻈﻬﺮ ﻭﻫﻰ ﺗﻌﺪﻝ ﻣﻦ ﻭﺿﻊ ﺍﻟﻜﺎﻣﻴﺮ .. ﺣﺮﻛﺖ ﺍﻟﺼﻮﺭﺓ ﺳﺮﻳﻌﺎً ﻟﻴﻈﻬﺮ ﺑﻌﺪ ﺫﻟﻚ " ﺁﺩﻡ " ﻭﻫﻮ ﻳﺪﺧﻞ ﺍﻟﻐﺮﻓﺔ ﻣﻌﻬﺎ ﻭ ...... ﺍﺑﺘﺴﻤﺖ ﺑﻌﺪﻣﺎ ﺗﺄﻛﺪﺕ ﻣﻦ ﺗﺴﺠﻴﻞ ﻛﻞ ﺷﺊ .. ﺃﺧﺮﺟﺖ ﻛﺎﺭﺕ ﺍﻟﺬﺍﻛﺮﻩ ﻣﻦ ﺍﻟﻜﺎﻣﻴﺮﺍ ﻭﻭﺿﻌﺘﻪ ﻓﻰ ﻛﻔﻬﺎ ﻭﺃﻃﺒﻘﺖ ﻋﻠﻴﻪ ﺑﻘﻮﺓ ﻭﻛﺄﻧﻬﺎ ﺗﻄﺒﻖ ﻋﻠﻰ ﻛﻨﺰ ﺛﻤﻴﻦ ﻭﺍﺑﺘﺴﺎﻣﺔ ﺍﻹﻧﺘﺼﺎﺭ ﻋﻠﻰ ﺷﻔﺘﻴﻬﺎ
*************************************
ﻓﻰ ﺍﻟﻴﻮﻡ ﺍﻟﺘﺎﻟﻰ ﻭﻗﻒ " ﺁﺩﻡ " ﻓﻰ ﻣﻜﺎﻧﻪ ﺍﻟﻤﻌﺘﺎﺩ ﻳﻨﻈﺮ ﺍﻟﻰ ﺍﻟﻔﺮﺍﻍ ﻭﻫﻮ ﻳﺸﻌﺮ ﺑﺸﺊ ﺑﺪﺍﺧﻠﻪ ﻳﺤﺎﻭﻝ ﺃﻥ ﻳﺜﻮﺭ ﻭﻳﻔﺼﺢ ﻋﻦ ﻧﻔﺴﻪ .. ﺷﻌﺮ ﻭﻛﺄﻧﻪ ﻳﺤﺎﺭﺏ ﻭﺣﺸﺎً ﻻ ﻳﺴﺘﻄﻴﻊ ﺭﺅﻳﺘﻪ .. ﻓﻰ ﺗﻠﻚ ﺍﻟﻠﺤﻈﺔ ﺍﺗﺼﻠﺖ " ﺁﻳﺎﺕ " ﺑـ " ﺁﺩﻡ " ﻭﻗﺎﻟﺖ ﻟﻪ :
" - ﺁﺩﻡ " ﺍﻧﺖ ﻓﻴﻦ ؟
ﻗﺎﻝ " ﺁﺩﻡ " ﺑﻮﺟﻮﻡ :
- ﺃﻧﺎ ﻓﻰ ﺍﻟﻤﻘﻄﻢ
ﺳﺄﻟﺘﻪ ﺑﺤﻨﺎﻥ :
- ﺑﺘﻌﻤﻞ ﺍﻳﻪ ؟
ﻗﺎﻝ " ﺁﺩﻡ : "
- ﻣﺶ ﺑﻌﻤﻞ ﺣﺎﺟﺔ .. ﻭﺍﻗﻒ ﻓﻰ ﺍﻟﻤﻜﺎﻥ ﺍﻟﻠﻰ ﺑﺤﺐ ﺃﺭﻭﺣﻪ
ﻗﺎﻟﺖ ﻋﻠﻰ ﺍﻟﻔﻮﺭ :
- ﻃﻴﺐ ﺍﺳﺘﻨﺎﻧﻰ ﺃﻧﺎ ﺟﺎﻳﻪ .. ﺑﺎﻯ
ﻗﺎﻝ ﺑﺪﻫﺸﺔ :
" - ﺁﻳﺎﺕ " ﺍﺳﺘﻨﻰ
ﻟﻜﻨﻬﺎ ﺃﻏﻠﻘﺖ ﺍﻟﺨﻂ .. ﺃﺭﺍﺩ ﺍﻻﺗﺼﺎﻝ ﺑﻬﺎ ﻭﻋﺰﻣﻬﺎ ﻋﻦ ﻋﺪﻡ ﺍﻟﻤﺠﺊ .. ﻟﻜﻦ ﺷﺊ ﻣﺎ ﺑﺪﺍﺧﻠﻪ ﺃﺭﺍﺩﻫﺎ ﺃﻥ ﺗﺄﺗﻰ .. ﺃﺭﺍﺩ ﺃﻥ ﻳﺮﺍﻫﺎ .. ﺃﻥ ﻳﺴﻤﻊ ﺻﻮﺗﻬﺎ .. ﺃﻥ ﻳﺮﻯ ﺍﻟﺼﺪﻕ ﻭﺍﻟﻨﻘﺎﺀ ﻓﻰ ﻋﻴﻨﻴﻬﺎ .. ﻭﻋﺬﻭﺑﺔ ﺍﺑﺘﺴﺎﻣﺘﻬﺎ ﻓﻮﻕ ﺷﻔﺘﻴﻬﺎ .. ﺃﺗﺖ .. ﺗﺤﻤﻞ ﺗﻠﻚ ﺍﻹﺑﺘﺴﺎﻣﻪ ﺍﻟﺘﻰ ﺷﻌﺮ ﺑﺄﻧﻬﺎ ﺗﺰﻳﺢ ﺍﻟﺠﺒﺎﻝ ﻣﻦ ﻓﻮﻕ ﺻﺪﺭﻩ .. ﺃﺗﺖ ﺣﺎﻣﻠﺔ ﻧﻈﺮﺍﺕ ﺍﻟﺤﺐ ﻓﻰ ﻋﻴﻨﻴﻬﺎ .. ﻭﺍﻟﺼﺪﻕ ﻭﺍﻟﺒﺮﺍﺀﺓ ﻓﻰ ﻣﻼﻣﺢ ﻭﺟﻬﻬﺎ ﺍﻟﺼﺎﻓﻰ .. ﺃﺗﺖ ﺣﺎﻣﻠﺔ ﻓﻰ ﻳﺪﻳﻬﺎ ﻋﻠﺒﺔ ﺃﺧﺬ ﻳﻨﻈﺮ ﺍﻟﻴﻬﺎ ﺑﺈﺳﺘﻐﺮﺍﺏ .. ﺍﻗﺘﺮﺑﺖ ﻣﻨﻪ ﻭﻭﻗﻔﺖ ﺃﻣﺎﻣﻪ ﻣﺒﺘﺴﻤﻪ ﺩﻭﻥ ﺃﻥ ﺗﺘﻜﻠﻢ .. ﻧﻈﺮ ﺍﻟﻰ ﺍﻟﻌﻠﺒﺔ ﻓﻰ ﻳﺪﻫﺎ ﺛﻢ ﺍﻟﻴﻬﺎ ﻭﻗﺎﻝ :
- ﺟﻴﺘﻲ ﻟﻴﻪ ؟
ﻗﺎﻟﺖ ﺩﻭﻥ ﺃﻥ ﺗﺒﻌﺪ ﻋﻴﻨﺎﻫﺎ ﻋﻨﻪ :
- ﺍﻧﺖ ﻓﺎﻛﺮﻧﻰ ﻣﺶ ﻫﺤﺲ ﺑﻴﻚ ﻭﺑﺎﻟﻠﻰ ﻣﻀﺎﻳﻘﻚ
ﺍﺿﻄﺮﺏ " ﺁﺩﻡ " ﻭﺧﻔﻖ ﻗﻠﺒﻪ ﺑﻘﻮﺓ .. ﻧﻈﺮ ﺍﻟﻴﻬﺎ ﻳﺤﺎﻭﻝ ﻓﻬﻢ ﻣﺎ ﺗﻌﻨﻴﻪ ﻓﺄﻛﻤﻠﺖ ﻗﺎﺋﻠﻪ ﺑﺤﻨﺎﻥ :
- ﺃﻧﺎ ﺳﻤﻌﺖ ﻛﻼﻣﻚ ﻣﻊ ﺑﺎﺑﺎ ﺍﻣﺒﺎﺭﺡ ﻋﻦ ﺍﻟﺸﺒﻜﺔ
ﺃﺷﺎﺡ ﺑﻮﺟﻬﻪ ﻋﻨﻬﺎ ﻟﻜﻨﻪ ﻋﺎﺩ ﻳﻨﻈﺮ ﺍﻟﻴﻬﺎ ﻋﻨﺪﻣﺎ ﻗﺎﻟﺖ ﺑﺤﻨﺎﻥ ﻭﻫﻰ ﺗﺮﻣﻘﻪ ﺑﻨﻈﺮﺍﺕ ﺣﺐ :
- ﺃﻧﺎ ﻛﻞ ﺣﺎﺟﺔ ﻣﻌﺘﻤﺪﻩ ﻓﻴﻬﺎ ﻋﻠﻰ ﺑﺎﺑﺎ .. ﻳﻌﻨﻲ ﺃﻯ ﺣﺎﺟﺔ ﻋﺎﻳﺰﺓ ﺃﺟﻴﺒﻬﺎ ﺑﺨﻠﻴﻪ ﻳﺠﻴﺒﻬﺎﻟﻰ ﺃﻭ ﺑﻄﻠﺐ ﻣﻨﻪ ﻓﻠﻮﺱ ﻋﻠﻰ ﺃﺩﻫﺎ .. ﻭﻋﻤﺮﻯ ﻟﻸﺳﻒ ﻣﺎ ﺣﻮﺷﺖ ﻭﻻ ﻓﻜﺮﺕ ﺃﺣﻮﺵ .. ﻭﺃﻯ ﻓﻠﻮﺱ ﻛﺎﻧﺖ ﺑﺘﺒﻘﻰ ﻣﻌﺎﻳﺎ ﻛﻨﺖ ﺑﺼﺮﻓﻬﺎ ﻻﻧﻰ ﻋﺎﺭﻓﻪ ﺍﻧﻰ ﻟﻤﺎ ﻫﻄﻠﺐ ﻣﻦ ﺑﺎﺑﺎ ﻫﻴﺪﻧﻰ ﻭﻣﻜﻨﺘﺶ ﻋﺎﺭﻓﻪ ﺍﻧﻰ ﻣﻤﻜﻦ ﺃﺣﺘﺎﺝ ﻓﻠﻮﺱ ﻭﻣﻘﺪﺭﺵ ﺃﻃﻠﺒﻬﺎ ﻣﻦ ﺑﺎﺑﺎ
ﺗﺤﻮﻟﺖ ﻧﻈﺮﺍﺕ " ﺁﺩﻡ " ﺍﻟﻴﻬﺎ ﺍﻟﻰ ﻧﻈﺮﺍﺕ ﺩﻫﺸﺔ ﻣﻤﺰﻭﺟﺔ ﺑﺎﻟﻘﻠﻖ .. ﺿﺎﻗﺖ ﻋﻴﻨﺎﻩ ﻳﺤﺎﻭﻝ ﻓﻬﻢ ﻟﻤﺎ ﺗﺨﺒﺮﻩ ﺑﻜﻞ ﺫﻟﻚ .. ﻧﻈﺮﺕ " ﺁﻳﺎﺕ " ﺍﻟﻰ ﺍﻟﻌﻠﺒﺔ ﻓﻰ ﻳﺪﻫﺎ ﺛﻢ ﻧﻈﺮﺕ ﺍﻟﻴﻪ .. ﻧﻘﻞ " ﺁﺩﻡ " ﻧﻈﺮﻩ ﻣﻦ ﺍﻟﻌﻠﺒﺔ ﺍﻟﻴﻬﺎ ﻭﻧﻈﺮﺍﺕ ﻋﻴﻨﻴﻪ ﺑﺪﺕ ﻛﻌﻼﻣﺔ ﺍﺳﺘﻔﻬﺎﻡ ﻛﺒﻴﺮﺓ .. ﻗﺎﻟﺖ " ﺁﻳﺎﺕ " ﺑﺤﻨﺎﻥ ﻭﺭﻗﺔ ﻭﻋﺬﻭﺑﻪ ﻭﻫﻰ ﺗﻔﺘﺢ ﺍﻟﻌﻠﺒﺔ :
- ﺩﻩ ﺩﻫﺒﻲ ﻳﺎ " ﺁﺩﻡ " ﺑﻴﻌﻪ ﻭﺍﺷﺘﺮﻯ ﺍﻟﺸﺒﻜﺔ ﺍﻟﻠﻰ ﺑﺎﺑﺎ ﻃﻠﺒﻬﺎ ﻣﻨﻚ
ﺷﻌﺮ " ﺁﺩﻡ " ﺑﻐﺼﺔ ﻓﻰ ﺣﻠﻘﺔ .. ﺷﻌﺮ ﻭﻛﺄﻧﻪ ﻳﺨﺘﻨﻖ ﻭﻻ ﻳﺴﺘﻄﻴﻊ ﺍﻟﺘﻨﻔﺲ .. ﺃﻛﻤﻠﺖ ﺑﺮﻗﻪ :
- ﺃﻧﺎ ﻋﺎﺭﻓﻪ ﺍﻥ ﺻﻌﺐ ﻋﻠﻴﻚ ﺗﻘﺒﻠﻬﻢ ﻣﻨﻰ .. ﺑﺲ ﺃﻧﺎ ﻭﺍﻧﺖ ﻭﺍﺣﺪ .. ﻭﺧﻼﺹ ﺑﻌﺪ ﻳﻮﻣﻴﻦ ﻫﺒﻘﻰ ﻣﺮﺍﺗﻚ ﻭﺍﻟﺪﻫﺐ ﺩﻩ ﻫﻴﺒﻘﻰ ﺑﻌﺪ ﻛﺪﻩ ﻓﻰ ﺑﻴﺘﻨﺎ ﻳﻌﻨﻲ ﻣﻠﻜﻨﺎ ﺍﺣﻨﺎ ﺍﻻﺗﻨﻴﻦ .. ﻟﻮ ﺍﻟﻈﺮﻭﻑ ﺿﺎﻗﺖ ﺑﻴﻚ ﻓﻰ ﻳﻮﻡ ﻫﺘﻼﻗﻴﻨﻲ ﺑﺪﻳﻬﻤﻠﻚ ﻳﺎ " ﺁﺩﻡ " .. ﻓﻤﻔﻴﺶ ﻓﺮﻕ ﺧﺪﺗﻬﻢ ﺩﻟﻮﻗﺘﻰ ﺃﻭ ﺧﺪﺗﻬﻢ ﺑﻌﺪﻳﻦ
ﺷﻌﺮ ﺑﻘﻠﺒﻪ ﻳﺮﻳﺪ ﺃﻥ ﻳﻘﻔﺰ ﻣﻦ ﺻﺪﺭﻩ ﻭﻳﺬﻫﺐ ﺍﻟﻴﻬﺎ ﻟﻴﻌﺎﻧﻘﻬﺎ ﻭﻳﺤﺘﻮﻳﻬﺎ ﻓﻰ ﺣﻨﺎﻥ .. ﻇﻞ ﻳﻨﻈﺮ ﺍﻟﻴﻬﺎ ﻭﻫﻮ ﻳﺤﺘﻮﻳﻬﺎ ﺑﻨﻈﺮﺍﺗﻪ .. ﺷﻌﺮ ﺑﺎﻷﻟﻢ ﻓﻰ ﻗﻠﺒﻪ ﻭﻫﻮ ﻳﺮﺍﻫﺎ ﺗﻘﺪﻡ ﻟﻪ ﻛﻞ ﻣﺎ ﺗﻤﻠﻚ ﻓﻰ ﺳﺒﻴﻞ ﺃﻥ ﺗﻤﻠﻜﻪ ﻫﻮ .. ﺗﺬﻛﺮ ﺧﻄﺘﻪ ﻭﺍﻧﺘﻘﺎﻣﻪ .. ﺗﺬﻛﺮ ﻛﻴﻒ ﺳﻴﻜﺴﺮ ﻓﺮﺣﺘﻬﺎ ﻭﻳﺤﻄﻢ ﻗﻠﺒﻬﺎ ﺑﻌﺪ ﻳﻮﻣﻴﻦ .. ﺗﺬﻛﺮ ﺃﻥ ﺗﻠﻚ ﺍﻟﻌﻴﻨﺎﻥ ﺍﻟﻼﺗﺎﻥ ﺗﺘﻄﻠﻌﺎﻥ ﺍﻟﻴﻪ ﺍﻵﻥ ﺑﺤﺐ ﺳﺘﻨﻬﻤﺮ ﻣﻨﻬﻤﺎ ﺍﻟﻌﺒﺮﺍﺕ ﺑﺴﺒﺒﻪ .. ﺗﺬﻛﺮ ﺃﻥ ﺗﻠﻚ ﺍﻹﺑﺘﺴﺎﻣﻪ ﺍﻟﺘﻰ ﺗﺰﻳﻦ ﻭﺟﻬﻬﺎ ﺳﺘﻤﻮﺕ ﻓﻮﻕ ﺷﻔﺘﻴﻬﺎ ﺑﺴﺒﺒﻪ .. ﺗﺤﺎﻭﻝ ﺃﻥ ﺗﻜﻮﻥ ﻣﺼﺪﺭ ﺳﻌﺎﺩﺗﻪ ﻭﻫﻮ ﻻ ﻳﺘﻮﺍﻧﻰ ﻋﻦ ﻓﻌﻞ ﺷﺊ ﻟﻴﻜﻮﻥ ﻣﺼﺪﺭ ﺷﻘﺎﺋﻬﺎ .. ﻧﻈﺮ ﺍﻟﻰ ﺍﻟﻘﻄﻊ ﺍﻟﺬﻫﺒﻴﺔ ﺍﻟﻤﺘﺮﺍﺻﺔ ﻓﻰ ﺍﻟﻌﻠﺒﺔ ﺍﻟﺘﻰ ﺗﻤﺴﻜﻬﺎ ﺑﻴﺪﻫﺎ .. ﺛﻢ ﻧﻈﺮ ﺍﻟﻴﻬﺎ ﻓﺸﻌﺮ ﺑﺄﻧﻬﺎ ﺃﻏﻠﻰ ﻗﻴﻤﺔ ﻣﻦ ﺗﻠﻚ ﺍﻟﻘﻄﻊ .. ﻭﺩ ﻟﻮ ﺿﻤﻬﺎ ﺍﻟﻴﻪ ﻭﺑﺜﻬﺎ ﺣﺒﻪ ﻭﺣﻨﺎﻧﻪ .. ﻟﻜﻦ ﻣﺎﺯﺍﻝ ﻓﻰ ﺩﺍﺧﻠﻪ ﺳﻮﺍﺩ ﻳﺴﻴﻄﺮ ﻋﻠﻴﻪ .. ﻣﺎﺯﺍﻝ ﺷﻴﻄﺎﻧﻪ ﺃﻗﻮﻯ ﻣﻦ ﻣﻘﺎﻭﻣﺘﻪ ﺍﻟﻀﻌﻴﻔﻪ ﺍﻟﻬﺸﻪ .. ﺗﻮﺟﻬﺖ " ﺁﻳﺎﺕ " ﺍﻟﻰ ﺳﻴﺎﺭﺗﻪ ﻭﻭﺿﻌﺖ ﺍﻟﻌﻠﺒﺔ ﻓﻮﻕ ﺍﻟﻤﻘﻌﺪ .. ﺛﻢ ﻗﺎﻟﺖ ﻟﻪ ﻗﺒﻞ ﺃﻥ ﺗﻐﺎﺩﺭ ﺑﺈﺑﺘﺴﺎﻣﻪ ﻋﺬﺑﻪ :
- ﻣﺴﺘﻨﻴﺎﻙ ﺑﻜﺮﺓ ﺃﻧﺎ ﻭﺑﺎﺑﺎ ﻋﺸﺎﻥ ﻧﺨﺮﺝ ﻧﺸﺘﺮﻯ ﺍﻟﺸﺒﻜﺔ
ﻗﺎﻟﺖ ﺫﻟﻚ ﺛﻢ ﺗﻮﺟﻬﺖ ﺍﻟﻰ ﺳﻴﺎﺭﺗﻬﺎ ﻭﺍﻧﻄﻠﻘﺖ ﺑﻬﺎ .. ﻇﻞ " ﺁﺩﻡ " ﻭﺍﻗﻔﺎً ﻓﻰ ﻣﻜﺎﻧﻪ ﻭﻗﺪ ﺍﺯﺩﺍﺩ ﻭﺟﻮﻣﺎً ﻭﺷﺮﻭﺩﺍً
************************************
ﻇﻞ " ﺁﺩﻡ " ﻃﻴﻠﺔ ﺍﻟﻴﻮﻡ ﺣﺒﻴﺲ ﻏﺮﻓﺘﻪ .. ﻳﻨﻈﺮ ﺍﻟﻰ ﺍﻟﻘﻄﻊ ﺍﻟﺬﻫﺒﻴﻪ ﻭﻳﺘﻠﻤﺴﻬﺎ ﺑﺄﺻﺎﺑﻌﻪ .. ﺗﺘﻘﺎﺫﻓﻪ ﺍﻷﻓﻜﺎﺭ ﻳﻤﻴﻨﺎً ﻭﻳﺴﺎﺭﺍً .. ﻳﺴﻴﺮ ﻓﻰ ﺍﻟﻐﺮﻓﺔ ﻛﺎﻟﻨﻤﺮ ﺍﻟﺠﺮﻳﺢ .. ﻻ ﻳﻌﺮﻑ ﻭﺟﻬﺘﻪ .. ﻻ ﻳﻌﺮﻑ ﺩﻭﺍﺀﻩ .. ﻓﻘﻂ ﻳﺸﻌﺮ ﺑﺎﻷﻟﻢ ﻭﺑﺎﻟﻘﻬﺮ .. ﺣﺎﻭﻟﺖ " ﺁﻳﺎﺕ " ﻛﺜﻴﺮﺍُ ﺍﻹﺗﺼﺎﻝ ﺑﻪ .. ﻟﻜﻨﻪ ﻟﻢ ﻳﺠﻴﺐ .. ﻛﻴﻒ ﻳﺠﻴﺐ .. ﺑﻤﺎﺫﺍ ﺳﻴﺠﻴﺐ .. ﺃﻳﺒﺜﻬﺎ ﺍﻟﻤﺰﻳﺪ ﻣﻦ ﻛﻠﻤﺎﺗﻪ ﺍﻟﺨﺎﺩﻋﺔ .. ﻭﻭﻋﻮﺩﻩ ﺍﻟﺰﺍﺋﻔﺔ .. ﻭﺃﺣﻼﻣﺎً ﺳﺘﺘﺤﻮﻝ ﺍﻟﻰ ﻛﺎﺑﻮﺱ ﻣﺰﻋﺞ ﺳﺘﺠﺪ ﻧﻔﺴﻬﺎ ﻓﻰ ﻣﻨﺘﺼﻔﻪ .. ﻭﺟﺪ ﺭﺳﺎﻟﻪ ﻣﻨﻬﺎ ﺗﻘﻮﻝ ﻓﻴﻬﺎ :
- ﻟﻮ ﻓﺎﺿﻰ ﺷﻮﻳﺔ ﺍﻓﺘﺢ ﺍﻟﻔﻴﺲ
ﺟﻠﺲ " ﺁﺩﻡ " ﺃﻣﺎﻡ ﺣﺎﺳﻮﺑﻪ ﻭﻛﺄﻥ ﻳﺪﺍ ﺧﻔﻴﻪ ﺗﺤﺮﻛﻪ .. ﻭﺟﺪﻫﺎ ﻟﻜﻨﻬﺎ ﻟﻢ ﺗﺘﺤﺪﺙ ﺍﻟﻴﻪ .. ﻭﻟﻢ ﻳﺘﺤﺪﺙ ﺍﻟﻴﻬﺎ .. ﻻ ﻳﺪﺭﻯ ﻣﺎﺫﺍ ﻳﻘﻮﻝ ﻟﻬﺎ .. ﻇﻞ ﻳﻨﻈﺮ ﺍﻟﻰ ﺻﻮﺭﺗﻬﺎ ﺍﻟﺘﻰ ﺃﺭﺳﻠﺘﻬﺎ ﻟﻪ ﻣﻦ ﻗﺒﻞ .. ﺗﺒﺎً .. ﻟﻤﺎﺫﺍ ﻳﺸﻌﺮ ﺑﻬﺬﺍ ﺍﻟﺤﻨﻴﻦ .. ﻟﻤﺎﺫﺍ ﻳﺨﻔﻖ ﻗﻠﺒﻪ ﺑﺮﻗﻪ .. ﻟﻤﺎﺫﺍ ﻟﻢ ﺗﻌﺪ ﺧﻔﻘﺎﺗﻪ ﻗﺎﺳﻴﺔ ﻗﻮﻳﺔ .. ﺃﺭﺳﻠﺖ ﻟﻪ ﺭﺳﺎﻟﺔ ﻓﻘﺮﺃﻫﺎ ﺑﻠﻬﻔﻪ ﻟﻴﻌﺮﻑ ﻣﺎ ﻓﻴﻬﺎ :
- ﺃﺣﺒﻚ ﺑﺠﻨﻮﻥ ﻭﻟﻐﻴﺮﻙ ﻟﻦ ﺍﻛﻮﻥ
ﺃﺣﺒﻚ ﻣﻞﺀ ﻋﻴﻮﻧﻰ ﻷﻥ ﻋﻴﻮﻧﻚ ﻣﻠﻜﻮﻧﻰ
ﺃﺗﻤﻨﺎﻙ ﺑﺠﺎﻧﺒﻰ ﻭﻟﻜﻨﻰ ﺃﺧﺎﻑ ﻣﻨﻚ ﻣﻌﺬﺑﻰ
ﺃﺣﺐ ﻗﺮﺑﻚ ﻭﺃﺑﻐﺾ ﺑﻌﺪﻙ
ﺃﻋﻴﺶ ﻟﻚ ﻭﺃﻫﻴﻢ ﺑﻚ
ﻟﻴﺘﻨﻰ ﺃﺗﻨﻔﺲ ﻋﺒﻴﺮﻙ
ﻭﺃﻧﻌﻢ ﺑﺤﻨﺎﻧﻚ
ﻭﻟﻜﻨﻰ ﺃﺧﺎﻑ ﻓﻘﺪﺍﻧﻚ *
ﺗﻤﻠﻜﻪ ﺷﻌﻮﺭ ﻟﻢ ﻳﺄﻟﻔﻪ ﻣﻦ ﻗﺒﻞ .. ﻭﺭﻗﻪ ﻟﻢ ﻳﻌﻬﺪﻫﺎ ﺑﺪﺍﺧﻠﻪ .. ﻭﺣﻨﺎﻧﺎً ﺟﺎﺭﻓﺎً ﻳﺴﺘﺸﻌﺮﻩ ﺑﻜﻞ ﻛﻴﺎﻧﻪ .. ﻧﻈﺮ ﺍﻟﻰ ﺗﻠﻚ ﺍﻟﻌﻼﻣﺔ ﺍﻟﺘﻰ ﺗﻈﻬﺮ ﻭﺗﺨﺘﻔﻰ ﻓﻰ ﺍﻧﺘﻈﺎﺭ ﺣﺮﻭﻓﻪ .. ﻓﻰ ﺍﻧﺘﻈﺎﺭ ﻛﻠﻤﺎﺗﻪ .. ﻟﻢ ﻳﺸﻌﺮ ﺇﻻ ﺑﺄﺻﺎﺑﻌﻪ ﻭﻫﻰ ﺗﻜﺘﺐ ﻋﻠﻰ ﻟﻮﺣﺔ ﺍﻟﻤﻔﺎﺗﻴﺢ :
- ﻣﺘﺨﻔﻴﺶ ﻣﺶ ﻫﺴﻴﺒﻚ ﺃﺑﺪﺍً
ﻇﻞ ﻳﻨﻈﺮ ﺍﻟﻰ ﺗﻠﻚ ﺍﻟﺠﻤﻠﺔ ﺍﻟﺘﻰ ﺃﺭﺳﻠﻬﺎ .. ﻭﺳﺄﻝ ﻧﻔﺴﻪ ﻟﻤﺎﺫﺍ ﺃﺭﺳﻠﻬﺎ .. ﺃﻟﺘﻜﺘﻤﻞ ﺧﻄﺘﻚ .. ﺃﻟﺘﺸﻌﺮﻫﺎ ﺑﺎﻷﻣﺎﻥ ﺣﺘﻰ ﺗُﻜﻠﻞ ﺧﻄﺘﻚ ﺑﺎﻟﻨﺼﺮ .. ﻭﺟﺪ ﻧﻔﺴﻪ ﻳﻘﻮﻝ .. ﻻ ﺑﻞ ﺃﺭﺳﻠﺘﻬﺎ .. ﻷﻧﻨﻰ ﺣﻘﺎً ﺃﺷﻌﺮ ﺑﻬﺎ .. ﻧﻌﻢ .. ﻟﻦ ﺃﺗﺮﻛﻬﺎ ﺃﺑﺪﺍً
***********************************
ﻫﺘﻒ " ﺯﻳﺎﺩ " ﻗﺎﺋﻼً :
- ﺍﻧﺖ ﺑﺘﺘﻜﻠﻢ ﺟﺪ ؟
ﻗﺎﻝ " ﺁﺩﻡ " ﻭﺟﺎﻟﺲ ﻣﻌﻪ ﻓﻰ ﻣﻨﺰﻟﻪ :
- ﺃﻳﻮﺓ .. ﺍﺩﺗﻨﻰ ﺩﻫﺒﻬﺎ ﻭﻗﺎﻟﺘﻠﻰ ﺍﺷﺘﺮﻯ ﺍﻟﺸﺒﻜﺔ ﺍﻟﻠﻰ ﺑﺎﺑﺎ ﻃﻠﺒﻬﺎ ﻣﻨﻚ
ﻧﻈﺮ ﺍﻟﻴﻪ " ﺯﻳﺎﺩ " ﺑﺤﺪﻩ ﻗﺎﺋﻼً ﺑﺤﻨﻖ :
- ﻭﺍﻟﻠﻪ ﺍﻧﺖ ﻣﺎ ﺗﺴﺘﺎﻫﻞ ﺿﻔﺮﻫﺎ .. ﻫﻮ ﻓﻰ ﻛﺪﻩ .. ﺍﻟﺒﻨﺖ ﺷﻜﻠﻬﺎ ﺑﺘﺤﺒﻚ ﻓﻌﻼً ﻳﺎ " ﺁﺩﻡ .. " ﺣﺮﺍﻡ ﻋﻠﻴﻚ ﺩﻯ ﻟﻮ ﻋﺮﻓﺖ ﺍﻟﺤﻘﻴﻘﺔ ﻣﻤﻜﻦ ﻳﺠﺮﺍﻟﻬﺎ ﺣﺎﺟﺔ
ﺻﻤﺖ " ﺁﺩﻡ " ﻗﻠﻴﻼً ﺛﻢ ﻗﺎﻝ :
- ﺃﻧﺎ ﻫﻌﻤﻞ ﺗﻌﺪﻳﻞ ﻓﻰ ﺍﻟﺨﻄﺔ
ﺻﺎﺡ " ﺯﻳﺎﺩ " ﺑﺤﻨﻖ :
- ﺍﻟﻤﻔﺮﻭﺽ ﺗﻠﻐﻰ ﺍﻟﺨﻄﺔ ﻣﻦ ﺍﻷﺳﺎﺱ ﻣﺶ ﺗﻌﻤﻞ ﻓﻴﻬﺎ ﺗﻌﺪﻳﻞ
ﻭﻗﻒ " ﺁﺩﻡ " ﻓﻰ ﻣﻮﺍﺟﻬﺔ " ﺯﻳﺎﺩ " ﻗﺎﺋﻼً ﺑﻐﻀﺐ :
- ﻣﺶ ﻫﻴﺐ ﺣﻘﻰ ﻳﺎ " ﺯﻳﺎﺩ " ﻭﺍﻟﻠﻰ ﺍﻟﻜﻼﺏ ﺩﻭﻝ ﻋﻤﻠﻮﻩ ﻓﻴﺎ ﻫﺮﺩﻫﻠﻬﻢ ﺍﻟﻄﺎﻕ ﻃﺎﻗﻴﻦ
ﻗﺎﻝ " ﺯﻳﺎﺩ " ﺑﺤﻨﻖ :
- ﻭﺍﻟﺒﻨﺖ ﺍﻟﻠﻰ ﻣﻠﻬﺎﺵ ﺃﻯ ﺫﻧﺐ ﺩﻯ ؟
ﻗﺎﻝ " ﺁﺩﻡ " ﺑﺠﺪﻳﺔ :
- ﺍﺳﻤﻌﻨﻰ ﻛﻮﻳﺲ .. ﻣﻨﻜﺮﺵ ﺍﻧﻰ ﺑﺪﺃﺕ ﺃﺗﺄﺛﺮ ﺑﻴﻬﺎ ﻭﺑﺪﺃﺕ ﻣﺸﺎﻋﺮﻯ ﺗﺘﺤﺮﻙ ﻧﺤﻴﺘﻬﺎ .. ﻭﻓﻰ ﻧﻔﺲ ﺍﻟﻮﻗﺖ ﻣﺶ ﻧﺎﻭﻯ ﺃﺗﺮﺍﺟﻊ ﻋﻦ ﺧﻄﺘﻰ
ﻗﺎﻝ " ﺯﻳﺎﺩ " ﺑﺈﺳﺘﻐﺮﺍﺏ :
- ﻣﺶ ﻓﺎﻫﻢ .. ﻫﺘﺤﻠﻬﺎ ﺍﺯﺍﻯ ﺩﻯ
ﻗﺎﻝ " ﺁﺩﻡ " ﺑﺤﺰﻡ :
- ﻫﻨﻜﺘﺐ ﺍﻟﻜﺘﺎﺏ ﻋﺎﺩﻯ ﻓﻰ ﻣﻌﺎﺩﻩ .. ﻭﺑﻌﺪ ﻛﺘﺐ ﺍﻟﻜﺘﺎﺏ ﻫﻔﻬﻤﻬﺎ ﻋﻠﻰ ﻛﻞ ﺣﺎﺟﺔ .. ﺑﺲ ﻣﺶ ﻫﺘﻌﺮﻑ ﺑﺎﺑﺎﻫﺎ ﻭﻫﻮﻫﻢ ﺑﺎﺑﺎﻫﺎ ﺍﻧﻰ ﺑﺒﺘﺰﻩ ﻋﺸﺎﻥ ﻳﺴﺎﻋﺪﻧﻰ ﺁﺧﺪ ﻓﻠﻮﺳﻰ ﻣﻦ ﺃﺧﻮﻩ .. ﻭﺑﻌﺪ ﻣﺎ ﻓﻠﻮﺳﻰ ﺗﺮﺟﻌﻠﻰ ﻫﻌﺮﻓﻪ ﺍﻧﻰ ﻣﻜﻨﺘﺶ ﻧﺎﻭﻯ ﺃﺳﻴﺐ " ﺁﻳﺎﺕ " ﻭﺍﻧﻰ ﻣﺘﻔﻖ ﻣﻌﺎﻫﺎ ﻋﻠﻰ ﻛﺪﻩ
ﺻﺎﺡ " ﺯﻳﺎﺩ " ﻣﺘﻬﻜﻤﺎً :
- ﺍﻳﻪ ﺍﻟﺨﻄﺔ ﺍﻟﻔﺎﺷﻠﺔ ﺩﻯ .. ﻭﺍﻧﺖ ﻣﺘﻮﻗﻊ ﺍﻧﻬﺎ ﻫﺘﺨﺒﻲ ﻋﻠﻰ ﺃﺑﻮﻫﺎ .. ﻭﺗﺴﻴﺒﻪ ﻣﻘﻬﻮﺭ ﺃﺩﺍﻣﻬﺎ ﻭﻫﻮ ﻓﺎﻛﺮ ﺍﻥ ﺑﻨﺘﻪ ﻣﺴﺘﻘﺒﻠﻬﺎ ﺑﻴﻀﻴﻊ .. ﺍﻧﺖ ﻓﺎﻛﺮﻫﺎ ﺻﻨﻢ ﺯﻳﻚ
ﺻﺎﺡ " ﺁﺩﻡ " ﺑﻨﻔﺎﺫ ﺻﺒﺮ :
- ﺧﻼﺹ ﻫﺨﺒﻲ ﻋﻠﻴﻬﻢ ﻫﻤﺎ ﺍﻻﺗﻨﻴﻦ ﻭﺃﻧﻔﺬ ﺧﻄﺘﻰ ﻋﺎﺩﻯ ﻭﻟﻤﺎ ﺁﺧﺪ ﺍﻟﻔﻠﻮﺱ ﻫﻌﺮﻓﻬﻢ ﺍﻧﻰ ﻣﺶ ﻫﻄﻠﻘﻬﺎ ﻭﺍﻧﻰ ﻋﺎﻳﺰﻫﺎ
ﺿﺤﻚ " ﺯﻳﺎﺩ " ﺳﺎﺧﺮﺍً ﺛﻢ ﻗﺎﻝ :
- ﻭﺃﺑﻮﻫﺎ ﻳﺴﺎﻣﺤﻚ ﻭﻫﻰ ﺗﺴﺎﻣﺤﻚ ﻭﻳﻨﺴﻮﺍ ﺍﻧﻚ ﺍﺑﺘﺰﻳﺘﻬﻢ .. ﻭﺗﻌﻴﺸﻮﺍ ﻓﻰ ﺗﺒﺎﺕ ﻭﻧﺒﺎﺕ ﻭﺗﺨﻠﻔﻮﺍ ﺻﺒﻴﺎﻥ ﻭﺑﻨﺎﺕ ﻣﺶ ﻛﺪﻩ ؟ ﺩﻩ ﻋﻠﻰ ﻓﺮﺽ ﺃﺻﻼ ﺍﻥ ﻋﻤﻬﺎ ﻫﻴﺪﻓﻌﻠﻚ ﺍﻟﻔﻠﻮﺱ .. ﺃﻧﺎ ﻭﺍﺛﻖ ﻣﻠﻴﻮﻥ ﺍﻟﻤﻴﺔ ﺍﻥ ﻋﻤﺮﻩ ﻣﺎ ﻫﻴﺪﻓﻊ ﺣﺎﺟﺔ .. ﺍﻟﻠﻰ ﻫﻴﺪﻓﻊ ﺍﻟﻔﻠﻮﺱ ﺩﻯ ﻫﻮ ﺃﺑﻮﻫﺎ ﻋﺸﺎﻥ ﻳﺨﻠﺺ ﺑﻨﺘﻪ ﻣﻦ ﺍﻳﺪﻙ
ﺻﻤﺖ " ﺁﺩﻡ " ﻓﺄﻛﻤﻞ " ﺯﻳﺎﺩ : "
" - ﺁﺩﻡ " ﺍﻧﺖ ﻋﺎﻳﺰ ﻛﻞ ﺣﺎﺟﺔ ﻓﻰ ﺍﻳﺪﻙ .. ﻭﻣﺤﺪﺵ ﺑﻴﺎﺧﺪ ﻣﻦ ﺍﻟﺪﻧﻴﺎ ﺩﻯ ﻛﻞ ﺣﺎﺟﺔ .. ﺍﺧﺘﺎﺭ .. ﻳﺎ ﻓﻠﻮﺳﻚ ﻳﺎ " ﺁﻳﺎﺕ .. " ﻣﺶ ﻫﻴﻨﻔﻊ ﺗﺎﺧﺪ ﺍﻻﺗﻨﻴﻦ
ﻇﻞ " ﺁﺩﻡ " ﻣﺤﺘﻔﻈﺎً ﺑﺼﻤﺘﻪ ﻟﻔﺘﺮﺓ .. ﺛﻢ ﻗﺎﻝ ﺑﺤﺰﻡ ﻭﻫﻮ ﻳﻨﻈﺮ ﺍﻟﻰ " ﺯﻳﺎﺩ : "
- ﻻ ﻫﺎﺧﺪ ﺍﻻﺗﻨﻴﻦ .. ﻓﻠﻮﺳﻰ ﻭ " ﺁﻳﺎﺕ " .. ﺃﻧﺎ ﻫﻌﺮﻑ ﺍﺯﺍﻯ ﺃﺧﻠﻴﻬﺎ ﺗﺴﺎﻣﺤﻨﻰ
ﻗﺎﻝ " ﺯﻳﺎﺩ : "
- ﻭ ﺃﺑﻮﻫﺎ ؟ .. ﺃﺑﻮﻫﺎ ﻣﺶ ﻣﻤﻜﻦ ﻳﺴﺎﻣﺤﻚ
ﻗﺎﻝ " ﺁﺩﻡ " ﺑﻌﻨﺎﺩ :
- ﻣﺶ ﻣﻬﻢ ﺃﺑﻮﻫﺎ ﻳﺴﺎﻣﺤﻨﻰ .. ﺃﺑﻮﻫﺎ ﻣﻴﻔﺮﻗﺶ ﻣﻌﺎﻳﺎ ﻓﻰ ﺣﺎﺟﻪ .. ﺍﻟﻤﻬﻢ ﻫﻰ .. ﻭﺃﻧﺎ ﻫﻌﺮﻑ ﺍﺯﺍﻯ ﺃﺧﻠﻴﻬﺎ ﺗﺴﺎﻣﺤﻨﻰ
************************************
ﺗﻮﺟﻬﺖ " ﺁﻳﺎﺕ " ﻣﻊ ﻭﺍﻟﺪﻫﺎ ﻭ " ﺁﺩﻡ " ﻟﺸﺮﺍﺀ ﺍﻟﺸﺒﻜﺔ .. ﻧﻈﺮ " ﺁﺩﻡ " ﺍﻟﻴﻬﺎ ﻭﻫﻮ ﻳﺘﺄﻣﻞ ﺗﻌﺒﻴﺮﺍﺕ ﻭﺟﻬﻬﺎ ﺍﻟﻔﺮﺣﺔ ﻭﻫﻰ ﺗﺨﺘﺎﺭ ﺷﺒﻜﺘﻬﺎ ﻭﺗﺒﺘﺴﻢ ﻓﻰ ﺳﻌﺎﺩﺓ .. ﻭﺟﺪ ﺍﻻﺑﺘﺴﺎﻣﺔ ﺗﺮﺗﺴﻢ ﻋﻠﻰ ﺷﻔﺘﻴﻪ ﺭﻏﻤﺎً ﻋﻨﻪ .. ﺃﺧﺬ ﻳﻨﻈﺮ ﺍﻟﻴﻬﺎ ﺑﺮﻗﻪ ﻭﻫﻰ ﺗﻀﺤﻚ ﻣﻊ ﻭﺍﻟﺪﻫﺎ ﺑﻤﺮﺡ .. ﺍﺧﺘﻔﺖ ﺍﻹﺑﺘﺴﺎﻣﻪ ﻣﻦ ﻭﺟﻬﻪ ﻭﻫﻮ ﻳﻔﻜﺮ ﻓﻰ ﺍﻟﻴﻮﻡ ﺍﻟﻌﺼﻴﺐ ﺍﻟﺬﻯ ﻳﻨﺘﻈﺮﻩ ﻓﻰ ﺍﻟﻐﺪ .. ﻛﺎﻥ ﻣﻦ ﺍﻟﻤﻘﺮﺭ ﺃﻥ ﻳﻔﺼﺢ ﻋﻦ ﻛﻞ ﺷﺊ ﻓﻰ ﻳﻮﻡ ﻛﺘﺐ ﺍﻟﻜﺘﺎﺏ .. ﻟﻜﻨﻪ ﻧﻈﺮ ﺍﻟﻰ ﺗﻠﻚ ﺍﻟﺴﻌﺎﺩﺓ ﻋﻠﻰ ﻣﺤﻴﺎﻫﺎ ﻭﻫﻮ ﻳﺸﻌﺮ ﺑﺎﻷﺳﻒ ﻋﻠﻰ ﻣﺎ ﺳﻴﺤﺪﺙ .. ﻭﻣﺎ ﻫﻮ ﻣﻀﻄﺮ ﻷﻥ ﻳﻔﻌﻠﻪ .. ﻗﺮﺭ ﺃﻥ ﻳﺆﺟﻞ ﺍﻷﻣﺮ ﺍﺳﺒﻮﻋﺎً .. ﺣﺘﻰ ﻻ ﻳﻜﺴﺮ ﻓﺮﺣﺘﻬﺎ ﺑﺘﻠﻚ ﺍﻟﺴﺮﻋﺔ .. ﺳﻴﺤﺎﻭﻝ ﺧﻼﻝ ﺍﻹﺳﺒﻮﻉ ﺃﻥ ﻳﺘﻘﺮﺏ ﺍﻟﻴﻬﺎ ﺣﺘﻰ ﻻ ﺗﻘﻮﻯ ﻋﻠﻰ ﺍﻟﻌﻴﺲ ﺑﺪﻭﻧﻪ .. ﺣﺘﻰ ﺍﺫﺍ ﻣﺎ ﺃﺗﺖ ﻟﺤﻈﺔ ﻃﻠﺐ ﺍﻟﺼﻔﺢ ﻳﺠﺪ ﻗﻠﺒﻬﺎ ﻣﻬﻴﺄ ﻟﻪ .. ﻳﻌﻠﻢ ﺃﻧﻬﺎ ﻃﻴﺒﺔ ﺍﻟﻘﻠﺐ .. ﺳﺘﻨﺴﻰ ﺍﻹﺳﺎﺀﺓ .. ﻭﺗﺼﻔﺢ ﻋﻨﻪ .. " ﺁﻳﺎﺕ " ﺗﺤﺒﻪ .. ﻟﻦ ﺗﺘﺮﻛﻪ .. ﻟﻦ ﺗﻘﻮﻯ ﻋﻠﻰ ﻓﺮﺍﻗﻪ .. ﺳﻴﻌﻤﻞ ﻋﻠﻰ ﺗﺤﻘﻴﻖ ﺫﻟﻚ ﻗﺒﻞ ﺍﻻﻓﺼﺎﺡ ﻋﻦ ﻛﻞ ﺷﺊ .. ﻇﻞ ﻳﺮﺩﺩ ﺗﻠﻚ ﺍﻟﻜﻠﻤﺎﺕ ﺣﺘﻰ ﻳﻘﻨﻊ ﻗﻠﺒﻪ ﻭﻋﻘﻠﻪ .. ﻭﺣﺘﻰ ﻳﺮﻳﺢ ﺿﻤﻴﺮﻩ .. ﻧﻌﻢ .. ﻟﻦ ﻳﻄﻮﻝ ﺍﻷﻣﺮ ﻛﻠﻬﺎ ﻋﺪﺓ ﺃﻳﺎﻡ ﻓﻘﻂ ﺃﺳﺘﺮﺩ ﺧﻼﻟﻬﺎ ﺣﻘﻰ ﺍﻟﻤﺴﻠﻮﺏ .. ﺛﻢ ﺑﻌﺪﻫﺎ ﺃﻃﻠﺐ ﻣﻨﻬﺎ ﺍﻟﺼﻔﺢ ﻭﺃﻃﻠﺐ ﻣﻨﻬﺎ ﺃﻥ ﺗﺸﺎﺭﻛﻨﻰ ﺣﻴﺎﺗﻰ ﻟﻸﺑﺪ .. ﺑﺎﻟﺘﺄﻛﻴﺪ ﺳﺘﺼﻔﺢ ﻋﻨﻰ .. ﻧﻌﻢ ﺳﺘﻔﻌﻞ .. ﺣﺒﻬﺎ ﻟﻰ ﺃﻛﺒﺮ ﻣﻦ ﺑﻀﻊ ﺃﻳﺎﻡ ﺗﻌﻴﺸﻬﺎ ﻓﻰ ﺍﻟﻌﺬﺍﺏ .. ﺑﻀﻊ ﺃﻳﺎﻡ ﻓﻘﻂ .. ﻭﺳﻴﻨﺘﻬﻰ ﻫﺬﺍ ﺍﻟﻜﺎﺑﻮﺱ .. ﻭﺳﺄﻧﺴﺞ ﻟﻬﺎ ﺣﻠﻤﺎً ﻭﺭﺩﻳﺎً ﺃﻋﻴﺶ ﻣﻌﻬﺎ ﻓﻴﻪ ﻟﻸﺑﺪ
ﺍﻟﺘﻔﺖ ﻭﺍﻟﺪﻫﺎ ﻳﻘﺒﻞ ﺭﺃﺳﻬﺎ ﻭﻫﻮ ﻳﻘﻮﻝ :
- ﺃﻟﻒ ﻣﺒﺮﻭﻙ ﻳﺎ ﺑﻨﺘﻰ
ﻗﺎﻟﺖ ﻣﺒﺘﺴﻤﺔ :
- ﺍﻟﻠﻪ ﻳﺒﺎﺭﻙ ﻓﻴﻚ ﻳﺎ ﺑﺎﺑﺎ
ﻧﻈﺮﺕ ﺍﻟﻰ " ﺁﺩﻡ " ﻓﻬﻤﺲ ﻗﺎﺋﻼً ﻭﺍﺑﺘﺴﺎﻣﺘﻪ ﺍﻟﺠﺬﺍﺑﻪ ﻋﻠﻰ ﻣﺤﻴﺎﻩ :
- ﻣﺒﺮﻭﻙ
ﻫﻤﺴﺖ ﺑﺴﻌﺎﺩﺓ :
- ﻣﺒﺮﻭﻙ ﻋﻠﻴﻨﺎ ﺍﺣﻨﺎ ﺍﻻﺗﻨﻴﻦ
ﺍﻣﺘﺪﺕ ﻳﺪﻩ ﻟﻴﻤﺴﻚ ﻛﻔﻬﺎ ﺍﻟﺬﻯ ﺍﺳﺘﻘﺮ ﻓﻰ ﺭﺍﺣﺘﻪ ﺑﺈﺳﺘﻜﺎﻧﻪ .. ﺗﻄﻠﻊ ﻛﻞ ﻣﻨﻬﻤﺎ ﺍﻟﻰ ﺍﻵﺧﺮ ﻓﻰ ﺳﻌﺎﺩﺓ
************************************
ﺗﺄﻧﻖ " ﺁﺩﻡ " ﺃﻣﺎ ﻣﺮﺁﺓ ﻏﺮﻓﺘﻪ ﻭﺧﺮﺝ ﻣﺘﻮﺟﻪ ﺍﻟﻰ ﺑﺎﺏ ﺍﻟﺒﻴﺖ ﻋﻨﺪﻣﺎ ﺧﺮﺟﺖ ﺃﻣﻪ ﻣﻦ ﻏﺮﻓﺘﻬﺎ .. ﻭﻗﻔﺖ ﺗﻨﻈﺮ ﺍﻟﻴﻪ ﺑﺄﻋﻴﻦ ﺩﺍﻣﻌﺔ .. ﺗﺠﻤﺪ " ﺁﺩﻡ " ﻓﻰ ﻣﻜﺎﻧﻪ ﻭﻫﻮ ﻳﺮﻯ ﺍﻟﻌﺒﺮﺍﺕ ﻓﻰ ﻋﻴﻨﻴﻬﺎ .. ﺗﻜﻠﻤﺖ ﺑﺼﻮﺕ ﺑﺎﻛﻰ ﻭﻗﺎﻟﺖ :
- ﻣﺒﺮﻭﻙ ﻳﺎ ﺍﺑﻨﻰ
ﺃﺧﻔﺾ " ﺁﺩﻡ " ﺭﺃﻩ ﺃﺭﺿﺎً ﻭﻫﻮ ﻻ ﻳﻘﻮﻯ ﻋﻠﻰ ﻣﻮﺍﺟﻬﺔ ﻧﻈﺮﺍﺗﻬﺎ .. ﺗﺴﺎﻗﻄﺖ ﻋﺒﺮﺍﺗﻬﺎ ﻭﻗﺎﻟﺖ ﺑﻘﻠﺐ ﻣﻜﻠﻮﻡ :
- ﻛﺎﻥ ﻧﻔﺴﻰ ﺃﻛﻮﻥ ﺟﻤﺒﻚ ﻭﺃﻓﺮﺡ ﻟﻔﺮﺣﻚ ﺑﺲ ﺍﻇﺎﻫﺮ ﺍﻧﻚ ﻣﺴﺘﻌﺮ ﻣﻦ ﺃﻣﻚ ﻳﺎ " ﺁﺩﻡ "
ﺃﻏﻤﺾ ﻋﻴﻨﻴﻪ ﻭﻫﻮ ﻳﺸﻌﺮ ﺑﻜﻠﻤﺎﺗﻬﺎ ﺗﻤﺰﻗﻪ ﻭﺗﺆﻟﻤﻪ .. ﺃﻛﻤﻠﺖ ﺑﺼﻮﺗﻬﺎ ﺍﻟﺒﺎﻛﻰ :
- ﻋﺮﻭﺳﺘﻚ ﻃﻴﺒﺔ ﻭﺑﻨﺖ ﺣﻼﻝ ﺭﺑﻨﺎ ﻳﺒﺎﺭﻛﻠﻜﻮﺍ ﻓﻰ ﺑﻌﺾ
ﺗﻮﺟﻪ " ﺁﺩﻡ " ﻣﺴﺮﻋﺎً ﺍﻟﻰ ﺍﻟﺒﺎﺏ ﻟﻴﺨﺮﺝ .. ﺑﻞ ﻟﻴﻬﺮﺏ .. ﺗﺎﺑﻌﺘﻪ ﺃﻣﻪ ﺑﻌﻴﻨﻴﻬﺎ ﻭﻣﺎ ﻛﺎﺩ ﻳﺨﺮﺝ ﺣﺘﻰ ﺟﻠﺴﺖ ﻋﻠﻰ ﺃﺣﺪ ﺍﻟﻤﻘﺎﻋﺪ ﻟﺘﻨﻔﺠﺮ ﻓﻰ ﺑﻜﺎﺀ ﻣﺮﻳﺮ
ﻭﻗﻔﺖ " ﺁﻳﺎﺕ " ﺃﻣﺎﻡ ﺍﻟﻤﺮﺁﺓ ﺗﻨﻈﺮ ﺍﻟﻰ ﻧﻔﺴﻬﺎ ﺑﺴﻌﺎﺩﺓ .. ﺷﻌﺮﺕ ﺑﺎﻟﻌﺒﺮﺍﺕ ﻓﻰ ﻋﻴﻨﻴﻬﺎ ﻓﻘﺎﻟﺖ " ﺃﺳﻤﺎﺀ " :
- ﺑﻘﻮﻟﻚ ﺍﻳﻪ ﻣﺘﺒﻮﻇﻴﺶ ﺍﻟﻤﻴﻚ ﺍﺏ ﻣﺶ ﻋﺎﻳﺰﻩ ﺩﻣﻮﻉ
ﺍﻟﺘﻔﺘﺖ ﺍﻟﻴﻬﺎ " ﺁﻳﺎﺕ " ﻭﻗﺎﻟﺖ ﺑﺘﺄﺛﺮ :
- ﺣﺴﻪ ﺍﻧﻰ ﻓﺮﺣﺎﻧﻪ ﺃﻭﻯ ﻳﺎ " ﺃﺳﻤﺎﺀ " ﻣﺶ ﻣﺼﺪﻗﻪ
ﺛﻢ ﻧﻈﺮﺕ ﺍﻟﻰ ﺍﻟﻤﺮﺁﺓ ﻣﺮﺓ ﺃﺧﺮﻯ ﻭﻫﻰ ﺗﻘﻮﻝ ﺑﺤﻤﺎﺱ :
- ﺧﻼﺹ ﺑﻌﺪ ﺩﻗﺎﻳﻖ ﺃﻧﺎ ﻭ " ﺁﺩﻡ " ﻫﻨﺘﺠﻮﺯ .. ﻭﻫﻨﻔﻀﻞ ﻣﻊ ﺑﻌﺾ ﻃﻮﻝ ﺍﻟﻌﻤﺮ
ﻗﺎﻟﺖ " ﺃﺳﻤﺎﺀ " ﻣﺒﺘﺴﻤﻪ :
- ﺭﺑﻨﺎ ﻳﺘﻤﻤﻠﻚ ﻋﻠﻰ ﺧﻴﺮ ﻳﺎ " ﺁﻳﺎﺕ "
ﺳﻤﻌﺘﺎ ﻃﺮﻗﺎﺕ ﻋﻠﻰ ﺍﻟﺒﺎﺏ .. ﺍﻗﺘﺮﺑﺖ " ﺣﻠﻴﻤﺔ " ﻭﻫﻰ ﺗﻘﻮﻝ ﺑﺄﻋﻴﻦ ﺩﺍﻣﻌﻪ :
- ﺑﺴﻢ ﺍﻟﻠﻪ ﻣﺎ ﺷﺎﺀ ﺍﻟﻠﻪ .. ﺯﻯ ﺍﻟﻘﻤﺮ ﻳﺎ " ﺁﻳﺎﺕ "
ﻗﺎﻟﺖ " ﺁﻳﺎﺕ " ﺑﺤﻤﺎﺱ ﻣﻤﺰﺝ ﺑﺎﻟﺴﻌﺎﺩﺓ :
- ﺑﺠﺪ ﻳﺎ ﺩﺍﺩﺓ ﻳﻌﻨﻲ ﻫﻌﺠﺐ " ﺁﺩﻡ " ؟
ﻗﺎﻟﺖ " ﺣﻠﻴﻤﺔ " ﺑﺤﻤﺎﺱ :
- ﺩﻩ ﺍﻧﺘﻰ ﺗﻌﺠﺒﻰ ﺍﻟﺒﺎﺷﺎ
ﻋﺎﻧﻘﺘﻬﺎ ﻭﺍﻟﻌﺒﺮﺍﺕ ﺗﺘﺴﺎﻗﻂ ﻋﻠﻰ ﻭﺟﻨﺘﻬﺎ ﻭﻫﻰ ﺗﻘﻮﻝ :
- ﺍﻟﺤﻤﺪ ﻟﻠﻪ ﺍﻥ ﺭﺑﻨﺎ ﻣﺪ ﻓﻰ ﻋﻤﺮﻯ ﻭﺷﻮﻓﺖ ﺍﻟﻴﻮﻡ ﺩﻩ
ﻗﺎﻟﺖ " ﺁﻳﺎﺕ " ﻭﻫﻰ ﺗﻨﻈﺮ ﺍﻟﻴﻬﺎ :
- ﺩﺍﺩﺓ ﺑﺘﻌﻴﻄﻲ ﻟﻴﻪ ﺩﻟﻮﻗﺘﻰ ﻫﺘﺨﻠﻴﻨﻲ ﺃﻋﻴﻂ
ﻗﺎﻟﺖ " ﺃﺳﻤﺎﺀ " :
- ﻻ ﺃﺑﻮﺱ ﺍﻳﺪﻙ ﻳﺎ " ﺁﻳﺎﺕ " ﺍﻟﻤﻴﻚ ﺍﺏ ﻫﻴﺒﻮﻅ
ﺍﻗﺘﺮﺑﺖ ﺍﺣﺪﻯ ﺍﻟﺨﺎﺩﻣﺎﺕ ﻣﻦ ﺑﺎﺏ ﺍﻟﻐﺮﻓﺔ ﻭﻫﻰ ﺗﻘﻮﻝ ﻣﺒﺘﺴﻤﻪ :
- ﺍﻟﻤﺄﺫﻭﻥ ﺍﺗﺼﻞ ﻭﻗﺎﻝ ﺍﻧﻪ ﻋﻠﻰ ﻭﺻﻮﻝ ﻳﺎ ﺁﻧﺴﺔ " ﺁﻳﺎﺕ "
ﺷﻌﺮﺕ " ﺁﻳﺎﺕ " ﺑﻘﻠﺒﻬﺎ ﻳﻘﻔﺰ ﻓﺮﺣﺎً ﻓﻨﻈﺮﺕ ﺍﻟﻰ ﻧﻔﺴﻬﺎ ﻓﻰ ﺍﻟﻤﺮﺁﺓ ﻟﻠﻤﺮﺓ ﺍﻷﺧﻴﺮﺓ ﻭﻫﻰ ﺗﻘﻮﻝ ﻓﻰ ﻧﻔﺴﻬﺎ ﺑﺴﻌﺎﺩﺓ ﺁﺧﺮ ﻣﺮﺓ ﻫﺒﺼﻠﻚ ﻭﺃﻧﺎ ﺍﻵﻧﺴﺔ " ﺁﻳﺎﺕ "
ﺻﻔﻖ ﺍﻟﺠﻤﻴﻊ ﻟﻤﺮﺁﻯ " ﺁﻳﺎﺕ " ﻭﻫﻰ ﺗﺒﺪﻭ ﺗﺒﺘﺴﻢ ﻟﻬﻢ ﻓﻰ ﺳﻌﺎﺩﺓ .. ﺧﻔﻖ ﻗﻠﺐ ﺑﺴﻌﺎﺩﺓ " ﺁﺩﻡ " ﻭﻫﻮ ﻳﻨﻈﺮ ﺍﻟﻴﻬﺎ ﺃﻣﺴﻚ ﻳﺪﻫﺎ ﻗﺎﺋﻼً :
- ﺯﻯ ﺍﻟﻘﻤﺮ
ﻗﺎﻟﺖ ﺑﺴﻌﺎﺩﺓ :
- ﺑﺠﺪ
ﻗﺎﻝ ﺑﺤﺰﻡ :
- ﺃﻳﻮﺓ ﺑﺲ ﺍﻋﻤﻠﻰ ﺣﺴﺎﺑﻚ ﻣﻔﻴﺶ ﻣﻴﻚ ﺃﺏ ﺗﺎﻧﻰ ﺑﻌﺪ ﻛﺪﻩ ﺃﻧﺎ ﺳﺎﻳﺒﻚ ﺍﻟﻨﻬﺎﺭﺩﺓ ﺑﺲ ﻋﺸﺎﻥ ﻋﺮﻭﺳﺔ ﻭﻋﺎﻳﺰﻩ ﺗﻔﺮﺣﻰ .. ﺑﺲ ﺑﻌﺪ ﻛﺪﻩ ﻟﻮ ﺷﻮﻓﺘﻚ ﺑﻤﻴﻚ ﺍﺏ ﻭﺍﻧﺘﻰ ﺧﺎﺭﺟﺔ ﻫﻴﺒﻘﻰ ﻓﻴﻬﺎ ﻛﻼﻡ ﺗﺎﻧﻰ .. ﺍﻟﻤﻴﻚ ﺍﺏ ﺩﻩ ﻳﺒﻘﻰ ﻟﻴﺎ ﺃﻧﺎ ﻭﺑﺲ ﻭﻛﻤﺎﻥ ﻳﻜﻮﻥ ﺣﺎﺟﺔ ﺑﺴﻴﻄﺔ ﻣﺶ ﺑﺎﻟﺸﻜﻞ ﺍﻟﻠﻰ ﻳﻐﻴﺮ ﻣﻼﻣﺤﻚ
ﺍﺳﺘﻤﻌﺖ ﺍﻟﻴﻪ " ﺁﻳﺎﺕ " ﺑﺴﻌﺎﺩﺓ ﻓﺄﻛﻤﻞ ﻗﺎﺋﻼً :
- ﻭﻟﺒﺴﻚ ﻛﻤﺎﻥ ﻣﺤﺘﺎﺝ ﻓﺮﻣﺘﻪ ﻣﻦ ﺃﻭﻝ ﻭﺟﺪﻳﺪ
ﺿﺤﻜﺖ ﻗﺎﺋﻠﻪ :
- ﻛﻞ ﺍﻟﻠﻰ ﺍﻧﺖ ﻋﺎﻳﺰﻩ ﻫﻌﻤﻠﻪ
ﺑﺘﺴﻢ ﻟﻬﺎ ﻗﺎﺋﻼً :
- ﻳﻌﻨﻲ ﻣﺶ ﻣﻌﺘﺮﺿﻪ ﻋﻠﻰ ﺣﺎﺟﺔ ﻣﻦ ﺍﻟﻠﻰ ﻗﻮﻟﺘﻬﺎ ؟
ﻧﻈﺮﺕ ﺍﻟﻴﻪ ﺑﺤﺐ ﻗﺎﺋﻠﻪ :
- ﺗﺆ
ﺍﺑﺘﺴﻤﺖ ﻋﻴﻨﺎﻩ ﻭﻗﺎﻝ :
- ﻳﻌﻨﻲ ﻫﺘﺴﻤﻌﻰ ﻛﻼﻣﻰ ﻋﻠﻰ ﻃﻮﻝ ؟
ﻗﺎﻟﺖ ﻫﺎﻣﺴﻪ :
- ﺃﻳﻮﺓ ﻫﺴﻤﻊ ﻛﻼﻣﻚ ﻋﻠﻰ ﻃﻮﻝ
ﺍﺗﺴﻌﺖ ﺍﺑﺘﺴﺎﻣﺘﻪ ﻭﺃﺣﻜﻢ ﻗﺒﻀﺘﻪ ﻋﻠﻰ ﻛﻔﻬﺎ ﻭﻫﻮ ﻳﻘﻮﻝ ﻫﺎﻣﺴﺎً :
- ﺍﺗﻔﻘﻨﺎ ﻳﺎ ﻣﺪﺍﻡ " ﺁﻳﺎﺕ "
ﻧﻈﺮﺕ ﺍﻟﻴﻪ " ﺁﻳﺎﺕ " ﻭﻫﻰ ﺗﺸﻌﺮ ﺑﺄﻧﻬﺎ ﻣﻠﻜﺖ ﻣﻦ ﺍﻟﺪﻧﻴﺎ .. ﻛﻞ ﺷﺊ
ﺗﻮﻗﻔﺖ ﺳﻴﺎﺭﺓ ﺃﻣﺎﻡ ﺍﻟﻔﻴﻼ .. ﻭﻣﺎ ﻛﺎﺩ ﺑﺎﺏ ﺍﻟﺴﻴﺎﺭﺓ ﺃﻥ ﻳﻨﻔﺘﺢ ﺣﺘﻰ ﻧﺰﻟﺖ " ﺑﻮﺳﻰ " ﻭﺗﻮﺟﻬﺖ ﺍﻟﻰ ﺍﻷﻣﻦ ﺍﻟﻮﺍﻗﻒ ﻋﻠﻰ ﺍﻟﻔﻴﻼ .. ﺃﻟﻘﺖ ﻧﻈﺮﺓ ﻋﻠﻰ ﺍﻟﻔﻴﻼ ﺛﻢ ﻗﺎﻟﺖ ﻟﻪ :
- ﻣﺶ ﺩﻯ ﻓﻴﻼ " ﻋﺒﺪ ﺍﻟﻌﺰﻳﺰ ﺣﺴﺎﻥ ﺍﻟﻴﻤﺎﻧﻰ " ؟
ﻗﺎﻝ ﺭﺟﻞ ﺍﻷﻣﻦ :
- ﺃﻳﻮﺓ ﻳﺎ ﻓﻨﺪﻡ
ﻧﻈﺮﺕ " ﺁﻳﺎﺕ " ﺍﻟﻰ ﺍﻟﺰﻳﻨﺔ ﺍﻟﻤﻌﻠﻘﺔ ﺑﻘﻠﺐ ﻣﻜﻠﻮﻡ ﻭﺑﺄﻋﻴﻦ ﺗﺸﻊ ﺣﻘﺪﺍً ﺛﻢ ﻗﺎﻟﺖ :
- ﻣﻤﻜﻦ ﺃﻗﺎﺑﻞ ﺑﻨﺘﻪ " ﺁﻳﺎﺕ " ؟
ﻗﺎﻝ ﺍﻟﺮﺟﻞ :
- ﻃﻴﺐ ﻟﺤﻈﺔ ﻭﺍﺣﺪﺓ
ﺍﺗﺼﻞ ﺍﻟﺮﺟﻞ ﺑﺎﻟﻔﻴﻼ ﻟﺘﺮﺩ ﻋﻠﻴﻪ " ﺣﻠﻴﻤﺔ " ﻭﺃﺧﺒﺮﻫﺎ ﺑﺄﻣﺮ ﺗﻠﻚ ﺍﻟﻤﺮﺃﺓ ﺍﻟﺘﻰ ﺗﺮﻳﺪ ﻣﻘﺎﺑﻠﺔ " ﺁﻳﺎﺕ "
ﺗﻮﺟﻬﺖ " ﺣﻠﻴﻤﺔ " ﺍﻟﻰ ﺑﻮﺍﺑﺔ ﺍﻟﻔﻴﻼ ﻭﻫﻰ ﺗﻨﻈﺮ ﻟﻠﻤﺮﺃﺓ ﺑﺄﻋﻴﻦ ﻣﺘﻔﺤﺼﺔ .. ﻗﺎﻟﺖ " ﺣﻠﻴﻤﺔ : "
- ﺍﺗﻔﻀﻠﻰ ﻳﺎ ﻫﺎﻧﻢ ﺃﻗﻮﻟﻬﺎ ﻣﻴﻦ
ﻗﺎﻟﺖ " ﺑﻮﺳﻰ " ﺑﺘﻮﺗﺮ :
- ﻫﻰ ﻣﺘﻌﺮﻓﻨﻴﺶ ﺑﺲ ﻋﺎﻳﺰﺓ ﺃﻗﺎﺑﻠﻬﺎ ﺿﺮﻭﺭﻯ
ﻗﺎﻟﺖ " ﺣﻠﻴﻤﺔ " :
- ﻃﻴﺐ ﺍﺗﻔﻀﻠﻰ
ﻗﺎﻟﺖ " ﺑﻮﺳﻰ : "
- ﻻ .. ﻳﺎﺭﻳﺖ ﺗﺨﻠﻴﻬﺎ ﺗﻄﻠﻌﻠﻰ ﻫﻨﺎ .. ﺃﺭﺟﻮﻛﻰ ﺃﻧﺎ ﻣﺤﺘﺎﺟﺔ ﺃﺗﻜﻠﻢ ﻣﻌﺎﻫﺎ ﺿﺮﻭﺭﻯ ﺟﺪﺍً
ﺛﻢ ﺳﺄﻟﺖ ﺑﻘﻠﻖ :
- ﻛﺘﺐ ﺍﻟﻜﺘﺎﺏ ﺍﺗﻜﺘﺐ ﻭﻻ ﻟﺴﻪ ؟
ﻗﺎﻟﺖ " ﺣﻠﻴﻤﺔ " ﻭﻫﻰ ﺗﺸﻌﺮ ﺑﺎﻹﺳﺘﻐﺮﺍﺏ ﻣﻦ ﺗﻠﻚ ﺍﻟﻤﺮﺃﺓ :
- ﻟﺴﻪ
ﻗﺎﻟﺖ " ﺑﻮﺳﻰ " ﺑﻠﻬﻔﺔ :
- ﻃﻴﺐ ﻟﻮ ﺳﻤﺤﺘﻰ ﻧﺪﻳﻠﻬﺎ ﺑﺴﺮﻋﺔ
ﺗﻮﺟﻬﺖ " ﺣﻠﻴﻤﺔ " ﺍﻟﻰ ﺍﻟﺪﺍﺧﻞ ﻭﺍﻗﺘﺮﺑﺖ ﻣﻦ " ﺁﻳﺎﺕ " ﺍﻟﺘﻰ ﻛﺎﻧﺖ ﻣﺤﺎﻃﺔ ﺑﻀﻴﻮﻓﻬﺎ ﻭﻫﻤﺴﺖ ﻟﻬﺎ ﻗﺎﺋﻠﻪ :
" - ﺁﻳﺎﺕ " ﻳﺎ ﺑﻨﺘﻰ ﻓﻰ ﻭﺍﺣﺪﺓ ﺑﺮﺩﻩ ﻣﺼﺮﻩ ﺗﻘﺎﺑﻠﻚ ﻭﺑﺘﻘﻮﻝ ﺣﺎﺟﺔ ﻣﻬﻤﺔ ﺃﻭﻯ
ﻗﺎﻟﺖ " ﺁﻳﺎﺕ " ﺑﻼ ﻣﺒﺎﻻﺓ :
- ﻃﻴﺐ ﺧﻠﻴﻬﺎ ﺗﺪﺧﻞ ﻳﺎ ﺩﺍﺩﺓ
ﻗﺎﻟﺖ " ﺣﻠﻴﻤﺔ " :
- ﻣﺶ ﺭﺍﺿﻴﺔ ﺗﺪﺧﻞ ﻭﻋﺎﻳﺰﺍﻛﻰ ﺗﻄﻠﻌﻴﻠﻬﺎ
ﻗﺎﻟﺖ " ﺁﻳﺎﺕ : "
- ﺧﻼﺹ ﻗﻮﻟﻴﻠﻬﺎ ﻣﺶ ﺩﻟﻮﻗﺘﻰ ﺃﻧﺎ ﻣﺶ ﻓﺎﺿﻴﺔ ﺧﻼﺹ ﺍﻟﻤﺄﺫﻭﻥ ﺟﻪ ﻭﻫﻴﻜﺘﺒﻮﺍ ﺍﻟﻜﺘﺎﺏ ﺩﻟﻮﻗﺘﻰ
ﻗﺎﻟﺖ " ﺣﻠﻴﻤﺔ " ﻭﻫﻰ ﺗﺸﻌﺮ ﺑﺎﻟﻘﻠﻖ :
- ﺑﺲ ﻳﺎ ﺑﻨﺘﻰ ﺃﻧﺎ ﺣﺴﻪ ﺍﻧﻰ ﻗﻠﺒﻲ ﻣﺘﻮﻏﻮﺵ ﻭﺣﺴﻪ ﺍﻧﻬﺎ ﻋﺎﻳﺰﻩ ﺗﻘﻮﻟﻚ ﺣﺎﺟﻪ ﻣﻬﻤﺔ .. ﺍﻃﻠﻌﻰ ﺷﻮﻓﻴﻬﺎ ﻋﺎﻳﺰﻩ ﺍﻳﻪ ﺑﺴﺮﻋﻪ ﻭﺍﺭﺟﻌﻰ ﺗﺎﻧﻰ
ﺧﺮﺟﺖ " ﺁﻳﺎﺕ " ﻭﻭﻗﻔﺖ ﺃﻣﺎﻡ ﺑﺎﺏ ﺍﻟﻔﻴﻼ ﻭﻫﻰ ﺗﻘﻮﻝ :
- ﻫﻰ ﻓﻴﻦ ﻳﺎ ﺩﺍﺩﺓ ؟
ﻗﺎﻟﺖ " ﺣﻠﻴﻤﺔ " ﻭﻫﻰ ﺗﺸﻴﺮ ﺍﻟﻰ ﺑﻮﺍﺑﺔ ﺍﻟﻔﻴﻼ :
- ﺃﻫﻰ ﻭﺍﻗﻔﺔ ﺃﺩﺍﻡ ﺍﻟﺒﻮﺍﺑﺔ
ﺗﻮﺟﻬﺖ " ﺁﻳﺎﺕ " ﺍﻟﻴﻬﺎ ﺑﺨﻄﻮﺍﺕ ﻣﺴﺮﻋﺔ ﺛﻢ ﺗﻮﻗﻔﺖ ﺃﻣﺎﻣﻬﺎ ﻭﻫﻰ ﺗﻘﻮﻝ ﺑﻌﺠﺎﻟﻪ :
- ﺃﻳﻮﺓ ﺣﻀﺮﺗﻚ ﻋﺎﻳﺰﺍﻧﻰ .. ﻳﺎﺭﻳﺖ ﺑﺴﺮﻋﺔ ﻋﺸﺎﻥ ﺃﻧﺎ ﻣﺸﻐﻮﻟﻪ
ﻗﺎﻟﺖ " ﺑﻮﺳﻰ " ﻭﻫﻰ ﺗﻨﻈﺮ ﺍﻟﻴﻬﺎ ﻣﻦ ﺭﺃﺳﻬﺎ ﺍﻟﻰ ﺃﺧﻤﺺ ﻗﺪﻣﻴﻬﺎ .. ﺛﻢ ﻗﺎﻟﺖ ﺑﺘﻬﻜﻢ :
- ﻻ ﻣﻌﻠﺶ ﺍﻓﻀﻴﻠﻲ ﺷﻮﻳﺔ
ﺷﻌﺮﺕ " ﺁﻳﺎﺕ " ﺑﺎﻟﺪﻫﺸﺔ ﻣﻦ ﺍﻟﻄﺮﻳﻘﺔ ﺍﻟﺘﻰ ﺗﺘﺤﺪﺙ ﺑﻬﺎ ﻭﻗﺎﻟﺖ :
- ﺃﻓﻨﺪﻡ .. ﺣﻀﺮﺗﻚ ﺗﻌﺮﻓﻴﻨﻲ
ﻗﺎﻟﺖ " ﺑﻮﺳﻰ " ﺑﺤﺰﻡ :
- ﻻ ﻣﻌﺮﻓﻜﻴﺶ ﻭﻣﺶ ﻋﺎﻳﺰﻩ ﺃﻋﺮﻓﻚ ﺃﺻﻼ ﺃﻧﺎ ﺟﺎﻳﻪ ﺃﻗﻮﻟﻚ ﺣﺎﺟﺔ ﻭﺃﻣﺸﻰ
ﻗﺎﻟﺖ " ﺁﻳﺎﺕ " ﺑﺤﺪﻩ ﻭﻟﻢ ﻳﻌﺠﺒﻬﺎ ﻃﺮﻳﻘﺔ ﺗﺤﺪﺙ ﺗﻠﻚ ﺍﻟﻤﺮﺃﺓ :
- ﺃﻓﻨﺪﻡ .. ﺍﺗﻔﻀﻠﻰ
ﺻﻤﺘﺖ " ﺑﻮﺳﻰ " ﻗﻠﻴﻼً ﺛﻢ ﻓﺠﺮﺕ ﻗﻨﺒﻠﺘﻬﺎ :
- ﺃﻧﺎ ﻭ " ﺁﺩﻡ .. " ﺧﻄﻴﺒﻚ .. ﻋﻠﻰ ﻋﻼﻗﺔ ﺑﺒﻌﺾ ﻣﻦ ﺃﻛﺘﺮ ﻣﻦ ﺳﻨﺔ .. ﻭﻟﺤﺪ ﺩﻟﻮﻗﺘﻰ ﻟﺴﻪ ﻣﻊ ﺑﻌﺾ
ﺻﻤﺘﺖ " ﺁﻳﺎﺕ " ﻟﻠﺤﻈﺎﺕ ﺛﻢ ﺍﺑﺘﺴﻤﺖ ﺑﺴﺨﺮﻳﺔ ﻭﻋﻘﺪﺕ ﺫﺭﺍﻋﻴﻬﺎ ﺃﻣﺎﻡ ﺻﺪﺭﻫﺎ ﻭﻫﻰ ﺗﻘﻮﻝ ﺑﺜﻘﺔ ﺷﺪﻳﺪﺓ :
- ﻟﻮ ﺩﻩ ﺍﻟﻠﻰ ﺟﺎﻳﻪ ﺗﻘﻮﻟﻴﻬﻮﻟﻰ ﻳﺒﺄﻩ ﺗﻌﺒﺘﻰ ﻧﻔﺴﻚ ﻋﻠﻰ ﺍﻟﻔﺎﺿﻰ ﺃﻧﺎ ﺑﺜﻖ ﻓﻰ ﺧﻄﻴﺒﻰ ﺟﺪﺍً .. ﻭﺛﻘﺘﻰ ﻓﻴﻪ ﻣﻠﻬﺎﺵ ﺣﺪﻭﺩ .. ﺑﻌﺪ ﺍﺫﻧﻚ
ﺍﻟﺘﻔﺘﺖ " ﺁﻳﺎﺕ " ﻟﺘﻌﻮﺩ ﺍﻟﻰ ﺍﻟﻔﻴﻼ ﻟﻜﻦ " ﺑﻮﺳﻰ " ﺟﺬﺑﺘﻬﺎ ﻣﻦ ﺫﺭﺍﻋﻬﺎ ﻭﻫﻰ ﺗﻘﻮﻝ :
- ﻃﻴﺐ ﺷﻮﻓﻰ ﺩﻩ ﻭﻗﻮﻟﻴﻠﻰ ﺭﺃﻳﻚ
ﺃﺧﺮﺟﺖ " ﺑﻮﺳﻰ " ﻫﺎﺗﻔﻬﺎ ﻣﻦ ﺣﻘﻴﺒﺘﻬﺎ ﻭﺣﺮﻛﺖ ﺃﺻﺒﻌﻬﺎ ﻋﻠﻰ ﺷﺎﺷﺘﻪ ﻭ " ﺁﻳﺎﺕ " ﺗﻨﻈﺮ ﺍﻟﻴﻬﺎ ﺑﻨﻔﺎﺫ ﺻﺒﺮ .. ﺛﻢ ﻭﺿﻌﺖ ﺍﻟﻬﺎﺗﻒ ﺃﻣﺎﻡ ﻭﺟﻬﻬﺎ ﻭﻫﻰ ﺗﻘﻮﻝ ﺑﺘﻬﻜﻢ :
- ﺷﻮﻓﻰ ﺩﻩ ﻛﺪﻩ ﻭﻗﻮﻟﻴﻠﻰ ﻟﺴﻪ ﺑﺮﺩﻩ ﺑﺘﺜﻘﻰ ﻓﻰ ﺧﻄﻴﺒﻚ ﻭﺛﻘﺘﻚ ﻓﻴﻪ ﻣﻠﻬﺎﺵ ﺣﺪﻭﺩ
ﺃﻣﺴﻜﺖ " ﺁﻳﺎﺕ " ﺍﻟﻬﺎﺗﻒ ﺑﻨﻔﺎﺫ ﺻﺒﺮ ﻭﻫﻰ ﺗﻘﻮﻝ :
- ﺃﻧﺎ ﻣﺶ ﻋﺎﺭﻓﻪ ﺍﻧﺘﻰ ﻋﺎﻳﺰﻩ ﺍﻳﻪ ﺑﺎﻟﻈﺒﻂ
ﻧﻈﺮﺕ " ﺁﻳﺎﺕ " ﺍﻟﻰ ﺍﻟﺸﺎﺷﺔ ﺑﺒﺮﻭﺩ .. ﺛﻢ ﻣﺎ ﻟﺒﺜﺖ ﺃﻥ ﺗﺠﻤﺪﺕ ﻧﻈﺮﺍﺗﻬﺎ .. ﻭﺗﺠﻤﺪﺕ ﻣﻼﻣﺢ ﻭﺟﻬﻬﺎ .. ﺑﻞ ﺗﺠﻤﺪ ﺟﺴﺪﻫﺎ ﻛﻠﻪ ﻭﺗﻮﻗﻔﺖ ﻋﻦ ﺍﻟﺘﻨﻔﺲ ﻟﻠﺤﻈﺎﺕ ﻭﻫﻰ ﺗﻨﻈﺮ ﺍﻟﻰ ﻣﺎ ﻋﺮﺿﺘﻪ " ﺑﻮﺳﻰ " ﻋﻠﻰ ﺷﺎﺷﺔ ﻫﺎﺗﻔﻬﺎ .. ﺛﻢ .. ﻭﻛﺄﻥ ﺩُﺑﺖ ﻓﻴﻬﺎ ﺍﻟﺤﻴﺎﺓ ﻓﺠﺄﺓ .. ﺍﻧﺘﻔﻀﺖ ﻭﺗﺮﻛﺖ ﺍﻟﻬﺎﺗﻒ ﻣﻦ ﻳﺪﻫﺎ ﻭﻛﺄﻧﻪ ﺃﻓﻌﻰ ﺳﺎﻣﺔ ﻟﻴﺴﻘﻂ ﺃﺭﺿﺎً .. ﻧﻈﺮﺕ ﺍﻟﻴﻪ ﻭﻫﻮ ﻣﻠﻘﻰ ﻋﻠﻰ ﺍﻷﺭﺽ ﻟﺘﺘﺬﻛﺮ ﺑﺄﻧﻬﺎ ﻣﺎﺯﺍﻟﺖ ﺗﺤﺒﺲ ﺃﻧﻔﺎﺳﻬﺎ ﺃﺧﺬﺕ ﻋﺪﺓ ﺷﻬﻘﺎﺕ ﺗﺤﺎﻭﻝ ﺑﻬﺎ ﺍﻳﺼﺎﻝ ﺍﻟﻬﻮﺍﺀ ﻟﺮﺋﺘﻴﻬﺎ .. ﻟﻜﻦ ﺑﺪﺍ ﻭﻛﺄﻧﻬﺎ ﺗﺸﻌﺮ ﺑﺎﻹﺧﺘﻨﺎﻕ ﻛﺎﻧﺖ ﺗﻠﻬﺚ ﻛﻐﺮﻳﻖ ﻓﻰ ﺑﺤﺮ ﻛﺒﻴﺮ ﻣﻈﻠﻢ .. ﺃﻟﺘﻘﻄﺖ " ﺑﻮﺳﻰ " ﻫﺎﺗﻔﻬﺎ ﺛﻢ ﻧﻈﺮﺕ ﺍﻟﻰ " ﺁﻳﺎﺕ " ﺑﻘﻠﻖ ﻭﻫﻰ ﺗﺮﻯ ﺍﻧﺘﻔﺎﺿﺔ ﺟﺴﺪﻫﺎ ﻭﻋﻴﻨﻴﻬﺎ ﺍﻟﻐﺎﺋﺮﺗﻴﻦ .. ﺃﺣﺎﻃﺖ .. ﺍﺑﺘﺪﻯ ﺭﺟﻼ ﺍﻷﻣﻦ ﻳﻨﻈﺮﺍﻥ ﺍﻟﻴﻬﻤﺎ ﺑﺸﻚ .. ﺍﻟﺘﻔﺘﺖ " ﺑﻮﺳﻰ " ﺍﻟﻴﻬﺎ ﻭﻗﺎﻟﺖ ﺑﺴﺮﻋﺔ ﻭﻫﻰ ﺗﺤﺬﻑ ﺍﻟﻤﻠﻒ ﻣﻦ ﻫﺎﺗﻔﻬﺎ :
- ﺃﻧﺎ ﺍﺳﻔﺔ ﺍﻧﻰ ﺟﻴﺖ ﻣﺘﺄﺧﺮ ﺑﺲ " ﺁﺩﻡ " ﺷﺮﺍﻧﻰ ﻭﻛﺎﻥ ﻻﺯﻡ ﺃﻋﻤﻞ ﺣﺴﺎﺑﻲ ﺍﻧﻰ ﺃﻛﻮﻥ ﺑﺮﻩ ﺍﻟﺒﻠﺪ ﺍﻟﻔﺘﺮﺓ ﺩﻯ ﺃﻧﺎ ﺣﺎﻻ ﺭﺍﺣﺔ ﺍﻟﻤﻄﺎﺭ ﻭﻫﺴﺎﻓﺮ ﻷﺧﻮﻳﺎ ﺍﻋﺪ ﻋﻨﺪﻩ ﻓﺘﺮﺓ
ﺛﻢ ﻗﺎﻟﺖ ﻟﻬﺎ :
- ﺧﻠﻰ ﺑﺎﻟﻚ " ﺁﺩﻡ " ﻛﺎﻥ ﺧﺎﻃﺐ ﺑﻨﺖ ﻋﻤﻚ
ﻧﻈﺮﺕ ﺍﻟﻴﻬﺎ " ﺁﻳﺎﺕ " ﻭﻫﻰ ﺗﺸﻌﺮ ﺑﺄﻧﻬﺎ ﺗﻠﻘﺖ ﺿﺮﺑﺔ ﺃﺧﺮﻯ ﻗﺎﺗﻠﻪ .. ﺗﺠﻤﺪﺕ ﺍﻟﻌﺒﺮﺍﺕ ﻓﻰ ﻋﻴﻨﻴﻬﺎ ﻭﺃﺧﺬﺕ ﺗﺤﺮﻙ ﺭﺃﺳﻬﺎ ﻭﻫﻰ ﺗﺤﺎﻭﻝ ﺃﻥ ﺗﻌﻰ ﻛﻞ ﻣﺎ ﻳﺤﺪﺙ ﻓﻘﺎﻟﺖ " ﺑﻮﺳﻰ " :
- ﻋﻤﻚ ﻭﺍﺑﻦ ﻋﻤﻚ ﻧﺼﺒﻮﺍ ﻋﻠﻴﻪ ﺩﻩ ﻛﻞ ﺍﻟﻠﻰ ﺃﻋﺮﻓﻪ ﻭﻭﺍﺛﻘﺔ ﺍﻧﻪ ﻣﺨﻄﺒﻜﻴﺶ ﻟﻠﻪ ﻓﻰ ﻟﻠﻪ
" ﺁﺩﻡ " ﻣﺒﻴﺤﺶ ﺣﺪ ﺍﻻ ﻧﻔﺴﻪ ﻭﺑﺲ ﻭﺍﺛﻘﻪ ﺍﻥ ﺩﻯ ﺧﻄﻪ ﻋﺸﺎﻥ ﻳﺴﺘﻐﻠﻚ ﺑﻴﻬﺎ
ﺗﺴﺎﻗﻄﺖ ﺍﻟﻌﺒﺮﺍﺕ ﻣﻦ ﻋﻴﻨﻴﻬﺎ ﻭﻫﻰ ﻭﺍﻗﻔﺔ ﺗﺮﺗﺠﻒ ﻛﻮﺭﻗﺔ ﻓﻰ ﻣﻬﺐ ﺍﻟﺮﻳﺢ ﻭﻗﺪ ﻋﻘﺪ ﻟﺴﺎﻧﻬﺎ ﻓﻠﻢ ﺗﺴﺘﻄﻊ ﺍﻟﻨﻄﻖ ﺑﻜﻠﻤﺔ .. ﻗﺎﻟﺖ " ﺑﻮﺳﻰ " ﻭﻗﺪ ﺷﻌﺮﺕ ﺣﻘﺎً ﺑﺎﻟﺸﻔﻘﺔ ﻣﻦ ﺃﺟﻠﻬﺎ :
- ﻧﺼﻴﺤﺔ ﻣﻨﻰ ﺍﺑﻌﺪﻯ ﻋﻦ " ﺁﺩﻡ .. " ﺩﻩ ﺭﺍﺟﻞ ﻣﺆﺫﻯ
ﺭﻓﻌﺖ " ﺁﻳﺎﺕ " ﺭﺃﺳﻬﺎ ﻭﺃﺧﻴﺮﺍ ﻭﺟﺪﺕ ﻓﻰ ﻧﻔﺴﻬﺎ ﺍﻟﻘﺪﺭﺓ ﻟﺘﻘﻮﻝ ﺑﻴﻦ ﺷﻬﻘﺎﺗﻬﺎ ﻭﺑﺼﻮﺕ ﻣﺒﺤﻮﺡ ﻣﺮﺗﺠﻒ ﻣﺘﺄﻟﻢ :
- ﺍﻧﺘﻰ ﻣﺮﺍﺗﻪ ؟
ﺍﺑﺘﺴﻢ " ﺑﻮﺳﻰ " ﺳﺎﺧﺮﺓ ﻭﻗﺎﻟﺖ :
- ﻻ ﻣﺶ ﻣﺮﺍﺗﻪ .. ﺃﻧﺎ ﺻﺤﺒﺘﻪ
ﺍﺗﺴﻌﺖ ﻋﻴﻨﺎ " ﺁﻳﺎﺕ " ﻭﻫﻰ ﺗﻨﻈﺮ ﺍﻟﻴﻬﺎ ﻓﺄﻛﻤﻠﺖ " ﺑﻮﺳﻰ " ﻗﺒﻞ ﺃﻥ ﺗﻠﺘﻔﺖ ﻟﺘﻨﺼﺮﻑ :
- ﻋﺸﻴﻘﺘﻪ ﻳﻌﻨﻲ
ﺃﻃﻠﻘﺖ " ﺁﻳﺎﺕ " ﺻﺮﺧﺔ ﺃﻟﻢ ﻭﻭﺿﻌﺖ ﻳﺪﻳﻬﺎ ﻋﻠﻰ ﻓﻤﻬﺎ ﺗﻜﺘﻢ ﺁﻫﺎﺗﻬﺎ ﺍﻟﺘﻰ ﺍﻧﺒﻌﺜﺖ ﻣﻦ ﺃﻋﻤﺎﻕ ﻗﻠﺒﻬﺎ .. ﺃﺣﺎﻃﺖ ﺟﺴﺪﻫﺎ ﺑﺬﺭﺍﻋﻴﻬﺎ ﻭﺍﻗﺸﻌﺮ ﺑﺪﻧﻬﺎ ﻭﻋﻼﻣﺎﺕ ﺍﻟﺘﻘﺰﺯ ﻋﻠﻰ ﻭﺟﻬﻬﺎ .. ﺃﺣﺎﻃﺖ ﻧﻔﺴﻬﺎ ﻭﻛﺄﻧﻬﺎ ﺗﺤﻤﻴﻬﺎ ﻣﻤﺎ ﺭﺃﺕ ﻭﻣﻤﺎ ﺳﻤﻌﺖ .. ﺗﺴﺎﻗﻄﺖ ﺍﻟﻌﺒﺮﺍﺕ ﻋﻠﻰ ﻭﺟﻨﺘﻴﻬﺎ ﻛﻤﺠﺮﻯ ﺍﻟﻤﺎﺀ ﺍﻟﻤﺎﻟﺢ .. ﻟﻢ ﺗﺴﺘﻄﻊ ﻗﺪﻣﺎﻫﺎ ﺣﻤﻠﻬﺎ ﻓﺘﻬﺎﻭﺕ ﻣﻜﺎﻧﻬﺎ ﻋﻠﻰ ﺍﻷﺭﺽ ﻭﻫﻰ ﺗﺒﻜﻰ ﺑﺤﺮﻗﺔ .. ﻭﺗﻄﻠﻖ ﺁﻧﺎﺕ ﺃﻟﻢ ﺑﻴﻦ ﺷﻬﻘﺎﺕ ﺑﻜﺎﺋﻬﺎ ﻛﻐﺰﺍﻝ ﺟﺮﻳﺢ ﻓﻰ ﻭﺳﻂ ﺻﺤﺮﺍﺀ ﻗﺎﺣﻠﺔ .. ﺍﻗﺘﺮﺏ ﺭﺟﻞ ﺍﻷﻣﻦ ﻣﻨﻬﺎ ﻭﻗﺎﻝ ﺑﻘﻠﻖ :
- ﺁﻧﺴﺔ " ﺁﻳﺎﺕ .. " ﺍﻧﺘﻰ ﻛﻮﻳﺴﺔ
ﻛﺎﻧﺖ ﻣﻐﻤﻀﺔ ﺍﻟﻌﻴﻨﻴﻦ ﻳﺮﺗﺠﻒ ﺟﺴﺪﻫﺎ ﻣﻦ ﻗﻮﺓ ﺷﻬﻘﺎﺗﻬﺎ ﻭﺗﻌﺎﻟﻰ ﺻﻮﺕ ﺁﻫﺎﺗﻬﺎ ﻭﺃﻧﺎﺗﻬﺎ ﺍﻟﺘﻰ ﺗﻤﺰﻕ ﺍﻟﻘﻠﺐ .. ﻓﻘﺎﻝ ﻣﺮﺓ ﺃﺧﺮﻯ :
- ﺁﻧﺴﺔ " ﺁﻳﺎﺕ "
ﺃﺗﻰ ﺍﻟﺤﺎﺭﺱ ﺍﻷﺧﺮ ﻭﻫﻮ ﻳﻘﻮﻝ ﺑﺈﺿﻄﺮﺍﺏ :
- ﺭﻭﺡ ﺑﺴﺮﻋﺔ ﻧﺎﺩﻯ ﺣﺪ ﻣﻦ ﺍﻟﻔﻴﻼ ﻳﻴﺠﻰ ﻳﺸﻮﻓﻬﺎ ﻣﻠﻬﺎ
ﺛﻢ ﺍﻟﺘﻔﺖ ﺍﻟﻰ ﺯﻣﻴﻠﻪ ﻳﻘﻮﻝ :
- ﻫﻮ ﻛﺘﺐ ﺍﻟﻜﺘﺎﺏ ﺍﺗﻜﺘﺐ ﻭﻻ ﻟﺴﻪ ؟
ﻗﺎﻝ ﺍﻟﺤﺎﺭﺱ ﻭﻫﻮ ﻳﺘﻮﺟﻪ ﺍﻟﻰ ﺍﻟﻔﻴﻼ :
- ﻣﻌﺮﻓﺶ
ﺃﻓﺎﻗﺖ " ﺁﻳﺎﺕ " ﻋﻠﻰ ﺟﻤﻠﺔ " ﻛﺘﺐ ﺍﻟﻜﺘﺎﺏ " ﻓﺘﻮﻗﻔﺖ ﺷﻬﻘﺎﺕ ﺑﻜﺎﺋﻬﺎ ﻭﻓﺘﺤﺖ ﻋﻴﻨﻴﻬﺎ .. ﻧﻈﺮ ﺍﻟﻴﻬﺎ ﺍﻟﺤﺎﺭﺱ ﻗﺎﺋﻼً :
- ﺁﻧﺴﻪ " ﺁﻳﺎﺕ "
ﻟﻢ ﺗﺠﻴﺒﻪ .. ﺩﺍﺭﺕ ﻋﻴﻨﺎﻫﺎ ﺑﺴﺮﻋﺔ ﻭﻫﻰ ﺗﻔﻜﺮ ﻓﻴﻤﺎ ﻳﺤﺪﺙ ﺩﺍﺧﻞ ﺍﻟﻔﻴﻼ ﺍﻵﻥ .. ﺍﻟﺘﻔﺘﺖ ﺑﺤﺪﺓ ﺗﻨﻈﺮ ﺍﻟﻰ ﺍﻟﻔﻴﻼ ﺧﻠﻔﻬﺎ ﻭﻭﺟﻬﻬﺎ ﻏﺎﺭﻗﺎً ﺑﻌﺒﺮﺍﺗﻪ .. ﺍﺭﺗﺠﻔﺖ ﺷﻔﺘﺎﻫﺎ ﻭﻫﻰ ﺑﺸﺪﺓ ﻭﻫﻰ ﺗﻬﻤﻬﻢ :
- ﻻ .. ﻻ
ﺟﺜﺎ ﺍﻟﺤﺎﺭﺱ ﻋﻠﻰ ﺭﻛﺒﺘﻪ ﺑﺠﻮﺍﺭﻫﺎ ﻭﻫﻮ ﻳﺘﻔﺤﺼﻬﺎ ﺑﻘﻠﻖ ﻭﻳﻘﻮﻝ :
- ﺑﺘﻘﻮﻟﻰ ﺍﻳﻪ ﻳﺎ ﺁﻧﺴﺔ " ﺁﻳﺎﺕ "
ﻟﻢ ﺗﺠﻴﺒﻪ " ﺁﻳﺎﺕ " ﻭﻟﻢ ﺗﻠﺘﻔﺖ ﺍﻟﻴﻪ ﺣﺘﻰ .. ﺷﻬﻘﺖ ﺑﻘﻮﺓ ﻭﻧﻬﻀﺖ ﺗﺮﻓﻊ ﻃﺮﻑ ﻓﺴﺘﺎﻧﻬﺎ ﻭﺗﺠﺮﻯ ﺑﺄﻗﺼﻰ ﺳﺮﻋﺘﻬﺎ ﻓﻰ ﺍﺗﺠﺎﻩ ﺍﻟﻔﻴﻼ ﻭﻗﻠﺒﻬﺎ ﻳﺨﻔﻖ ﻓﻰ ﻭﺟﻞ .. ﻛﺎﻧﺖ ﻃﻌﻨﺎﺕ ﻛﻌﺐ ﺣﺬﺍﺋﻬﺎ ﻋﻠﻰ ﺍﻷﺭﺽ ﺗﺸﻖ ﺳﻜﻮﻥ ﺍﻟﻠﻴﻞ ﻭﻳﻄﻐﻰ ﻋﻠﻰ ﺃﺻﻮﺍﺕ ﺍﻟﻤﻮﺳﻴﻘﻰ ﺍﻟﻤﻨﺒﻌﺜﺔ ﻣﻦ ﺩﺍﺧﻞ ﺍﻟﻔﻴﻼ .. ﻫﺮﻭﻟﺖ ﻟﺘﺴﺒﻖ ﺍﻟﺮﻳﺢ .. ﺑﻞ ﻟﺘﺴﺒﻖ ﺍﻟﺰﻣﻦ .. ﺗﺴﺎﻗﻄﺖ ﻋﺒﺮﺍﺗﻬﺎ ﺍﻟﺴﺎﺧﻨﺔ ﻟﺘﺤﺮﻕ ﻭﺟﻬﻬﺎ ﻭﻛﺎﺩ ﻗﻠﺒﻬﺎ ﺃﻥ ﻳﺘﻮﻗﻒ ﺧﻮﻓﺎً ﻭﻫﻠﻌﺎً ﻭﻫﻰ ﺗﺪﻋﻮ ﺍﻟﻠﻪ ﺃﻥ ﺗﺼﻞ ﻗﺒﻞ ﺃﻥ ﺗُﻜﺘﺐ ﻭﺛﻴﻘﺔ ﺍﻋﺪﺍﻣﻬﺎ
