ﺟﻠﺲ " ﺁﺩﻡ " ﻓﻰ ﺃﺣﺪ ﺍﻟﻤﻄﺎﻋﻢ ﻭﺗﺤﺖ ﻳﺪﻩ ﻣﻠﻒ ﺃﺧﺬ ﻳﻄﺮﻕ ﻋﻠﻴﻪ ﺑﺄﺻﺎﺑﻌﻪ ﻓﻰ ﺗﻮﺗﺮ ﻭﻫﻮ ﻳﻨﻈﺮ ﺍﻟﻰ ﺳﺎﻋﺘﻪ ﺑﻴﻦ ﺍﻟﺤﻴﻦ ﻭﺍﻵﺧﺮ .. ﺃﻗﺒﻠﺖ ﻋﻠﻴﻪ " ﺳﺎﻧﺪﻯ " ﺗﺘﻬﺎﺩﻯ ﻓﻰ ﺧﻄﻮﺍﺗﻬﺎ .. ﺣﻴﺘﻪ ﻗﺎﺋﻠﻪ :
- ﻫﺎﻯ ﺩﻛﺘﻮﺭ .. ﺍﺗﺄﺧﺮﺕ ﻋﻠﻴﻚ
ﻗﺎﻝ " ﺁﺩﻡ " ﺑﺈﺑﺘﺴﺎﻣﺔ ﻣﺠﺎﻣﻠﺔ :
- ﻣﺶ ﻛﺘﻴﺮ
ﻗﺎﻟﺖ ﺑﻤﺮﺡ ﻭﻫﻰ ﺗﺠﻠﺲ ﺃﻣﺎﻣﻪ ﻋﻠﻰ ﺍﻟﻄﺎﻭﻟﺔ :
- ﺳﻮﺭﻯ ﻳﺎ ﺩﻛﺘﻮﺭ ﺍﻟﻄﺮﻳﻖ ﻛﺎﻥ ﺯﺣﻤﺔ ﻣﻮﺕ
ﺃﻭﻣﺄ " ﺁﺩﻡ " ﺑﺮﺃﺳﻪ ﻭﺑﺪﺍ ﺑﺄﻥ ﻋﻘﻠﻪ ﻣﺸﻐﻮﻻً ﺑﺸﺊ ﺁﺧﺮ .. ﻃﻠﺐ ﻟﻬﺎ ﻣﺸﺮﻭﺑﺎً .. ﺗﺤﺪﺛﺎ ﻗﺮﺍﺑﺔ ﺍﻟﻨﺺ ﺳﺎﻋﺔ ﻓﻰ ﻣﻮﺿﻮﻋﺎﺕ ﺷﺘﻰ ﻋﻦ ﺍﻟﺠﺎﻣﻌﺔ ﻭﺍﻟﺪﺭﺍﺳﺔ ﻭﺍﻟﻌﻤﻞ .. ﺍﻟﻰ ﺃﻥ ﻗﺎﻝ " ﺁﺩﻡ " ﺑﺠﺪﻳﻪ :
" - ﺳﺎﻧﺪﻯ " ﻛﻨﺖ ﻣﺤﺘﺎﺝ ﻣﻨﻚ ﺧﺪﻣﺔ
ﻗﺎﻟﺖ " ﺳﺎﻧﺪﻯ " ﺑﻠﻬﻔﻪ :
- ﻃﺒﻌﺎً ﺍﻧﺖ ﺗﺆﻣﺮ ﻳﺎ ﺩﻛﺘﻮﺭ
ﺃﻣﺴﻚ ﺍﻟﻤﻠﻒ ﺍﻟﺬﻯ ﻛﺎﻥ ﻳﺴﺘﻨﺪ ﺍﻟﻴﻪ ﺫﺭﺍﻋﻪ ﻭﻭﺿﻌﻪ ﺃﻣﺎﻣﻬﺎ ﻗﺎﺋﻼً :
- ﺩﻯ ﺩﺭﺍﺳﺔ ﺟﺪﻭﻯ ﻟﻤﺸﺮﻭﻉ ﻗﺮﻳﺔ ﺳﻴﺎﺣﻴﺔ ﻓﻰ ﺍﻟﻌﻴﻦ ﺍﻟﺴﺨﻨﺔ .. ﺍﻟﺪﺭﺍﺳﺔ ﺩﻯ ﻋﻤﻠﺘﻬﺎ ﻣﻦ ﻛﺬﺍ ﺳﻨﺔ .. ﺃﺭﺑﺎﺣﻬﺎ ﺧﻴﺎﻟﻴﺔ ﻭﻣﻀﻤﻮﻧﺔ ﺟﺪﺍً
ﺍﺑﺘﺴﻤﺖ " ﺳﺎﻧﺪﻯ " ﻗﺎﺋﻠﻪ ﻭﻫﻰ ﺗﺘﻔﺤﺺ ﺍﻟﻤﻠﻒ :
- ﻃﺒﻌﺎً ﻃﺎﻟﻤﺎ ﺣﻀﺮﺗﻚ ﺍﻟﻠﻰ ﻋﺎﻣﻠﻬﺎ ﺗﺒﻘﻰ ﻣﻤﺘﺎﺯﺓ ﻳﺎ ﺩﻛﺘﻮﺭ " ﺁﺩﻡ "
ﻗﺎﻝ " ﺁﺩﻡ " ﻭﻫﻮ ﻳﻨﻈﺮ ﺍﻟﻴﻬﺎ ﺑﺘﻤﻌﻦ :
- ﺍﻟﺪﺭﺍﺳﺔ ﺩﻯ ﺃﻧﺎ ﻣﺤﺘﺎﺝ ﻟﻴﻬﺎ ﻣﻤﻮﻝ
ﺛﻢ ﻗﺎﻝ ﺑﻀﻴﻖ :
- ﻛﻨﺖ ﺍﻟﻤﻔﺮﻭﺽ ﺍﻧﻰ ﺃﻧﺎ ﻫﻜﻮﻥ ﺃﺣﺪ ﺍﻟﻤﻤﻮﻟﻴﻦ ﻓﻴﻬﺎ ﺑﺲ ﻣﺶ ﻫﻴﻨﻔﻊ ﺩﻟﻮﻗﺘﻰ ﺃﺷﺎﺭﻙ ﻓﻰ ﺭﺍﺱ ﺍﻟﻤﺎﻝ
ﺛﻢ ﻗﺎﻝ ﺑﻠﻬﻔﻪ :
- ﺃﻧﺎ ﻋﺎﺭﻑ ﺍﻥ ﻭﺍﻟﺪﻙ ﺭﺟﻞ ﺃﻋﻤﺎﻝ ﻭﻣﺶ ﺑﺲ ﻛﺪﺓ .. ﻋﻨﺪﻩ ﺷﺮﻛﺔ ﺳﻴﺎﺣﻴﺔ ﻛﺒﻴﺮﺓ ﻭﻣﻨﺎﻓﺲ ﻗﻮﻯ ﻓﻰ ﺍﻟﺴﻮﻕ
ﺍﺑﺘﺴﻤﺖ " ﺳﺎﻧﺪﻯ " ﺑﺘﻔﺎﺧﺮ ﻭﻫﻰ ﺗﻘﻮﻝ ﺿﺎﺣﻜﺔ :
- ﻓﻌﻼً ﺑﺎﺑﺎ ﺣﻘﻖ ﺍﺳﻢ ﻛﺒﻴﺮ ﺃﻭﻯ ﻓﻰ ﻋﺎﻟﻢ ﺍﻟﺴﻴﺎﺣﺔ
ﻗﺎﻝ " ﺁﺩﻡ " ﺑﺠﺪﻳﺔ :
- ﻭﻋﺸﺎﻥ ﻛﺪﻩ ﺃﻧﺎ ﺣﺎﺑﺐ ﺍﻧﻪ ﻳﻤﻮﻝ ﺍﻟﻤﺸﺮﻭﻉ ﺩﻩ .. ﺍﻟﻤﺸﺮﻭﻉ ﺩﻩ ﻣﻦ ﺃﺿﺨﻢ ﺍﻟﻤﺸﺎﺭﻳﻊ ﺍﻟﻠﻰ ﺍﺗﻌﻤﻠﻬﺎ ﺩﺭﺍﺳﺔ ﺟﺪﻭﻯ .. ﻭﻛﻤﺎﻥ ﺍﻟﻤﻜﺎﻥ ﻧﻔﺴﻪ ﺧﻴﺎﻟﻰ ﻣﺶ ﻣﻤﻜﻦ ﺗﺘﺨﻴﻠﻰ ﺭﻭﻋﺘﻪ ... ﻭﻛﻞ ﺷﺊ ﻣﻮﺟﻮﺩ ﻓﻰ ﺍﻟﻤﻠﻒ ﺩﻩ
ﻗﺎﻟﺖ " ﺳﺎﻧﺪﻯ " ﻣﺒﺘﺴﻤﺔ :
- ﻃﻴﺐ ﻭﻟﻴﻪ ﺣﻀﺮﺗﻚ ﻣﺘﻌﺮﺿﺶ ﻋﻠﻰ ﺑﺎﺑﺎ ﺍﻟﻤﺸﺮﻭﻉ ﺩﻩ ﺑﻨﻔﺴﻚ
ﻗﺎﻝ " ﺁﺩﻡ " ﻣﺒﺘﺴﻤﺎً ﻭﻫﻮ ﻳﺮﺟﻊ ﻇﻬﺮﻩ ﻟﻠﺨﻠﻒ :
- ﻣﺎ ﺃﻧﺎ ﻫﻌﺮﺿﻪ ﺑﻨﻔﺴﻲ .. ﺭﺑﺲ ﺍﻧﺘﻰ ﻣﺘﺨﻴﻠﻪ ﺭﺟﻞ ﺃﻋﻤﺎﻝ ﺯﻯ ﺑﺎﺑﺎﻛﻰ ﺑﻴﺘﻌﺮﺽ ﻋﻠﻴﻪ ﻛﺎﻡ ﻣﺸﺮﻭﻉ ﻭﻛﺎﻡ ﺩﺭﺍﺳﺔ ﺟﺪﻭﻯ .. ﺍﻳﻪ ﺍﻟﻠﻰ ﻳﺨﻠﻴﻪ ﻳﻠﺘﻔﺖ ﻟﻤﺸﺮﻭﻋﻰ ﻭﻳﺎﺧﺪﻩ ﺑﺠﺪﻳﻪ
ﺿﺤﻜﺖ " ﺳﺎﻧﺪﻯ " ﺑﺪﻻﻝ ﻗﺎﺋﻠﻪ :
- ﻋﺎﻳﺰﻧﻰ ﺃﻛﻮﻥ ﻭﺍﺳﻄﺔ ﻳﻌﻨﻲ
ﺍﺑﺘﺴﻢ ﺍﺑﺘﺴﺎﻣﺘﻪ ﺍﻟﺴﺎﺣﺮﺓ ﻭﻫﻮ ﻳﻘﻮﻝ ﺑﻠﺆﻡ :
- ﺑﺎﻟﻈﺒﻂ ﻛﺪﻩ
ﺍﺑﺘﺴﻤﺖ ﻭﻫﻰ ﺗﻘﻮﻝ ﺑﺨﺒﺚ :
- ﺃﺧﺒﺎﺭ ﻧﺘﻴﺠﺔ ﺍﻹﻣﺘﺤﺎﻥ ﺍﻟﻤﻔﺎﺟﺊ ﺍﻳﻪ ؟
ﺍﺑﺘﺴﻢ " ﺁﺩﻡ " ﻭﻟﻤﻌﺖ ﻋﻴﻨﺎﻩ ﻭﻫﻮ ﻳﻘﻮﻝ :
- ﺍﻣﺘﺤﺎﻥ ﻣﻔﺎﺟﺊ ﺍﻳﻪ ﺍﻟﻠﻰ ﺑﺘﺘﻜﻠﻤﻰ ﻓﻴﻪ .. ﻗﻮﻟﻰ ﺃﺧﺒﺎﺭﻙ ﺍﻣﺘﺤﺎﻥ ﺍﻟﻔﺎﻳﻨﺎﻝ ﺍﻳﻪ
ﺍﺑﺘﺴﻤﺖ " ﺳﺎﻧﺪﻯ " ﻭﻗﺪ ﻟﻤﻌﺖ ﻋﻴﻨﺎﻫﺎ ﻋﻨﺪﻣﺎ ﺃﺧﺮﺝ " ﺁﺩﻡ " ﻭﺭﻗﺔ ﻣﻦ ﺟﻴﺒﻪ ﻭﻭﺿﻌﻬﺎ ﺃﻣﺎﻣﻬﺎ .. ﻧﻈﺮﺕ " ﺁﻳﺎﺕ " ﺑﻔﺮﺣﺔ ﻭﻋﺪﻡ ﺗﺼﺪﻳﻖ ﺍﻟﻰ ﺍﻻﺳﺌﻠﺔ ﺍﻟﻤﻮﺟﻮﺩﺓ ﻓﻰ ﺍﻟﻮﺭﻗﺔ ﺛﻢ ﻧﻈﺮﺕ ﺍﻟﻰ " ﺁﺩﻡ " ﻗﺎﺋﻠﻪ ﺑﻤﺮﺡ :
- ﻳﺎ ﺳﻼﻡ ﻋﻠﻴﻚ ﻳﺎ ﺩﻛﺘﻮﺭ .. ﻛﺪﻩ ﺗﻤﺎﻡ ﺃﻭﻯ ﻭﺷﻜﻠﻨﺎ ﻫﻨﻌﻤﻞ ﻣﻊ ﺑﻌﺾ ﺃﺣﻠﻰ ﺑﻴﺰﻧﺲ
ﺍﺑﺘﺴﻢ " ﺁﺩﻡ " ﻭﻗﺎﻝ ﻣﺤﺬﺭﺍً :
- ﺍﻟﻮﺭﻗﺔ ﺩﻯ ﻟﻴﻜﻲ ﺍﻧﺘﻰ ﺑﺲ ﻭﻟﻮ ﺍﺗﺴﺮﺑﺖ ﻳﻤﻴﻦ ﻭﻻ ﺷﻤﺎﻝ .. ﺍﻧﺘﻰ ﻋﺎﺭﻓﻪ ﺃﻧﺎ ﻣﻤﻜﻦ ﺃﻋﻤﻞ ﺍﻳﻪ ﻳﺎ " ﺳﺎﻧﺪﻯ "
ﻗﺎﻟﺖ ﺿﺎﺣﻜﺔ ﻭﻫﻰ ﺗﻀﻊ ﺍﻟﻮﺭﻗﺔ ﻓﻰ ﺣﻘﻴﺒﺘﻬﺎ :
- ﻟﻴﻪ ﻫﻮ ﺃﻧﺎ ﻣﺠﻨﻮﻧﺔ ﻭﻻ ﺍﻳﻪ .. ﺃﺳﺮﺑﻬﺎ ﻋﺸﺎﻥ ﻳﺎﺧﺪﻭﺍ ﺩﺭﺟﺎﺕ ﻋﺎﻟﻴﻪ .. ﺍﻧﺎ ﻣﺎﻟﻰ ﺍﻧﺸﺎﻟﻪ ﺍﻟﺪﻓﻌﺔ ﻛﻠﻬﺎ ﺗﺴﻘﻂ .. ﺍﻟﻤﻬﻢ ﺍﻧﻰ ﺿﻤﻨﺖ ﺍﻟﻔﻮﻝ ﻣﺎﺭﻙ
ﺍﺑﺘﺴﻢ " ﺁﺩﻡ " ﻗﺎﺋﻼً :
- ﺍﺳﺘﻨﻰ ﻣﻨﻚ ﺭﺩ ﺍﻣﺘﻰ ؟
ﻗﺎﻟﺖ ﺑﺤﻤﺎﺱ :
- ﺑﺎﺑﺎ ﻣﺴﺎﻓﺮ ﻭﺭﺍﺟﻊ ﻣﻦ ﺍﻟﺴﻔﺮ ﺧﻼﻝ ﺍﺳﺒﻮﻋﻴﻦ ﺍﻥ ﺷﺎﺀ ﺍﻟﻠﻪ ﻭﻳﻤﻜﻦ ﺃﻗﻞ ﻛﻤﺎﻥ .. ﺃﻭﻝ ﻣﺎ ﻳﻴﺠﻲ ﻣﺶ ﻫﺨﻠﻴﻪ ﻳﻘﻮﻡ ﻣﻦ ﻋﻠﻰ ﺍﻟﻤﻠﻒ ﻏﻴﺮ ﻟﻤﺎ ﻳﻘﺮﺍﻩ ﻛﻠﻪ .. ﻭﺃﻧﺎ ﻭﺍﺛﻘﻪ ﻓﻴﻚ ﻳﺎ ﺩﻛﺘﻮﺭ ﻭﻋﺎﺭﻓﻪ ﺍﻥ ﺃﻛﻴﺪ ﺑﺎﺑﺎ ﻫﻴﻨﺒﻬﺮ ﺑﺪﺭﺍﺳﺔ ﺍﻟﺠﺪﻭﻯ ﺍﻟﻠﻰ ﻋﻤﻠﺘﻬﺎ
ﺍﺗﺴﻌﺖ ﺍﺑﺘﺴﺎﻣﺔ " ﺁﺩﻡ " ﻭﻫﻮ ﻳﻘﻮﻝ :
- ﺍﺗﻔﻘﻨﺎ ﻳﺎ " ﺳﺎﻧﺪﻯ "
**************************************
ﺟﻠﺴﺖ " ﺁﻳﺎﺕ " ﻓﻰ ﻛﺎﻓﻴﺘﻴﺮﻳﺎ ﺍﻟﻜﻠﻴﺔ ﺗﻨﻘﻞ ﺍﺣﺪﻯ ﺍﻷﺟﺰﺍﺀ ﺍﻟﺘﻰ ﻓﺎﺗﺘﻬﺎ ﻣﻦ ﺍﻟﻤﺤﺎﺿﺮﺓ ﺍﻟﻰ ﺩﻓﺘﺮﻫﺎ .. ﺍﻗﺘﺮﺑﺖ ﻣﻨﻬﺎ " ﺃﺳﻤﺎﺀ " ﻓﺮﻓﻌﺖ " ﺁﻳﺎﺕ " ﺭﺃﺳﻬﺎ ﻟﺘﻨﻈﺮ ﺍﻟﻴﻬﺎ ﺑﺒﺮﻭﺩ ﺛﻢ ﻋﺎﺩﺕ ﺗﻜﻤﻞ ﻛﺘﺎﺑﺘﻬﺎ .. ﺟﻠﺴﺖ " ﺁﺳﻤﺎﺀ " ﻓﻰ ﺍﻟﻤﻘﻌﺪ ﺍﻟﻤﺠﺎﻭﺭ ﻟﻬﺎ ﻭﻗﺎﻟﺖ :
" - ﺁﻳﺎﺕ " ﻣﺎﻟﻚ ﻓﻰ ﺍﻳﻪ ؟ .. ﺍﻧﺘﻰ ﻣﺨﺼﻤﺎﻧﻰ ﻭﻻ ﺍﻳﻪ ؟
ﻗﺎﻟﺖ " ﺁﻳﺎﺕ " ﺑﺒﺮﻭﺩ ﺩﻭﻥ ﺃﻥ ﺗﻨﻈﺮ ﺍﻟﻴﻬﺎ :
- ﻣﻔﻴﺶ ﺣﺎﺟﺔ
ﻗﺎﻟﺖ " ﺃﺳﻤﺎﺀ " ﺑﺤﺪﻩ :
- ﻻ ﻓﻰ .. ﻣﺶ ﻣﻌﺒﺮﺍﻧﻰ .. ﺑﺘﺤﻀﺮﻯ ﺍﻟﻤﺤﺎﺿﺮﺍﺕ ﻣﻦ ﻏﻴﺮﻱ .. ﺑﺘﺼﻞ ﺑﻴﻜﻲ ﺑﺘﺮﺩﻯ ﺑﺎﻟﻘﻄﺎﺭﺓ .. ﻓﻰ ﺍﻳﻪ ﻳﺎ " ﺁﻳﺎﺕ .. " ﻣﻦ ﻳﻮﻡ ﺍﻟﻤﻜﺎﻟﻤﺔ ﺍﻟﻠﻰ ﻛﻨﺘﻰ ﻣﻀﺎﻳﻘﻪ ﻓﻴﻬﺎ ﻭﺍﻧﺘﻰ ﺑﺘﻌﺎﻣﻠﻴﻨﻲ ﻭﺣﺶ
ﻧﻈﺮﺕ ﺍﻟﻴﻬﺎ " ﺁﻳﺎﺕ " ﺑﺤﺪﻩ ﻭﻗﺎﻟﺖ :
- ﻛﻨﺖ ﻓﺎﻛﺮﺍﻛﻰ ﺻﺤﺒﺘﻰ .. ﻛﻨﺖ ﻓﺎﻛﺮﺍﻛﻰ ﺑﺘﺨﺎﻓﻰ ﻋﻠﻴﺎ ﺑﺠﺪ .. ﺑﺲ ﺑﺠﺪ ﺃﻧﺎ ﺍﺗﺼﺪﻣﺖ ﻓﻴﻜﻲ ﻳﺎ " ﺃﺳﻤﺎﺀ "
ﻗﺎﻟﺖ " ﺃﺳﻤﺎﺀ " ﺑﺪﻫﺸﺔ :
- ﻟﻴﻪ ﻛﻞ ﺩﻩ ﺍﻳﻪ ﺍﻟﻠﻰ ﺣﺼﻞ ﻓﻬﻤﻴﻨﻲ ؟
ﻗﺎﻟﺖ " ﺁﻳﺎﺕ " ﺑﺼﻮﺕ ﺧﺎﻓﺖ ﺣﺘﻰ ﻻ ﺗﻠﻔﺖ ﻧﻈﺮ ﺃﺣﺪ ﻣﻤﻦ ﺣﻮﻟﻬﺎ :
- ﻟﻤﺎ ﻗﻮﻟﺘﻠﻚ ﻋﻠﻰ ﺍﻟﻠﻰ ﺣﺼﻞ ﺑﻴﻨﻰ ﻭﺑﻴﻦ " ﺁﺩﻡ " ﺃﻋﺪﺗﻰ ﺗﻘﻮﻟﻴﻠﻰ ﻋﺎﺩﻯ ﻭﻣﻔﻴﻬﺎﺵ ﺣﺎﺟﺔ ﻭﻛﻞ ﺍﻟﻤﺨﻄﻮﺑﻴﻦ ﺑﻴﻌﻤﻠﻮﺍ ﻛﺪﻩ .. ﺗﻌﺮﻓﻰ ﺍﻥ ﺩﻱ ﺣﺎﺟﺔ ﺍﻟﻨﺒﻲ ﻗﺎﻝ ﻋﻨﻬﺎ ﺍﻧﻬﺎ ﺯﻧﺎ ﻭﺍﻧﻬﺎ ﻃﺮﻳﻖ ﺑﻴﻮﺩﻯ ﻟﻠﺰﻧﺎ .. ﻭﺍﻧﺘﻰ ﺣﺘﻰ ﻣﻔﻜﺮﺗﻴﺶ ﺗﻨﺼﺤﻴﻨﻲ ﻭﺗﻘﻮﻟﻴﻠﻰ ﻻ ﻳﺎ " ﺁﻳﺎﺕ " ﺍﻟﻠﻰ ﺣﺼﻞ ﺩﻩ ﻏﻠﻂ .. ﻻ ﻓﻀﻠﺘﻰ ﺗﻘﻮﻟﻰ ﺍﻧﻰ ﻃﻔﻠﺔ ﻓﻰ ﺍﺑﺘﺪﺍﺋﻰ ﻭﺍﻥ ﺩﻩ ﻃﺒﻴﻌﻰ ﻃﺎﻟﻤﺎ ﺑﻨﺤﺐ ﺑﻌﺾ
ﺛﻢ ﺟﻤﻌﺖ ﺃﺷﻴﺎﺋﻬﺎ ﻣﻦ ﻓﻮﻕ ﺍﻟﻄﺎﻭﻟﺔ ﻭﺣﻤﻠﺖ ﺣﻘﻴﺒﺘﻬﺎ ﻭﻫﻰ ﺗﻘﻮﻝ ﻗﺒﻞ ﺃﻥ ﺗﻐﺎﺩﺭ :
- ﺑﺠﺪ ﺍﺗﺼﺪﻣﺖ ﻓﻴﻜﻲ ﻳﺎ " ﺃﺳﻤﺎﺀ "
ﺭﺣﻠﺖ " ﺁﻳﺎﺕ " ﻟﺘﺘﺮﻙ " ﺃﺳﻤﺎﺀ " ﻣﺘﺠﻤﺪﺓ ﻣﻜﺎﻧﻬﺎ .. ﻟﺤﻈﺎﺕ ﻭﻧﻬﻀﺖ ﻫﻰ ﺍﻷﺧﺮﻯ ﺳﺎﺭﺕ ﺗﺒﺤﺚ ﻋﻦ " ﺁﻳﺎﺕ " ﺍﻟﻰ ﺃﻥ ﻭﺟﺪﺗﻬﺎ ﺗﺨﺮﺝ ﻣﻦ ﺑﺎﺏ ﺍﻟﻜﻠﻴﺔ ﻓﺘﻮﺟﻬﺖ ﺗﺠﺎﻫﻬﺎ ﺑﺴﺮﻋﺔ ﻭﺟﺬﺑﺘﻬﺎ ﻣﻦ ﺫﺭﺍﻋﻬﺎ ﺑﺸﺪﺓ ﻭﺟﻌﻠﺘﻬﺎ ﺗﻠﺘﻔﺖ ﺍﻟﻴﻬﺎ ﺛﻢ ﺻﺎﺣﺖ ﺑﺤﻨﻖ :
- ﻭﺃﻧﺎ ﻛﻨﺖ ﻫﻌﺮﻑ ﻣﻨﻴﻦ ﻳﻌﻨﻲ ﺍﻥ ﻛﺪﻩ ﻏﻠﻂ .. ﻟﻴﻪ ﺃﺳﺄﻟﺘﻰ ﺍﻟﻈﻦ ﻓﻴﺎ ﻭﻗﻮﻟﺘﻰ ﺍﻧﻰ ﻣﺶ ﺑﺤﺒﻚ ﻭﻣﺶ ﺑﺨﺎﻑ ﻋﻠﻴﻜﻲ .. ﺃﻧﺎ ﻣﻌﺮﻓﺶ ﺍﻥ ﻛﺪﻩ ﻏﻠﻂ .. ﻣﺎ ﻛﻞ ﺍﻟﻨﺎﺱ ﺣﻮﻟﻴﻨﺎ ﺑﻴﻌﻤﻠﻮﺍ ﻛﺪﻩ ﻭﻣﻦ ﻏﻴﺮ ﺧﻄﻮﺑﺔ ﺣﺘﻰ .. ﻟﻴﻪ ﺷﻮﻓﺘﻴﻨﻲ ﻭﺣﺸﺔ ﻛﺪﺓ ﻳﺎ " ﺁﻳﺎﺕ "
ﺛﻢ ﺍﻏﺮﻭﺭﻗﺖ ﻋﻴﻨﺎﻫﺎ ﺑﺎﻟﻌﺒﺮﺍﺕ ﻭﻫﻰ ﺗﻘﻮﻝ ﺑﺼﻮﺕ ﺑﺎﻛﻰ :
- ﺍﺣﻨﺎ ﺻﺤﺎﺏ ﻣﻦ ﺃﺭﺑﻊ ﺳﻨﻴﻦ ﻋﻤﺮﻙ ﺷﻮﻓﺘﻴﻨﻲ ﺃﺫﻳﺘﻚ ﻭﻻ ﻋﻤﻠﺖ ﺣﺎﺟﺔ ﺗﺤﺴﺴﻚ ﺍﻧﻰ ﻣﺶ ﺑﺤﺒﻚ ؟ .. ﻫﺎ ﺭﺩﻯ ﻋﻠﻴﺎ .. ﺃﺻﻼ ﺃﻧﺎ ﻣﻠﻴﺶ ﺻﺤﺎﺏ ﻏﻴﺮﻙ ﻭﺭﺑﻨﺎ ﻳﻌﻠﻢ ﺍﻧﻰ ﺑﺤﺒﻚ ﺃﻛﻨﻚ ﺃﺧﺘﻰ ﻭﺣﺘﻰ ﻣﺶ ﺑﺤﺎﻭﻝ ﺃﺗﻌﺮﻑ ﻋﻠﻰ ﺑﻨﺎﺕ ﺗﺎﻧﻴﺔ ﻻﻧﻰ ﺣﺴﻪ ﺍﻥ ﺍﻧﺘﻰ ﺻﺤﺒﺘﻰ ﺑﺠﺪ .. ﻭﻋﺎﺭﻓﻪ ﺍﻧﻚ ﺑﺘﺤﺒﻴﻨﻰ ﺯﻯ ﻣﺎ ﺃﻧﺎ ﺑﺤﺒﻚ .. ﺗﻴﺠﻴﻰ ﺩﻟﻮﻗﺘﻰ ﺗﻘﻮﻟﻴﻠﻰ ﺍﻧﻰ ﻣﺶ ﺧﺎﻳﻔﺔ ﻋﻠﻴﻜﻲ .. ﻭﺍﻟﻠﻪ ﻣﺎ ﺍﻛﻨﺖ ﺃﻋﺮﻑ .. ﺃﻧﺎ ﺍﻓﺘﻜﺮﺕ ﺍﻟﻤﻮﺿﻮﻉ ﻋﺎﺩﻯ ﻭﻟﻤﺎ ﻟﻘﻴﺘﻚ ﻣﻀﺎﻳﻘﺔ ﻭﺑﺘﻌﻴﻄﻲ ﻗﻮﻟﺖ ﺍﻫﻮﻧﻬﺎ ﻋﻠﻴﻜﻲ ﺷﻮﻳﺔ ﻋﺸﺎﻥ ﻣﺒﺤﺒﺶ ﺍﺷﻮﻓﻚ ﻣﻀﺎﻳﻘﺔ
ﺛﻢ ﻗﺎﻟﺖ ﺑﺄﻟﻢ :
- ﺑﺲ ﺷﻜﺮﺍً ﺍﻭﻯ ﻳﺎ " ﺁﻳﺎﺕ " ﺷﻜﺮﺍ ﺍﻭﻯ ﻋﻠﻰ ﺍﻟﻜﻼﻡ ﺍﻟﻠﻰ ﺳﻤﻌﺘﻴﻬﻮﻟﻰ ﺩﻩ .. ﺃﻧﺎ ﺻﺎﺣﺒﻪ ﻭﺣﺸﺔ ﻭﺯﺑﺎﻟﺔ ﺍﺑﻌﺪﻯ ﻋﻨﻰ ﺑﺄﻩ
ﻗﺎﻟﺖ ﺫﻟﻚ ﺛﻢ ﺗﻮﺟﻬﺖ ﺍﻟﻰ ﺑﻮﺍﺑﺔ ﺍﻟﻜﻠﻴﺔ ﻭﻫﻰ ﺗﺤﺎﻭﻝ ﻣﺪﺍﺭﺍﺓ ﺩﻣﻮﻋﻬﺎ ﺍﻟﺘﻰ ﺗﺠﻤﻌﺖ ﺩﺍﺧﻞ ﻋﻴﻨﻴﻬﺎ .. ﻭﻗﻔﺖ " ﺁﻳﺎﺕ " ﻓﻰ ﻣﻜﺎﻧﻬﺎ ﺗﻨﻈﺮ ﺍﻟﻴﻬﺎ ﻭﻫﻰ ﺗﺒﺘﻌﺪ .. ﺛﻢ ﺗﻨﻬﺪﺕ ﺑﻀﻴﻖ ﺷﺪﻳﺪ ﻭﺟﻠﺴﺖ ﻋﻠﻰ ﺃﺣﺪ ﺍﻟﻤﻘﺎﻋﺪ ﺑﻮﺟﻮﻡ
*************************************
ﻃﺮﻗﺖ " ﺁﻳﺎﺕ " ﺑﺎﺏ ﻣﻜﺘﺐ " ﺁﺩﻡ " ﻭﺩﺧﻠﺖ ﻭﻗﺪ ﺑﺪﺍ ﻋﻠﻰ ﻭﺟﻬﻬﺎ ﺍﻟﻌﺒﻮﺱ ﻗﺎﻟﺖ ﺑﻬﺪﻭﺀ :
" - ﺁﺩﻡ " ﻫﻌﻄﻠﻚ ﻋﻦ ﺣﺎﺟﺔ
ﻗﺎﻝ ﻭﻫﻮ ﻳﻨﻬﺾ ﻭﻳﻘﻒ ﺃﻣﺎﻣﻬﺎ :
- ﻻ ﺃﺑﺪﺍً
ﻭﻗﻒ ﻳﻨﻈﺮ ﺍﻟﻴﻬﺎ ﻭﺍﻟﻰ ﺍﻟﻤﻜﻴﺎﺝ ﺍﻟﺬﻯ ﻛﺎﻥ ﻳﻐﻄﻰ ﻭﺟﻬﻬﺎ .. ﻭﺍﻟﻰ ﺍﻟﺘﻴﺸﻴﺮﺕ ﺍﻟﻀﻴﻖ ﺍﻟﺬﻯ ﺃﺑﺮﺯ ﺗﻔﺎﺻﻴﻞ ﺟﺴﺪﻫﺎ .. ﻭﺿﻌﺖ ﺍﻟﻜﺘﺐ ﻣﻦ ﻳﺪﻫﺎ ﻭﻭﻗﻔﺖ ﺃﻣﺎﻣﻪ ﻭﻗﺪ ﻋﻘﺪﺕ ﺫﺭﺍﻋﻴﻬﺎ ﺃﻣﺎﻡ ﺻﺪﺭﻫﺎ ﻭﻫﻰ ﺗﻘﻮﻝ ﺑﻀﻴﻖ :
- ﺍﺗﺨﺎﻧﻘﺖ ﻣﻊ " ﺃﺳﻤﺎﺀ "
ﻗﺎﻝ " ﺁﺩﻡ " ﻭﻫﻮ ﻳﺸﻌﺮ ﺑﺎﻟﻤﻠﻞ ﻣﻦ ﺍﻹﺳﺘﻤﺎﻉ ﺍﻟﻰ ﺍﻟﻤﺸﻜﻠﺔ :
- ﺍﺗﺨﺎﻧﻘﺘﻮﺍ ﻟﻴﻪ ؟
ﻗﺎﻟﺖ " ﺁﻳﺎﺕ " ﺑﺤﻨﻖ :
- ﺃﻧﺎ ﺍﺗﻐﺒﻴﺖ ﺃﻭﻯ ﻣﻌﺎﻫﺎ ﻭﻗﻮﻟﺘﻠﻬﺎ ﻛﻼﻡ ﻣﻜﻨﺶ ﻳﻨﻔﻊ ﺃﻗﻮﻟﻪ ﻭﻫﻰ ﻣﻀﺎﻳﻘﻪ ﻣﻨﻰ ﺩﻟﻮﻗﺘﻰ
ﻗﺎﻝ " ﺁﺩﻡ " ﺑﺒﺴﺎﻃﺔ :
- ﺧﻼﺹ ﻛﻠﻤﻴﻬﺎ ﻭﺍﻋﺘﺬﺭﻳﻠﻬﺎ ﻭﺻﺎﻟﺤﻴﻬﺎ
ﻗﺎﻟﺖ " ﺁﻳﺎﺕ " ﺑﺤﺰﻥ :
- ﺧﺎﻳﻔﺔ ﻣﺘﺮﺿﺎﺵ ﺗﺼﺎﻟﺤﻨﻰ
ﻓﻘﺎﻝ " ﺁﺩﻡ " ﺑﻨﻔﺎﺫ ﺻﺒﺮ :
- ﻳﻌﻨﻲ ﻋﺎﻳﺰﺍﻧﻰ ﺃﻋﻤﻠﻚ ﺍﻳﻪ ﻳﻌﻨﻲ .. ﺃﻛﻠﻤﻬﺎ ﺑﺪﺍﻟﻚ ﻭﺃﻗﻮﻟﻬﺎ ﻣﻌﻠﺶ ﺻﺎﻟﺤﻰ " ﺁﻳﺎﺕ "
ﺷﻌﺮﺕ " ﺁﻳﺎﺕ " ﺑﺎﻟﺼﺪﻣﺔ ﻣﻦ ﺍﻹﺳﻠﻮﺏ ﺍﻟﺬﻯ ﺧﺎﻃﺒﻬﺎ ﺑﻪ .. ﻓﺮﺳﻤﺖ ﺍﺑﺘﺴﺎﻣﺔ ﻋﻠﻰ ﺷﻔﺘﻴﻬﺎ ﺑﺼﻌﻮﺑﺔ ﻭﺃﺧﺬﺕ ﻛﺘﺒﻬﺎ ﻭﻗﺎﻟﺖ ﺑﺼﻮﺕ ﺣﺎﻭﻟﺖ ﺃﻥ ﻳﺒﺪﻭ ﻃﺒﻴﻌﻴﺎً :
- ﻣﻌﺎﻙ ﺣﻖ ﻫﻜﻠﻤﻬﺎ ﻭﺃﻋﺘﺬﺭﻟﻬﺎ .. ﺷﻜﺮﺍً ﻳﺎ " ﺁﺩﻡ " ﻭﺁﺳﻔﺔ ﻋﻄﻠﺘﻚ
ﺧﺮﺟﺖ ﻣﺴﺮﻋﺔ ﻭﺃﻏﻠﻘﺖ ﺍﻟﺒﺎﺏ ﺧﻠﻔﻬﺎ ﻭﻫﻰ ﺗﺸﻌﺮ ﺑﻘﻄﺮﺍﺕ ﺍﻟﺪﻣﻮﻉ ﻓﻰ ﻋﻴﻨﻴﻬﺎ .. ﻟﻜﻨﻬﺎ ﺳﻴﻄﺮﺕ ﻋﻠﻴﻬﺎ ﻭﻣﻨﻌﺘﻬﺎ ﻣﻦ ﺍﻹﻧﻬﻤﺎﺭ
**************************************
ﺩﺧﻠﺖ ﻭﺍﻟﺪﺓ " ﺇﻳﻤﺎﻥ " ﺍﻟﻤﻄﺒﺦ ﻟﺘﺠﺪﻫﺎ ﻭﺍﻗﻔﺔ ﻭﺗﻐﻠﻰ ﺷﻴﺌﺎً ﻣﺎ ﺫﻭ ﺭﺍﺋﺤﺔ ﻗﻮﻳﺔ ﻓﻘﺎﻟﺖ ﻟﻬﺎ ﻭﻫﻰ ﺗﺘﺸﻤﻢ ﺍﻟﺮﺍﺋﺤﺔ ﺍﻟﻤﻨﺒﻌﺜﺔ ﻣﻦ ﺍﻟﻄﻨﺠﺮﺓ :
- ﺍﻳﻪ ﺩﻩ ﺑﺘﻌﻤﻠﻰ ﺍﻳﻪ ﻳﺎ " ﺇﻳﻤﺎﻥ "
ﻗﺎﻟﺖ " ﺇﻳﻤﺎﻥ " ﺑﻮﺟﻮﻡ ﺩﻭﻥ ﺃﻥ ﺗﻨﻈﺮ ﺍﻟﻴﻬﺎ :
- ﺷﻮﺭﺑﺔ ﻛﺮﻧﺐ
ﻗﺎﻟﺖ ﺃﻣﻬﺎ ﺑﺈﺳﺘﻐﺮﺍﺏ :
- ﺍﻳﻪ ﺷﻮﺭﺑﺔ ﻛﺮﻧﺐ ﺩﻯ ؟
ﻗﺎﻟﺖ " ﺇﻳﻤﺎﻥ " ﺑﻬﺪﻭﺀ :
- ﻋﺸﺎﻥ ﺍﻟﺘﺨﺴﻴﺲ ﻳﺎ ﻣﺎﻣﺎ
ﻗﺎﻟﺖ ﺃﻣﻬﺎ ﻭﻫﻰ ﺗﺘﺄﻓﻒ ﻣﻦ ﺍﻟﺮﺍﺋﺤﺔ :
- ﺑﺲ ﺩﻯ ﺭﻳﺤﺘﻬﺎ ﺻﻌﺒﺔ ﺃﻭﻯ ﻳﺎ " ﺇﻳﻤﺎﻥ " ﻫﺘﺸﺮﺑﻴﻬﺎ ﺍﺯﺍﻯ ﺩﻯ
ﻗﺎﻟﺖ " ﺇﻳﻤﺎﻥ " ﺑﻨﻔﺎﺫ ﺻﺒﺮ :
- ﻫﺸﺮﺑﻬﺎ ﻭﺧﻼﺹ
ﻗﺎﻟﺖ ﺃﻣﻬﺎ ﻭﻫﻰ ﺗﻨﻈﺮ ﺍﻟﻴﻬﺎ :
- ﻃﻴﺐ ﺍﺗﻐﺪﻯ ﺍﻷﻭﻝ ﺩﻩ ﺃﻧﺎ ﻋﺎﻣﻠﺔ ﺻﻨﻴﺔ ﻣﻜﺮﻭﻧﺔ ﺑﺎﻟﺒﺸﺎﻣﻴﻞ ﻣﻦ ﺍﻟﻠﻰ ﺑﺘﺤﺒﻴﻬﺎ
ﻗﺎﻟﺖ " ﺇﻳﻤﺎﻥ " ﺑﺤﻨﻖ ﻭﻫﻰ ﺗﻀﻊ ﺍﻟﺸﻮﺭﺑﺔ ﻓﻰ ﻃﺒﻘﻬﺎ :
- ﻣﻜﺮﻭﻧﺔ ﺑﺸﺎﻣﻴﻞ ﺍﻳﻪ ﻳﺎ ﻣﺎﻣﺎ ﺑﻘﻮﻟﻚ ﻫﺸﺮﺏ ﻛﺮﻧﺐ ﻋﺸﺎﻥ ﺃﺧﺲ .. ﻳﻌﻨﻲ ﺃﻗﺮﻑ ﻧﻔﺴﻲ ﺑﺄﻡ ﺍﻟﺸﻮﺭﺑﺔ ﺩﻯ ﻋﺸﺎﻥ ﺁﻛﻞ ﺷﻮﻳﺔ ﻣﻜﺮﻭﻧﺔ ﻳﻀﻴﻌﻮﺍ ﻛﻞ ﺍﻟﻠﻰ ﻋﻤﻠﺘﻪ
ﻗﺎﻟﺖ ﺃﻣﻬﺎ ﻭﻫﻰ ﺗﻐﺎﺩﺭ ﺍﻟﻤﻄﺒﺦ :
- ﺃﻧﺎ ﻣﺎﻟﻰ ﻳﺨﺘﻰ ﻫﻮ ﺃﻧﺎ ﺍﻟﻠﻰ ﻫﺎﻛﻞ ﻭﻻ ﺍﻧﺘﻰ .. ﺍﻧﺘﻰ ﺣﺮﺓ ﺍﻋﻤﻠﻰ ﺍﻟﻠﻰ ﺗﻌﻤﻠﻴﻪ
ﺟﻠﺴﺖ " ﺇﻳﻤﺎﻥ " ﻣﻤﺴﻜﺔ ﺑﻄﺒﻘﻬﺎ ﺃﻣﺎﻡ ﺍﻟﺘﻠﻔﺎﺯ ﻭﻫﻰ ﺗﺠﺒﺮ ﻧﻔﺴﻬﺎ ﻋﻠﻰ ﺷﺮﺏ ﻫﺬﺍ ﺍﻟﺴﺎﺋﻞ ﺫﻭ ﺍﻟﺮﺍﺋﺤﺔ ﺍﻟﻘﻮﻳﺔ
*************************************
ﻧﻈﺮﺕ " ﺃﺳﻤﺎﺀ " ﻣﻦ ﺍﻟﻌﻴﻦ ﺍﻟﺴﺤﺮﻳﺔ ﻟﺘﺠﺪ " ﺁﻳﺎﺕ " ﻭﺍﻗﻔﺔ ﺃﻣﺎﻡ ﺍﻟﺒﺎﺏ .. ﺗﺮﺩﺩﺕ ﻗﻠﻴﻼً ﻗﺒﻞ ﺃﻥ ﺗﻔﺘﺢ ﻟﻬﺎ .. ﻧﻈﺮﺕ " ﺁﻳﺎﺕ " ﺍﻟﻴﻬﺎ ﺑﺤﺰﻥ .. ﻓﺒﺎﺩﻟﺘﻬﺎ " ﺃﺳﻤﺎﺀ " ﺑﻨﻈﺮﺓ ﻋﺘﺎﺏ .. ﺩﺧﻠﺖ " ﺁﻳﺎﺕ " ﻭﺃﻏﻠﻘﺖ ﺍﻟﺒﺎﺏ ﻗﺎﺋﻠﻪ ﺑﺤﺰﻡ :
- ﺑﺼﻰ ﻭﻗﺒﻞ ﻣﺎ ﺗﻘﻮﻟﻰ ﺃﻯ ﺣﺎﺟﺔ .. ﺣﻘﻚ ﻋﻠﻴﺎ .. ﺃﻧﺎ ﻏﻠﻄﺖ ﻓﻌﻼً ﻭﻗﻮﻟﺘﻠﻚ ﻛﻠﻤﺎ ﺻﻌﺐ .. ﺍﻋﻤﻠﻰ ﻓﻴﺎ ﺑﺄﻩ ﺍﻟﻠﻰ ﺍﻧﺘﻰ ﻋﺎﻳﺰﺍﻩ ﺑﺲ ﻣﺶ ﻣﺎﺷﻴﺔ ﻣﻦ ﻫﻨﺎ ﻏﻴﺮ ﻟﻤﺎ ﺗﻘﻮﻟﻴﻠﻰ ﺍﻧﻚ ﺻﺎﻟﺤﺘﻴﻨﻲ
ﺍﺑﺘﺴﻤﺖ " ﺃﺳﻤﺎﺀ " ﻭﻧﻈﺮﺕ ﺍﻟﻴﻬﺎ ﺑﻌﺘﺎﺏ ﻗﺎﺋﻠﻪ :
- ﻳﻌﻨﻲ ﻟﻮ ﻗﻮﻟﺘﻠﻚ ﻣﺶ ﻫﺼﺎﻟﺤﻚ ﻣﺶ ﻫﺘﻤﺸﻰ ﻭﻫﺘﻔﻀﻠﻰ ﺃﻋﺪﻩ ﻫﻨﺎ ﻋﻠﻰ ﻃﻮﻝ
ﺍﺑﺘﺴﻤﺖ " ﺁﻳﺎﺕ " ﻗﺎﺋﻠﻪ :
- ﺃﻳﻮﺓ
ﻗﺎﻟﺖ " ﺃﺳﻤﺎﺀ " ﺑﻠﺆﻡ :
- ﻃﻴﺐ ﻣﺶ ﻫﺼﺎﻟﺤﻚ .. ﻋﺸﺎﻥ ﺗﻔﻀﻠﻰ ﻣﻌﺎﻳﺎ ﻫﻨﺎ ﻋﻠﻰ ﻃﻮﻝ
ﻋﺎﻧﻘﺘﻬﺎ " ﺁﻳﺎﺕ " ﻗﺎﺋﻠﻪ :
- ﻣﺘﺰﻋﻠﻴﺶ ﻣﻨﻰ ﻳﺎ " ﺳﻤﺴﻢ " ﻭﺍﻟﻠﻪ ﺑﺤﺒﻚ ﺃﻭﻯ ﻭﻣﻘﺪﺭﺵ ﺃﺳﺘﻐﻨﻰ ﻋﻨﻚ ﺧﺎﻟﺺ
ﻓﻰ ﺗﻠﻚ ﺍﻟﻠﺤﻈﺔ ﺗﻌﺎﻟﺖ ﺃﺻﻮﺍﺕ ﺃﺑﻮﻯ " ﺃﺳﻤﺎﺀ " ﺑﺎﻟﺼﺮﺍﺥ ﻭﺩﺧﻼ ﻓﻰ ﺍﺣﺪﻯ ﺷﺠﺎﺭﺍﺗﻬﻤﺎ .. ﻓﺼﺮﺧﺖ " ﺃﺳﻤﺎﺀ " ﻓﻴﻬﻤﺎ :
- ﺍﻗﻔﻠﻮﺍ ﻋﻠﻴﻜﻮﺍ ﺍﻟﺒﺎﺏ ﻓﻰ ﻧﺎﺱ ﻫﻨﺎ
ﻧﻈﺮﺕ " ﺁﻳﺎﺕ " ﺍﻟﻴﻬﺎ ﺑﺤﺰﻥ .. ﻓﻘﺎﻟﺖ " ﺃﺳﻤﺎﺀ " ﺑﻀﻴﻖ :
" - ﺁﻳﺎﺕ " ﺍﻣﺸﻰ ﺩﻟﻮﻗﺘﻰ
ﺃﻭﻣﺎﺕ " ﺁﻳﺎﺕ " ﺑﺮﺃﺳﻬﺎ ﻭﻗﺪ ﺗﻌﺎﻟﺖ ﺣﺪﺓ ﺃﺻﻮﺍﺗﻬﻤﺎ .. ﺃﻏﻠﻘﺖ " ﺃﺳﻤﺎﺀ " ﺑﺎﺏ ﻏﺮﻓﺘﻬﺎ ﻋﻠﻴﻬﺎ ﻭﻧﺎﻣﺖ ﻋﻠﻰ ﻓﺮﺍﺷﻬﺎ ﺗﻀﻊ ﻓﻮﻕ ﺭﺃﺳﻬﺎ ﻭﺳﺎﺩﺓ ﺗﻜﺘﻢ ﺑﻬﺎ ﺗﻠﻚ ﺍﻷﺻﻮﺍﺕ ﺍﻟﺘﻰ ﺗﻤﻨﺖ ﺃﻥ ﺗﺨﺮﺱ ﻟﻸﺑــﺪ
**************************************
ﺟﻠﺴﺖ " ﺁﻳﺎﺕ " ﻓﻰ ﺣﺠﺮﺓ ﺍﻟﻤﻌﻴﺸﺔ ﺗﻀﻊ ﺍﻟﻼﺏ ﺗﻮﺏ ﻓﻮﻕ ﻗﺪﻣﻴﻬﺎ ﻭﻫﻰ ﺗﻨﻈﺮ ﺍﻟﻰ ﺻﻮﺭﺓ " ﺁﺩﻡ " ﺍﻟﺘﻰ ﺗﺤﺘﻔﻆ ﺑﻬﺎ ﻋﻠﻰ ﺣﺎﺳﻮﺑﻬﺎ .. ﻗﻔﺰ ﻗﻠﺒﻬﺎ ﻓﺮﺣﺎً ﻋﻨﺪﻣﺎ ﻭﺟﺪﺕ ﺍﺗﺼﺎﻻً ﻣﻦ " ﺁﺩﻡ " ﺭﺩﺕ ﻗﺎﺋﻠﻪ :
- ﺃﻟﻮ
ﻗﺎﻝ " ﺁﺩﻡ " ﻭﺍﻟﺬﻯ ﻛﺎﻥ ﺟﺎﻟﺴﺎً ﺃﻣﺎﻡ ﺣﺎﺳﻮﺑﻪ :
- ﺍﺯﻳﻚ ﻳﺎ ﺣﺒﻴﺒﺘﻰ ﻋﺎﻣﻠﺔ ﺍﻳﻪ
ﻗﺎﻟﺖ ﺑﻬﺪﻭﺀ :
- ﺍﻟﺤﻤﺪ ﻟﻠﻪ ﺍﺯﻳﻚ ﺍﻧﺖ
ﻗﺎﻝ ﺑﻼﻣﺒﺎﻻﺓ :
- ﺍﻟﺤﻤﺪﻟﻠﻪ .. ﺑﺘﻌﻤﻠﻰ ﺍﻳﻪ
ﺍﺑﺘﺴﻤﺖ ﻭﻫﻰ ﺗﻘﻮﻝ :
- ﺃﻋﺪﺓ ﺑﺘﻔﺮﺝ ﻋﻠﻰ ﺻﻮﺭﺗﻚ
ﺍﺑﺘﺴﻢ ﺑﺴﺨﺮﻳﺔ ﻭﻫﻮ ﻳﻘﻮﻝ :
- ﻓﺮﺣﺘﻴﻨﻲ
ﺍﺗﺴﻌﺖ ﺍﺑﺘﺴﺎﻣﺘﻬﺎ ﻭﻫﻰ ﺗﻘﻮﻝ :
- ﻟﻤﺎ ﺑﺤﺲ ﺍﻧﻚ ﻭﺣﺸﻨﻰ ﺑﺒﺺ ﻟﻠﺼﻮﺭﺓ ﻋﺸﺎﻥ ﺃﺣﺲ ﺍﻧﻚ ﻣﻌﺎﻳﺎ
ﻗﺎﻝ " ﺁﺩﻡ " ﺑﻼﻣﺒﺎﻟﺔ :
- ﻭﺃﻧﺎ ﻛﻤﺎﻥ ﻋﺎﻳﺰ ﺻﻮﺭﺓ ﻟﻴﻜﻲ ﻋﺸﺎﻥ ﻟﻤﺎ ﺗﻜﻮﻧﻰ ﻣﺶ ﻣﻌﺎﻳﺎ ﺃﺑﺼﻠﻬﺎ ﻭﺃﺣﺲ ﺍﻧﻚ ﻣﻌﺎﻳﺎ
ﻗﺎﻟﺖ ﺑﻠﻬﻔﻪ :
- ﻃﻴﺐ ﺍﺳﺘﻨﻰ ﻫﺒﻌﺘﻠﻚ ﺻﻮﺭﺓ ﺩﻟﻮﻗﺘﻰ
ﻗﺎﻝ " ﺑﺒﺮﻭﺩ " :
- ﻣﺎﺷﻰ ﻳﺎ ﺣﺒﻴﺒﺘﻰ
ﺃﺧﺬﺕ " ﺁﻳﺎﺕ " ﺗﻨﻈﺮ ﺍﻟﻰ ﻋﺸﺮﺍﺕ ﺍﻟﺼﻮﺭ ﺍﻟﺘﻰ ﺗﺤﺘﻔﻆ ﺑﻬﺎ ﻓﻰ ﺣﺎﺳﻮﺑﻬﺎ ﺛﻢ ﻗﺎﻟﺖ :
- ﻣﺤﺘﺎﺭﺓ .. ﻣﺶ ﻋﺎﺭﻓﻪ ﺃﺑﻌﺘﻠﻚ ﺃﻧﻬﻰ ﺻﻮﺭﺓ
ﺻﻤﺖ " ﺁﺩﻡ " ﻭﻗﺪ ﺍﻧﺸﻐﻞ ﺑﺎﻟﺤﺪﻳﺚ ﻣﻊ " ﺳﺎﻧﺪﻯ " ﻋﺒﺮ ﺍﻟﻔﻴﺲ ﺑﻮﻙ .. ﻗﺎﻟﺖ " ﺁﻳﺎﺕ " ﻭﻫﻰ ﺗﻨﻈﺮ ﺍﻟﻰ ﺍﻟﺼﻮﺭ :
- ﺍﻧﺖ ﺷﻜﻠﻚ ﻣﺒﺘﺤﺒﺶ ﺍﻟﻤﻴﻚ ﺁﺏ .. ﺃﺑﻌﺘﻠﻚ ﺻﻮﺭﺓ ﻣﻦ ﻏﻴﺮ ﻣﻴﻚ ﺁﺏ ؟
ﻗﺎﻝ " ﺁﺩﻡ " ﻭﺗﺮﻛﻴﺰﻩ ﻣﻊ " ﺳﺎﻧﺪﻯ " :
- ﺍﺑﻌﺘﻰ ﺍﻟﻠﻰ ﺗﺤﺒﻴﻬﺎ ﻭﺃﻛﻴﺪ ﻫﺘﻌﺠﺒﻨﻰ
ﺍﺑﺘﺴﻤﺖ " ﺁﻳﺎﺕ " ﻭﻫﻰ ﺗﺮﺳﻞ ﺍﻟﺼﻮﺭﺓ ﻭﻗﺎﻟﺖ :
- ﺧﻼﺹ ﺑﻌﺘﻬﺎ
ﺻﻤﺘﺖ ﻗﻠﻴﻼً ﺛﻢ ﻗﺎﻟﺖ :
- ﺍﻧﺖ ﻣﺸﻐﻮﻝ ﻭﻻ ﺍﻳﻪ
ﻗﺎﻝ " ﺁﺩﻡ " ﺑﺴﺮﻋﺔ :
- ﻻ ﺃﺑﺪﺍً ﺑﺮﺩ ﻋﻠﻰ ﻭﺍﺣﺪ ﺻﺤﺒﻰ ﻣﺴﺎﻓﺮ
ﻗﺎﻟﺖ " ﺁﻳﺎﺕ " ﺑﺤﺰﻥ :
- ﻃﻴﺐ ﺷﻮﻓﺘﻬﺎ
ﻗﺎﻝ ﻛﺎﺫﺑﺎً :
- ﺃﻳﻮﺓ ﺷﻮﻓﺘﻬﺎ .. ﺯﻯ ﺍﻟﻘﻤﺮ ﻳﺎ ﺣﺒﻴﺒﺘﻰ
ﻋﻘﺪﺕ " ﺁﻳﺎﺕ " ﻣﺎ ﺑﻴﻦ ﺣﺎﺟﺒﻴﻬﺎ ﻭﻗﺪ ﺷﻌﺮﺕ ﺑﺒﺮﻭﺩﻩ .. ﻓﻘﻠﺖ ﺑﻬﺪﻭﺀ :
- ﻃﻴﺐ ﻳﺎ " ﺁﺩﻡ " ﺃﻧﺎ ﻫﻘﻔﻞ ﺩﻟﻮﻗﺘﻰ ﻋﺸﺎﻥ ﺗﺘﻜﻠﻢ ﻣﻊ ﺻﺎﺣﺒﻚ ﺑﺮﺍﺣﺘﻚ
ﻗﺎﻝ " ﺁﺩﻡ " ﺑﺴﺮﻋﺔ :
- ﻻ ﻳﺎ ﺣﺒﻴﺒﺘﻰ ﺃﻧﺎ ﻣﻌﺎﻛﻰ ﺧﻼﺹ
ﻗﺎﻟﺖ ﺑﻬﺪﻭﺀ :
- ﺃﻧﺎ ﺃﺻﻼً ﻫﻨﺎﻡ ﺩﻟﻮﻗﺘﻰ .. ﺧﻠﻰ ﺑﺎﻟﻚ ﻣﻦ ﻧﻔﺴﻚ ﻭﻣﺘﺴﻬﺮﺵ ﻛﺘﻴﺮ ﻋﺸﺎﻥ ﻣﺤﺎﺿﺮﺓ ﺑﻜﺮﺓ .. ﺗﺼﺒﺢ ﻋﻠﻰ ﺧﻴﺮ
- ﺗﺼﺒﺤﻰ ﻋﻠﻰ ﺧﻴﺮ
ﻗﺒﻞ ﺃﻥ ﺗﻐﻠﻖ ﻗﺎﻝ " ﺁﺩﻡ : "
" - ﺁﻳﺎﺕ .. " ﺑﺤﺒﻚ ﺃﻭﻯ
ﺍﺑﺘﺴﻤﺖ ﻗﺎﺋﻠﻪ :
- ﻭﺃﻧﺎ ﻛﻤﺎﻥ ﺑﺤﺒﻚ ﺃﻭﻯ .. ﺑﺎﻯ
ﺃﻧﻬﺖ " ﺁﻳﺎﺕ " ﺍﻟﻤﻜﺎﻟﻤﺔ ﻭﻫﻰ ﺗﺸﻌﺮ ﺑﺎﻟﺤﺰﻥ .. ﺃﺣﻴﺎﻧﺎً ﺗﺸﻌﺮ ﺑﻘﺮﺏ " ﺁﺩﻡ " ﻣﻨﻬﺎ ﻭﺑﺤﺒﻪ ﺍﻟﻜﺒﻴﺮ ﻟﻬﺎ .. ﻭﺃﺣﻴﺎﻧﺎً ﺗﺸﻌﺮ ﺑﻪ ﺑﻌﻴﺪﺍً ﻏﺮﻳﺒﺎً ﺑﺎﺭﺩﺍً .. ﺍﻋﺘﺮﻓﺖ ﻟﻨﻔﺴﻬﺎ ﺑﺄﻧﻬﺎ ﺣﺘﻰ ﺍﻵﻥ ﻟﻢ ﺗﺴﺘﻄﻊ ﻓﻬﻤﻪ .. ﺍﻋﺘﺮﻓﺖ ﻟﻨﻔﺴﻬﺎ ﺑﺄﻧﻬﺎ ﺗﺸﻌﺮ ﺑﺸﺊ ﻏﺮﻳﺐ ﻓﻰ ﻗﻠﺒﻬﺎ .. ﺷﺊ ﻳﻘﻠﻘﻬﺎ ﻭﻳﺸﻌﺮﻫﺎ ﺑﺎﻟﺨﻮﻑ .. ﺷﺊ ﻳﺠﻌﻠﻬﺎ ﺗﻔﺘﻘﺪ ﺟﺰﺀﺍً ﻣﻦ ﺷﻌﻮﺭﻫﺎ ﺑﺎﻷﻣﺎﻥ .. ﺷﺊ ﺍﻟﻘﻠﻖ ﻣﻼﺯﻣﺎً ﻟﻬﺎ .. ﺗﻤﻨﺖ ﺃﻥ ﺗﺴﺘﻄﻴﻊ ﻓﻬﻤﻪ .. ﻭﺃﻥ ﺗﺴﺘﻄﻴﻊ ﺍﺣﺘﻮﺍﺋﻪ .. ﻭﺃﻥ ﺗﺴﺘﻄﻴﻊ ﺃﻥ ﺗﺠﻌﻠﻪ ﻻ ﻳﻘﻮﻯ ﻋﻠﻰ ﻓﺮﺍﻗﻬﺎ .. ﻭﻻ ﻳﺘﻤﻨﻰ ﺇﻻ ﻗﺮﺑﻬﺎ
****************************************
ﺃﻧﻬﻰ " ﺁﺩﻡ " ﻣﺤﺎﺩﺛﺘﻪ ﻣﻊ " ﺳﺎﻧﺪﻯ " ﻭﺃﻏﻠﻖ ﺣﺎﺳﻮﺑﻪ ﻭﺧﺮﺝ ﻳﺒﺤﺚ ﻋﻦ ﺃﻣﻪ ﺍﻗﺘﺮﺏ ﻣﻦ ﻏﺮﻓﺘﻬﺎ ﻟﻴﺠﺪﻫﺎ ﺳﺎﺟﺪﺓ ﻋﻠﻰ ﺍﻷﺭﺽ ﻓﻮﻕ ﺳﺠﺎﺩﺓ ﺍﻟﺼﻼﺓ .. ﺳﻤﻊ ﻫﻤﻬﻤﺘﻬﺎ ﻭﺻﻮﺕ ﻧﺤﻴﺒﻬﺎ .. ﺟﻔﻞ ﻗﻠﺒﻪ ﻟﻤﺮﺁﻫﺎ ﻫﻜﺬﺍ .. ﻧﻈﺮ ﺍﻟﻴﻬﺎ ﺑﺤﺰﻥ ﻷﻧﻪ ﻳﻌﻠﻢ ﺟﻴﺪﺍً ﺑﺄﻧﻪ ﺳﺒﺐ ﺑﻜﺎﺋﻬﺎ .. ﻭﻛﺄﻧﻪ ﻻ ﻳﻄﻴﻖ ﺍﻟﻨﻈﺮ ﺍﻟﻴﻬﺎ ﺃﻛﺜﺮ ﻋﺎﺩ ﺍﻟﻰ ﻏﺮﻓﺘﻪ ﻣﺮﺓ ﺃﺧﺮﻯ ﻭﺁﻭﻯ ﺍﻟﻰ ﻓﺮﺍﺷﻪ ﻭﻫﻮ ﻳﻨﻈﺮ ﺍﻟﻰ ﺳﻘﻒ ﺍﻟﻐﺮﻓﺔ .. ﺩﻗﺎﺋﻖ ﺑﻌﺪﻫﺎ ﺍﻣﺘﺪﺕ ﻳﺪﻩ ﺍﻟﻰ ﺃﺣﺪ ﺃﺩﺭﺍﺝ ﺍﻟﻜﻤﻮﺩﻳﻨﻮ ﻟﻴﺨﺮﺝ ﻣﻨﻪ ﺑﻌﺾ ﺍﻟﺼﻮﺭ .. ﺃﺧﺬ ﻳﺘﺄﻣﻞ ﺻﻮﺭﻩ ﻣﻊ ﻭﺍﻟﺪﺗﻪ ﻣﻨﺬ ﺑﻀﻊ ﺳﻨﻮﺍﺕ .. ﻭﺗﻠﻚ ﺍﻹﺑﺘﺴﺎﻣﺔ ﺍﻟﺴﺎﺣﺮﺓ ﺍﻟﺘﻰ ﺗﻤﻸ ﻭﺟﻬﻪ .. ﺗﺄﻣﻞ ﺍﺑﺘﺴﺎﻣﺔ ﻭﺍﻟﺪﺗﻪ ﺍﻟﺤﺎﻧﻴﺔ ﻭﻫﻮ ﻳﺸﻌﺮ ﻭﻛﺄﻧﻬﺎ ﺗﻀﻔﻰ ﻋﻠﻴﻪ ﺍﻟﻤﺰﻳﺪ ﻣﻦ ﺍﻟﺤﺰﻥ ﻭﺍﻷﻟﻢ .. ﻧﻈﺮ ﺍﻟﻰ ﺻﻮﺭﺓ ﺃﺧﺮﻯ ﻋﻠﻰ ﺃﺣﺪ ﺍﻟﻤﻜﺎﺗﺐ ﺍﻟﻔﺎﺧﺮﺓ ﻭﻫﻮ ﻳﺒﺘﺴﻢ ﺑﺴﻌﺎﺩﺓ ﻟﻠﻤﺼﻮﺭ .. ﻭﺻﻮﺭﺓ ﺗﺠﻤﻌﻪ ﺑـ " ﺯﻳﺎﺩ " ﺻﺪﻳﻘﻪ ﻓﻰ ﺃﺣﺪ ﺍﻷﻣﺎﻛﻦ ﻭﺍﻟﺘﻰ ﺗﺒﺪﻭ ﺑﺄﻧﻬﺎ ﻳُﻌﺎﺩ ﺑﻨﺎﺅﻫﺎ ﺃﻭ ﺗﺮﻣﻴﻤﻬﺎ .. ﺃﻋﺎﺩ ﺍﻟﺼﻮﺭ ﻣﻜﺎﻧﻬﺎ ﻭﺗﺤﻮﻟﺖ ﻧﻈﺮﺍﺗﻪ ﻣﻦ ﺍﻟﺤﺰﻥ ﺍﻟﻰ ﺍﻟﻘﺴﻮﺓ .. ﻭﺗﻤﺘﻢ ﺑﺼﻮﺕ ﻣﻨﺨﻔﺾ :
- ﻣﺶ ﻫﺴﻴﺒﻚ ﻏﻴﺮ ﻟﻤﺎ ﺃﺭﺟﻊ ﺣﻘﻰ ﻣﻨﻚ ﻳﺎ " ﺳﺮﺍﺝ " ﺍﻟـﺘﻴﻴﻴﻴﻴﻴﻴﻴﻴﺖ ﻭ ﺃﺭﺑﻴﻚ ﺍﻧﺖ ﻭﺍﺑﻨﻚ
ﺃﻏﻤﺾ ﻋﻴﻨﻴﻪ ﻭﺑﺪﺍﺧﻞ ﺭﺃﺳﻪ ﺻﻮﺭﺓ ﻟـ " ﺳﺮﺍﺝ " ﺗﺠﻤﻌﻪ ﺑﺈﺑﻨﻪ " .. ﻋﺎﺻﻲ "
************************************
ﺗﻮﻗﻔﺖ ﺳﻴﺎﺭﺓ " ﺁﺩﻡ " ﺃﻣﺎﻡ ﺍﻟﻔﻴﻼ .. ﺭﻛﺒﺖ " ﺁﻳﺎﺕ " ﻗﺎﺋﻠﻪ ﺑﺈﺑﺘﺴﺎﻣﺔ :
- ﻣﻌﻠﺶ ﺍﺗﺄﺧﺮﺕ ﻋﻠﻴﻚ
ﺍﺑﺘﺴﻢ ﻗﺎﺋﻼً :
- ﻋﺎﺩﺗﻚ ﻭﻻ ﻫﺘﺸﺘﺮﻳﻬﺎ
ﺿﺤﻜﺖ ﺑﻌﺬﻭﺑﻪ ﻗﺎﺋﻠﻪ :
- ﺑﺄﻩ ﻛﺪﻩ ﻳﺎ " ﺁﺩﻡ " ﻣﺎﺷﻰ
ﺍﻧﻄﻠﻖ ﻓﻰ ﻃﺮﻳﻘﻪ ﻓﻘﺎﻟﺖ ﻟﻪ :
- ﺣﺒﻴﺒﻰ ﻓﻰ ﻣﻜﺎﻥ ﻋﺎﻳﺰﻩ ﺃﺭﻭﺣﻪ ﺍﻷﻭﻝ
ﻗﺎﻝ ﻟﻬﺎ :
- ﻓﻴﻦ ؟
ﻗﺎﻟﺖ " ﺁﻳﺎﺕ : "
- ﻫﻮﺻﻔﻠﻚ ﺍﻟﻄﺮﻕ
ﻃﻠﺒﺖ ﻣﻦ " ﺁﺩﻡ " ﺍﻟﺘﻮﻗﻒ ﺃﻣﺎﻡ ﺃﺣﺪ ﻓﺮﻭﻉ ﺟﻤﻌﻴﺔ ﺭﺳﺎﻟﺔ .. ﻧﻈﺮ " ﺁﺩﻡ " ﺍﻟﻰ ﺍﻟﻤﻨﻄﻘﺔ ﺍﻟﺴﻜﻨﻴﺔ ﺣﻮﻟﻪ .. ﻓﻘﺎﻟﺖ ﻟﻪ " ﺁﻳﺎﺕ " :
- ﻣﺶ ﻫﺘﺄﺧﺮ ﻋﻠﻴﻚ ﻫﺴﻠﻢ ﺑﺲ ﺣﺎﺟﺔ ﻭﺃﺭﺟﻊ ﻋﻠﻰ ﻃﻮﻝ
ﺭﺁﻫﺎ " ﺁﺩﻡ " ﺗﺘﻮﺟﻪ ﺍﻟﻰ ﺩﺍﺧﻞ ﺍﻟﺠﻤﻌﻴﺔ ﻓﺸﻌﺮ ﺑﺎﻟﺪﻫﺸﺔ .. ﺍﻧﺘﻈﺮﻫﺎ ﺣﺘﻰ ﻋﺎﺩﺕ ﻭﺭﻛﺒﺖ ﺑﺠﻮﺍﺭﻩ .. ﺳﺄﻟﻬﺎ ﺑﺈﺳﺘﻐﺮﺍﺏ :
- ﻛﻨﺘﻰ ﺑﺘﻌﻤﻠﻰ ﺍﻳﻪ ﻫﻨﺎ ؟
ﻗﺎﻟﺖ " ﺁﻳﺎﺕ " ﺑﺸﺊ ﻣﻦ ﺍﻟﺘﺮﺩﺩ :
- ﺃﻧﺎ ﻣﺸﺘﺮﻛﺔ ﻓﻰ ﺍﻟﺠﻤﻴﻌﺔ
ﻗﺎﻝ " ﺁﺩﻡ " ﻭﻫﻮ ﻳﻔﺮﺱ ﻓﻴﻬﺎ :
- ﻣﺸﺘﺮﻛﺔ ﻓﻴﻬﺎ ﺍﺯﺍﻯ ﻳﻌﻨﻲ ؟
ﻗﺎﻟﺖ " ﺁﻳﺎﺕ : "
- ﺑﻜﺘﺐ ﺍﻟﻜﺘﺐ ﻋﻠﻰ ﺍﻟﻜﻤﺒﻴﻮﺗﺮ ﻭﺑﺠﻴﺒﻬﺎﻟﻬﻢ ﻋﻠﻰ ﺳﻲ ﺩﻱ ﻭﻫﻤﺎ ﺑﻴﺤﻮﻟﻮﻫﺎ ﻟﻄﺮﻳﻘﺔ ﺑﺮﺍﻳﻞ ﻋﺸﺎﻥ ﺍﻟﻨﺎﺱ ﺍﻟﻠﻰ ﻓﻘﺪﻭﺍ ﺑﺼﺮﻫﻢ ﻳﻌﺮﻓﻮﺍ ﻳﻘﺮﻭﻫﺎ ﻭﻳﺴﺘﻔﻴﺪﻭﺍ ﻣﻨﻬﺎ
ﺷﻌﺮ " ﺁﺩﻡ " ﺑﺎﻟﺪﻫﺸﺔ ﻭﻫﻮ ﻳﺴﺘﻤﻊ ﺍﻟﻴﻬﺎ .. ﺃﺩﺍﺭ ﺍﻟﻤﺤﺮﻙ ﻭﺳﺎﺭ ﻓﻰ ﻃﺮﻳﻘﻪ ﺩﻭﻥ ﺃﻥ ﻳﺘﺤﺪﺙ ﺍﻟﻴﻬﺎ .. ﺗﻮﻗﻒ ﺃﻣﺎﻡ ﺃﺣﺪ ﺍﻟﻤﻄﺎﻋﻢ ﻭﻧﺰﻻ ﻣﻌﺎً .. ﺟﻠﺴﺖ " ﺁﻳﺎﺕ " ﻋﻠﻰ ﺍﻟﻤﻘﻌﺪ ﺍﻟﻤﺠﺎﻭﺭ ﻟﻪ ﻭﺍﻧﺘﻈﺮﺍ ﺍﺣﻀﺎﺭ ﺍﻟﻨﺎﺩﻝ ﻟﻤﺎ ﻃﻠﺒﺎ .. ﻗﺎﻟﺖ ﻟﻪ " ﺁﻳﺎﺕ " ﻭﻫﻰ ﺷﺎﺭﺩﻩ :
- ﺗﻌﺮﻑ ﻳﺎ " ﺁﺩﻡ " ﺳﺎﻋﺎﺕ ﺑﺤﺲ ﺍﻧﻨﺎ ﻣﺤﻈﻮﻇﻴﻦ ﺃﻭﻯ .. ﺭﺑﻨﺎ ﺍﺩﺍﻧﺎ ﺣﺎﺟﺎﺕ ﻛﺘﻴﺮ ﺣﻠﻮﺓ ﻭﻓﻰ ﻧﺎﺱ ﻛﺘﻴﺮ ﺃﻭﻯ ﻣﺤﺮﻭﻣﺔ ﻣﻨﻬﺎ
ﻧﻈﺮ " ﺁﺩﻡ " ﺍﻟﻴﻬﺎ ﻭﻛﺄﻧﻬﺎ ﻳﺤﺎﻭﻝ ﺍﺳﺘﻜﺸﺎﻓﻬﺎ .. ﺃﻛﻤﻠﺖ ﺩﻭﻥ ﺃﻥ ﺗﻨﻈﺮ ﺍﻟﻴﻪ :
- ﺭﺑﻨﺎ ﺧﺪ ﻣﻨﻰ ﻣﺎﻣﺎ ﺍﻟﻠﻪ ﻳﺮﺣﻤﻬﺎ .. ﻭﺩﻯ ﺣﺎﺟﺔ ﺻﻌﺒﺔ ﺃﻭﻯ ﺍﻧﻰ ﺃﺗﺤﺮﻡ ﻣﻨﻬﺎ ﻭﻣﻦ ﺣﻀﻨﻬﺎ .. ﺑﺲ ﺭﺑﻨﺎ ﻋﻮﺿﻨﻰ ﺑﺄﺏ ﺣﻨﻴﻦ ﺃﻭﻯ .. ﺑﻴﺤﺒﻨﻰ ﻭﺑﻴﺨﺎﻑ ﻋﻠﻴﺎ .. ﺑﺲ ﻓﻰ ﻧﺎﺱ ﺭﺑﻨﺎ ﺣﺮﻣﻬﺎ ﻣﻦ ﺍﻻﺗﻨﻴﻦ ﻣﻦ ﺍﻷﺏ ﻭﻣﻦ ﺍﻷﻡ .. ﺃﻭ ﺑﻴﻜﻮﻧﻮﺍ ﻋﺎﻳﺸﻴﻦ ﺑﺲ ﻣﺶ ﺣﻨﻴﻨﻴﻦ ﻭﻃﻴﺒﻴﻦ
ﻇﻞ ﻳﻨﻈﺮ ﺍﻟﻴﻬﺎ ﺻﺎﻣﺘﺎً .. ﻓﻨﻈﺮﺕ ﺍﻟﻴﻪ ﻗﺎﺋﻠﻪ ﺑﺤﺰﻥ :
- ﻭﺍﺣﺪﺓ ﺻﺤﺒﺘﻰ ﻛﺪﻩ .. ﺑﺎﺑﺎﻫﺎ ﻭﻣﺎﻣﺘﻬﺎ ﻋﺎﻳﺸﻴﻦ ﺑﺲ ﻣﺶ ﺣﻨﻴﻨﻴﻦ ﻋﻠﻴﻬﺎ .. ﻣﺶ ﺑﻴﻌﺮﻓﻮﺍ ﻳﺘﻔﺎﻫﻤﻮﺍ ﻣﻌﺎﻫﺎ ﻭﻻ ﺑﻴﻌﺮﻓﻮﺍ ﻳﺘﻔﺎﻫﻤﻮﺍ ﻣﻊ ﺑﻌﺾ ﻋﻠﻰ ﻃﻮﻝ ﺧﻨﺎﻕ ﻭﺯﻋﻴﻖ .. ﺑﺘﺼﻌﺐ ﻋﻠﻴﺎ ﺃﻭﻯ
ﻭﺟﺪﺕ " ﺁﺩﻡ " ﺻﺎﻣﺘﺎً ﻓﻘﺎﻟﺖ ﺑﺴﺮﻋﺔ ﻭﻫﻰ ﺗﺮﺳﻢ ﺍﺑﺘﺴﺎﻣﺔ ﻋﻠﻰ ﺷﻔﺘﻴﻬﺎ :
- ﻣﻌﻠﺶ ﺻﺪﻋﺘﻚ ﺑﻜﻼﻣﻰ .. ﻋﺎﺭﻓﻪ ﺍﻧﻚ ﻣﺒﺘﺤﺒﺶ ﺗﺘﻜﻠﻢ ﻓﻰ ﺍﻟﻤﺸﺎﻛﻞ
ﻧﻈﺮﺕ ﺃﻣﺎﻣﻬﺎ ﺗﺘﻄﻠﻊ ﺍﻟﻰ ﺍﻟﻤﻨﻈﺮ ﺍﻟﺬﻯ ﻳﻄﻞ ﻋﻠﻴﻪ ﺍﻟﻤﻄﻌﻢ .. ﺃﻣﺎ " ﺁﺩﻡ " ﻓﺈﺳﺘﻤﺮ ﻓﻰ ﺗﻔﺮﺳﻪ ﻓﻴﻬﺎ .. ﻭﻣﺸﺎﻋﺮ ﻛﺜﻴﺮﺓ ﻣﺘﻨﺎﻗﻀﺔ ﺗﺘﺼﺎﺭﻉ ﺑﺪﺍﺧﻠﻪ .. ﻓﻜﺮ ﺃﻧﻪ ﺑﻌﺪ ﺃﻗﻞ ﻣﻦ ﺍﺳﺒﻮﻋﻴﻦ ﺳﻴﻜﺸﻒ ﺃﻭﺭﺍﻗﻪ .. ﻭﺳﻴﺨﺒﺮ " ﺁﻳﺎﺕ " ﺑﺎﻟﺤﻘﻴﻘﺔ ﻭﺑﺎﻟﺴﺒﺐ ﺍﻟﺬﻯ ﺩﻓﻌﻪ ﻟﺨﻄﺒﺘﻬﺎ ﻭﻟﻜﺘﺐ ﻛﺘﺎﺑﻬﺎ .. ﺭﻏﻤﺎً ﻋﻨﻪ ﻗﻔﺰ ﺍﻟﻰ ﺭﺃﺳﻪ ﺳﺆﺍﻻَ .. ﺗُﺮﻯ ﻣﺎﺫﺍ ﺳﻴﻜﻮﻥ ﺷﻌﻮﺭﻫﺎ ﻭﻗﺘﻬﺎ ؟ .. ﻣﺎﺫﺍ ﺳﺘﺸﻌﺮ ﺑﻌﺪﻣﺎ ﺗﻌﻠﻢ ﺃﻧﻬﺎ ﻛﺎﻧﺖ ﺟﺰﺀ ﻣﻦ ﺧﻄﺘﻪ ﻟﻠﻨﻴﻞ ﻣﻦ ﻋﻤﻬﺎ ﻭﺍﺑﺘﺰﺍﺯﻩ ؟ .. ﻣﺎﺫﺍ ﺳﺘﺸﻌﺮ ﺑﻌﺪ ﺃﻥ ﺗﻌﻠﻢ ﺃﻧﻪ ﻣﺎ ﺗﻘﺮﺏ ﺇﻟﻴﻬﺎ ﺇﻻ ﻣﻦ ﺃﺟﻞ ﺍﺳﺘﻌﺎﺩﺓ ﺣﻘﻪ ﺍﻟﻤﺴﻠﻮﺏ ؟ .. ﺯﻓﺮ ﺑﻀﻴﻖ ﻭﻫﻮ ﻳﻨﻈﺮ ﺍﻟﻴﻬﺎ ﺑﻐﻀﺐ .. ﺃﺭﺍﺩ ﺃﻥ ﻳﺼﺮﺥ ﻓﻴﻬﺎ .. ﻟﻤﺎﺫﺍ ﺃﻧﺖ ﻃﻴﺒﺔ ﻫﻜﺬﺍ ؟ .. ﻟﻤﺎﺫﺍ ﺃﻧﺖِ ﺻﺎﺩﻗﺔ ﻫﻜﺬﺍ ؟ .. ﻟﻤﺎﺫﺍ ﻻ ﺗﻜﻮﻧﻴﻦ ﻣﺜﻞ " ﺳﺎﻧﺪﻯ " ﻭ ﻣﺜﻞ " ﺑﻮﺳﻲ " ﻭﻣﺜﻞ ﺑﺎﻗﻰ ﺍﻟﻔﺘﻴﺎﺕ ﻣﻦ ﻃﺒﻘﺘﻚ ؟ .. ﻟﻤﺎﺫﺍ ﻻ ﺗﻜﻮﻧﻴﻦ ﻣﺎﻧﻴﻜﺎﻥ ﻟﻠﻌﺮﺽ ﻣﺜﻠﻬﻦ .. ﻟﻤﺎﺫﺍ ﺗﻠﻚ ﺍﻟﺒﺮﺍﺀﺓ ﺍﻟﺘﻰ ﻟﻢ ﺗﺴﺘﻄﻴﻌﻲ ﺍﺧﻔﺎﺀﻫﺎ ﺟﻴﺪﺍً ﺧﻠﻒ ﻣﻜﻴﺎﺟﻚ ﻭﻣﻼﺑﺴﻚ ﺍﻟﻤﺜﻴﺮﺓ ؟ .. ﻟﻤﺎﺫﺍ ﺃﺣﺒﺒﺘﻴﻨﻲ ﻟﻬﺬﻩ ﺍﻟﺪﺭﺟﺔ ؟ .. ﻟﻤﺎﺫﺍ ﻻ ﺗﻜﻮﻧﻴﻦ ﻛﻌﺸﺮﺍﺕ ﺍﻟﻔﺘﻴﺎﺕ ﺍﻟﻼﺗﻰ ﻳﻨﺠﺬﺑﻦ ﺍﻟﻰ ﻭﺳﺎﻣﺘﻰ ﻭﻋﻤﻠﻰ ﻭﺛﺮﺍﺋﻲ ﺩﻭﻥ ﺍﻹﻫﺘﻤﺎﻡ ﺑﻤﺎ ﺃﺣﺐ ﻭﺑﻤﺎ ﺃﻛﺮﻩ ؟ .. ﻟﻤﺎﺫﺍ ﺗﺘﺴﻠﻠﻴﻦ ﺍﻟﻰ ﺩﺍﺧﻞ ﻋﻘﻠﻲ ﻟﺘﻜﺘﺸﻔﻴﻪ ؟ .. ﻟﻤﺎﺫﺍ ﻻ ﺗﻜﺘﻔﻴﻦ ﺑﻤﺎ ﺃﻇﻬﺮﻩ ﻟﻚِ ؟ .. ﻟﻤﺎﺫﺍ ﺗﺮﻳﺪﻳﻦ ﺍﻟﻤﺰﻳﺪ ؟
.. ﻟﻤﺎﺫﺍ ﻻ ﺗﺘﺮﻛﻴﻨﻲ ﻭﺷﺄﻧﻰ ﻷﻛﻤﻞ ﺧﻄﺘﻰ ﻛﻤﺎ ﺧﻄﻄﺖ ؟ !
ﺣﺎﻧﺖ ﻣﻦ " ﺁﻳﺎﺕ " ﺍﻟﺘﻔﺎﺗﻪ ﺍﻟﻴﻪ ﻟﺘﺮﻯ ﻋﻼﻣﺎﺕ ﺍﻟﻀﻴﻖ ﻋﻠﻰ ﻭﺟﻬﻪ .. ﻓﻘﺎﻟﺖ ﺑﻠﻬﻔﺔ :
" - ﺁﺩﻡ " ﻓﻰ ﺣﺎﺟﺔ ﻣﻀﺎﻳﻘﺎﻙ ؟
ﺯﻓﺮ ﺑﻀﻴﻖ ﻗﺎﺋﻼً ﻭﻫﻮ ﻳﺤﺎﻭﻝ ﺍﻟﺘﺼﺮﻑ ﺑﻄﺮﻳﻘﺔ ﻃﺒﻴﻌﻴﺔ :
- ﺷﻮﻳﺔ ﻣﺸﺎﻛﻞ ﻓﻰ ﺍﻟﺸﻐﻞ ﻣﺘﺸﻐﻠﻴﺶ ﺑﺎﻟﻚ
ﺍﺑﺘﺴﻤﺖ ﻟﻪ ﻭﻧﻈﺮﺕ ﻓﻰ ﻋﻴﻨﻴﻪ ﻗﺎﺋﻠﻪ :
- ﻣﻌﻠﺶ ﻳﺎ ﺣﺒﻴﺒﻰ ﺑﺲ ﺍﻧﺖ ﺍﻥ ﺷﺎﺀ ﺍﻟﻠﻪ ﻫﺘﻘﺪﺭ ﺗﺤﻠﻬﺎ .. ﻣﻌﻠﺶ ﻣﻔﻴﺶ ﺷﻐﻞ ﻣﻔﻴﺶ ﻓﻴﻪ ﻣﺸﺎﻛﻞ .. ﻣﺘﻀﺎﻳﻘﺶ ﻧﻔﺴﻚ
ﺗﻄﻠﻊ ﺍﻟﻴﻬﺎ ﻟﻠﺤﻈﺔ ﺛﻢ ﺃﺑﻌﺪ ﻋﻴﻨﺎﻩ ﻋﻨﻬﺎ ﻭﻫﻮ ﻳﺸﻌﺮ ﺑﺬﻟﻚ ﺍﻟﺸﺊ ﻳﻌﻮﺩ ﻟﻴﺠﺜﻢ ﻋﻠﻰ ﺻﺪﺭﻩ ﻣﺮﺓ ﺃﺧﺮﻯ
ﻃﻠﺐ " ﺁﺩﻡ " ﻣﻦ " ﺁﻳﺎﺕ " ﺍﻹﻧﺘﻈﺎﺭ ﺃﻣﺎﻡ ﺍﻟﻤﻄﻌﻢ ﺣﺘﻰ ﻳﺤﻀﺮ ﺳﻴﺎﺭﺗﻪ ﺍﻟﺘﻰ ﺻﻔﻬﺎ ﻋﻠﻰ ﺑﻌﺪ ﻋﺪﺓ ﺷﻮﺍﺭﻉ ﺑﺴﺒﺐ ﺯﺣﻤﺔ ﺍﻟﺴﻴﺮ .. ﺳﻤﻌﺖ " ﺁﻳﺎﺕ " ﺿﺤﻜﺎﺕ ﻟﺸﺎﺑﻴﻦ ﺑﺎﻟﻘﺮﺏ ﻣﻨﻬﺎ ﻓﻠﻢ ﺗﻠﺘﻔﺖ ﺍﻟﻴﻬﻤﺎ ﺳﻤﻌﺖ ﺃﺣﺪ ﺍﻟﺸﺎﺑﻴﻦ ﻳﺘﺠﺮﺃ ﻋﻠﻴﻬﺎ ﺑﺎﻟﻜﻼﻡ ﺑﻜﻠﻤﺎﺗﻪ ﺍﻟﻤﺒﺘﺬﻟﺔ .. ﺍﻟﺘﻔﺘﺖ ﻭﻧﻈﺮﺕ ﺍﻟﻴﻪ ﻧﻈﺮﺓ ﻣﺤﺬﺭﺓ ﺇﻻ ﺃﻥ ﺍﻟﻔﺘﻰ ﻭﺟﺪ ﻓﻴﻬﺎ ﺩﺍﻓﻌﺎً ﻟﻴﺰﻳﺪ ﻣﻦ ﻣﻀﺎﻳﻘﺘﻬﺎ .. ﺷﻌﺮﺕ ﺑﺎﻟﺤﻨﻖ ﻭﻫﻰ ﻳﻤﻴﻨﺎً ﻭﻳﺴﺎﺭﺍً ﻭﻫﻰ ﺗﻘﻮﻝ ﻓﻰ ﻧﻔﺴﻬﺎ :
- ﺍﻧﺖ ﻓﻴﻦ ﻳﺎ " ﺁﺩﻡ "
ﺍﻗﺘﺮﺏ ﺍﻟﺸﺎﺏ ﻣﻨﻬﺎ ﻓﺎﻟﺘﻔﺘﺖ ﺍﻟﻴﻪ ﺗﻘﻮﻝ ﺑﺤﺪﻩ :
- ﺍﺣﺘﺮﻡ ﻧﻔﺴﻚ ﺧﻄﻴﺒﻲ ﺟﺎﻯ ﺩﻟﻮﻗﺘﻰ ﻭﻟﻮ ﺷﺎﻓﻚ ﻫﻴﺒﻬﺪﻟﻚ
ﻗﺎﻝ ﺍﻟﺸﺎﺏ ﺑﻤﻴﺎﻋﻪ :
- ﻳﺎ ﺧﺴﺎﺭﺓ ﻫﻮ ﺍﻟﻘﻤﺮ ﻣﺨﻄﻮﺏ .. ﻳﻨﻔﻊ ﻛﺪﻩ ﻳﻌﻨﻲ ﺗﻜﺴﺮ ﻗﻠﺒﻲ ﺩﻩ ﺩﺑﺖ ﻓﻴﻚ ﺧﻼﺹ ﻳﺎ ﺟﻤﻴﻞ
ﻗﺎﻟﺖ ﺑﻐﻀﺐ ﻭﻫﻰ ﺗﺒﺘﻌﺪ ﺧﻄﻮﺓ ﻟﻠﺨﻠﻒ :
- ﻗﻮﻟﺘﻠﻚ ﺍﺣﺘﺮﻡ ﻧﻔﺴﻚ
ﻗﺎﻝ ﺍﻟﺸﺎﺏ ﻣﺒﺘﺴﻤﺎً :
- ﺃﺣﺒﻚ ﻭﺍﻧﺖ ﻣﺘﻌﺼﺐ .. ﻫﻮ ﻓﻰ ﻛﺪﻩ .. ﺣﺘﻰ ﻭﺍﻧﺖ ﻣﺘﻌﺼﺐ ﺯﻯ ﺍﻟﻘﻤﺮ
ﺗﻮﻗﻒ " ﺁﺩﻡ " ﺑﺴﻴﺎﺭﺗﻪ ﺃﻣﺎﻡ " ﺁﻳﺎﺕ " ﺍﻟﺘﻰ ﻻﺣﻆ ﻋﻼﻣﺎﺕ ﺍﻟﺨﻮﻑ ﻋﻠﻰ ﻭﺟﻬﻬﺎ ﻭﺍﻗﺘﺮﺍﺏ ﺍﻟﺸﺎﺏ ﻣﻨﻬﺎ .. ﺑﻤﺠﺮﺩ ﺃﻥ ﺭﺃﺕ " ﺁﻳﺎﺕ " ﺳﻴﺎﺭﺓ " ﺁﺩﻡ " ﺗﻮﺟﻬﺖ ﺍﻟﻴﻬﺎ ﻣﺴﺮﻋﺔ ﻭﺭﻛﺒﺖ ﻭﺭﻣﻘﺖ ﺍﻟﻔﺘﻰ ﺑﻨﻈﺮﺓ ﻏﺎﺿﺒﺔ ﻓﺘﺠﺮﺃ ﺍﻟﺸﺎﺏ ﻭﺃﺭﺳﻞ ﻟﻬﺎ ﻗﺒﻠﺔ ﻓﻰ ﺍﻟﻬﻮﺍﺀ ﺗﺤﺖ ﻣﺮﺋﻰ ﻣﻦ " ﺁﺩﻡ .. " ﺍﻧﻄﻠﻖ " ﺁﺩﻡ " ﺑﺴﻴﺎﺭﺗﻪ ﻳﺸﻖ ﻃﺮﻳﻘﻪ ﺑﻴﻦ ﺍﻟﺴﻴﺎﺭﺍﺕ .. ﻛﻨﺖ ﺗﻠﻬﺚ ﻭﻛﺄﻧﻬﺎ ﻛﺎﻧﺖ ﺗﺠﺮﻯ .. ﻧﻈﺮ ﺍﻟﻴﻬﺎ ﻟﻴﺠﺪ ﺟﺒﻴﻨﻬﺎ ﺍﻟﻤﻌﻘﻮﺩ ﻭ ﻧﻈﺮﺍﺗﻬﺎ ﺍﻟﻐﺎﺿﺒﺔ .. ﻗﺎﻝ ﻭﻫﻮ ﻳﺘﻈﺎﻫﺮ ﺑﺄﻧﻪ ﻟﻢ ﻳﻨﺘﺒﻪ ﻟﻤﺎ ﺣﺪﺙ :
- ﻓﻰ ﺣﺎﺟﺔ ؟
ﺃﺧﺬﺕ ﻧﻔﺴﺎً ﻋﻤﻴﻘﺎً ﻭﺣﺎﻭﻟﺖ ﺍﻻﺑﺘﺴﺎﻡ ﻭﻫﻰ ﺗﻨﻈﺮ ﻟﻪ ﻗﺎﺋﻠﻪ :
- ﻻ ﻳﺎ ﺣﺒﻴﺒﻰ ﻣﻔﻴﺶ ﺣﺎﺟﺔ
ﺛﻢ ﺍﻟﺘﻔﺘﺖ ﻟﺘﻨﻈﺮ ﻣﻦ ﺍﻟﺸﺒﺎﻙ ﺍﻟﻤﺠﺎﻭﺭ ﻟﻬﺎ ﻭﻗﺪ ﻋﻘﺪﺕ ﺣﺎﺟﺒﻴﻬﺎ ﻣﺮﺓ ﺃﺧﺮﻯ ﻭﺗﺒﺪﻟﺖ ﻧﻈﺮﺓ ﺍﻟﻐﻀﺐ ﺍﻟﻰ ﻧﻈﺮﺓ ﺣﺰﻥ .. ﻟﻢ ﻳﻜﻦ ﺿﻴﻘﻬﺎ ﺑﺴﺒﺐ ﺍﻟﺸﺎﺏ ﺍﻟﺬﻯ ﺿﺎﻳﻘﻬﺎ ﻓﺤﺴﺐ .. ﺑﻞ ﺑﺴﺒﺐ " ﺁﺩﻡ " ﺍﻟﺬﻯ ﻟﻢ ﻳﻬﺐ ﻟﻨﺠﺪﺗﻬﺎ ﺃﻭ ﻟﺘﻠﻘﻴﻦ ﺍﻟﻔﺘﻰ ﺩﺭﺳﺎً .. ﺗﻨﺒﻬﺖ " ﺁﻳﺎﺕ " ﺟﻴﺪﺍً ﻟﻨﻈﺮﺍﺕ " ﺁﺩﻡ " ﺍﻟﺘﻰ ﺭﺃﺕ ﻭﻭﻋﺖ ﻣﺎ ﻳﺤﺪﺙ .. ﻭﻣﻊ ﺫﻟﻚ ﻟﻢ ﻳﺤﺮﻙ ﺳﺎﻛﻨﺎً ﻭﻛﺄﻧﻬﺎ ﻻ ﺗﺨﺼﻪ .. ﻭﻛﺄﻧﻬﺎ ﻟﻴﺴﺖ ﺧﻄﻴﺒﺘﻪ ﻭﺣﺒﻴﺒﺘﻪ ﻭﻛﺮﺍﻣﺘﻬﺎ ﻣﻦ ﻛﺮﺍﻣﺘﻪ .. ﻭﻛﺄﻧﻬﺎ ﻟﻦ ﺗﺼﺒﺢ ﺑﻌﺪ ﻋﺪﺓ ﺃﻳﺎﻡ ﺯﻭﺟﺘﻪ ﻭﻋﺮﺿﻪ .. ﺷﻌﺮﺕ ﺑﺎﻟﺤﺰﻥ ﻓﻰ ﻗﻠﺒﻬﺎ .. ﺗُﺮﻯ ﺃﻻ ﻳﻐﺎﺭ ﻋﻠﻴﻬﺎ ﺍﻟﻰ ﻫﺬﺍ ﺍﻟﺤﺪ ؟ .. ﺍﻯ ﺭﺟﻞ ﻓﻰ ﻣﻜﺎﻧﻪ ﻛﺎﻥ ﺗﺼﺮﻓﻪ ﺳﻴﻜﻮﻥ ﻣﺨﺘﻠﻔﺎً .. ﻛﺎﻥ ﺳﻴﺜﻮﺭ ﻭﻳﻐﻀﺐ ﻭﻟﺮﺑﻤﺎ ﺗﺸﺎﺟﺮ ﻣﻊ ﺍﻟﻔﺘﻰ ﻣﻦ ﺃﺟﻠﻬﺎ .. ﻟﻤﺎﺫﺍ ﺣﺘﻰ ﻻ ﻳﻄﻴﺐ ﺧﺎﻃﺮﻫﺎ ﺑﻜﻠﻤﺔ .. ﻟﻤﺎﺫﺍ ﻳﺘﻈﺎﻫﺮ ﺑﺄﻧﻪ ﻟﻢ ﻳﺮﻯ ﻣﺎ ﺣﺪﺙ .
ﺭﺍﻗﺐ " ﺁﺩﻡ " ﺗﻌﺒﻴﺮﺍﺕ ﻭﺟﻬﻬﺎ .. ﺗﻨﻬﺪ ﻓﻰ ﺿﻴﻖ .. ﺷﻌﺮ ﺑﺎﻹﺧﺘﻨﺎﻕ .. ﺷﻌﺮ ﺑﺄﻧﻪ ﻟﻢ ﻳﻌﺪ ﻳﺘﺤﻤﻞ ﺗﻠﻚ ﺍﻷﻳﺎﻡ ﺍﻟﺘﻰ ﺗﻔﺼﻠﻪ ﻋﻦ ﻳﻮﻡ ﻛﺘﺐ ﺍﻟﻜﺘﺎﺏ .. ﻟﺘﻨﺘﻬﻰ ﻟﻌﺒﺘﻪ
************************************
ﻋﺎﺩﺕ " ﺁﻳﺎﺕ " ﺍﻟﻰ ﻣﻨﺰﻟﻬﺎ ﻟﺘﻠﻘﻰ ﺑﻨﻔﺴﻬﺎ ﻋﻠﻰ ﻓﺮﺍﺷﻬﺎ ﺣﺰﻳﻨﺔ ﺩﺍﻣﻌﺔ ﺍﻟﻌﻴﻨﻴﻦ .. ﻗﺎﻝ ﻟﻬﺎ " ﺁﺩﻡ " ﻗﺒﻞ ﺃﻥ ﺗﺨﺮﺝ ﻣﻦ ﺍﻟﺴﻴﺎﺭﺓ :
- ﺑﺤﺒﻚ ﻳﺎ " ﺁﻳﺎﺕ "
ﻭﻷﻭﻝ ﻣﺮﺓ ﺗﻤﺴﻊ ﻣﻨﻪ ﺗﻠﻚ ﺍﻟﻜﻠﻤﺔ ﺩﻭﻥ ﺃﻥ ﻳﻘﻔﺰ ﻗﻠﺒﻬﺎ ﻓﺮﺣﺎً .. ﺷﻌﺮﺕ ﺑﺸﺊ ﻳﺴﻠﺐ ﻓﺮﺣﺘﻬﺎ ﺑﻬﺎ .. ﺷﻌﺮﺕ ﺑﻬﺎ ﻭﻛﺄﻧﻪ ﻳﻘﻮﻟﻬﺎ ﻷﻧﻪ ﻳﺠﺐ ﺃﻥ ﻳﻘﻮﻟﻬﺎ .. ﺷﻌﺮﺕ ﻭﻛﺄﻧﻬﺎ ﻛﻠﻤﺔ ﺃﻟﻘﺎﻫﺎ ﻟﺴﺎﻧﻪ ﺩﻭﻥ ﺃﻥ ﻳﻤﺮﺭﻫﺎ ﻋﻠﻰ ﻗﻠﺒﻪ .. ﺃﺧﺬﺕ ﺗﺘﺴﺎﺋﻞ .. ﺗُﺮﻯ ﺃﻳﺤﺒﻨﻰ ﺑﺎﻟﻔﻌﻞ ؟ .. ﻟﻤﺎﺫﺍ ﺇﺫﻥ ﺃﺷﻌﺮ ﺑﺎﻟﺨﻮﻑ ﻭﺍﻟﻘﻠﻖ ﻭﺍﻟﺤﻴﺮﺓ ﻣﻦ ﻧﻈﺮﺍﺕ ﻋﻴﻨﻴﻪ ﻭﻧﺒﺮﺍﺕ ﺻﻮﺗﻪ .. ﺗُﺮﻯ ﺃﻧﺪﻡ ﻋﻠﻰ ﺍﺭﺗﺒﺎﻃﻪ ﺑﻰ .. ﺃﻳﺮﺍﻧﻰ ﻏﻴﺮ ﻣﻨﺎﺳﺒﺔ ﻟﻪ .. ﺃﻳﺨﺸﻰ ﻣﻦ ﺟﺮﺡ ﻣﺸﺎﻋﺮﻯ ﺑﺮﻓﻀﻪ ﺍﻳﺎﻯ .. ﺃﻣﺴﻜﺖ ﻫﺎﺗﻔﻬﺎ ﺗﻨﻬﺪﺕ ﺑﻌﻤﻖ ﺛﻢ ﺍﺗﺼﻠﺖ ﺑـ " ﺁﺩﻡ . "
ﻛﺎﻥ " ﺁﺩﻡ " ﻭﺍﻗﻔﺎً ﻳﺴﺘﻨﺪ ﻋﻠﻰ ﺳﻴﺎﺭﺗﻪ ﻭﻳﻨﻈﺮ ﺍﻟﻰ ﺃﺿﻮﺍﺀ ﺍﻟﻘﺎﻫﺮﺓ ﻣﻦ ﻓﻮﻕ ﺟﺒﻞ ﺍﻟﻤﻘﻄﻢ ﻋﻨﺪﻣﺎ ﻭﺟﺪ ﺍﺗﺼﺎﻻً ﻣﻦ " ﺁﻳﺎﺕ " ﺭﺩ ﻗﺎﺋﻼً :
- ﺃﻳﻮﺓ ﻳﺎ " ﺁﻳﺎﺕ "
ﻗﺎﻟﺖ " ﺁﻳﺎﺕ " ﺑﺴﺮﻋﺔ ﻭﻛﺄﻧﻬﺎ ﺗﺨﺸﻰ ﻫﺮﻭﺏ ﺍﻟﻜﻠﻤﺎﺕ ﻣﻨﻬﺎ :
" - ﺁﺩﻡ .. " ﺍﻧﺎ ﻋﺎﻳﺰﺓ ﺃﻗﻮﻟﻚ ﺣﺎﺟﺔ ﻭﺍﺳﻤﻌﻨﻰ ﻟﻶﺧﺮ ﻭﻣﺘﺮﺩﺵ ﻏﻴﺮ ﻟﻤﺎ ﺃﻗﻮﻟﻚ .. ﻣﺎﺷﻰ
ﺻﻤﺖ " ﺁﺩﻡ " ﻓﻘﺎﻟﺖ ﺑﺼﻮﺕ ﻣﻀﻄﺮﺏ :
" - ﺁﺩﻡ " ﺃﻧﺎ ﻋﻤﺮﻯ ﻣﺎ ﺣﺒﻴﺖ ﺣﺪ .. ﻭﻻ ﻋﻤﺮﻯ ﺣﺴﻴﺖ ﺑﺤﺎﺟﺔ ﻧﺎﺣﻴﺔ ﺃﻯ ﻭﻟﺪ ﻏﻴﺮ ﺍﻟﻤﺸﺎﻋﺮ ﺍﻟﻌﺒﻴﻄﺔ ﺍﻟﻠﻰ ﺃﻯ ﺑﻨﺖ ﺑﺘﺤﺴﻬﺎ ﻓﻰ ﺛﺎﻧﻮﻱ .. ﺑﺲ ﻋﻤﺮﻯ ﻣﺎ ﺷﺎﻭﺭﺕ ﻋﻠﻰ ﺭﺍﺟﻞ ﻭﺍﺗﻤﻨﻴﺖ ﺍﻧﻪ ﻳﻜﻮﻥ ﺟﻮﺯﻯ
ﺻﻤﺘﺖ ﻗﻠﻴﻼً ﺛﻢ ﻗﺎﻟﺖ ﺑﺄﻋﻴﻦ ﺩﺍﻣﻌﺔ :
- ﺍﻧﺖ ﺃﻭﻝ ﻭﺍﺣﺪ ﺃﺣﺲ ﻧﺤﻴﺘﻪ ﺑﻜﺪﻩ .. ﺃﻭﻝ ﻭﺍﺣﺪ ﺃﻗﻮﻝ ﻫﻮ ﺩﻩ ﺍﻟﺮﺍﺟﻞ ﺍﻟﻠﻰ ﻧﻔﺴﻲ ﻳﻜﻮﻥ ﺟﻮﺯﻯ .. ﻭﻧﻔﺴﻰ ﺃﻋﻴﺶ ﻣﻌﺎﻩ ﻓﻰ ﺑﻴﺖ ﻭﺍﺣﺪ .. ﻭﻧﻔﺴﻲ ﻳﺤﺒﻨﻰ ﺯﻯ ﻣﺎ ﺑﺤﺒﻪ .. ﺍﻧﺖ ﻛﺒﺮﺕ ﺃﻭﻯ ﻓﻰ ﻧﻈﺮﻯ ﻟﻤﺎ ﺩﺍﻓﻌﺖ ﻋﻨﻰ ﻳﻮﻡ ﻣﺎ ﺳﻮﺍﻕ ﺍﻟﺘﺎﻛﺴﻰ ﻛﺎﻥ ﺑﻴﺰﻋﻘﻠﻰ .. ﺍﺣﺘﺮﻣﺘﻚ ﺃﻭﻯ ﻭﺣﺴﻴﺘﻚ ﺭﺍﺟﻞ ﺃﻭﻯ ﻭﻋﺸﺎﻥ ﻛﺪﻩ ﺣﺴﻴﺖ ﺍﻧﻰ ﻣﻌﺠﺒﺔ ﺑﻴﻚ .. ﻭﻟﻤﺎ ﺷﻮﻓﺘﻚ ﺍﻟﺴﻨﺔ ﺩﻯ ﻣﻌﺮﻓﺶ ﺍﺣﺴﺎﺳﻰ ﺩﻩ ﻛﺒﺮ .. ﻭﻟﻤﺎ ﺍﺗﻘﺪﻣﺘﻠﻰ ﻛﻨﺖ ﻃﺎﻳﺮﻩ ﻣﻦ ﺍﻟﻔﺮﺡ ﻭﺑﺠﺪ ﺣﺒﻴﺘﻚ ﺃﻭﻯ ﻳﺎ " ﺁﺩﻡ " ﻻﻧﻰ ﺷﻮﻓﺖ ﻓﻴﻚ ﻛﻞ ﺍﻟﻠﻰ ﻛﻨﺖ ﺑﺘﻤﻨﺎﻩ ﻓﻰ ﻓﺎﺭﺱ ﺃﺣﻼﻣﻰ
ﻛﺎﻥ " ﺁﺩﻡ " ﻳﺴﺘﻤﻊ ﺍﻟﻴﻬﺎ ﻓﻰ ﻭﺟﻮﻡ .. ﻓﺄﻛﻤﻠﺖ ﺑﺼﻮﺕ ﺑﺎﻛﻰ :
- ﺑﺲ ﻟﻮ ﺍﻧﺖ ﺣﺎﺳﺲ ﺍﻥ ﻣﺶ ﺃﻧﺎ ﻓﺘﺎﺓ ﺃﺣﻼﻣﻚ .. ﻭﺍﻧﻚ ﻧﺪﻣﺖ ﻭﻣﺶ ﻋﺎﻳﺰ ﺗﻜﻤﻞ .. ﻗﻮﻟﻰ ﻳﺎ " ﺁﺩﻡ .. " ﻣﺘﺨﻔﺶ ﺃﻧﺎ ﻫﺘﻔﻬﻢ ﺩﻩ ﻻﻧﻰ ﻋﺎﺭﻓﻪ ﺍﻥ ﻣﻴﻨﻔﻌﺶ ﻧﻜﻤﻞ ﻣﻊ ﺑﻌﺾ ﻟﻮ ﻭﺍﺣﺪ ﻓﻴﻨﺎ ﻣﺶ ﻣﺘﻘﺒﻞ ﺍﻟﺘﺎﻧﻰ ﻭﺧﺎﻳﻒ ﻳﻘﻮﻟﻪ ﻛﺪﻩ ﻋﺸﺎﻥ ﻣﻴﺠﺮﺣﻮﺵ
ﺗﺴﺎﻗﻄﺖ ﺍﻟﻌﺒﺮﺍﺕ ﻣﻦ ﻋﻴﻨﻴﻬﺎ ﻭﻗﺎﻟﺖ ﺑﺼﻮﺕ ﻣﺮﺗﺠﻒ :
- ﺃﻧﺎ ﻋﺎﺭﻓﻪ ﺍﻥ ﺩﻩ ﻫﻴﻜﻮﻥ ﺻﻌﺐ ﻋﻠﻴﺎ ﺑﺲ ﺩﻩ ﺃﺣﺴﻦ ﻋﻨﺪﻯ ﻣﻠﻴﻮﻥ ﻣﺮﺓ ﻣﻦ ﺍﻧﻰ ﺍﻛﺘﺸﻔﺖ ﺑﻌﺪﻳﻦ ﺍﻧﻚ ﺍﺗﺠﻮﺯﺗﻨﻰ ﻋﺸﺎﻥ ﻣﺘﺠﺮﺣﻨﻴﺶ .. " ﺁﺩﻡ " ﻓﻰ ﺍﻟﻠﺤﻈﺔ ﺍﻟﻠﻰ ﺃﻧﺎ ﺑﻜﻠﻤﻚ ﻓﻴﻬﺎ ﺩﻟﻮﻗﺘﻰ ﺃﻧﺎ ﻣﺴﺘﻌﺪﺓ ﺃﺳﻤﻊ ﻣﻨﻚ ﻛﻠﻤﺔ ﻣﺶ ﻋﺎﻳﺰﻙ ﻳﺎ " ﺁﻳﺎﺕ .. " ﻟﻮ ﺍﻧﺖ ﺣﺎﺳﺴﻬﺎ ﻗﻮﻟﻬﺎ ﺩﻟﻮﻗﺘﻰ .. ﻷﻧﻚ ﻟﻮ ﺃﺟﻠﺘﻬﺎ ﺃﻧﺎ ﻣﻌﺮﻓﺶ ﺳﺎﻋﺘﻬﺎ ﻫﻘﺪﺭ ﺃﺗﺤﻤﻠﻬﺎ ﻭﻻ ﻻﺀ
ﺃﻏﻤﺾ " ﺁﺩﻡ " ﻋﻴﻨﻴﻪ ﻭﻫﻮ ﻣﺤﺘﻔﻈﺎً ﻳﺼﻤﺘﻪ .. ﻓﺄﻛﻤﻠﺖ ﺑﺼﻮﺕ ﻣﺮﺗﺠﻒ ﻭﺍﻟﻌﺒﺮﺍﺕ ﺗﺘﺴﺎﻗﻂ ﻋﻠﻰ ﻭﺟﻨﺘﻴﻬﺎ :
" - ﺁﺩﻡ " ﺧﻠﻴﻚ ﺻﺮﻳﺢ ﻣﻌﺎﻳﺎ .. ﻟﻮ ﻣﺶ ﻋﺎﻳﺰﻧﻰ ﻭﻧﺪﻣﺖ ﻗﻮﻟﻰ ﺩﻟﻮﻗﺘﻰ ﻭﺃﻧﺎ ﻫﻘﻮﻝ ﻟﺒﺎﺑﺎ ﺍﻥ ﻣﻔﻴﺶ ﻧﺼﻴﺐ ﺩﻩ ﻟﻮ ﺍﻧﺖ ﺧﺎﻳﻒ ﺗﺘﻜﻠﻢ ﻣﻊ ﺑﺎﺑﺎ .. ﻭﻟﻮ ﺧﺎﻳﻒ ﻋﻠﻴﺎ ﻣﺘﺨﻔﺶ ﺃﻧﺎ ﻓﺎﻫﻤﺔ ﺍﻥ ﺍﻟﺨﻄﻮﺑﺔ ﺑﺘﺒﻘﻰ ﻓﺘﺮﺓ ﻟﻠﺘﻌﺎﺭﻑ ﻭﻋﺸﺎﻥ ﻛﻞ ﻭﺍﺣﺪ ﻳﻘﺪﺭ ﻳﺸﻮﻑ ﻫﻮ ﺩﻩ ﺍﻻﻧﺴﺎﻥ ﺍﻟﻠﻰ ﻳﺘﻤﻨﺎﻩ ﻭﻻ ﻻﺀ .. ﻳﻌﻨﻰ ﺃﻧﺎ ﻫﻌﺬﺭﻙ ﻭﻣﺶ ﻫﻀﺎﻳﻖ ﻣﻨﻚ ﻳﺎ " ﺁﺩﻡ "
ﺻﻤﺘﺖ " ﺁﻳﺎﺕ " ﻭﻫﻰ ﺗﺤﺎﻭﻝ ﺍﻟﺴﻴﻄﺮﺓ ﻧﻔﺴﻬﺎ ﻭﻣﺴﺢ ﻋﺒﺮﺍﺗﻬﺎ ﺍﻟﺘﻰ ﺃﻏﺮﻗﺖ ﻭﺟﻨﺘﻴﻬﺎ .. ﻗﺎﺗﻞ " ﺁﻳﺎﺕ " ﺑﺼﻮﺕ ﺣﺎﻭﻟﺖ ﺃﻥ ﻳﺒﺪﻭ ﻃﺒﻴﻌﻴﺎً :
" - ﺁﺩﻡ " ﺃﻧﺎ ﺧﻠﺼﺖ ﻭﻣﺴﺘﻨﻴﺔ ﺭﺩﻙ .. ﺣﺎﺑﺐ ﺗﻜﻤﻞ ﻣﻌﺎﻳﺎ ﻭﻻ ﻻﺀ ؟
ﺻﻤﺖ " ﺁﺩﻡ .. " ﻭﻇﻬﺮﺕ ﺍﻟﺤﻴﺮﺓ ﻓﻰ ﻋﻴﻨﻴﻪ .. ﻭﺍﻷﺳﻰ ﻋﻠﻰ ﻭﺟﻬﻪ .. ﻃﺎﻝ ﺻﻤﺘﻪ .. ﻓﺤﺜﺘﻪ " ﺁﻳﺎﺕ " ﻗﺎﺋﻠﻪ ﻭﺍﻟﺪﻣﻮﻩ ﺗﺒﻠﻞ ﻋﻴﻨﻴﻬﺎ ﻣﻦ ﺟﺪﻳﺪ :
- ﺃﻧﺎ ﺣﺴﻪ ﺑﻴﻬﺎ ﺑﺲ ﻋﺎﻳﺰﺓ ﺃﺳﻤﻌﻬﺎ ﻣﻨﻚ ﻋﺸﺎﻥ ﺃﻓﻀﻞ ﻓﻜﺮﺍﻫﺎ .. ﻋﺸﺎﻥ ﺗﻨﺴﻴﻨﻲ ﻛﻞ ﺍﻟﻜﻼﻡ ﺍﻟﺤﻠﻮ ﺍﻟﻠﻰ ﺳﻤﻌﺘﻪ ﻣﻨﻚ ﻗﺒﻞ ﻛﺪﻩ
ﺻﻤﺖ ﻓﻘﺎﻟﺖ ﺑﺤﺪﻩ :
" - ﺁﺩﻡ " ﺭﺩ ﻋﻠﻴﺎ .. ﻗﻮﻟﺘﻚ ﺧﻼﺹ ﺃﻧﺎ ﻓﻬﻤﺖ .. ﺑﺲ ﻋﺎﻳﺰﺓ ﺃﺳﻤﻌﻬﺎ .. ﻗﻮﻟﻬﺎ ﻭﺧﻼﺹ ﻭﻫﻘﻔﻞ ﺑﻌﺪﻫﺎ ﻭﻣﺶ ﻫﻀﺎﻳﻘﻚ ﺗﺎﻧﻰ .. ﺍﻧﺖ ﻋﺎﻳﺰ ﺗﻜﻤﻞ ﻣﻌﺎﻳﺎ ﻭﻻ ﻻﺀ ؟
ﻋﺾ " ﺁﺩﻡ " ﻋﻠﻰ ﺷﻔﺘﻴﻪ ﺑﻘﻮﺓ .. ﻭﺗﻨﻬﺪ ﺑﻘﻮﺓ ﺛﻢ ﺃﻏﻤﺾ ﻋﻴﻨﻴﻪ ﻗﺎﺋﻼً :
- ﺃﻳﻮﺓ ﻋﺎﻳﺰ ﺃﻛﻤﻞ ﻣﻌﺎﻛﻰ
ﺷﻌﺮﺕ " ﺁﻳﺎﺕ " ﺑﺎﻟﺪﻫﺸﺔ ﻓﻠﻢ ﺗﻜﻦ ﺗﻠﻚ ﺍﻹﺟﺎﺑﺔ ﺍﻟﺘﻰ ﺷﻌﺮﺕ ﺑﺄﻧﻬﺎ ﻋﻠﻰ ﻃﺮﻑ ﻟﺴﺎﻧﻪ .. ﻗﺎﻟﺖ " ﺁﻳﺎﺕ : "
- ﺑﺠﺪ ﻳﺎ " ﺁﺩﻡ " .. ﻳﻌﻨﻲ ﻣﺶ ﻧﺪﻣﺎﻥ ؟
ﻗﺎﻝ " ﺁﺩﻡ " ﺑﻬﺪﻭﺀ ﻭﻫﻮ ﻳﺒﻠﻊ ﺭﻳﻘﻪ ﺑﺼﻌﻮﺑﻪ :
- ﻻ ﻣﺶ ﻧﺪﻣﺎﻥ
ﺗﻨﻬﺪﺕ " ﺁﻳﺎﺕ " ﺑﺈﺭﺗﻴﺎﺡ ﻭﺿﺤﻜﺖ ﻭﺳﻂ ﺩﻣﻮﻋﻬﺎ ﻗﺎﺋﻠﻪ :
- ﺣﺴﻪ ﺍﻧﻰ ﺑﺤﻠﻢ .. ﻣﻜﻨﺘﺶ ﻣﺘﻮﻗﻌﺔ ﺍﻧﻚ ﺗﻘﻮﻟﻰ ﻛﺪﻩ
ﺍﺗﺴﻌﺖ ﺍﺑﺘﺴﺎﻣﺘﻬﺎ ﻭﻫﻰ ﺗﻤﺴﺢ ﺩﻣﻮﻋﻬﺎ ﻗﺎﺋﻠﻪ :
- ﺍﻟﺤﻤﺪ ﻟﻠﻪ .. ﻛﻨﺖ ﺧﺎﻳﻔﻪ ﺃﻭﻯ .. ﻛﺪﻩ ﺍﺭﺗﺤﺖ
ﻟﻜﻦ ﺷﻌﻮﺭ " ﺁﺩﻡ " ﻛﺎﻥ ﺃﺑﻌﺪ ﻣﺎ ﻳﻜﻮﻥ ﻋﻦ ﺍﻟﺮﺍﺣﺔ .. ﻇﻞ ﻳﺴﺘﻤﻊ ﺍﻟﻰ ﺍﻟﺴﻌﺎﺩﺓ ﻓﻰ ﻧﺒﺮﺍﺕ ﺻﻮﺗﻬﺎ ﻭﻛﻞ ﻛﻠﻤﺔ ﺗﺸﻌﺮﻩ ﺑﺴﻮﺍﺩ ﻗﻠﺒﻪ ﺃﻛﺜﺮ ﻓﺄﻛﺜﺮ .. ﻗﺎﻟﺖ " ﺁﻳﺎﺕ : "
- ﺷﻜﻠﻚ ﺑﺮﻩ ﻣﺶ ﻛﺪﻩ ؟
ﺗﻤﺘﻢ :
- ﺃﻳﻮﺓ
ﻗﺎﻟﺖ " ﺁﻳﺎﺕ " ﻣﺒﺘﺴﻤﻪ :
- ﻃﻴﺐ ﻳﺎ ﺣﺒﻴﺒﻰ ﻣﺘﺘﺄﺧﺮﺵ ﻭﻟﻤﺎ ﺗﺮﻭﺡ ﻃﻤﻨﻰ ﻋﻠﻴﻚ ﻣﺶ ﻫﻨﺎﻡ ﺇﻻ ﻟﻤﺎ ﺗﺘﺼﻞ
ﺗﻤﺘﻢ " ﺁﺩﻡ : "
- ﻻ ﻧﺎﻣﻰ ﻳﻤﻜﻦ ﺃﺗﺄﺧﺮ
ﺍﺑﺘﺴﻤﺖ ﻗﺎﺋﻠﻪ ﺑﺤﻨﺎﻥ :
- ﻣﺶ ﻫﻌﺮﻑ ﺃﻧﺎﻡ ﺍﻻ ﻟﻤﺎ ﺃﻃﻤﻦ ﺍﻧﻚ ﻓﻰ ﺍﻟﺒﻴﺖ .. ﺧﻠﻰ ﺑﺎﻟﻚ ﻣﻦ ﻧﻔﺴﻚ
ﻗﺎﻝ " ﺁﺩﻡ " ﺑﺨﻔﻮﺕ :
- ﻣﻊ ﺍﻟﺴﻼﻣﺔ
ﻗﺎﻟﺖ " ﺁﻳﺎﺕ " ﻗﺒﻞ ﺍﻥ ﻳﻐﻠﻖ :
- ﺑﺤﺒﻚ ﺃﻭﻯ
ﺻﻤﺖ " ﺁﺩﻡ " ﻟﻠﺤﻈﺎﺕ .. ﺛﻢ ﻗﺎﻝ ﺑﺼﻮﺕ ﻣﻀﻄﺮﺏ :
- ﻭﺃﻧﺎ ﻛﻤﺎﻥ
ﺍﺑﺘﺴﻤﺖ ﻭﺃﻧﻬﺖ ﺍﻟﻤﺤﺎﺩﺛﺔ ﻭﻫﻰ ﺗﺘﻨﻬﺪ ﻓﻰ ﺭﺍﺣﺔ
ﺃﻣﺎ " ﺁﺩﻡ " ﻓﺄﺧﺬ ﻳﻨﻈﺮ ﺍﻟﻰ ﺍﻟﻔﺮﺍﻍ ﺍﻟﺸﺎﺳﻊ ﺃﻣﺎﻣﻪ .. ﻭﻫﻮ ﻳﺴﻤﻊ ﻛﻠﻤﺎﺗﻬﺎ ﺗﺘﺮﺩﺩ ﻓﻰ ﺃﺫﻧﻴﻪ .. ﺗﺸﻌﺮﻩ ﺑﺎﻟﺤﻴﺮﺓ ﻭﺍﻷﺳﻰ
ﻋﺎﺩ ﺍﻟﻰ ﺑﻴﺘﻪ ﻭﺍﺗﺼﻞ ﺑﻬﺎ ﻳﺨﺒﺮﻫﺎ ﺑﻮﺻﻮﻟﻪ .. ﺑﺪﻝ ﻣﻼﺑﺴﻪ ﻭﺗﻮﺟﻪ ﺍﻟﻰ ﻓﺮﺍﺷﻪ .. ﻇﻞ ﻳﻨﻈﺮ ﺍﻟﻰ ﺳﻘﻒ ﺍﻟﻐﺮﻓﺔ .. ﺛﻢ ﻓﺠﺄﺓ ﻗﺎﻡ ﻭﺗﻮﺟﻪ ﺍﻟﻰ ﺣﺎﺳﻮﺑﻪ ﻭﻓﺘﺢ ﺭﺳﺎﻟﺔ " ﺁﻳﺎﺕ " ﻭﺍﻟﺘﻰ ﺃﺭﻓﻘﺖ ﺑﻬﺎ ﺻﻮﺭﺗﻬﺎ ﻭﺍﻟﺘﻰ ﻟﻢ ﻳﻔﺘﺤﻬﺎ ﺑﻌﺪ .. ﻇﻞ ﻳﻨﺘﻈﺮ ﺗﺤﻤﻴﻞ ﺍﻟﺼﻮﺭﺓ ﻭﻫﻮ ﻻ ﻳﻌﺮﻑ ﻟﻤﺎ ﺃﺭﺍﺩ ﺭﺅﻳﺘﻬﺎ .. ﻇﻠﺖ ﺃﺻﺎﺑﻌﻪ ﺗﻄﺮﻕ ﻋﻠﻰ ﺍﻟﻤﺎﻭﺱ ﺑﻌﺼﺒﻴﻪ .. ﺍﻟﻰ ﺃﻥ ﻇﻬﺮﺕ ﺍﻟﺼﻮﺭﺓ .. ﺍﺧﺘﺎﺭﺕ ﺻﻮﺭﺓ ﺑﺪﻭﻥ ﺃﻯ ﺯﻳﻨﻪ .. ﻭﺍﺑﺘﺴﺎﻣﺘﻬﺎ ﺍﻟﻌﺬﺑﻪ ﺗﻨﻴﺮ ﻭﺟﻬﻬﺎ .. ﻇﻞ ﻳﺘﺄﻣﻞ ﻣﻼﻣﺤﻬﺎ ﺑﺈﻫﺘﻤﺎﻡ .. ﻧﻈﺮ ﺍﻟﻰ ﻋﻴﻨﻴﻬﺎ ﻭﺗﺬﻛﺮ ﺃﺧﺮ ﻛﻠﻤﺎﺗﻬﺎ : ﺑﺤﺒﻚ ﻳﺎ " ﺁﺩﻡ .. " ﺷﻌﺮ ﻓﻰ ﺗﻠﻚ ﺍﻟﻠﺤﻈﺔ ﺑﺎﻟﺨﻮﻑ .. ﺍﻟﺨﻮﻑ ﺍﻟﺸﺪﻳﺪ .. ﺳﻴﻄﺮ ﺷﻌﻮﺭ ﺍﻟﺨﻮﻑ ﻋﻠﻴﻪ ﻭﺃﺧﺬ ﻓﻰ ﺍﻟﺘﺰﺍﻳﺪ ﻓﺄﻏﻠﻖ ﺣﺎﺳﻮﺑﻪ ﺑﺴﺮﻋﺔ ﻟﺘﺨﺘﻔﻰ ﺻﻮﺭﺗﻬﺎ ﻣﻦ ﺃﻣﺎﻡ ﻋﻴﻨﺎﻩ
