حسام بعد ما يايسن اتصل بيهو عرفو عاوز ليهو بيت وكانت الصدفه الجميلة انو في بيت في نفس شارع بيت ناس حسام سيدو عارضو للبيع و فعلا اشتري ياسين البيت هدية لي أمو عشان اخواتو وجات امو واخواتو سكنو إلا أخوه لسه في بورتسودان عشان هو زاتو جاي الخرطوم بس عنده ورق بيخلص فيهو ..ومشت حجه صفية بي غداها لبيت أم ياسين واتعرفت بيهم ....انشاءالله نبقي أخوات يختي ...انشاءالله يابت أمي ...وترجع أم حسام البيت وهي مبسوطة شديد من ام يايسن ...اه ما خلاص يا ولدي نحدد اليوم عشان نسافر نعقد صحبك وجاء سكن وكنت عامل دي حجتك انا غايتو بت الصادق دي خايفه منها يوم مشينا اتقدمنا لي مي ابت تمشي معانا و حسيتها غايره وشايله في نفسها خلينا نعقد وأرتاح من همك ....وهي مالها تغير ...يمكن يا ولدي كانت خاطه عينها عليك فاكره انك ح تتزوجها. ...انا أتزوج هاله مستحيل دي وحده .وسكت ...أي شنو أي زكرتني لمن اتصلت علي وانت في دبي قلت لي لمن ارجع ح احكي ليك ...يلا يا ولد احكي هاله مالها ...والله يا أمي حصل أنو هاله كانت في دبي ....دبي بتعمل شنو وسافرت كيف ومع منو ...سافرت براها ومشت تشتغل مع اكبر قواده ....وب علي يا بت الصادق كر علي يا اختي تربيتك ما نفعت تعبتي ساي والبت طلعت لي أمها ....اتلفت عليها حسام ...أمها ....خالتي كانت كدا ...يا ولد تف من خشمك اختي بت رجال ما بتعمل كدا قصدي أم هاله ...أمي انتي بتقولي شنو خالتي ما ام هاله ﻻ يا ولدي دي حكايه طويله حصلت زمان في الحله وأبو عثمان زمان كان عنده صاحبو شديد الي هو عمك الصادق
وكان في الكويت مع عمك أبو عثمان ولمن رجع لقي مرته حامل وكان داير يقتلها بس الجيران حمو وقام شال بتو وطلقها وجاء في نص الليل لي عمك أبو عثمان الكان ساب الكويت نهاي ورجع قبل الصادق ودق عليهو الباب وحكي ليهو وانا كنت ساكنه يادوب في الحله وكنت ولادة اخوك الصغير واختي قاعده تنفسني وانتو كنتو في المدارس وقام عمك أبو عثمان قعدو معاه ويومين والا كان أبوك وأبو عثمان عقدو علي اختي والصادق وفعلا عرسو وسافر الصادق البلد عندنا وقعد في بيت ابوي مع اختي وأمي وبقي شغال ونهاي ما جاء الخرطوم دي نهائ وقدر ما جات مريم لي ناس أبو عثمان عشان هي عارفه انو صاحبو عشان يوريها وين مكان بتها بس هو طردها وكانت كل يوم بتجي وكان بيطردها وبعد فترة بقت ما تجي وسمعنا أنها بقت ماشه المشي البطال دا ...اسمها منو يا أمي أم هاله ....اسمها علي ما اعتقد مريم ...أي مريم ..لا حولا ولا قوة إلا بالله انتي عارفه انو هاله طلعت شغاله مع أمها مريم انا مش قلت ليك هاله شغاله مع وحده قواده واسم المره مريم وبعد القلتيهو دا أزن الأم شغلت بتها وهي ما عارفه معقوله يمكن مريم وحده تانيه ما مريم دي ...غايتو مخير الله ...بس انت يا حسام عرفت كيف مريم دي أوعك يا ولدي تكون بتمشي محلات زي دي ....لا لا يا أمي انا أصحابي حكو لي .وطلع حسام عشان يكلم عثمان ويقول الحمدالله هاله ما طلعت قريبتي واما ام حسام مسكت تلفونها واتصلت علي اختها ... ازيك يا اختي والله انا زعلانه منك كيف انتي تكوني عارفه انو هاله ماشه المشي البطال وما تمنعيها ما خفتي علي بناتك حرام عليك ما انتي ربيتيها. ..في شنو يا صفية يا اختي هاله شغاله في شركة هو شغل الشركة حرام ....شركة شنو طيب انتي كنتي عارفه انو هاله سافرت دبي ...أي عارفه بس مع ناس الشركة برضو ....شركة انتي عارفه هاله كانت شغاله شنو شغاله في الدعارة البت طلعت علي أمها و تتخيلي منو مشغلها ....مريم أمها ....شنو وهي عرفت انو دي امها ...
