رفع جنابو الصورة وعاين لي أسماء ....وفي نفسو هي زاتها وانا اقول شفتها وين معقوله دي أسماء الكنت بشوفها زمان لمن كانت تجي من درس العصر واقعد اشغالها وهي تخجل وتجري تدخل بيتهم ...مستحيل لا لا ماهي اكيد ياخ ما مكن دي تكون أسماء الحبيتها واخترتها من وسط الف وهو بيسمع في عثمان وحسام وحاول يهدي في نفسو عشان يفهم وقعد بس عثمان في اللحظة دي نادتو أم حسام بالحيط عشان يجيها البيت وطلع عثمان وهنا لقي جنابو فرصتو يعرف من حسام وقام سالو قال ليهو دي قصه طويله وحكي ليهو حسام باختصار انو اسماء اتقبض عليه في شقه دعاره واتسجنت وهسي قاعده مع اكبر قوداه و جنابو ما قادر يصدق هو بيتكلم عن منو معقوله عن أسماء لا لا مستحيل دا بيتكلم عن شيطانة بس جاء عثمان وشايل صينيه الأكل بس جنابو استاذن وطلع بحجة عنده شغل وهنا اتصلت بيهو أسماء وشاف رقمها وحسي انو عاوز يستفرغ بس رد عليها عشان هو ناوي يادبها علي كدبها عليهو وعشان خاطر أخوها المسكين ...ورد رد بارد حتي أسماء قلقت من كلامو البارد وبقي عقلها يودي ويجيب ...
بس جنابو بقي لافي بالعربية ويقول في نفسو ليه كل الي أحبهم يطلعو كدا انا عملت شنو عملت شنو وبقي يضرب في الدركسون واتزكر حبيبتو الكانو مخطوبين من وهم عيال كانو جيران واهلهم بيقول انهم لي بعض و كبرو وكبر حبهم وفي ليلة سوده اتصلت عليهو وهي صوتها مخنوق حبيبي عاوزك انك تسامحني وبدأت تحكي ليهو كيف صحبتها ضحكت عليها لمن مشت تزورها وشربوها مخدر ولمن صحت لقت نفسها منتهية ومصورنها وهو يصرخ ويقول انتي وين بطلي كلام وقولي لي انتي وين انا مشيت بيتكم وما لقيتك ...اسمع حبيبي اسمعني وانا بوريك انا وين بعدين طيب احكي وبقو يهددوني عشان اشتغل معاهم وانا انجبرت وخفت من الفضائح و وافقت وبقيت معاهم لحد ما جاني وبقت تبكي تبكي باعلي صوت جاك منو ردي علي ردي يا لما جاني جاني ايدز وهنا اتزكر جنابو لمن سمع كلمة ايدز حسي انو بحلم لا مستحيل يبقي حقيقة ورجع تاني بتزكر باقي مكالمه لما وهي بتقول ليهو انو هي بعد كدا مستحيل تتزوجو أو تتزوج غيره انا خلاص انتهيت بس عاوزه منك انك انتقم لي من هاله هي السبب الله ينتقم منها .... طيب اهدي وريني انتي وين كلميني ....انا في كبري الفتيحاب انا لازم اموت عشان أريحكم مني وقول لي أمي وأبوي يسامحني وتحضن لي أمي شديييييبيد وقول ليها انو انا بحبها ...لما انتي مجنونه أوعك تعملي في نفسك شئ خلاص حبيبتي انا مسامحك وح تتعالجي وح نتزوج وهو بقول ليها كدا ركب عربيتو وبقي سائق بسرعة 180 انا جايك أوعك تتحركي من مكانك ولا تعملي شي نحنا ح نتزوج وح تبقي كويسه ..انت بتضحك علي المرض دا ما ليهو علاج علاجو الموت وانا ليه انتظر الموت احسن اموت ....لا انا قربت منك و عشان تحكي لي عن هاله ومكانها واوعدك ح انتقم منها الو الو حبيبتي ...تووووووت توووووت لما الو ويرجع يتصل وتلفونها مغلق وبقي يدوس بنزين ومشي بأقصى سرعة عشان يلحقها لانو من كلامها عرف قدر ايه نفسيتها كعبة وممكن تعمل أي حاجه في نفسها ويوصل الكبري وهو بعاين زي المجنون بفتش عليها يمين وشمال وفي نص الكبرى يعاين
يلقي العربات واقفه و الناس ملمومه ونزل يجري ويسأل في شنو ويعرف انو في بت نطت من الكبرى وبقي يتصل علي معارفو في الشرطة وفعلا لحد تاني يوم الضهر لقو جثتها ونزلت دمعتو وبقي حزين عليها وبقي يتذكر كيف عرف اسماء وبالرغم انو لما حبيبتو كانت لسه عايشه وسعيد معاها بس هو كأي شاب بتعجبو البت الحلوه و ممكن يعيش ليهو نزوة وحتي النزوه ما قدر يكلمها مع أسماء لانو وصلها وما شال رقمها وبعد موت لما بقي حزين وسافر دبي وهناك لقي أسماء وحسي انو القدر جمعة مع أسماء للمرة التانيه ما صدفه اكيد عشان يعيش ويقدر ينسي لما وفعلا مع أسماء نسي لما أو اتخدر ما بقدر انو يقول نس لما بس علي الأقل أسماء قدرت تطلعو من جزء الحزن وللأسف اتاريهو كان مخدوع وبقي يقول دا زنب لما عشان نسيتها وما انتقمت ليها من هاله ...ايوه هاله ...وبقي يربط الاحداث من يوم ما عرف اسماء وهنا اتزكر كلام حسام وبقي في راسو الف سؤال ما ليهو جواب وحس انو لازم يعرف عن مريم وعادل وأسماء الحكي عليهم حسام الكتير وفعلا عمل تلفون لزميل ليهو عشان يعمل تحريات عن مريم وعن نشاطها وسكنها بعد ما طلعت من السجن وفعلا المقدم زميلو وعدو يجيب ليهو سجل كامل عنهم ..وهو في بالو يمكن يكونو ديل هم نفس الناس الدمرو حبيبتو ...وأسماء تشيل وتتصل بس هو ما برد عليها وبقي منتظر المقدم يجيب ليهو اي خبر عن الموضوع ...ومر كم يوم وكان جنابو في مكتبو وأسماء بتتصل وهو مره يرد ومره ما يرد عليها وفجاءه جاهو المقدم وسلم عليهو ....وماسك ليهو ورق في يده . وقال ليهو والله يا جنابو الناس ديل خطرات شديد وبقي يحكي ليهو وانو عندهم حارس هو الي بشوف كل طلباتهم وعرف عنهم كل شئ وسكان معاهم في نفس العمارة في غرفة تحت .....بس الشقه فاضيه ما بتتردد عليها إلا واحده اسمها هنا في الملف ح تلقاهو كل شئ بالتفصيل ....طيب انا عاوز اشوف الحارس وكمان اعمل لي أزن تفتيش للشقه عاوز اشوفها ...جدا جنابو بكره تشوفها انشاءالله بس في حاجه عاوز أسألك عليها ديل منو يعني عنك علاقة بيهم ....
لا لا بس معرفة زول صاحبي وعاوز اخدمه ....اه طيب الحمدالله انا قلت مستحيل يبقو قرايبك لأنك انت حقيقي مثل لينا في الاحترام والانضباط وشكره جنابو وطلع المقدم ....
يتبع...
