Sky Paradox: Battle of Gangsters

Chapter 1: Babae po ako...

“Ay oo nga pala. Sige Kuya Pogi alis na tayo.” Agad siyang sumunod dito.

“O sige, ako na mag-drive.” Sagot nito at akmang bubuksan na ang pinto sa may driver’s seat nang harangan ito ni Sky.

“Woah. No wey haywey! Ngayon ko na nga lang madadrayb ito eh. Ako na lang magdadrayb.” She said looking at pleadingly.

Napakamot naman sa ulo si Kuya Pogi. “Tsk tsk tsk… Sige na. Tara na.” 

“Yahoo!” Tuwang tuwang hiyaw ni Sky at dali-daling sumakay sa sasakyan. Isa sa mga kinahihiligan ni Sky ang mga sasakyan, mapa-motor man o kotse. Sa murang edad ay natuto na siyang mag-drive sa tulong ng mekanikong nag-aruga sakanya. Maalam din siya sa pagkukumpuni ng mga sasakyan at lagi siyang katulong ng tatay niya noon sa pagpapatakbo ng talyer nito. At nang makilala niya ang mga bestfriend niya ay nakasama niya sa hilig na ito sina Cloud, Light at Thunder and because they could have their desired cars or bike they sometimes let her drive them.

Pinaharurot ni Sky ang McLaren niya ng sobrang bilis kaya naman agad silang nakarating sa kanilang pupuntahan. Ito ang first time na pagpunta niya sa kanyang bagong school pero hindi pa siya papasok sa klase ngayon kahit na isang linggo na rin mula nang mag-umpisa ang pasukan. Kukunin niya lang ang kanyang uniform at iba pang gamit sa school at para na din mai-tour siya sa kabuuan ng High School Department ng Howard University. May kalakihan kasi ang school kaya medyo matagal ding libutin ito.

Tahimik ang school pagdating nila dahil katatapos lang ng recess. Pagkapark ng sasakyan niya ay bumaba na sila at dumiretso sa pinakamalapit na building. Tamang tama namang ang napasukan nila ay ang Admin Building. Tinanong nila ang receptionist kung nasaan ang office ng principal at saka ito pinuntahan. Pagpasok sa loob ng office ay agad siyang nagpakilala.

“Good Morning po. Ako po si Sky kay-” 

“Ah Mam siya po si Princess Aliyah Buenaventura. Kayo po ba ang principal?” Putol ni Kuya Pogi sa sasabihin niya. Hindi pa talaga siya sanay gamitin ang tunay niyang pangalan kaya naman ito na ang nagpakilala sakanya.

Namesmerize ang babae sa taglay na kagwapuhan ng kaharap. Bagay na bagay dito ang messy brown hair nito na halos matakpan na ang mapangusap nitong mga mata kaya naman ganun na lang ang epekto nito sa babae. “Ah g-ganun ba? Ahm s-sige. A-ano… ay teka.” Biglang natauhan ang babae at napalunok muna bago nagsalita. “H-hindi ako ang principal. Secretary niya ako at ibinilin nga sakin si Ms. Buenaventura. P-pero sigurado ka bang siya yan? Mukha kasi siyang lalaki eh.” Anito sabay tingin ng taas-baba kay Sky na nakasuot ng maong shorts na lagpas tuhod at white long sleeve na pinatungan ng makapal na vest. Dagdag mo pa ang chucks nito at ang suot na shades at bonnet, sinumang makakita sakanya ay aakalain talagang lalaki siya.

“Ahehe siya talaga yun.”Ani Kuya Pogi saka bumulong kay Sky. “Ui Sky tanggalin mo nga muna bonnet mo at shades, napagkakamalan kang lalaki eh.” 

“Ano ba yan. Mukha ba talaga akong lalaki?” Ganting bulong ni Sky saka tinanggal ang mga sinabi nito.