و من الحب ما قتل

الجزء 4

ورجعات ثاني كتشرب العصير ديالها و كتشوف فالناس كيرقصو .. شوية تقدم عندها الشخص لي كان مع ديك الانسة و مد ليها ايديه هزاات عينيها شافت فيه كان داير ماسك اسود و كانو عينيه مغطييه و حتا ايمان..مدات ايديها بلا ماتجاوب و قبلت بالرقصة حيت بغات غير متبقاش منبوذة وسط داك العالم .. شدها من ايديها و دار اديه على خصرها ..ايمان ارتبكات وبغات اتراجع و لكن ما بغاتش اظن انها انسانة مترددة و لكن قلبها ارتااح فاش بقاو كيرقصو و الشخص لي معاها كان لابس كوستيم اسود كانت القامة ديالو زوينة و كان راجل بشكله بكل المقاييس اما هو فكان كيشوفيها كيحاول اكتاشف عينيها واخا مخبيين وسط القناع و لكن سرعان ما كيرجع اشوف فمها الشيء لي خلا ايمان تقول فنفسها هادا مالو واش كاينة شي حاجة ففمي ..و كانو عينيه مركزين عليها ..
ايمان حيدات اديها من على كتفو و داتها ناحية فمها وهو يقوليها :مافيك والو غير عجباتني الخالة لي فيك جاتك زوينة ..ابتسمت ايمان باستحياء و قالت ليه:شكراا وهو يقوليها انا اسمي فيصل و انتي جاوباتو :انا ايماان .. سميتك زوينة ايمان ولا كتفضلي نعيط ليك مولات الخالة..
ابتسمت ايمان.. و قاليها:كنتمنى اللوحة لي صفط لك تعجبك راني ما لقيت حتا طريقة نعتادر بها الا هاديك...
وقفات ايمان و مكملاتش الرقصة ولكن فيصل بقا شادها..وقالت ليه:هدا انتا ثاني ؟ ولكن كيفاش عرفتيني؟
فيصل:كنظن هادي ثاني مرة كتسوليني هاد السؤال ولكن غنجاوبك هذا هو الوقت المناسب و هو يحط صبعو على الخالة ديالها قاليها:ها كيفاش كنقدر نعرفك راكي مميزة..
ارتبكت ايمان و استاذنت باش تمشي تجلس و ما اصرش عليها خلاها على خاطرها و مشات شربات كاس ديال الماء كاان قلبها كيضرب بزااف و لكن ما بغاتش تبين انها متوترة بسبابو وقف حداها قاليها:انت لاباس؟
ومن الحب ما قتل
جاوباتو :اه لاباس غير تخنقت حيت الجو هنا مكتظ.
فيصل:جلسي ترتاحي راه ما بغيتش تجيك نوبة ثانية بسبابي ..
ايمان:بسبابك! علاش واثق من راسك بزااف انا ما بيا تا حاجة و دابا غنمشي..
فيصل:مالكي معصبة ؟.
ايمان:مامعصبااش غير خليني مرتاحة بوحدي.
فيصل:واخا وحيد القناع ديالو و حط فوق الطاولة و مشا بقات ايمان دايرة راسها ممهتماش و كانت مزاال ريحة العطر ديالو فشعرها.. حسات انها غادي توقع فشي مشكل بسباب هاد الاحساس و بقات كتامل القناع ديالو و خداتو و حطاتو في الصاك ديالها وبقا كتسنا حتى سلات الحفلة ورجعات للدار بالليل كان كولشي ناعس و دخلات لبيتها و بدلات ملابسها ومسحات ماكياجها و مشات للسرير ديالها و تفكرات القناع و خداتو و كتشوفيه و كتبان ليها صورتو و شمات شعرها و لقات مزاف فيه ريحة العطر ديالو تعصباات و ناضت من السرير بعصبة و دخلات للدوش و بقاات فالبينواار و كتفرك شعرها بالشامبو ما بغااتش ريحتو تبقا فيه و بقات كتعصب و ضحك غير بوحدها حتى شكاات انها غايخرج ليها شي جن هه و خرجات لبسات بنوار تخشات فالسرير ديالها و قالت اووف و اخيرااا غنعس ويالاه سدات عينيها و سمعاات شي صوت في الغرفة ديالهااا حلات عينيها و كيبان ليها شي شبح و من الخوف فركات عينيها باش تصدق وكيبان ليها الشبح كيقرب ليها و معا الخلعة تحبس فيها ثاني النفس و بقاات كتشهق غير بوحدها ما قدراتش تغوط و شعل داك الشبح المصبااح لي حداها و حلات عينيها ولقاتو فيصل .. وغوتات بالجهد وهي تسمع ماماها حدااها ..ايمان فيقي انتي فعار الله ابنتي راه غير كتحلمي فيقي احبيبة و عنقااتها ماماها و ايمان مخلوعة و كتقول لماماها راني وليت مسكونة اماما مسكونة و ماماها كتهدن فيها و خرجاتها للجردة تفطر و قالت ليها سيري عند صاحبتك سهام راه غتكون توحشاتك
واخا اماما انا دبا نمشي يالاه ناضت من بلاصتها وجاي خوها الصغير كيقوليها:واا المسكونة ايمان مسكونة ههه .
ايمان:اجي انتا لهنا و هرب و خلاها تابعاه كيضورو في الجردة بحال الحماق وصلات حدا المسبح و كانت تابعة خوها كيجري و جاي سمير ومريم شادين ليدين وجايين افطرو ومريم ثاني كتعوج فالمشية ديالها ..شوية جا خوها اهرب ليها وهو اتصادم مع مريم لي ماشداتش التوازن ديالها وطاحت فالمسبح ..ايمان تصدمات و بقات كضحك و سمير كيحااول اعاونها وجات مامات ايمان و جا العياس ساعدهم حتى طلعوها و وليد وايمان كيضحكو و هي تخنزر فيهم ماماهم .وهي تقول ل ايمان:انتي دي مريم عطيها شي حاجة تلبسها ..سمحي لينا احبيبة راه هاد الولد ما عندو عقل و مريم كتعوج وكتقلي فالسم..
داتها ايمان للغرفة ديالها و عطاتها شي حوايج و قبل ما تخرج شافت مريم القناع ديال فيصل و قالت ليها:اوووه ديال من هاد القناع ههه باينة فيك ما ساهلاش شي وااحد هدا لي عطاه ليك..و ماجاوبتهاش ايمان خرجاتها و مشات عند سهام..رحبات بيها سهام و جلسو كيتحدتو..
سهام:اواا مبروك الاجازة و النجاح هه دبا خاصك غير الراجل هه.
ايمان:الله يبارك فيك هاني دبا وليت بحالك غير انا ما نقدرش نجلس فالدار..
سهام:ههه انا راه خدامة كنربي اجيال الغذ ههه .شوفي فيااا مخبية عليا شي حاجة راني عارفاك ..ضحكاات ايمان و بدات تتعاود ليها كولش على فيصل.
سهام:باااينة فيك العفريتة طحتي فالشبكة ههه واش كتلاقاو واش عندك رقمو؟
ايمان:لا احبيبة انا وياه لاقاونا غير الصدف واراني حلمت بيه ياكما نكون مسكونة راه وليت كنفكر فيه ..
سهام:وهي كضحك هههه تسكنك جنية رااه الحب هااادااك هزك الماء هههههههه.
ايمان:وااصاافي سكتي ما تزيديش علياا ..وبقاو كيدردشو حتال العشية و خرجات ايمان وملي طلعات لسيارتها
واخا اماما انا دبا
بدا تلفونها كيصوني و هي تشوف رقم مجهول..
ايمان:الو شكون معايا؟.
المتصل:مولات الخالة دغيا نسيتيني ؟.ارتبكت ايمان.وقالت ليه ااه انتا لي كنتي فالحفلة البارح فيصل ياك؟.
فيصل;اه هو انا ممكن نشوفك دباا؟.
ايمان:وهي باغا تشوفو لكن تراجعات وقالت ليه انا دبا مشغولة هاد العشية.
فيصل:نتسناك حتى تسالي اكن خاصني نشوفك اليوم ضروري..وافقات ايمان اتلاقاو مع السادسة فواحد الكافي و ملي وصلات الستة تعمدات انها تعطل عليه شوية لقاتو كيتسنا ..وسلمات عليه..وجلسات .طلبات عصير و جلسات تتشوف من النافذة ريتما يهضر..
فيصل:ايمان انا بغيت نقوليك شي كلا ما بغيتش نبقا نضور عليك..
ايمان:ااه خود راحتك تفضل انا كنسمع..
فيصل:ايمان انا بغيتك للزواج..
ايمان ما صدقاتش بقات مصدومة .. و بغات تنوض ولكن فيصل شدها وقاليها:جلسي بغيت الجوااب دياالك.. دابا و حيت هو عندو واحد السلطة و الجاذبية ما قدراتش تنوض و بقات غير كتشوف..
ايمان:اناا ما كنعرفكش باش.. ماكملاتش هضرتها و قاليها :عطيني فرصة نتعارفو وانا غنجي لداركم وقتما رتاحيتي لياا..
ايمان:ما نقدرش نجاوبك دبا..وقاليها:خودي الوقت الكافي ديالك انا غنتاصل بك فاش نكون مستعد نسمع الجوااب ديالك و مشات ايمان لدارهم والطريق كلها ما عرفات راسها علاش فرحانة ومرتبكة حساات بكاع الاحاسيس ودخلات لبيتها و صل الليل هبطاات تعشا و طلعات لبيتها بقات تتشوف فاللوحة و كتفكر فيه..وشوية كاتسمع تلفونها كيصوني..
ايمان:الوو.
فيصل:كنظن غتكوني فكرتي بما فيه الكفاية الى شفتي غير فاللوحة غادي تقرري تعطيني فرصة..شنو جوابك دابا..
ايمان: ما عرفتش نتوكلو عالله .
فيصل:الله على خبر سمعتو ههه كوني متاكدة عمرك ما غتندمي..
ايمان:نتمنى ما يوقعش هادشي ..يالاه دبا غنعس بون نوي..
فيصل:بون نوي غدا غنشوفك اكيد