و من الحب ما قتل

الجزء1

في دار اسرة المنصوري....
الخادمة:مدام فيروز راه الغذاء واجد
فيروز: واخا يالاه كلمي الولاد راهم فالحديقة.
الخادمة:واخا الالة.
.......في الحديقة.... الخادمة:لالة ايمان !سيدي وليد راه الغذاء وجد يالاهو تغداو !!
ايمان: واخا ها حنا جايين دبا ...وليد يالاه باراكا من الصباح وانت كتعوم ..
ايمان شابة فعمرها 22سنة  طموحة و فيها الحيوية لي كتكون فالشباب .. كتشبه لماما الزين تبارك الله و الهمة باينة عليها بالاضافة انها تملك عينين في لون الذهب شعرها بني غامق وبشرتها بيضاء بزاااف لكن بسباب اشعة الشمس اكتسبت لون اغمق شوية لكن اكثر ما يميزها الخالة لي حدا فمها لي عطااتها جاذبية اكثر تدرس الاقتصاد و هدا اخر عام ليها فالاجازة ..
اما وليد اخووها الصغيرلي فعمرو 16عاام كان مختلف بزااف على ايمان اشهب الشعر و كيشبه للاب ديالو بزااف ...
وليد:هاني جاااي و كيمسح بالفوطة.
وقفاات ايمان و جمعات شعرها و دخلات للمنزل و جلسات على الطاولة و جلس وليد و الاب ديالهم و الام .
الام:اخر مرة تعطلو على الغذاء مفهوم .
وليد:مفهوم اشاااف هل من اوااامر تانية؟
الام:شافت فيه بمكر و هي تبتاسم ااه الى تغديتي سير راجع دروسك انا اليوم غادية الجمعية واخا نجي نلقاكم درتو تاني شي مشكيل .
الاب:تفضلو كلو راه العذاء كيبرد.
ايمان:نساليو الاكل و نهضرو شوية  بسم الله.وهي تغمز لخوها وليد هههه .
بعد الغذاء ...
ايمان:ماما بغيت نقوليك راني غادي نمشي نشوف سهام راها مزال فالمستشفى و غادي نتعطل شوية .
الام:اوا عنداك وصي خوك ابعد على سمير راه غادي يجي راعيو ليه شوية راه ولد خالتكم راه سطتوه مسكين ..
وليد:كوني هااانية اماما هههه و غمز ايمان 
خرجات ام ايمان للجمعية و الاب ديالها مشا للشركة ..طلعات ايمان للغرفة ديالها و هي تهز الهاتف طاسلات بسهام ..
ايمان:الو حبيبة سافا كيف بقيتي؟.
سهام:سافا احبي وانتي؟.
ايمان:لاباس يالاه لقستيني بغيت نجي عندك واش انتي بوحدك؟..
سهام :لا راه معايا ماما دابا و شي ناس غيزوروني .
ايمان:اووه صاافي حتا كاع امشيو و صوني ليااا والى بقات ماماك حتا الغذا و ندوز عندك.يالاه بيزو..
سهام:نشوفك من بعد ..
فهاد اللحظة دخل وليد :واش نقدر ندخل؟
ايمان:راالك دخلتي غير زيد قول لاش كتخطط ثاني ؟؟ههه .
وليد:هااانتي كتفهميني ههه اصلا بوحدك لي كتفهميني فهاد الدار ههه راه جا سمير ههه .
ايمان:اش ناوي دير ليه ثاني مسكين رااه اخر مرة كان عندنا عذبتيه ههه.
وليد:رااه ما كنحملوووش عااايق بزاااف راه دخل دبا لبيتو ههه .
ايمان:يالاه نشوفو لاش كيخطط ثاني ..وخرجو من الغرفة مشاو كيتنصطو قدام باب الغرفة و سمعوه كيهضر فالتلفون ههه فهمو انه كيهضر مع خطيبتو مريم ههه .
وليد:يالاه للجردة عندي وااحد الخطة ههه
ايمان:يالاه ههه انت راااك رضيتيني مرااهقة بهااد التصرفات ديالك هه .
خرجو بجوج للجردة و قفو مقابلين مع نافذة ديال غرفة سمير و هو يجري وليد جاب السلم و دارو ..
وليد:يالاه طلعي ههه.
ايمان:انااا لا طلع انتا نيت هه اااف وا هاني طالعة ..
وليد:انا غنتبعك ههه .و طلعو بجوج و قفو فالبالكون و سمعو سمير كيتغزل فخطيبتو :حبيبة راكي نور عيني و مكنبغي غيرك ..
و شوية و هو يسمع صوت جااي من شي بلاصة :حبيبي ممكن تعطيني البنوااار ..
ما فهم سمير واالو .عرف ان القصة فيهاا مقلب ..
مريم:يااك الغدار شكون ديك خيتي لي معاااك؟؟
سمير:حبيبة والله...
وهي تقطع عليه  مشا خرج من الغرفة كيقلب على وليد و لكن تصادم مع ايمان لي كانت طالعة فالدروج:مااالك 
سمير:فين هو داك العفريت ديال خووك؟
ايمان:مشا للمدرسة..
سمير:رجع لبيتو و هو كيحاول اتاصل بخطيبتو يصالحهاا...
اسمان وصلات لبيتها و بقاات كضحك خرج وليد من الحماام و بقا كيضحك هههه مسكين كون رااه كيصالح خطيبتو غيكلفو هادشي شي هدية غاالية ههه.
ايمان:اكيييد هههه مهم سير تراجع دروسك راه صونات عليا سهام نمشي عندها دبا بسلامة خلي شوية ديال البسالة حتا نجي هههههههه.
............... بدلات اسمان حوايجها و لبسااات واحد الكسوى خضرااء و ربطات شعرها بمشبك اسود و خرجات  ركبات سيارتها و خرجاتها من الكاراج و اتجهت للمستشفى ....
وصلات المستشفى دخلات لغرفة سهام سلمات عليها:اهلا حبيبة كيف بقيتي و كيف بقا البيبي ياكما كيدير البسالة ..
حطات سهام ايديها على كرشها:واخا كيدير شوية ديال الدوخة لكن راه احساس الامومة ما كاينش بحالو ..العقبة ليك حتا نتي ههه .
ايمان:انااا مازااال راكي عارفاني راسمة ضورة فارس احلامي جاااي على حصاان ابيض ..
سهام:انا هاد الزهر عندك باين ليا جاي على حمارة عرجاء ههههن.
ايمااان:خليتي نمشي راه الليل هادا ههه ههه المرة الجاية تخلصي ههه .
سهام:اجي واش تقلتي اجيي .
ايمان:بيزو حبيبة و سلمي ليا على البيبي ههه
خرجاات ايمان من المستشفى و ركبات سيارتها كانت الساعة التاسعة ليلا و بقات غادية فالطريق وهي كتغني و كل شوية كتبتاسم وصلات للضوء الاحمر و بان ليها الصف طويل و هي دخل من واحد الزقاق باش تختصر المسافة..دخلات مع الزنقة و فجاة سكتات الطوموبيل ..
ايمان:ااااوووف دبا وقتك انت ما هادي حتا هي اووووه ..
خرجات من السيارة و هيا كتحاول تشوف فين كاين المشكل وسمعات شي حد تكلم من وراها تلفتات لقاتو شي شاب كيقوليها:باينة الانسة ما كتفهمش فهادشي جاوباتو:صراحة ماعرفت مالها .
#بتبع
ومن الحب ما قتل
الشاب:انا غادي نحاول نصايبها و بقا شوية كيخربق فيها و قاليها يالاه خدميها!!.
ايمان دخلات و خدمات السيارة و فرحات و قالت ليه شكرا بزااف على المساعدة ديالك ما عرفتش كيفاش نشكرك...
الشاب:قرب ليها و بقا كيشوف فيها:لا كااين كيفاش تشكريني غير الى كنت ماكتفهميش..
ايمان تخلعاات و حاولات ما تبينش ليه هادشي وقالت ليه:انا غانمشي دبا و يالاه بغات تطلع و هو يسد الباب و شدها من ايديها:يالاه تحركي قدامي بلا ما تعصبيني..
ايمان:طلق مني واش نتا حمق  عاافاكم شي واحد اعاوني..و فجاة لمحت شي حاد كيهبط من سيارتو و متجه جيهتهم
الشاب تخلع و دار ايديه فعنقها وطبد ليها السنسلة لي كانت دايرة و هرب .
جا الشخص لي سمعها و وقف حداهاو قاليها:ياك لاباس ا مدام ؟ .
ايمان:شي واحد حاول يتعدا عليا و هي دايرة اديها على عنقها من الالم ..
الشاب: و انتي اش خرجك فها الوقت المتاخر بنات الناس مكيوقفوش هنا .. على كل و شاف فيها:سيري لداركم راه حالتك كتجبد اي واحد اتبسل عليك .و تم غادي .ايمان مارضاتش ملي قاليها هاد الهدرةو جاوباتو: مااال حالتي انا حرة فراسي انت لي متخلف و اصحاب كاع الناس بحالك .. ما جاوبهاش و خلاها معصبة و كتنعل فحظها اليوم طلعات لسيارتها و ديمارات و الطريق كلها كتفكر فلي وقع ليها و قاالت بلي ذنوب سمير لي خرجو فيها..وصلات لامام الفيلا و دخلات للدار لقاتهم كيتعشاو سلمات عليهم و استاذنت انها عيانة و خاصها طلع لبيتها ترتاح حيت غذا عندها الكلية فالصبااح .. دخلات للغرفة ديالها و بدلات ملابسها و هي تنعس و فالليل جاها كابوس فاقت مخلوعة لكن رجعات نعسات ..
فالصباح الباكر فاقت مع السابعة لبسات شميز زرقاء مع سروال ابيض و طلعات شعرها على شكل ذيل الحصان و هبطات فطرات و لقات بلي السيارة ديالها  خسرات ثاني ..