حبي مثل المتاهه

البارت الثالث

مصطفي قاعد مع فرغلي (العريس الي شمس ضربته) ودماغه مربوطة لانها فتحتهاله بالزهرية!!!
فرغلي:آآآآآآآآه شوفت بنت اختك المتوحشة عملت فيا ايه؟
مصطفي:معلش حقك عليا انا... سامحها الله يخليك دي متقصدش
فرغلي:متقصدش؟؟؟؟؟؟؟؟؟؟؟دي كسرت الزهرية علي دماغي
مصطفي:معلش حقك عليا امسحها فيا انا
فرغلي:آآآآآه يا دماغي.....انا لا يمكن اسكت طبعا انا عملتلها محضر في القسم
مصطفي:ايييه؟لالالا حرام عليك دي بت بسكوتة ومتتحملش بهدلة الاقسام
فرغلي:ليه هو انا بتجني عليها ؟؟دي لازم تتربي في القسم علشان تعرف ان الله حق....انا ماشي
ويذهب فرغلي
مصطفي:يلا في ستين داهية....يا وقعتك السودا يا شمس هتروحي في داهية

في اليوم التالي شمس في عملها
شـمـــس:الحمدلله قبض المرتبات انهارده اخيرا بقي هفكها علينا شوية واجيب لوازم البيت
رنا:طب فكيها علي نفسك حتي وهتيلك كام طقم حلوين
شـمـــس:الشهر الجاي
رنا:كل مرة بتقولي كده
شـمـــس:معلش بقي لاوازم البيت هعمل ايه؟
رنا:ماشي يلا نروح نقبض بقي ونروح
شـمـــس:يلا بينا
رنا:بقولك
شمس:ايه؟
رنا:انتي هتروحي بايه؟
شـمـــس:الاتوبيس هو فيه غيره
رنا: ما تيجي اوصلك بعربيتي
شـمـــس:لا ياستي شكرا انا بحب اركب الاتوبيس
رنا:ماشي يلا
شـمـــس:يلا
شمس بعد ما تقبض مرتبها هتركب الاتوبيس علشان تروح
ونادر بعد ما قبض مرتبه بردو هيركب نفس الاتوبيس!!!
واحد هيجي فاجاة ونادر وشمس واقفين جنب بعض وينشلهم هما الاثنين!!!!
شمس مش هتاخد باله وهتنزل من الاتوبيس ونادر هو الي هياخد باله
نادر باعلي صوته:حرااااااااااامي حراااااااااامي

شمس في منزلها رضوي وسلمي مستنينها
رضوي:هااا قبضتي المرتب؟
شـمـــس في سعادة:الحمدلله قبضته اووووف
سلمي:طب ايدك بقي علي 500 جنيه مصروف ايدي
رضوي:وانا كمان عايزة مصروفي
شـمـــس:يا جماعة اهدوا الكل هياخد الفلوس وفي الاخر كله مصروف عليكوا
رضوي:ماشي ياستي هاتي بقي خلصينا
شـمـــس:حاضر حاضر
شمس فتحت الشنطة بتدور علي المحفظة ومتلاقيهاش!!!
شـمـــس بفرزع:المحفظة!!!! المحفظة فين؟؟يانهار اسووود
سلمي:يا مصيبتك السودا ...ضيعتي المرتب
شـمـــس:يالهوووووووووووووووووووووووي المرتب طاااار انا اتنشلت

نادر في القسم امام الضابط مع بعض الركاب بعد ما مسكوا الحرامي
الضابط:طلع الي سرقته ياض
الحرامي يطلع الي سرقه
الحرامي:انا ماخدتش غير حاجة الاستاذ ده الي نزل فيا ضرب هو وواحدة تانية بس محفظتها وقعت مني وانا بجري
نادر نسي ان محفظت شمس معاه وفضل ساكت وهو بيبص لحرامي
Flash back>
الحرامي لما كان بيجري وقعت منه محفظة شمس ونادر لقاها وحطها في جيبه
Back◄
الضابط بسخرية:اه طبعا ملحقتش تكمل علي بقيت الركاب....عسكري!!!
العسكري:تمام يافندم
الضابط:خده علي الحجز
العسكري ياخد الحرامي علي الحجز
الضابط:انا متشكر جدا يااستاذ نادر
نادر:علي ايه انا معملتش حاجة
الضابط:اتفضل محفظتك...اما بقي بالنسبة لمحفظة البنت الي بيقول عليها فا احنا ملقنهاش معاه ولا لقناها في حتة
نادر:طيب تسمحلي انا استاذن
الضابط:اه تمام اتفضل مع السلامة
نادر يسلم علي الضابط ويمشي
نادر خرج من عند الظابط وروح بيته
نادر وهو بيغير هدومه المحفظة وقعت الارض ونزل جابها
نادر:يانهاااار ابييييض ده انا نسيت اقوله ان محفظة البنت الي الحرامي قال عليها معايا.....مش مهم انا هروح علي العنوان الي في البطاقة الي في المحفظة واوديهالها

شمس في منزلها
شـمـــس:اه يا حوستي السوداااااا يالهووووي المرتب طار طار طار خلاص هنشحت مش هنلاقي ناكل هنتسول ونمد ايدينا لليسوا والي ميسواش
سلمي:ما خلاص بقي ياشمس الي حصل حصل
شـمـــس:كان لازم يعني اركب الاتوبيس ....ماله التوك توك وحش؟؟؟
رضوي:خلاص بقي الي راح راح راح ومع السلامة يا فلوس
شـمـــس:والمتعوس متعوس آآآآآه يا فلوسي ياني يامه ويارتها جت علي الفلوس وبس ...ده المحفظة والاوراق وكل حاجة يخربيت كده
سلمي:خلاص بقي روقي متقلقيش كله هيتعدل باذن الله....انا قايمة
شـمـــس:رايحة فين يا سلمي وسايبة اختك هتموت من القهرة؟؟
سلمي:رايحة اعمل شوية حاجات
وتذهب سلمي
شـمـــس:بت واطية من يومك....رضوي حبيبة قلبي هي الي هتقعد معايا تواسيني
رضوي قاجاة تتاوب
"تصبحي علي خير يا شمس"
وتذهب رضوي
شـمـــس:اتفو عليكوا ...انا ايه الي مقعدني كده؟ انا هدخل انا كمان دي حاجة تفلق

سلمي في اوضتها تتحدث في الهاتف
سلمي:ايوة يا حبيبي انا معاك.
ماجد:كل ده بتصل بيكي قافلة الموبايل ليه؟
سلمي:معلش اصل كنت قاعدة مع اخواتي
ماجد:تمام...ايه هشوفك في الكلية بكره؟
سلمي:ان شاء الله
ماجد:انا مش عارف لو مكناش في نفس الجامعة كنا هنتقابل ازاي؟
سلمي:يااااا ساعتها لو ربنا عايز نتقابل هنتقابل مهما يحصل..قولي صحيح فاتحت اخوك في موضوعنا؟
ماجد:لا لسه اصله خطب ياستي عقبالنا
سلمي:بجد؟؟؟؟طب الف مبروك
ماجد:الله يبارك فيكي...بس خطب ايه واحدة بقي سليلة الحسب والنسب وقال ايه عايز يسبها علشان قالتله هتبوس ايد ابويا
سلمي:هههههههه اخوك عنده حق ده عنده مبدا وكرامة
ماجد في سره:الله ده انتي طلعتي من عينته بقي!!
سلمي:طب اقفل دلوقتي علشان عندي مذاكرة
ماجد:طيب سلام
سلمي:سلام
رضوي تدخل فاجاة
"كنتي بتكلمي مين؟"
سلمي:وانتي مالك انتي؟
رضوي:الله مش ده بقي زميلك الي كنتي بتحكي عليه؟
سلمي:ايوة وهيخطبني قريب
رضوي:ايه بتحبيه؟
سلمي:بت انتي لسه صغيرة علي الكلام ده وروحي يلا نامي عندك مدرسة
رضوي بتهديد:ماشي الصبح بقي اقول لشمس علي الفطار علشان اطمنها عليكي
سلمي بخضة:لالالا ونبي اوعي تقوليلها حاجة
رضوي:ماشي... وتحكيلي علي المكالمة والي بينكوا؟
سلمي:ماشي يا مفعوصة ....بتمسكيني من ايدي الي بتوجعني؟
فاجاة الباب يخبط وشمس قاعدة في الصالة
"وده مين الي جي الساعة دي"
شمس تروح تفتح الباب تلاقي عسكري في وشها
"انتي شمس عبد الحافظ"
شـمـــس:ايوة انا
العسكري:مطلوب ضبط واحضارك
شـمـــس باندهاش:ايه؟؟؟؟