Daig pa ni Sabrina ang pinagsakluban ng langit at lupa nang maghiwalay sila ng long time boyfriend niyang si Reggie. Wala na siyang inatupag kundi ang magmukmok. Hanggang makilala niya ang super-guwapong model friend ng best friend niyang si Kurt---si Vince Morel.
Guwapo si Vince Pero suplado naman, Ang ipinagtataka niya ay bakit sa kanya lang ito ganoon. Kaya sa inis niya ay nangako siya kay Kurt na sa susunod na pagkikita nila ni Vince ay tatarayan din niya ito. Pero paano gagawin iyon ni Sabrina kung sa isang halik lang ay tumitiklop na siya at nakakalimutan na ang pagkaiinis dito.
Magkatotoo kaya ang sinabi ni Kurt na sila ang nakatadhana para sa isa't isa? Hmm ... sana.
