آهات الحب

بارت 16

رجعنا لفندق ونعسنا
....اليوم داز على مجيتي لرانس 6 ايام ليوم غادي نمشي لداري جديدة لي على ماسمعت فيلا صغيرة ولكن تصميمها عصري
هزيت ليفاليز ديالي و خديت طاكسي ومشينا نزلت وانا فرحانة ههههه متصدقونيش قلبي كيضرني فكراتني فعزيز وفدارنا... اهئ اهئ اهئ توحشتوا قلبي كيتقطع عليه كنبغييييييييييه اعباد الله كنموت بلى بيه علالالاش زمان مرحمناش علالالاش فرقنا اهئ اهي ولمن دابا لاش كنبكي صافي هو فعالم وانا فعالم عالمي انا وولدي ......مسحت دموعي وحليت الباب بعدما سميت الله وقريت المعوذتين دخلت عيني بغاو يحوالوا 😍😍 وااااااو هادي داري واعرة واعرة بزاف لحت ليفاليز وكنقلب فدار قنط بقنط كولشي فيها كيحمق وصلت لبيت ولدي لي كان خيالي صرعوه ديال بصاح وبيت نعاس ديالي لي كان تحفة تصميم واعر وخطيييييير
اول حاجة درتها خديت دوش ليا و لودي ومن بعد بدلنا حوايجنا ونزلت لكوزينة وكنسمع صونيت ومشيت حليت و كنتفاجئ بجوج عيالات اجنبيات وحدة كبيرة فالعمر وحدة صغيرة شوية
انا:اهلا
المراة الكبيرة:كنقدم ليك راسي انا مادام نينا مربية
المراة2:انا مادموزيل اليزيا خادمة
انا:متشرفين تفضلوا متبقاوش واقفين برا
دخلوا بعد ما تشكروني الصراحة كيدخلوا الخاطر
انا:انا مادام هناء
نينا:انا مربية وعندي خبرة فهاد المجال هادي مدة وانا كنمارس هاد المهنة وبطلب منك جينا الشركة لي سيفتاتنا
انا:مركبا
اليسا:انا خادمة وانا كذلك مدة هادي وانا كنمارس هاد المهنة وليا الشرف نكون تحت امرم امادام
انا:الشرف ليا .......
انا:مادام نينا غادي نجيب ليك ولدي تشوفيه
نينا:واخا مادام
مشيت جبتوا كيف شافتوا طارت عليه بتعنيقة وتبوس فيه حمقها
نينا:ولدك زوين بزاف وهادئ
انا:شكرا .....مادام اليزيا نوريك الكوزينة
اليزيا:واخا لالة
انا:عيطيلي فقط مادام هناء لالة ماكاين لاش
اليزيا:من لطفك مادام هناء
...وريتها الكوزينة وبداو خدمتهم انا خرجت لصالون قاديت حالتي ومشيت جبت طموبيلتي BMW m7 باللون الاسود الصارخ لي خلاتني بلى عقل ورجعت لدار فالعشية طلعت عند ولدي وجلست نلعب معاه حتى وجدات اليزيا العشا ونزلت حطاتو فوق الطبلة ومشات لكوزينة
انا:ماداموزيل اليزيا اجي
اليزيا:نعم مادام انا فالخدمة
انا:من اليوم انتي ومادام نينا غادي تبقاو تاكلوا معايا واخا
اليزيا:لا مادام مانقدرش
انا:عتابريني صديقتك وانا بغيت صديقتي تاكل معايا
اليزيا:هذا من لطفك مادام
انا:عيطي على مادام نينا تجي تعشا معنا
طلعات عيطات ليها فرحوا بزاف وحتى انا فرحت منين لقيت لي يونسني
من بعد العشا طلعت لبيتي نعست
.....اليوم فقت وانا مرتاحة نضت دوشت لولدي ورضعتوا وخليتو لنينا تكلف بيه وانا وجدت راسي ....لبست عباية كحلة وفولار حمر مع نضارات شمسية وصباط عالي بالاسود وهزيت صاكي ونزلت فطرت وخرجت ركبت فطموبيلتي وتاجهت لشركة
وصلت وطلعت فالمصعد وصلت لمكتب المدير استأذنت ودخلت (المدير فرنسي الجنيسية بوgوس وكيحمق سميتوا ديف عمروا 37 عام عندو طلة واعرة صارم فالعمل ديالوا) استقبلني مزيان ووراني المكتب ديالي الصراحة ونعم المدير
....اليوم حاولت نتأقلم مع خدمتي جديدة كنحاول ننسى كل احزاني و معاناتي ونشغل راسي بالخدمة وولدي فقط باش مايبقاش ليا الوقت فاش نفكر فالماضي وفعزيز وفعائلتي .....وصلات وقت الغدا ومشيت لمطعم بوحدي وطلبت الغدا وانا كنتغدا وقفات عليا شابة اجنبية زوينة وطويلة شهبة وملامحها بساط حوايجها مامستورين ما معريين ههه
الشابة:السلام يمكن نجلس معك
انا:بطبيعة الحال تفضلي
جلسات وطلبات غداها
الشابة:(مدات ايديها)انا سميتي اليكساندرا ويمكن تقولي ليا غير اليكس وانتي
انا:(مديت ايدي حتى انا وابتسامة عريضة)انا هناء متشرفين
اليكس:انتي مسلمة
انا:اه مسلمة
اليكس:انا ما تابعة لأي ديانة وانا الاب ديالي فرنسي وماما مكسيكية نص نص هههه
انا:ههههه لاحضتها عندك جمال المكسيكيين وطلة واناقة فرنسية
اليكس:ارتاحيت ليك يمكن نكونوا صحابات
انا:وعلاش لا شرف ليا اليكس
اليكس:عازبة او مزوجة
انا:(مزلوا دموع من عيني منين سمعتها😭😭😭)
كنت مزوجة ولكن دابا طلقت
اليكس:اوو سمحيليا امتى تطلقتي واش هنا فرانس
انا:لا طلقت فالمغرب قبل مانجي لرانس كلفت محامي بالقضية بعد ماعطيت موافقتي
اليكس:اسغة
انا:ماشي مشكل
...خدينا اطراف الحديت حتى سالى وقت الغدا رجعنا لخدمة وحنا كنضحكوا دخلات ليا لخاطري بنت زوينة وطموحة وكتدوي بزاف على ماعرفت معجبة بالمدير وكتحماق عليك
...رجعت بعد نهار طويل لدار عيانة جلست مع ولدي شوية كنلعبوا ونعست.... ........
..........هكا ولات حياتي الخدمة وولدي.... كنحاول نبين راسي قوية قدام كولشي ولكن انا بيني وبين نفسي محطمة مكتأبة منعزلة وحزينة ....عمرني ماحاولت نتاصل بعزيز ولا عائلتي ماعنديش الشجاعة خايفة نضعاف ونزيد نتألم من جديد ....تعرفت بزاف على اليكس لي ولينا ديما مع بعض مكنتفرقوش خصوصا ان دارها حدا داري ديما عندي او عندها كنسهروا بجوج وكنخرجوا بجوج بطبيعة الحال ديما ولدي معايا وهو كيبكر قدام عيني حياتي تبدلات غير شكليا وحتى انا تبدلت زدت زيانيت وحليت ووليت اكتر اناقة وجمال الحمد الله ...اما قلبي باقي كينبض باسم عزيز لي عمري ننساه واخا تفوت قرون حيت هو ساكن فدمي وكيجري فعروقي ...........................
🌺 بعد 5 سنوات 🌺
يمكن نقول حياتي تبدلات ولكن سؤال واش لأحسن ولا الاسوأ انا براسي ماعرفاش ولكن انا فهاد السنوات تعلمت كيفاش نعتمدت على راسي تعلمت نعيش وبلى مانحتاج حد لقيت راسي ولقيت ذاتي فهمت بلي الخياة ماكتوقفش عند العترة الحياة كتستمر بغينا ولا كرهنا ولي مطلوب منا نسايرو الوقت ونعيشو الحاضر ديالنا نحاولوا نساو الماضي ونوجدوا لمستقبل (الحياة ماغاديش تسناني لا انا و لا انت ) مغاديش نقول لقيت السعادة حيت السعادة ما متلقاش السعادة كتمس وكتعاش انا عشت سعادة منين كنشوف الكتكوت ديالي كيكبر قدام عيني وكيزيان ولا راجل نسخة على باباه .....اهي اهئ😭😭😭 حبيبي عزيز باقي فقلبي مابغاش يخرج حبي ليه كل نهار كيتزاد وعمروا ينقص واخا تمر قرون وعصور حيت هو كيجري فدمي هو ساكن روحي هو ديما معايا كنحس بالوجود ديالو واخا بعيد عليا .......كنتوحشوا وكنفتقدوا اه كنحتاجو يكون معايا طول هاد السنين كنحاول نبين راسي قوية قدام ولدي وقدام الناس ولكن انا ديما ضعيفة وحزينة ومكتئبة كل ليلة وكل صباح كنفكر فيه وكنبكي بيني وبين نفسي .......كل مرة كنشوف مراة وراجلها كيضحكوا 💑 كنبكي😭😭😭 .... وكل مرة كيمرض ولدي فالليل كنبكي 😭😭😭 ....... اول مرة ولدي نطق كلمة بابا بكيت وبكيت 😭😭😭 ولكن ولدي كيقويني او بالاحرى كنحاول نقوي راسي على قبلوا
قدراتي ومهارتي فالعمل زادت تطورت وتحسنات وانا زدت زيانيت وحليت و الكتكوت ديالي كبر وزيان ولكن مشاغب من درجة الاولى👿 ولكن ضحوكي وذكي وطموح وموهوب
اليوم عيد ميلاد ولدي الخامس🎉🎂 زوقنا الجردة على دوق فؤاد واليكس لي هتمات بكولشي من الحلوى وديكور وملابس ولدي ههههه اليكس هي ديما مضاربة مع فؤاد بحال المش🐹 والفار 🐀 .....انا لبست عباية فالموتارد بارد والبيض وفولار فالموتارد صباط فالابيض عالي مع مكياج خفيف💄 وفؤاد لابس سروال كحل وقميجة بيضة وصبرديلة بيضاء وتريكو زرق حا كيحمق وع ضحيكة لي كتخليني بالعقل والبوزات ديالو لي كتسالي معايا ماشاء الله عليه وخلاص
فؤاد:(حاط ايديه فجيبوا)اووووو ماما راك جيتي كتحمقي
انا:ربي يخليك ليا احياتي الكتكوت ديالي
فؤاد:ماما الف مرة كنقول وكنعاود الكتكوت لاش راني راجل مابقيتش بعلوك
انا:هاي هاي على الراجل ديالي
فراد:ما علينا يلاه الناس حاو وعلى فكرة صديق ديالي فيكتور عرضت عليه لعبد ميلادي نبغيك تعاملي مزيان
انا:(خنزرت فيه😒)واخا وهاد الصديق ديالك شحال فعمروا واش كيقرا معك
فؤاد:لا هو اخ زميلتي ف روض تعرفت عليه فعيد ميلادها وعمروا 36 عام
انا:😲 اويلي على قدك كيتساخب مع لي عندو 36 عام واش حماقيتي
فؤاد:وكيف جيتك راني راجل ونتصاحب مع لي بغيت
انا:جات معك المهم يلاه نزلوا الله بدوز هاد الليلة على خير وصافي
نزلنا وجاو الناس والاطفال اليكس لابسة غوب فالصفر وقصيرة وشعرها دايراه على جنب ومكياج تقيل بزاف واكن جات كتحمق بداو الالعاب والاغاني وجا البهلوان لي قتلنا بالضحك
انا:فؤاد فينهوا صاحبك ماجاش
فؤاد:تفووو ماصدقش
البهلوان:ههههه فؤاد هاني علاش حتى ماصدفتش
فؤاد:😄 هههههه جيتي واش انت هو البهلوان اصاحبي
البهلوان:ويييه هو انا نمشي نغسل وجهي ونجي
مشا غسل وبدل حالتوا وجا واااااااااو شفتوا بغيت نعواج😍😍😍 ناري كيحمق وغزاااااال كولشي لي فالحفلة حل فمو فيه ولكن راه زوين بزااااف
فبكتور:(مد ابديه ليا) كنقدم ليك راسي انا فيكتور صديق ديال ولدك فؤاد
اتا:غير حلا فمي وااو واش بغا يتجمع ليا ولا الهضرة بغات تخرج هههههه
فؤاد:ماما جمعي غمك راه عينيك غادي يحوالوا ههههه
انا:😠 فؤاد
فيكتور:هههه ماديش عليه
ليه غير دري
انا:(بادلتوا السلام) متشرفين انا هناء .....
فيكتور:ليا الشرف انسة هناء
انا:(وايلي باي باي عزيز ههههه😜)هههه شكرا ليك فرحتي الاطفال
فيكتور:(هز فؤاد ) انسة هناء سعداتك بهاد الوليد
انا:شكرا على المجاملة فيكتور
اليكس:(مدات ايديها ليه)سلام فيكتور انا اليكس صديقة هناء
فيكتور:(حط ايديه فايديها) مشرفين اليكس
فؤادطلب من فيكتور ينزلوا ومشا لعند اليكس نزلات لعندو وشدها من وذنيها
فؤاد:انتي علاش كتسالمي معاه
اليكس:شوف البعلوك خليني عليك
فؤاد:من اليوم عمرك تسالمي مع تواحد راك انتي خطيبتي انا
اليكس:سير سير راك حماقيتي امتى خطبتيني بعدا
انا:فؤاد اش هاد الهضرة كون تحشم
فؤاد:مابقا حتى واحد يهضر مع خطيبتوا مالها ما تصبر غير 15 عام اخرى ونتزوج بيها
اليكس:(طالع ليها الدم😤😖😡)انا نتسناك 15 عام اخرى هههههه
فؤاد:ومالها تسناي
فيكتور:😂😀 هههع راك علام افؤاد ههههه
انا:فؤاد يلاه نقطعوا لحلوى .....مشينا طفا ولدي الشمع وقطعنا الحلوى عطاني وعطا لاليكس وفيكتور ولاخرين وهكا سالات الحفلة مع 00:45
فيكتور:انسة هناء شكرا على الحفلة دوزنا وقيت زوين نتلاقاو مرة اخرى *انشاء الله*
انا: اش قلتي😳 *انشاء الله* انت مسلم فيكتور
فيكتور:هههه اكيد انا الاب ديالي مغربي وحتى الام ديالي مغربية ولكن انا تولدت هنا فرانس وعندي جنسية فرنسية ...و راه حنا مانسيناش الدين ديالنا
انا:(امي اقلبي هاد الزين كلو ومن الفوق مسلم واصولوا مغربية)فرحتيني ... ز زعما فرحانة حيت تلاقيت مسلم بحالي
فيكتور:هههه حتى انا فرحان بيك انسة هناء ولكن عذريني راه الدارجة المغربية عندي مخربقة وما كنتقنهاش بزاف
انا:ماشي مشكل دابا تعلم
فيكتور:كاينة انتي غادي تعلميني او لا لا
انا:بكل فرح فيكتور
........توادعنا ومشا وحنا وولدي نعسنا
....دازت 15 يوم على عيد
ميلاد فؤاد .......اليوم غادا انا واليكس لحفلة لصديقة ديالنا بمناسبة الولادة ....
خليت ولدي مع نينا وانا وجدت راسي ولبست فستان بالاحمر وداخل فيه الباج مع فولار باج وحذاء عالي فالاحمر وحقيبة يد فالباج ونينا لبسات فستان ازرق قصير ناعم وشعرها طلقاتو جات بسيطة ولكن جميلة ....مشينا لحفلة لي كانت ففيلا كبيرة زوينة وكتدوخ ديكور زوين ومزينة بشكل كيلفت الانتباه ... دخلنا تسالمنا مع ~ اناتسيا ~ وباركنا ليها عطيناها لكادو ومن بعد وقفنا فطاولة عالية لمختصة لينا بجوج مع موسيقى هادئة شدينا نميمة وتبركيك واليكس كدور عينيها عسى تلقى شي بوgوس ههههه بدات الحفلة وبداو كيرقصوا التنائيات اليكس دبرات على راسها ومشات كترقص مع واحد وانا واقفة وشادة فايدي كاس ديال العصير 🍷 وجالسة كنبقلل فعيني حتى وقف عليا واحد درت نشوف لقيتوا فيكتور شافتوا وتخلعت
فيكتور:هناء صدفة زوينة هادي
انا:هههه اش كدير هنا
فيكتور:نسولك انتي انا صديق راجل اناتسيا
انا:اوووو انت صديق دانييل انا صديقة اناتسيا
فيكتور:هههه مزيان جيتي بوحدك شغتك واقفة وحدك
انا:لا جيت مع اليكس راها كترقص مع شي واحد
فيكتور:وانتي مغاديش ترقصي
انا:(حمارو حناكي☺) لا هكا احسن
فيكتور:واخا نقولها ليك انا
انا:سمحلي ولكن مانقدرش فيكتور:على خاطرك انسة هناء ولكن اش ضهر ليم نخرجوا من هاد الحفلة المملة
انا:حتى انت جاتك مملة ياك مموالفش تحضر لهاد نوع ديال الحفلات
فيكتور:لا غير صديقي ومخسرتش ليه خاطروا وصافي تبغي نخرجوا دابا
انا:(مترددة) ما ماعرفتش واكن اليكس
فيكتور:اليكس ما مسالياش خلينا نخرجوا عفاك
انا:اممم واخا يلاه
خرجنا وبقينا كنتمشاو شحال وحنا ساكتين وصلنا لجردة وجلسنا
فيكتور:امم هناء انتي بنت زوينة بزاف وضريفة كيفاش حتى وحدانية
انا:(تفكرت عزيز ونزلوا جوج دمعات من عيني 😭)اااا مابقاتش فالجمال ولا فظرافة كلها وزهرو و صافي
فيكتور:سمحيلي الى قلقتك بهضرتي
انا:لا ماشي مشكل وانت مرتبط (إعطيني اللقوى)...
......فيكتور:(قرب وجهو لعندي) انا ما مرتبطش
انا:مم
فيكتور: هناء واش كنتي مزوجة ولا عمرك تزوجتي...زعما ولدك ..واش شرعي
سمعت هضرتوا و غرغروا عيني حيت فكر فيا بهاد الطريقة فكر بلي انا يمكن ولدي غير شرعي نضت من بلاستي وبغيت نمشي وشدني من ايدي
فيكتور:هكا كتبرهني ليا فاش كنفكر يعني
انا:فاش كتفكر بلي ولدي غير شرعي ايوا تفكيرك افيكتور غلط فغلط انا ولدي شرعي وعندو اب ديالو يمكن ما كاينش معانا ولكن هادشي ما كيعنيش انه غير شرعي
فيكتور: وفين هوا الاب ديالو انا:هادشي ما عندك فيه حتى دخل فهمتي
فيكتور:علاش كتهربي من الجواب
انا:مكنهربش وانما انت ماعندك حتى حق تسولني
فيكتور:عندي انا صديق ديال فؤاد وديالك
انا:صديق ولكن تدخل فاموري الشخصية لا
فيكتور:بقا على ذمتوا
انا:شكون
فيكتور:راجلك الاول
انا:اووووف علاش ما كتفهمش
فيكتور:(مزير على يدي)باقي على ذمتوا
انا:لا لا لا انا وراجلي الاول مطلقين صافي إيوا طلق من ايدي ضريتيني
فيكتور:دابا جلسي
انا:حاس براسك بزاف و كتأمر عليا
فيكتور:جلسي عفاك وسمحي ليا الى جرحتك بأسئلتي
انا جلست ولكن بعدت عليه
فيكتور:انا ماقصدتش نجرحك سمحيليا بغيت غير نعرف شي حاجة وعرفتها
انا:الصمت
فيكتور:كتعجبيني من الحفلة ديال فؤاد وانا كنفكر فيك
انا:الصمت
فيكتور:ماتفهمينيش غلط عفاك ولكن غير قلتليك باش كنحس
انا:سمحليا باغا نمشي ولدي مايقدرش ينعس الى ما رجعتش
فيكتور:واخا نوصلك
انا:انا جيت فطموبيلتي شكرا
فيكتور:ولو غادي تمشي معايا انا وطموبيلتك حتى لغدا ونجيبها ليك
انا:لا شكرا غادي نمشي بسلامة
فيكتور جرني من ايدي وغادي بيا لطموبيل وقفني وكيحل الباب ماحسيتش حتى صرفقتوا
انا:(😡كنغوط)انت مريض فعقلك انا الله كنشوفك جوج مرات وباغي توصلني بالغصب احترم راسك فهمتي عندك يصحابك انا من داك نوع لي كتعرف
فيمتور:كتصرفقيني اهناء عمر شي حد حط ايديه على وجهي ولكن انتي ماشي مشكل ودابا غادي تركبي نوصلك
انا:لا وقيلة نيت خاصك تصرفيقة اخرى على هاد الحسب
.....هربت ليه وكنجري دخلت لحفلة وقفت كنتنهج تفوووو على بنادم الله عرفني وباغي يتأمر عليا وداير فيها واعر .....شافتني اليكس وجات كتجري لعندي
اليكس:فين كنتي
انا:مع داك الحقير ديال فيكتور المهم يلاه نمشيو
اليكس:غير سيري انتي راه غادي نسهر هاد الليلة مع بوب
انا:غادي تسهري و شكون هاد بوب ولا بوبا
اليكس:متخلفة هداك لي كنت كنرقص معاه عرض عليا ندوز معاه الليلة وانا ما رفضتش
انا:واش حمقى غادي تدوزي معاه الليلة واش مشا ليك العقل
اليكس:ومالها صبرت حتى عييت خليني نتمتع هاد الليلة
انا:الى ما مشيتي قدامي غادي نوريك تمتعي
اليكس: و
ماخليتها تكمل هضرتها جريتها وغادا بيها لطموبيل ركبتها وديماريت ماحبست حتى لدار نزلتها ودخلنا نعستها غير بزز بعد ما تأكدت بلي البيبان والشراجم مسدودين حيت البنت سخنات ومعولة على فضيحة هاد النهار
......دوزنا نهاية الاسبوع فدوران انا وفؤاد واليكس
وجا وقت الخدمة تاني
مشيت لخدمتي انا و اليكس وفالعشية خارجا من الخدمة ركبت فطموبيلتي حليت الباب ودخلت بغيت نديماري حتى كنسمع الحس درت نشوف لقيت فيكتور راكب ورايا حليت عيني منين شفتوا
انا:😱 اش كدير هنا كيفاش دخلتي
فيكتور:ههههه ايوا هادا سر المهنة ههههههه
انا:اش هاد تفلية اش بغيتي
فيكتور:بغيت نخطفك
انا:هيهيهي نزل يلاه
فيكتور نقز لقدام وجا جلس حدايا ودار سمطة
فيكتور:يلاه ديماري باغي نشوف فؤاد توحشتوا
انا:ناري على بنادم مكلخ و ما كيفهمش ....
وصلت لدار ونزلنا دخلنا لدار جا فؤاد كيجري لعدني عنقني ومن بعد مشا عند فيكتور وعنقوا ....وهو فرحان
فؤاد:ماما انا فرحان حيت جيتي مع فيكتور
انا:اها ياك واخا
فيمتور:اش ضهر ليك نبقى ديما نجي عندك كل نهار
فؤاد:واااااو مزيان مزيان هيهو هيهو
انا:كون تحلم علاش غتدي يبقى ديما جاي ولا قلة ما يدار هههههه
فيكتور:مسخومة مع راسك
فؤاد:فيكتور غادي بقى ديما تجي عندي واخا غادي نفرح وعفاك يلاه معايا غدا ل روض عفاك
انا:وانا اش كندير
فؤاد:انتي ماما ولكن انا بغيت فيكتور هو لي يمشي معايا
انا:علاش
فؤاد:كيضحكوا عليا الدراري كيقولوا ليا ماعنديش بابا اهئ اهئ 😭😭 وبغيت فيكتور يمشي معايا باش نسكتهم فهمتي
انا:(نزلوا جوج دمعات من عيني😭) ولدي انا باباك وماماك
فؤاد:😭😭😭 لا انتي غير ماما انا بغيت بابا اهئ اهئ اهئ اهئ
ومشا كيجري خلاني غارقة فدموعي كنبكي اهئ اهئ
عندو الحق اكيد غادي يكون محتاج الاب ديالو واخا عمروا قالها لي ديما كيخبي احزانو واخا صغير للاسف كيتشبه ليا فهادي اهئ اهئ فينك اعزيز ولدك محتاجك وحتى انا
فيكتور:(كيمسح ليا دموعي)صافي اهناء ما تبكيش هو كأي طفل محتاج لأب يكون معاه يفتخر بيه ويحس بالامان معاه
انا:اهئ اهئ ديما كنحاول نكةن ام واب ليه نعوضوا على غياب الاب ديالو ولكن انا فشلت اهئ اهئ ولدي معذب وحزين وانا كيصحابلي ما ناقصو
والو ولكن نسيت بلي بلاست الاب ما كتعوضش.....
.. ......فيكتور:ماشي صعب تربي ولدك بلى اب ولكن الصعيب تقدري تعوضي ليه غياب الاب ديالو
انا:ولكن اش ندير كيفاش نتصرف ونخليه فرحان ونسيه فالحزن والعذاب لي كيحس بيه
فيكتور:بكل بساطة خاصو اب
انا:كيفاااااااش اب
فيكتور:اه هو محتاج الاب يكون واقف بجنبوا
انا:وانا شنو ندير فين لقا ليه هاد الاب اهئ اهئ اهئ
فيكتور:هناء تقبلي تعطيني هاد الحق
انا:😳 اش من حق مافمتش
فيكتور:واش تقبلي تزوجي بيا
انا:😂ههههه نتزوجوا انا الله كنعرفك ودغيا غادي نتزوجوا كيف درتي ليها
فيكتور:كولشي ممكن
انا:تزوجي بيا واخا ما كتبغينيش ولا كنبغيك
فيكتور:الحب كيجي مع العشرة ومن بهد الزواج عندنا العمر كلو نتعارفوا على بعضنا ونبغيو بعضيتنا ولكن لاهم هو فؤاد غادي يولي عندو اب
انا:ولكن انا باقي كنبغي راجلي لاقي قلبي كينبض باسمو
فيكتور:وانا كنواعدك بلي غادي نسيك فيه كنواعدك
انا:ماعرفتش ولكن عطيني الوقت نفكر وسمحلي غادي نمشي نرتاح
طلعن لبيتي وجلست كنفكر فهضرت فيكتور ماعرفت كيفاش نتصرف من جهة انت باقي كنبغي عزيز وكنموت عليه ومن جهة ولدي محتاج اب لي يكون بجنبوا ويكون معاه فكل ثانية ...اش غادي نختار حبي لعزيز لي واخا عارفة بلي عزيز ماضي وعمروا يرجع ولكن مابغاش نخسر حبي ليه حيت هو لي كيخليني عايشة .....
ولا سعادة ولدي لي مغادي تكمل الا بوجود اب يعوضلوا حنان الاب لي محتاجوا
...عقلي عاجز على تفكير طول هاد الايام كنفكر شنو نختار فيكتور مابقيتش شفتوا عطاني الوقت الكافي لاش نغكر واليوم غادي نجاوبوا او بالاحرى غادي نصدموا
مشيت كيف العدا الخدمة وفنص نهر التاني مشيت عندو لبنك(هو مدير اكبر بنك فرانس او يمكن نقول ففرنسا) وقفت عليه فالمكتب وانا كلي تقة فالقرار لي خديت
فيكتور:عليكم السلام هناء
انا:السلام عليكم جيت نقوليك القرار ديالي
فيكتور وقف وخرج عينيه
فيكتور:خير انشاء الله
انا:اممم اوووف شوف انا موافقة
فيكتور:ماسمعتش
انا:مواااااااااااااااااااافقة نتزوج بيييييييييييك
فيكتور ضحك من قلبوا 😂😂😂😂
فيكتور:☺ الحمدالله عرفتي كنت مخلوع
انا:ودابا ؟؟؟؟
غيكتور:غادي نجي مع دارنا نخطبك غدا والاسبوع جاي تمشي معايا للمغرب تعرفي على جدي وجداتي ونعلن الخطوبة ديالي للعائلة ونرجعوا نتزوجوا
انا:المغررررررب لا مستحيل باقي نرجع لمغرب
فيكتور:لا ضروري ما يمكنش نتزوح بلى مايشوفوك جدي وجداتي مستحيل
انا:حتى انا مستحيل باقي نخطي خطوة فالمغرب يكفيني العذاب لي شفت فيه عغاك عفيني كولشي الا المغرب مابقيتش نرجع مستحيل
فيكتور ناض لعندي وشد ايدي
فيكتور:ماتخافيش وانا معك اسبوع لي غادي نجلسوا فقط وكون ماكانش ضروري ما نجبركش صدقيني ولكن هما الاساس والموافقة والرضى ديالهم ضروري وواجب بغيت ولا كرهت
انا:اووووف😩 واخا ولكن اش من مدينة
فيكتور:طنجة
انا:(تفكرت رمز الحب ديالنا انا وعزيز تفكرت كل لحضة دوزتها معاه فالفيلا واخر لحضات لي دوزتها انا وولدي بوحدنا دموع نزلوا بلى سابق انذار)😭😭😭
فيكتور:علاش كتبكي تاني
انا:اهئ اهي تفكرت شي حاجة وصافي المهم صافي ولكن اسبوع مانفوتهش تافقنا
فيكتور:انشاء الله
رجعت لدار وانا محطمة ومنهارة حيت رجعوا ليا كل ذكريات الحزينة لي دوزت فالمغرب وعزيز وعائلتي يعلم الله اش واقع ليهم
....اليوم فقت بكري وجدنا انا واليزيا كولشي العشا وانا لبست فستان فالمورتاديلا والصفر فولار صفر وماكياج خفيف ... وصل وقت العشا خرجت نستقبلهم ....هاهما جاو فيكتور جا زوين بلكوستيم فالكحل جا غزال وكيحمق والام ديالو (امينة) امرأة كبيرة لبسها محترم ولكن معرية شعرها والاب ديالو (سعيد) لابس كوستيم فالgري راجل كبير فالعمر الشيب غطا راسو يعلم الله جدو وجداتو يمكن كميشة ههههههه
...استقبلتهم مزيان فرحوا بيا وفؤاد بعد ماتسالم معهم لسق ففيكتور لسقة ... حطينا العشا وجالسين....
سعيد:ابنتي هناء الصراحة ولدي عرف اش اختار ونعمة البنات
امينة:تبارك الله عليك ابنتي بقا محافضة على الدين ديالك وحجابك قليل لي بحالك اغلبية لي كيجي لاوروب كينسى دينوا واخلاقو
انا:(بحالك ههههه)الحمد الله تربيتنا واخلاقنا ودينا باقي متشبتين بيهم اللهم لك الحمد
فيكتور كيشوف فيا وكيضحك ولاو حناكو حمرين هيهيهي راجل خجول
راجل كيحشم
سعيد:بنتي منطولش عليك حنا جينا طالبينك وراغبينك لولدنا إسلام
انا:شكوووون إسلام مافهمتش ... فيكتور اش هادشي
فيكتور:😀😀😀 ههههه راه انا هو إسلام غير معروف بين صحابي و فالعمل ديالي بفيكتور وصافي
انا:آه وقلت
امينة:(ناري بغات تطفى بالضحك ).....
مالك ابنتي خايفا نخطبوك لشي حد اخر مالي حمقى نحرم ولدي من مرأة بحالك
انا:ربي يخليك اخالتي
سعيد:واش قابلة بعد ولا
إسلام:اه قابلة
سعيد:بغيت نسمعها من عندها
انا:قابلة
أمينة:لو لو لو لو ي واخيرا ولدي غادي يتزوج حمدتك ياربي وشكرتك منين حققتي ليا أمنيتي
إسلام:ماما نهار السبت راه رايحين انا وحبيبة القلب لمغرب نشوف جداتي وجدي
(اويلي على حبيبة القلب هاد زعم من دابا )
سعيد:اها حسن ماعملتي منها تزورهم ومنها يتعرفوا على هناء
انا:انشاء الله
فؤاد:غادي نمشي معكم ياكو
انا:ضروري وانا نقدر نجلس نهار واحد بلى بيك
إسلام:اكيد اولدي
فؤاد:انت بابا ويييي انت بابا وييييببي ولا عندي بابا ولا عندي بابا هههه
كولشي كيضحك وفرحان وانا فرحانة لولدي حبيبي لي ولا طاير والدنيا ماوسعاهش على قبلك الكتكوت ديالي نتقب السما ماشي غير نضحي بسعادتي مجرد نشوف الفرحة مرسومة على وجهك هاديك الدنيا وما فيها ....وقلبي راه عمروا يتغير من جيهت عزيز واخا هو تخلى عليا وعايش حياتو دابا مع....**... صافي لاش نفكر فداكشي انا قلبي كيضرني منين كنتفكروا ...اوووووف😔... ...من بعد العشا مشاو هما بعد ما قررنا بلي من بعد ما نرجعوا من المغرب غادي نتكاتبو ومن بعد اسبوع غادي نديروا العرس و اكيد عرس كبير بزاف حيت هو الوريت الوحيد لعائلة النافعي بالرغم من المحاولات الكتيرة لي درت باش يتراجعوا مي هما اصروا يكون عرس لي يهضرو عليه الناس ومايتنساش واخا تدوز قرون
...اليوم غادي نمشيو المغرب نضنا بكري ووجدنا راسنا بعد ماجمعنا ليفاليز ديالنا والمفاجئة هي اليكس غادي تمشي معانا المغرب ....انا لبست فستان رائع ... فستان فالازرق الفاتح والابيضوفولار وحذاء و صاك فالازرق الفاتح وحداء فالابيض وولدي سروال تجين وقميجة فالكحل وحذاء كحل ولافيست فالابيض جا كيحمق واليكس صدمتني لبسات سروال فالكحل وقميجة فالاحمر ولافيست فالكحل مع حداء فالاحمر قالتليا بغات تستر احتراما لبلادنا ..... وخرجنا لقينا إسلام وليت نقوليه إسلام احسن من فيكتور ما كتعجبنيش هو كان لابس سروال تجين وقميجة فالككل حذاء فالكحل ولافيست فالابيض بحال فؤاد هههههه
ركبنا ومشينا لمطار بعد الاجراءات ركبنا
وأخيرا وصلنا للمغرب بعد عدة ساعات حطينا رجلينا فالمغرب ضربني الهواء ديال بلادي ونزلوا دموع من عيني توحشتها وتوحشت أهلها وحبيبي عزيز عارفا كتقولوا اش كتخربق هادي ولكن زواجي بإسلام غير على قبل ولدي اما انا بقا كنبغي عزيز وكنحماق عليه واخا هو تخلى عليا ونساني وبدلني بوحدة اخرى للاسف😔😭
.....خرجنا من المطار ومشينا لدارهم اح قصرهم اش هاد العجب ماعرفتوا قصر ولا فيلا ولاشنو عمرني شفت هادشي أو حنا فالمغرب ههههه دخلنا واستقبلونا الخدم اليكس عجبها المغرب ولات غير حالة عينيها 👀😍
اليكس:دابا انتما عندكم هاد الخيرات كلها وهادشي اكتر من رائع علاش كتخليو هاد الحياة الجميلة
انا:اكيد بلادنا ما كاين بحالو ولكن غير ضروف لي كتخلينا نخليوها
جلسنا وكنتسناو الجدة والجد ينزلوا .....
هاهما نزلوا... الجدة لابسة صاية وقميجة وفولار زوينة واخا كبيرة ولكن النور ساطع من وجهها والجد لابس كوستيم
تسالمنا معهم وهي تمشي شدات ايدين اليكس
الجدة:واااااو ابنتي ماشاء الله عليك روعة حفيدي عرف اش يختار
إسلام حمارو حناكو وكيشوف فيا خافني نتقلق
إسلام:جداتي هاهي خطيبتي هناء(وكيشير ليا) اما هديك فصديقتها واجنبية ماشي مسلمة
....الجدة جات عندي عنقاتني
الجدة:سمحليا ابنتي من غير قصد غلطت ولكن حتى انتي روعة ومن الفوق محجبة الله يحفضك ابنتي وتبارك الله عليك إسلام ونعمة الاختيار
.....دوزنا معهم يومين عرفوني على العائلة واخا كنتلقى بعض الاهانات لاني مطلقة ومعايا ولد ولكن ماهمنيش لي بغا يقول شي حاجة يقولها هادو هما الناس
.. ....هذا يومنا الثالت قررنا انا واليكس نخرجوا نتساراو شوية بطلب منها وفؤاد بقا مع إسلام .... لبست عباية كتحمق فسومو وفولار فسومو مع مكياج خفيف جيت نحمق وغزالة ...واليكس لبسات كسوة طويلة و معرية من درعان وشعرها درتوا ديل الحصان خرجنا وخدينا طاكسي لوسط المدينة جلسنا كنتساراو وشرينا شي حوايج تقليدية وفوهلة او فحالة ضعف قررت نمشي لفيلا رمز الحب ديالي انا وعزيز بالنسبة ليا هي ذكرى ديال حبنا دوزنا فيها احلى ايامنا ودوزت كذلك اكفس ايامي للاسف ولكن اليوم غادي نمشي ليها غير نشوفها توحشتها
..... مشيت انا واليكس توجهنا ليها وقلبي كيضرب ودموعي شلال قربت ليها وشداتني الرعدة علاش ماعرفت والله احساس فشكل ... مخنوقة وقفنا حدا الفيلا هزيت عيني كنشوف
كولشي كيف كان عنقت اليكس وعطيتها البكا ونواح 😭😭 وهي كتصبر فيا ...تشجعت بعدما استنشقت الصعداء حليت الباب الحمد الله القفل ماتبدلش كيف حطيت رجلي فيها استرجعت كل ذكريات كولشي كيدوز قدام عيني لحظة بلحظة كل العذاب والمعانات كل الجروح لي فقلبي حيات من جديد حسيت بغصة فقلبي تمشيت حتى وصلت لداخل انا واليكس كنشم ريحة نفس رائحة اه نفس رائحة عزيز بقا كتحوم فالدار ومع ريحتي تخالطوا بقيت كندور فدار حتى سمعنا الباب كيتحل شداتني السخفة من الخلعة ولينا كيف الحماق تلفنا وما عرفنا اش نديروا شكون غادي يكون هذا يمكن الشفارة مشينا تخبينا وراء واحد الستار طويل وغليض شوية كنسمع الخطوات قربات طاق طاق طاق ومع الفيلا كبيرة كتسمع الخطوات بجهد انا حطيت ايدي على قلبي❤ حيت حسيت بيه غادي يخرج شوية كيبان ليا الظل ديال راجل كيتمشى.... وكيتلفت..... حيدت الستار وكنطل بشوية كيبان ليا راجل عطينا بظهر واقف ومشا طالع مع دروج شوية هو يدور وشفتوا اه هو هو هو هو حبيبي عزيز بشحموا ولحموا باقي كيف هو زوين وكيحمق غزال ولكن عينيه شايلين هم الدنيا .....
بقينا واقفين بعد مادور وجهوا وشفناه جاتني الصدمة قوية بزز باش حبست راسي كنت غادي نمشي نجري لعندو نعنقوا ونقوليه حبيب قلبي هاني جيت انا كنبغبك وكتر ما كتصور ازين ديالي نعنقوا ومانبقاش نتفارق عليه ولكن غير كنتمنى وصافي أما هو عايش حياتو واخا ماعرفت فينها ملك ولكن . .اووووووف صافي .
هو طلع كمل طريقو وطلع سمعت الباب تسد وانا واليكس كنتسكلوا نخرجوا بشوية بشوية حتى وصلنا الباب حليناه وخرجنا من الفيلا او انا دموعي شلال بعد كل هاد السنين شفتوا اه شفتوا حبيبي توحشتوا ريحتوا بقا فنيفي كنعشقوا وكنموت عليه ...مشينا واقفين نشدو الطاكسي وشوية كتبان ليا امراة كتحل الباب ديال الفيلا ومعها بنت وولد البنت عاطيانا بضهر شعرها مطلوق ولابسة سروال تجين وقميجة زرقاء بلون المفضل ديال عزيز اكيد هادي ملك اه اكيد ملك وهادو ولادو اهئ اهئ اهئ وانا لي كنقول نعنقوا وهو كون وأسس عائلتوا وعندو وليدات اهئ اهئ هو نساني وعمروا فكفر فيا ....ركبنا ورجعنا للقصر ولا مانعرف شنو كيف دخلنا جا إسلام تلاح عليا عنقني
إسلام:حبيبة فين كنتي راني تخلعت عليك ماتبقايش تعطلي بحال هكا
انا:الصمت
اليكس:راه كنا كندوروا ونسينا الوقت
إسلام:(شادني من وجهي) روح ديالي يلاه نطلعوا دابا
جرني وطلعني لبيتي دخل وسد الباب وجا عنقني ومتكيني على الحيط وكيشم شعري وكيهمس فوذني
إسلام:اووووف امتى غير نتزوجوا وانتحدوا انور عيني
انا:ماقدرت نحبس راسي وانا ننفجر بالبكا وطحت للارض كنبكي😭😭😭😭 اهئ اهئ
إسلام:مالك احبيبتي حتى انتي مشتاقة ليا كنت عارف
.....هو خرج خلاني بعدما ما حاول بشتى الطرق خرج وهو مافاهم والو نعست فالارض وانا محطمة حتى ولدي مابقيت سولت عليه
....اليوم فقت مدgدgة و عينيا منفوخين بززت باش دوشت لبست حوايجي جا إسلام عندي لبيت دخل لقاني كنشف شعري انا تلفت وانا كنقلب على الفولار حيت ذخل بلى استأذان جا وشدني من ايدي
انا:إسلام تلقني بغين نلبس فولاري
إسلام:حبيبة هذا مابقاش ملكك وحدك من غدا غادي يولي ديالي حتى انا
انا:(درت لعندو وانا مستغربة)كيفاش غادي يولي ملكك حتى انت من غدا فهمني
إسلام:(خاشي ايديه فشعري وكيلعب بيه)غدا غادي تولي مراتي زعما غدا غادي نتكاتبوا
انا:(تصدمت) كيييييييفاااااااااش غدا العقد و وو و خالتي امينة وخالي سعيد
إسلام: اليوم جايين والديا و غدا فالعشية غادي يجيو العدول ونكتبوا كتابنا وااااو واخير غادي تولي ديالي
انا:اهئ😭 اهئ😭 اهئ 😭 اهئ
إسلام:لاش كتبكي تاني احبيبتي
انا:اهئ اهئ غادي نتزوجوا غدا اهئ اهي ياربي اهئ اهئ
إسلام:آآآه الله فهمتك فرحانة ياك اجي لعندي ازين ديالي
جرني لعندو ولسقني مع صدروا وخشا راسو فعنقي وكيبوس فيا
انا:اهئ اهئ عفاك طلقني عفاك اهي اهي إسلام كنترجاك طلقني
إسلام:ياك غدا غادي تولي حلالي خليني غير نستمتع بيك شوية
انا:طلللللللللقني عفاك اهئ اهي كنترجاك انا كنترجاك
بقيت كنطلب فيه وهو جلس كيبوس فيا حتى دخلات علينا اليكس
اليكس:سمحوليا يمكن جيت فوقت غير مناسب
بغات تخرج
انا:اهئ اهئ اليكس بقاي عفاك
إسلام حيد مني وخرج وضرب بالباب وجات اليكس كتجري لعندي عنقتها وكنبكي
انا:اهئ اهي اليكس مزيان منين جيتي شكرا ليك
اليكس:اش واقع احبيبة ماكل كتبكي
انا:اهي اهي غدا غادي يتزوج بيا انا مابغيتش اهي اهي اليكس انا باقي كنبغي عزيز بغيت حبيبي عزيز اهئ اهئ
تليكس:ولكن الله كنت دابا كتستمتعوا وكتقولي مابغيتيهش
انا:راه بزز عليا انا مابغيتش كنطلب فيه وهو ماتسوقش ليا اليكس انا مابغيتوش بغيت حبيبي اهئ اهئ
اليكس:(كنواعدك اهناء غادي نحقق ليك امنيتك ونجيب ليك عزيز وهذاك فيكتور مغاديش تزوجي بيه هذا وعد...) صافي احبيبة ما تبكيش دابا مسحي وجهك راه فؤاد من البارح كيسول عليك بزز باش نعس ليا والله
انا:واخا
نزلت عند ولدي شبعت فيه بوسان وتعناق فطرنا وإسلام طالع ليه الدم ماكيهضرش معايا....