آهات الحب

بارت 1

فطرت وودعت ماما وخرجت وبطبيعة الحال صف طويل باش ناخد طاكسي بقيت واقفة شحال ...وأخيرا ركبت وصلت لشركة توجهت المكتب ديالي درت خدمتي ودابا ل 12 موعد الغداء هزيت صاكي وتوجهت لقهوة لي ديما كنتغدى فيها دخلت وطلبت الغداء كليت الحمد الله ومشيت نخلص هزيت الفلوس وبغيت نحطهم لبا براهيم مول القهوة وفنفس الوقن كنقلب علل تيليفوني وبصدفة حطيت ايدي على شي ايد اخرى هزيت راسي كنلقى واحد الشاب زوين وغزال وكيحمق بقيت ساهية فيه حتى كيحمحم الشاب وحيدت ايدي بالزربة
انا:سمحليا ماشي بقصدي غير كنت كنقلب علل تيليفوني
الشاب:ماشي مشكل اختي
انا:شكرا
ومشا وانا خلصت ورجعت لخدمتي دوزت نهاري وانا كنفكر فيه مشيت لدار عاونت ماما فالعشا وجميع الدار تعشينا ونعسنا
اليوم فوقت الغدا جلست فنفس القهوة وبلى مانشعر كنقلب على داك الشاب ماعرفت مالي كنفكر فيه دازت ايام بحال هكاك كنقلب عليه ولكن بدون جدوة الشاب غبر ليه الاتر ......اليوم خرجت من الخدمة وغدا نشد طاكسي ...كنتمشى حتى كيبان ليا نفس الشاب راكب على موطور وجاي لجيهتي انا وقفت ولاو رجلي كيقفقفوا وكنتسناه يجي حتى وقف ومشات كتجري واحد البنت تسالمت معاه لحنك لحنك وركبات معاه بقيت واقغة مصدمة و جاوني دموع ما عرفت مالي هاذي ماشي اول مرة كنشوف شي شاب ولكن هاذ الشاب كنحس بيه مختلف بزاف نشيت لدار وانا مقلقة دخلت نيشان لبيتي بلى ما نتعشا ولا والو نعست وانا كنبكي واخا ماعارفة علاش حيت الشاب حتى من سميتوا ماعرفها ....
......دازت يومين على اخر مرة شفتوا وقررت اليوم نبدل القهوة باش مانتلاقاهش داكشي لي درت فوقت الغدا مشيت لقهوة اخرى تغديت وحدا الباب فاش بغيت نخرج تلاقيتوا حاولت نتجاهلوا ولكن هو وقفني
الشاب:سلام عفاك بغيت شوية من وقتك
انا:(فرحانة ولكن مابينتش)سمحليا اخويا انا زربانة
الشاب:عفاك 2 دقايق من وقتك
انا:وسربي عفاك راه غادي نتعطل على الخدمة اش حب الخاطر
الشاب:عجبتيني وبغيت نتعرف عليك الى كان ممكن عطيني نمرتك ونتعارفوا فتيليفون احسن
انا:سمحليا مانقدرش نعطي نمرتي لواحد غريب
الشاب:عفاك راه كون ماعجبتيني ما نوقفكش عمرني تصرفت هكا مع شي درية عفاك
انا:عطيني نمرتك وانا نهضر معاك
عطاها ليا وحطيتها فصاك
الشاب:عندك ماتعيطيش عليا عفاك راه كنتسنى
مشيت وخليتوا وانا فرحانة وكنضحك كملت نهاري فالخدمة وانا غير كنضحك مشيت لدار تسالمت مع بابا وماما وخويا وطلعت لبيتي جلست هزيت نمرة الله بغيت نتاصل بيه وتفكرت داك النهار فاش شفت الدرية راكبة معاه وانا نتراجع......
حطيت الورقة فالمجر ومشيت تعشيت ونعست ......حاولت نسا الموضوع ومانبقاش نفكر فيه حتى اليوم فاش خرجت من الخدمة وركبت فطاكسي والمفاجئة كانت فاش ركبات معيا ديك الدرية هي وصاحبتها جلسوا كيهضروا على المة وانا غير ساهية وكنفكر حتى سمعتها قالت لصاحبتها
الدرية:انا اصلا مامولفاش نركب فطاكسي خيت خويا هو لي كيجيبني ويديني بالموطور 🏍ولكن اليوم مريض داكشي علاش ماجاش يجيبني ...
سمعت هضرتها وفرحت ماكرهت نعنقها gاع هههه
وصلت لدار وانا فقمة الفرح مشبت كنجري لبيتي خليت المجر كنقلب حتى عييت ومالقيتش الورقة وغوطت على اختي
انا:سناااااااء اجي
سناء:نعم اختي اش كاين
انا:فينها الورقة لي كانت هنا فالمجر
سناء:لحتها فالبوبيل اختي
انا:شنووو فالبوبيل اش من بوبيل
سناء:ديال بيتنا
مشيت كنقلب فيها والحمد الله لقيتها هزيتها ودوزت نمرة وانا كلي كنترعد واخيرا جاوب وكيهضر بشوية
الشاب:آلو شكون معايا
انا:ا ااانا ديك البنت لي عطيتيها النمرة ديك المرة
الشاب:اااااه على سلامتك قلت صافي مغاديش تعيطي
انا:هاني عيطت
الشاب:كيدايرا لاباس عليك
انا:بخير وانت لاباس عليك
الشاب:بخير غير مريض اليوم شوية وصافي
انا:اه صافي
الشاب:نتعارفوا دابا
انا:اه بدا انت
الشاب:ههه واخا انا سمير 32 عام وانتي
انا:انا هناء 26 عام
سمير: متشرفين انسة هناء
انا:متشرفين سمير
انا:المهم بسلامة دابا غادي نمشي نتعشا
قطعنا وانا مشيت تعشيت ونعست وانا فرحانة من قلبي
مشيت اليوم لخدمة وانا الدنيا ما وسعانيش ههه وصل وقت الغدا وهو يصوني تيليفوني اه سمير جاوبتوا
انا:السلام
سمير:لاباس بخير
انا:بخير الحمد الله
سمير:واخا الى كان ممكن نتغداو بجوج اليوم ومنها نزيد نتعرف عليك
انا:وووواخا هاني جاية
مشيت طيارة لعندو ......
دخلت لقيتوا جالس كيتسناني وقفت عليع وانا رجليا كيترعدوا ههه
انا:السلام عليكم سمير
الشاب:الحمد الله منين جيتي تفضلي جلسي
جلست وبقيت ساكتة
سمير:اش تبغي تاكلي
انا:ماعرفت شوف انت
سمير:انطلب ليك على اختياري
انا:اه واخا
جابوا الغدا وجلسنا كناكلوا
سمير:هناء
انا:نعم
سمير:انتي كتعجبيني بزاف بكل صراحة بنت زوينة ومأدبة
انا:(حسيت براسي كنذوب)شكرا بزاف
حط عليا ايديه وكيلعب بصبعانوا انا حيدت ايدي من ايدو ووقفت بغيت نمشي
انا:سمحليا هاد الحركات ما كيعجبونيش بسلامة وهادي اخر مرة نتلاقاو
سمير:سمحليا عفاك
مشيت خليتوا بعد ماحطيت الفلوس فوق الطبلة وصلت الباب وحبسني
سمير:سمحيليا عفاك مانبقاش نعاود اخر مرة عفاك
انا:سمحليا انا منين جيت لعندك
سمير:عفاك ماتقلقيش مني انا راه بغيت غير المعقول ما ناويش نتفلى عفاك
انا:سمير الى كنت بصاح كنعجبك وناوي المعقول اجي خطبني من دارنا هاد التفلية ما كاين لاش
مشيت خليتوا ........من بعد نهار ديال الخدمة مشيت لدار وطلعت نعس حتى كيصوني التيليفون ماجاوبتوش ونعست وانا مقلقة
......فقت اليوم وانا طالع ليا الدم حيت فاول لقاء وحاط عليا ليه يمكن فلقاء التاني غادي يعنقني والتالت صافي غادي تكمل ....دوزت نص نهار الاول وانا ماعنديش الخاطر غير ساكتة ومقلقة مشيت لقهوة نتغدا و هو مابانش ليا حتى خرجت عاد شفتوا جاي لعندي بغيت نبدل الطريق ولكن وقفني
سمير:سمحليا عفاك
انا:شوف جوج كلمات لي غادي نقول... يا إما اليوم غادي تهضر مع داركم وتجيو تخطبوني من دار مرحبا والى لا الله يعاونك ....و راه نمرتي عندك اليوم بليل رد عليا الخبار كنتسنى الله يعاون
... داكشي لي درت مشيت لدار تعشيت وطلعت لبيتي كنتسناه يتاصل ونعرف الجواب ديالوا بقيت كنتسنى حتى وصلا 12 ديال الليل وماتاصلش عرفتوا كان باغي غير يتفلى ومنين سمع المعقول هرب اهئ اهئ انا لي حمقى لي عطيتوا وقت من ديما ماكنبغيش نهضر مع حتى دري وفالاخير منيت تشجعت وهضرت مع هذا طلع غير كذاب وباغي غير يدوز الوقت بيا اهئ اهئ رجال كلهم بحال بحال
تكيت فبلاستي وبغيت نعس حتى كنسمع تيليفون كيصوني....
هزيتو ولقيت نمرت سمير ماجوبتش فالاول خايفة لا يصدمني ولكن تشجعت وجاوبت
انا:السلام
سمير:وعليكم السلام
سمير:المهم سمحليا ولكن ماشي لخاطري
انا:ماشي مشكل الله يعاون
فهمت بلي رافض وغادي يقولي ماما بغات بنت اختها ههه وبغيت نقطع
سمير:الاسبوع جاي عادي نجيو نخطبوك ان شاء الله
انا من الفرحة غوطت
انا:بصاااااااااح
سمير:ههههه اه بصاح قوليها لداركم وردي عليا الخبار
انا:اه غادي نفتح معهم الموضوع ونشوف رايهم وغدا نرد عليك الخبار
قطعت ونعست نومة زوينة قلبي بغا يطير من الفرحة هعههههه الحمد الله
......اصبحنا واصبح الملك لله.نضت دوشت لبست بيجامة ونزلت وجدنا الفطور وانا فتحت الموضوع مع ماما وهي قالتلي غادي تهضر مع بابا فطرنا وهضرات معاه فبيتهم وصلوا الخبار لخويا وجا وقت تحقيق جلسوني وهما تقبلوا معايا المحقق لي هو بابا والمساعد ديالو لي هو خويا وانا المتهم ههه
بابا:فين شفتيه وفين كتعرفيه
...هاذ السؤال كنت موجدة ليه سابقا
انا:شافني فالقهوة فاش كنتغدا وقالها لبا ابراهيم راك عارفوا وهو قالها لي وانا قلتليه الى بغا المعقول يجي ادار و صافي هو وافق والسبت جاي غادي يجيو
خويا:فاش خدام؟؟ شحال فعمروا؟؟
انا:حتى يجي وسولوا انت نيت براسك
بابا:يلاه سيري دابا وقولي ليه مرحبا
....انا مشين نجري لبيتي هزيت تيليفون وتاصلت ورديت عليه الخبار
.......دازت السيمانة دغيا واليوم غادي يجيو يخطبوني .....نضت بكري جمعنا الدار وقاديت صالون على حقوا وطريقوا ماما ماتت فيا بالضحك كتر من جوج المرات كنصاوبوا وما مخليا حتى واحد يدخل ليه هههه
مشيت الكوزينة شرملنا الدجاج واللحم وصاوبنا الحلوى وصلات 14:00 وبدينا الطياب طيبنا كولشي الدجاج واللحم والسفة وقادينا الديسير ووجدنا المقبلات وصل العصر وطلعت دوشت وخرجت لصالون درت ماكياج خفيف شوية وقاديت مشطة فشعري غزالة ورجعت لدار كانت 6 لبست قفطان فالوردي وداخل فيه الابيض وفيه طريزات ومرصع واحجار ومع صمطة بلون الوردي وحتى هي مرصعة باحجار درت ريحة ديال المناسبات ونزلت لقيت ماما مسكينة موجدة راسها لابسة قفطان فالباج ودايرا فولار غزالة طلعت ليها واختي سناء سروال تجين وقميجة زوفري ديالي مشيت ضربت طلة على صالون ولقيت كولشي هو هذاك مشيت لكوزينة لقيت ماما مقادة كولشي والفرحة باينة فعينيها اكيد حيت شحال من واحد كنجري عليه من الباب وماما كتفقس الله يسمح ليا منها وصافي ولكن هاد سمير طيحني ههههههه وصلات 7 وصونا التيليفون جاوبتوا وقالي سمير بلي قربوا يوصلوا فرحت وقلتها لبابا نزل من بيتوا وخويا حتى هو مشا يتقاد
بقيت كنتسنى وانا قلبي غادي يخرج شوية كنسمع دقان دق دق دق
قفزت من بلاستوا وانا كنضحك ههه جاو والله حتى جاو .....مشا بابا وماما يحلوا الباب وانا مشيت لداخل ومراقباهم من بعيد حلوا الباب والمفاجئة كانت راجل وامراة ودرية عرفتهم واليديه واختوا فايت عرفتها استقبلوهوم وانا كنتسنى نشوف سمير وهو يبان لابس كوستيم فالكحل وصباط جلدي فالاسود وقميجة بيضاة مع كرافطة فالاسود جا على مزويناتوا خلاني مبلقة عينيا فيه ...دخلوا لصالون وانا مشيت لكوزينة تبعاتني ماما
ماما:هزي البلاطوا ودهلي عند الناس راه بغاو يشوفوك
انا:لا ماما انا كلي كنترعد غادي نقلبوا هادي اكيدة
ماما:ماتخافيش ابنتي راه حتى انا وقع لي بحالك غير تشجعي يلاه فين هي هناء شجاعة
توكلت على الله وهزيتوا وانا كلي كنترعد وصلت لصالون وماهزيتش راسي ولاو حناكي حمرين بزز باش وصلت البلاطو حطيتوا بجهد وكولشي كيشوف فيا انا شداتني الهلعة والبكية فنفس الوقت تسالمت معهم دغيا وهربت لكوزينة وماما تبعاتني
ماما:واس حماقيتي علاش حطيتي البلاطو بجهد
انا:وحمدي الله منين مالحتوا وراه ايديا كلهم كيترعدا
ماما:صافي يلاه شوية وتبعيني .
داكشي لي درت غير مشات مني الخلعة شوية وتبعتها دخلت بخطوات متتاقلة وصلت وجلسوني حدا سمير لي منين جلست ....
كيشوف فيا وكيضحك وانا منزلة عيني لتحت غمزاتني ماما زعما تبعني لكوزينة نضت تبعتها وحطينا العشا كناكلوا وكولشي كيشكر فطيابي
حماتي المستقبلية:تبارك الله عليك ابنتي
انا:ربي يخليك اخالتي
....كنشوف فسمير كنلقاه كيضحك وكيغمزني ههه عجبني الحال البنات ...
تعشينا ونضنا انا وماما جمعنا المواعن وغسلناهم وجلسنا
سي محمد(اب سمير):سي عبد الوهاب راك عارف علاش جينا ...حنا جينا طلبين وراغبين ابنتك هناء لولدنا سمير على سنة الله ورسوله
بابا:مرحبا الى كانوا الوليدات موافقين مانزيدهم غير الخير ..اش ضهر ليك ابنتي هناء
اما:نزلت راسي وتزنكت
ماما:السكوت علامة الرضا ههه
بابا:ايوا مبروك اسيدي الله يكمل عليهم بالخير
ماما:ضرباتها بواحد التزغريطة فاعلة تاركة لولولولولولولو
انا حشمت ومشيت كنجري لكوزينة .....
دازت الليلة كيفما تمنيت تافقوا على العرس بعد تلاتة شهور
.............دازت شهرين و24 يوم دوزنا هاد تلاتة الشهور غير فتوجاد للعرس كنخرجوا انا وسمير كل نهار مرة كنمشيو ندوروا ومرة فتوجاد امور العرس ودهاز وديما كنتغداو بجوجنا..بقا العرس 6 ايام ...اليوم اخر نهار عندي فالعزوبة غدا غادي نديروا العقد ......اليوم قررت نعيش داكشي لي تمنيت وتحرمت منو تاصلت بصاحبتي حورية
انا:السلام حبيبتي
حورية:وعليكم السلام لاباس عليك اعروستنا
انا:هههه شوفي اش ضهر ليك نخرجوا اليوم نهار كلوا ونديروا كل ماتمنيت عفاك عفاك
خورية:بغا ديعي الدايعة
انا:راك عارفة غدا غادي نولي فملك راجل ومانقدرش ندير كل ماتمنيت احمباك
خورية:واخاا لالة هي لي متعاود
انا:وجدي راسك ل 10 نلقاك واجدة
حورية:هههه واخا
.....خديت دوش وصبغت ظفراني بالاسود 🏻 طلقت شعري ودرتوا بوكلي ولبست مينية قصيرة بزاف فالبيض و تشورت فالزرق وصباط عالي فالبيض ودرت ماكياج تقيل مع ريحة انثوية وخرجت تلاقيت بحورية ومشينا تغدينا فواحد ريسطوا وتلاقينا مع صديقاتنا من أيام الكلية دوزنا نهار زوين درنا الدار البيضاء كاملة وماخلينا حتى قنط مامشينا ليه وانا بغيت نختمها بشي لعبة قررت نمشي لوسط شارع وسادا عيني وكنلعب كنقطع ونرجع تاني ونعاود نقطع حتى للحضة سمعت طموبيل كسيرات ماديتهاش فيها وكملت على الهبال ديالي تحطات عليا ايدي دورني شي واحد وعطاني تصرفيقة معتبرة شفت نجوم وانا فعز النهار هزيت عيني كيبان ليا خويا شدني من شعري وكيضربني برجليه لكرشي و وانا كنطلب فيه وكنغوط كيضربني قدام الناس جارني من شعري حتى وصلنا لطموبيل دفعني برجليه وطلعت لقيتوا مركب وحدة لابسة كفس مني ظهرها كلو معري ومينية طالعة تقولي غير ببكيني وكرشها كتبان ودايرا شي حاجة فبوطها اهئ اهئ هو واخا يطلع معاه لي بغا ويعيش حياتوا كيف تمنى وانا طلبت نهار واحد وحرموا عليا ضلم هذا بعينيه ....وصلنا لدار نزلني وجرني من شعري ومرغدني فلارض حل الباب وكمل ليا الباقي كيضرب ويقول ما ضربت مارحمنيش اهئ اهئ ماما كتحبس فيه ولكن ماقداتش عليه والمشكلة حتى بابا ما كاينش مسافر طلعني لبيتي ولاحني بحال لحيوان وسد عليا البيت ومنع اي واحد يدخل عندي ولا يعتقني غير بجغيمة ديال الماء بقيت جالسة فوق ناموسية وجامعة رجلي وخاشيا راسي بيناتهم وكنبكي نهار واحد ماقدرت ندير لي بغيت نعست بلى عشا ولا حتى جغمة ديال الماء
اليوم فقت على صوت الباب كيتحل قفزت من بلاستي وهزيت مخدة غطيت بيها راسي حيت خفت يفوت فيا شي ضربة بقيت كنترعد حتى تحطات ايد على شعري عرفتها ماما نضت وعنقتها وهي كتبكي مسكينة سكتها ومشيت غسلت حالتي ولبست حوايجي ونزلت فطرت وتاصل بيا سمير كيأكد عليا بلي مع 14:40 عند العدول قلتها لماما وطمأنتني بلي بابا قريب ويجي .....طلعت لبست كسوة فالموف ولافيست وصباط فالابيض ودرت ماكياج خفيف شعري درتو بوكلي وطلعتوا لفوق وطلقت شوية لقدام جيت كنحمق انا طزعت فراسي خمسة وخميس هههه جا بابا وبدل حوايجوا ومشينا لقيناهم كيتسناو شافني وكيضحك دخلنا و وقعنا انا وسمير وشهود وعطانا العقد فرحنا بزاف انا حسيت براسي طايرة كنضحك والفرحة باينة فوجهي زغرطوا ماما وماماه وباركوا لينا انا خشمت ونزلت راسي وسمير كيشوف فيا هزيت فيه عيني وانا عيني كيلمعوا خرجنا ومشينا لدار دخلنا ولقيت بنت خالي كوتر حبيبتي وصديقة طفولتي واختي واقفة وهازة التمر والحليب مشيت كنجري لعندها عنقتها وحنا كنبكيو
انا:شكرا على هاد المفاجئة الزوينة فرحتيني
كوتر:فرحت ليك بزاف مبروك اختي (عينيها عامرين دموع والحزن ظاهر عليها)
انا:مالكي ماعجبتينيش
كوتى:(كتحاول تخبي دموعها وما تبينش)لا والو غير دموع الفرح
انا كنفهمها راه مادوزناش قليل من طفولة وانا كنعرفها الى كان بيها شي حاجة....جريتها من ايدها وطلعنا لبيت دخلتها وسديت لبيت جلسنا وشديت فايدها
انا:كوتر حبيبة قولي لي اش واقع هاد العينين فاضحينك
كوتر:والو اختي انتي فرحي براسك نسايني انا
انا:نفرح وانتي يعلم الله اش واقع ليك عفاك اختي كوتر ماتخبي عليا والو
كوتر نفاجرات بالبكا
كوتر:اهئ انا مشيت فيها انا ضعت اهئ اهئ ضعت اهناء ضعت .
انا: كيفاش ضعتي ماتخلعنيش عفاك
كوتر:اهئ اهئ هناء صافي انا كولشي ضاع ليا ... خرج عليا اختي ضيعني اهئ اهئ
انا:كوتر شكون عاودي ليا عفاك انا
ختك حبيبتك فرغي عليا قلبك مشكلتك هي مشكلتي من ديما ا كوتر
كوتر:اهئ اهئ انا كنت كنعرف واحد شاب بغيتوا بقينا شحال مصاحبين واعدني بزواج تعلقت بيه وفمرة طلب مني نمشيو لديسكوا يعرفني على اصدقائو اهئ اهئ
انا:(شديت فايديها وجريتها لعندي تكيتها على صدري )انا كملي حبيبة
كوتر:اهئ اهئ مشيت معاه وعرفني عليهم جلسنا وجابليا انا بوحدي عصير تقت فيه وشربتوا وياريت ماشربتوا ياريت ماتقت فيه ياريت مامشيت معاه اهئ اهئ
انا:اش وقع من بعد هضري
كوتر:اهئ من بعد ماشربتوا حسيت بدوخة وعيني تسدوا وفقدت الوعي اهئ اهئ منين فقت لقيت راسي فبيت جيت نوض وحسيت بعضامي تقال مافهمت والو اش واقع ليا بغيت نحيد ليزار ولقيت راسي عريانة اهئ اهئ كلي عظان ولحمي كلو ازرق شوية وليت كنحس بلالام فالفرج ديالي بديت كنرجع ذاكرة للور فكرت منين شربت لعصير وفقدت الوعي شوية ذخل ووقف عليا وكيضحك باستهزاء وقاليا ....صباح لخير لالة العروسة ...صراحة حمقتيني خليتيني بلى عقل وخصوصا لقيتك باقي درية داكشي معتبر..
.انا بديت كنغوط عليه ...اش درتي فيا اهئ اهئ حشومة عليك علاش درتي ليا هكا اهئ اهئ
جا قرب مني وحيد ليزار وكيشوف فيا وكيضحك حط
ايديه على صدري وانا ندفعوا وبديت فالبكا ...اهئ اهئ علاش درتي فيا هاد الحالة اش من غلط درت معك غير اني بغيتك وتقت فيك الحيوان الحقير خرجتي عليا وعلى شرفي دمرتيني اهئ اهئ اهئ بقيت كنضرب وكنغوط ...شدني من شعري .....انتي منين جايا معايا علاش معولة ودابا غادي تسدي فمك وتبلعي لسانك ولا غادي ندمك ونشوهك وراه انا كنبقى راجل كيتك انتي الق****ة ودفل عليا .....نضت كنجري لدوش تلقت الرشاشة وجلست تحت منها وانا عريانة كنبكي وكنتنخسس اويلي على مصيبة اش ندير ياربي انا لي درتها لراسي وتقت فيه انا لغبية لي جيت معاه اهئ اهئ اش نقول لدارنا اش ندير اهئ اهئ وانا كنبكي ذخل عليا لدوش وهو مربع ايديه وكيضحك عليا ...جا قرب مني هزني بقوة وكيبوس فيا ففمي ومزير عليا وانا كنبكي وكنحاول ندفعوا دفعتوا وعطيتوا جوج تصرفيقات جعر وبدا كيضرب فيا اختي كيضربني بلى رحمة زاد كمل ليا الباقي هاني ودمرني عذبني واحتقرني اهئ اهئ ...مشا خرج وخلاني مليوحة فالارض قويت راسي ونضت لبست حوايجي ومشيت لدار لقيت ماما مخلوعة عليا حيت ليل كلو وانا برا سولاتني وقنعتها بلي صاحبتي مريضة وبقيت عندها مشيت لبيتي دخلت سديت عليا الباب كنذب على زهري وعلى مصيبتي دوشت ونعست وانا محطمة من برا ومن الذاخل اهئ اهئ من بعد اسبوعين وليت كنحس بالعيا والسخفة والارهاق والذوخة والغتيان كايجيني فصباح مشيت دوزت ولقيت راسي حاملة اختي حاملة اعباد الله اش ندير اهئ اهي
انا سمعت هضرتها وتصدمت حاملة من الفوق وبديت نبكي ونغوط ...
انا:(بالغواط والبكا)اويلي على مصيبة فين طاحت علينا اويلي اش نديروا اويلي حاملة اهئ اهئ اش درنا فحياتنا حتى يوقع لينا هكا
بقيت كنغوط بلى عقل حتى سمعتها طاحت للارض دورت وجهي لقيتها فقدات الوعي وليت نلوم فراسي بلاست مانوسيها ونعاونها جالسة ونذب وانا كنفيق فيها ذخل علينا خويا لي لقاها فديك الحالة تخلع وجا كيجري كيفيق فيها وهو مستغرب هزيناها حطيناها فوق نموسية وبقا كيصرفق فيها حتى فاقت
خويا:(وعلامة الاستغراب على وجهوا)مالها اش وقع ليها حتى فقدات الوعي اش كاين
انا:(كنتمتم)لا اه لا والو غير مع ماكلات والو من البارح وطاح ليها الطونسيو واقيلة
خويا:(ما مقنعوش جوابي)واخا قابليها نمشي نجيب ليها دوا من الصيدلية والماكلة
انا حركت راسي بالايجاب خرج هو وعطيناها تاني البكا انا وكوتر نبكيو ونعاودوا حتى كنسمعوا الباب كيتحل...
تحل الباب وكان خويا هاز بلاطوا فإيديه فيه الماكلة ودواء حنا شفناه مسحنا دموعنا ....
حط لبلاطو وشرب لكوتر دواء ووكلها وكيضحك معها خرج ونعسنا وحنا معانقين وكنبكيو حتى لصباح
.....اليوم قررت نمشيو عند داك الشاب نهضروا معاه فقنا فطرنا وخرجنا وتلاقينا خويا حدا الباب
خويا:فين غاديين بسلامة مع صباح
انا:(تخلعت وليت غير كنخربق)جايين لا غاديين لا صافي لا والو لا دابا
خويا:(كيغوط)هيي ماااالك كتخربقي قادي الهضرة فييييييييين غاديين
انا:اه غغغغ غ ا ديين لتماك اه غاديين لتماك
خويا:فين تمااااااك هضررررررري
انا:لا خخخ خاصني نتقدا شي حوايج وغادا لسوق صافي والله
خويا:يلاه غبري من قدامي
...مشينا وشدينا طاكسي وقفنا حدا القهوة ديال الشاب نزلنا دخلنا سولنا عليه قالوا لينا باقي ما جاش شدينا عصير وجلسنا كنتسناوه غير ذخل بدات كوتر كتبكي وترعد هزات صباعها وشارت ليه هزيت فيه عيني وبان ليا راجل ف اواخر تلاتينات ياه اكوتر مالقيتي معامن .....نضت لعندوا قدام كولشي عطيتوا تصرفيقة معتبرة شد حنكوا وكيشوف فيا
الشاب:مالنا ابنادم عندك شي حساب معايا كيفاش تهزي عليا ايدك والله حتى نقطعها ليك ماعرفتيش شكون انا
انا:انت حيواااااااان
وقفات حدانا كوتر شافها وبدا يصفق
الشاب:🏻 افين الكتكوتة ديالي جبتي لي يدافع عليك ههه خايفة زعما الق**ة
انا:بلع لسانك اقليل ترابي انت كيفاش تجرأ
كوتر:(كضربوا على صدروا)اهئ اهئ اهئ الغدار الحيوان اهئ
اهئ دعيتك الله الحيوان الله ياخد فيك الحق
...هز ايديه يضربها وتلاح عليه شي واحد كيضرب فيه ويعاود كان خويا رجعوا كلو دمايات وانا وكوتر غير كنبكيو خلاه غارق فدموا وخرجنا من القهوة بالغواط ركبنا معاه فطموبيلتوا
و انا شداني الخلعة اويلي صافي مشينا فيها اليوم لاخرة ليا خويا سايق وكيغوط ومغدد وصلنا لشي قهوة نزلنا وتمينا غاديين جلسنا
خويا:دابا لي نطولوه نقصروه جيني من لاخر
انا:اهئ اهئ
خويا:(ضرب ايديه مع طبلة وكيهشر وهو مغدد)ما تحاوليش تختبري صبري غادي تدوي ولا انا غادي ندويك بطريقتي
انا:خويا اهئ اهئ انا
خويا:(كيغوط بجهد وصوتوا كيتسمع من بعيد) ...وهضريييييييييييي
كوتر:اهئ اهئ متغوطش عليها هي ماعندها حتى ذنب هاذي مشكلتي انا اهئ اهئ
خويا:(كيهضر بلطافة وبشوية)سمحليا ولكن خاصني نعرف كولشي
انا:خويا انا غادي نقوليك كولشي اهئ اهئ ولكن عفاك بلى متعصب
خويا:(كيغوط)ووووو هضريييييي
.....كوتر سمعات غواطوا وبدات تبكي خويا شافها هكاك جرني من ايدي وتعزلنا
خويا:(شادني من الفك ديال وجهي ومزير عليا) كولشي هادشي غادي تخلصيه انتي بوحدك الى ما شوفتك الويل انا ماشي بدر......يلاه كنسمع
انا:اهئ اهئ اهئ كوتر اغتصبها هذاك الشاب لي كان غادي يضربها ودابا حاملة اهئ اهئ اهئ
خويا سمع ديك الهضرة و تبدل فيه اللون ولا حمر و سنانوا كيترعدوا عينيه حماروا ونازلين منهم الدموع جلس فوق الكرسي وحط ايديه على راسو وكيبكي بقيت واقفة كنشوف فيه حتى لحضة ناض وضرب بلكراسي وقلب الطبلة ومشا خلانا وهو كيف ثور تبعتوا نحبسوا لقيتوا مشا ومخلي غير لعجاج وليت نذب ونبكي اش ندير واش نخاف على خويا ولا على كوتر لمن نولي ياربي مايدير شي مصيبة فراسو.
رجعت عند كوتر لي غارقة فدموعها شديت فاديها ومشينا لدار طلعنا لبيتي ....كنحس براسي محطمة بزاف خايفة لايمشي خويا يدير شي مصيبة واخا معذبني ومكرهني فايامي ولكن كيبقى خويا لي كنخاف عليه ولي منقدرش تستحمل شعرة تقاس منو ...جلسنا ساعات وكاننا على والجمر كنمشيو وكنجيو فالبيت وكوتر مسكينة لي ولات تنذب وتبكي ولا بغات تسكت خوفها كان ليتفضح سرها وتولي حديت الكبير والصغير خوفها لا يفهموها غلط ويقولوا هي لي بغات بخاطرها حيت مجتمعنا مكيرحمش المراة انا فهمها وحاسة بيها وقفتها وكضنتها وكندوز على شعرها كنأكد ليها بلي انا معها ........وصل الليل وخويا ما رجعش لدار خوفي تزاد ودقات قلبي حتى هي تزادت وليت نتسائل لش يكون كيدير وماش دار ياكما وقع ليه شي حاجة ياكما ....!؟؟؟؟.اسئلة بزاف ولات تخطر على بالي .....وانا تايهة فافكاري وكنحاول نلقى اجوبة تكل بابا البيت وقفنا بطوجنا وحنا مخرجين عينينا كان خويا لي كيف ذخل سد الباب تنهد من قلبوا وكيشوف فكوتر لي بدورها ولات كلها ترعد ولكن فاجئنا خويا لي ما يطيحش فالبال
خويا:(كيهضر وهو واتق من كلاموا)كوتر واش تقبلي تزوجي بيا
انا تصدمت منين سمعت كلاموا وكوتر لي وقفات وهي مصدمة من كلام خويا نازلين دموعها مادارتش حتى ردة فعل حلات الباب ومشات تجري لسطح
واتا مشيت لخويا وكنخاصم عليه
انا:واش حمق كيفاش طلب منها تزوجوا هي ما محتجاكش تشفق عليها فهمتي انا مشكلتها غادي نحلها
خويا:باش غادي تحليها
انا:ياك انت رجل شرطة وهاذي خدمتك ايوا انا غادي نرفع عليه دعوة بتهمة الاغتصاب
خويا:(كيغوط)بغا ترفعي عليه دعوة ياك وتشوهني قدام صحابي هذا هو الحل
انا:اه هو الحل ما كيهمنيش صحابك ولا صحاباتك ولا ياكما صحابليك غادي نقبل بالحل ديالك حنا ما محتاجينكش تشفق عليها فهمتي بارك الله فيك
خويا:انا مشفقش عليها انا مشفقش عليها
انا:وشنو ياكما كتبغيها وما فخباريش متلا
خويا:اه كنبغيها كنبغيها وكنموت عليها
انا:كييييييفاش
خويا:من صغري وانا كنبغيها وكنموت عليها كنحماق على تراب لي كتمشى فوقوا ولكن خفت نصارحها ونخسرها كلما كنبغي نقرب ليها ونصارحها كتصدني وكتقولي ديما انت خويا خويا هاذ الكلمة لي كتجرحني
انا:ولكن ديك البنت لي شفت معك
خويا: كنت كنحاول نساها ونمشي مع بنات اخرين ولكن هي مابغاتش تخرج بقات فقلبي
انا:اهئ اهئ خويا انت كتبغيها وباقي كتبغيها واخا حاملة اهئ اهي
.....عنقت خويا هادي لي كانت اول مرة حسيت بالفرحة حيت اول نجرب معنى احساس حنان الاخ اهئ اهئ اهئ كنت ديما نتمنى يحضني واخيرا ....طلعت تبعت كوتر لي لقيتها جالسة وكتنخسس جلست حداها
انا:كوتر عقلتي نهار مرضت بالليل وبقيتي الليل كلو مقابلاني بلا ماتنعسي
كوتر:اهئ اهئ اه عاقلة وحتى انا مرضت لغدليه حيت سهرت وحتى انتي بقيتي مقبلاني ليل كلو
انا:انتي معزتك فقلبي كبيرة اكوتر
كوتر:وحتى انتي راك غالية على قلبي
انا:الى بصاح غادي تسمعيني حتى نسالي واخا
حركات راسها بلايجاب
انا:اكيد كلام خويا جرحك وكتعتاقدي بلي غير شافق عليك وصافي ولكن العكس هو كيبغيك كوتر:كيبغيني هناء كيفاش يبغيني وانا راك عارفة هو شافق عليا وبغا يسترني انا مقدرة هادشي لكن منقدرش ندمر ليه حياتوا على قبلي انا منقدرش اهئ اهئ اهئ انا:شوفي فيا خويا انتي حب حياتوا وحب طفولتوا هو كان ديما كيحاول يصارحك ولكن انتي ديما معتبراه خوك وهادشي خلاه يخاف يخسرك حب خويا ليك صادق وحقيقي ماشي شفقة فهمي هادشي بدر الدين كيحماق عليك اكوتر راك بالنسبة ليه اجمل انثى على وجه الارض وهو مستعد يكمل حياتوا معك ويتقبل ولدك بحال ولدوا كنتمنى تفهميني
كوتر:اهئ اهئ بدر كيبغيني انا كيبغيني اهئ
انا:خويا كيتسناك لتحت نزلي عندوا
نزلات لعندوا وانا بقيت برا البيت ولكن كنسمع كلامهم
كوتر:ببب بدر قالتليا هناء شي حاجة واش بصاح
بدر:كنبغيك اكوتر
كوتر:اهئ اهئ بدر كتبغيني من صغرك وباقي كتبغيني واخا عارفني حاملة اهئ اهئ
بدر:كنبغيك وغنبقى ديما نبغيك اكوتر يوقع لي وقع
كوتر:اهئ اهئ بدر
مشا لعندها وعنقها وهي بدورها عنقاتوا وبقاو كيبكيو فرحت ليهم بزاف بزاف....نعسنا وحنا فقمة الفرح حيت واخيرا المشكل تحل
شرقات شمس وحنا معانقين ليوم قرروا دارنا يخطبوا كوتر من خالي فالعشية انا نضت ودوشت لبست سروال تجين وتشورت فالوردي صباط فالوردي وشعري طلقتوا مع ماكياج خفيف وجا سمير يديني لدارهم نشوف بيتي جا خداني انا واختي سناء شدينا طاكسي ونزلنا فنصف طريق
انا:علاش نزلنا هنا اسمير اش واقع
سمير:بغيت ناخد طموبيل وانتي معايا
انا:كيفاااش لا ياك انت لي غادي تاخدها
سمير:بغيتها على ذوقك احياتي ياك حنا مزوجين خاصنا نشاركوا كولشي
انا:شكرا بزاف اسمير
دخلنا وختارينا وحدة على ذوقنا بجوج حتى لمن بعد ونرجعوا ليها .
وخرجنا توجهنا لدار لقينا ماماه وامال كيتسناونا سلمنا عليهم وجرني سمير قدامهم من ايديا لبيتنا وسد الباب انا غير سد الباب وشداتني رعدة واميمتي عتقيني هههه
سمير:حبيبة كيجاتك بيتنا
انا:ممم مزيانة
كيقرب مني وانا كنبعد حتى حبسني الحيط
سمير:(لسقني مع الحيط وانفاسوا كضرب فوجهي)مال حبيبتي واش خايفة ولا حشمانة
انا:الصمت
سمير:(حط ايديه على شعري وكيلعب بيه)حشمانة
انا:الصمت
سمير:(حاوطني بايديه فخصري ولسقني معاه وانا سادة عيني)انتي حلالي انت مراتي انتي روح ديالي
....قرب لشفايفي وشدني من الفوقانية بحنية طبع قبلة حارة عليهم حسيت براسي طايرة فسما نزل لتحتانية وعضني عضا خفيفة عليها انا ترخيت ومشا ليا جهد رجلي فشلوا عليا ولكن خو بقا حاكمني مزيان دخل لسانوا كيلعب ففمي وكيجبد فشفايفي وانا بلى مانشعر بادلتوا الشعور دورت حتى انا ايديا عليه وطلقت لعنان لنفسي عجبني الحال ومابقيتش بغاه يبعد عليا شعور واخا نعيا نفسروا ليكم لي مجربوا هو لي غادي يفهموا نزل لعنقي خشا راسوا فيه وكيشم ريحتي كنحس بانفاسوا كيتحطوا على عنقي كتلج كيداوي جروحي باسني فعنقي بقوة كبيرة وهو نازل شفت طرح بدا يسخن وانا نوقفوا وبعدتوا
سمير:(كيحاول يتلف الموضوع)اش ضهر ليك اهناء نديروا الماريوا فهاد الحيهة وناموسية هنا
انا:لي عجبك
دخلات علينا سناء
سناء:تكلموا راه الغدا تحط
تغدينا معهم فجو الضحك و النكت ورجعنا سمير لدار وجدنا لي خاصنا ومشينا نخطبوا كوتر الحمد الله وافق خالي واخا فالاول رفض ومتقبلش الفكرة حيت قررنا نديروا واحد العرس ولكن بابا كلمتوا مسموعة فالعائلة وحتى واحد ما يقدرش يقوليه لا
.. ......بقات كوتر فدارهم واحنا رجعنا لدار تكيت فبلاستي وتاصلت بسمير
انا:السلام
سمير:توحشتك احبيبتي توحشتك بزاف
انا:اه توحشتيني ولكن ماشي قدي انا
سمير:قداش كتبغيني
انا:كنبغيك حب ماليه حدود ولا قياس
سمير:ربي يخليك ليا انور عينيا
انا:حبيبي عندي ليك خبار زوينين
سمير:خرجات من فمك حبيبي كيف العسل بقاي تقوليها ليا ديما ....ايوا اش من خبار
انا:خويا حتى هو غادي يتزوج وقلت نديروا واحد العرس الى كان ممكن
سمير:مبروك اولا ....انشاء الله علاش لا بالعكس احسن خ
حاجة نديروها الاخت والاخ فعرس واحد مزيانة
انا:ربي يخليك ليا
سمير:امين احياتي
انا:يلاه احبيبي نخليك دابا فيا نعاس واخا
سمير:تصبحي على خير
.......تغطيت وعنقت المخدة (تحية لكل وحدة راها بقا كتعنق المخدة هههههه الله يسهل عليكم براجل يستاهلكم....امين)
...اليوم فقت معطلة شوية خديت دوش ونزلت فطرت ....ليوم غادي نجمع حوايجي ونديهم لداري جديدة نقاد حوايجي فالماريوا ونوجد كولشي خاصني .....وصل سمير وذخل لدار وخدا الاذن من عند بابا وماما ومشينا لداري تسالمت مع حماتي وشيخي و آمال تحدتنا شوية ووجدنا لغدا ....تغدينا وسمير مشا لخدمة وانا دخلت لبيتي كنقاد الحوايج فالماريوا ونجهز البيت على طريقتي بمساعدة آمال ...جات غزالة وعلى مزويناتها دوزت معهم نهار زوين....