آهات الحب

بارت 8

حتى دخلات ممرضة هازة بلاطوا فيه الماكلة والماء قربات ليا ....تفكرت سمير ..ماشعرت حتى قلبتوا ليها وكنبكي ....
عزيز:هناء حشومة هادشي لي درتي علاش قلبتي البلاطوا
انا:اهئ اهئ اهئ
عزيز:(خشاني فصدروا)صافي حبيبتي صافي سمحيليا ما كانش عليا نغوط عليك
......انا:بغيت نخرج من هنا اهئ اهئ عفاك بغيت نخرج من هنا اهئ اهئ.......
.....عند عزيز:(خرجت هضرت مع طبيب وسمحليا نخرجها ....ولكن قبل تفكرت داك الحيوان ..هزيت طموبيلتي وتاجهت للفيلا ديالوا .. بغيت نذخل ولكن حارس جديد منعني ...وللاسف قالي بلي صاحب الفيلا باع كولشي من الفيلا والشركة وطموبيلات وغبر ليه الاثر تعصبت حيت قدر يفلت الحيوان الجبان ....قرر يهرب ..ولكن كون لقيتوا اليوم كنت غادي نقتلوا ونشرب من دموا ... رجعت لمستشفى ......مشيت لعند هناء بدلت ليها ووكلتها وعطيتها تشرب الماء شربات 4 كيسان كبار ديال الماء وهي شادة فايدي بحال الى خايفة نخليها .....ولكن منقدرش نخليها مهما يوقع ويجرى هي حياتي وقلبي كينبض كل تانية باسمها....... ديتها لفندق جمعت حوايجنا وخرجنا تلاقينا بحميد لي كان قالب الدنيا علينا .....عاودت ليه كل ماوقع ....قرر يمشي يديكلاري بيه .....تاصل بصديقوا وكتب بلاغ ضد سمير ..... ومن بعد مشينا بتلاتة بينا ركبنا فطيارة وهناء غير كتبكي ومخشية فيا وحتى انا معنقها .....حتى وصلنا لبلادنا ...نزلنا من الطيارة لوجهة دارنا ....ركبتها ومشينا لدار هزيتها حست عي باقي مريضة وعاد التمزق لي وقع ليها دخلنا لدار كيف شافتنا ماما جات تجري شافت حالتها بدات كتسول وتبكي وضرب فحناكها ....خليتها وطلعت حبيبتي لبيتنا دخلنا لبيتنا ...وحطيتها فوق ناموسية عنقتها حتى نعسات ......)

اصبحنا واصبح الملك لله ....حليت عيني لقيت راسي فبيتي فرحت منين رجعت للمغرب ولداري ذخل عزيز لقاني فقت ...بتاسمت وضحكت من الفرحة ...قرب ليا .....شفت فعينيه ...وتخلعت للحضة نسيت واش هو عزيز ....تخيلتوا سمير ...بديت كنبكي وكنغوط .....حرااام عليك اهئ اهئ لا صافي ماتقربش ليا اهئ اهئ ...علالاش ياربي غلالاش اهئ اهئ حيد مني ...ماديرهاااش لا ...الله ياخد فيك الحق اهئ اهئ ....
عند عزيز:( .. وصل صباح خرجت نوجد ليها الفطور ومنين رجعت لقيتها فاقت شافتني ابتسمات وبدات كتضحك ....قلبي فرح قربت ليها بغيت نبوسها ولكن منين شافت عينيا بدات تغوط وتبكي ماخليت مادرت ليها مابغاتش تسكت ..مالقيت ماندير خصوصا غواطها كيتزاد وكتهز فبلاصتها كأنها كتصارع وكتضارب مع شي واحد ....أو كتحاول تفلت من قبضة انسان .....تاصلت بنعمان من العائلة طبيب نفسي ....طلبت منو يجي ومن بعد ماسمع غواطها لي غادي وكيتجهد ....خلا كولشي وجا كيجري وصل دخل لعندها بقا معها شوية وتهدنات عطاها مهدئ تنعس عليه شوية وخرج لعندي
...نعمان:عزيز خويا عاودليا كولشي اش وقع ليها حتى ولات هاكا ...هي كتحاول تصارع مع شي حد ....ما تخبي عليا والوا هادشي راه ضروري....
عزيز:(عاودت ليه كولشي )
نعمان:ما عندي ما نخبي عليك مراتك نفسية ديالها متأزمة بزاف داكشي لي وقع ليها كان صدمة بالنسبة ليها وهي باقي تحت تأتير صدمة ...وانت لي تقدر تعاونها هي محتاجك دابا
عزيز:اهئ اهئ اهئ اشنو نقدر ندير باش تعالج
نعمان:غادي تعذب بزاف اعزيز ولكن ان شاء الله غادي توفق.. وترجع لطبيعتها
عزيز:قوليا كيفاش نعاونها انا مستعدو نضحي بروحي على قبلها
نعمان:(كيضرب على كتاف عزيز)اول حاجة خاصها كل صباح منين تبغي تغيق تلقاك حداها معنقها باش ترتاح حيت هي كل صباح غادي تبدا تغوط حيت باقي كيصحابلها واش بين ايدين داك المتوحش الخوف مأتر عليها .... تاني حاجة اي حاجة كتفكرها فيه .....متحاولوش تجبدوا سميتوا مهما يوقع ....ماتبكيوش قدامها ....ديما ضحكوا وحاولوا تنسوها بكل طرق ...خرجها لبرا تغداو حدا البحر تساراو باش ترتاح نفسيتها ومنين تشفا شوية ديها لدارهم فالجو العائلي غادي تحسن....منين تكونوا خارجين كنفضل تبدل ديكور والفراش ديال بيتكم دير الاوان هادئة وباردة ...ومتقربش ليها راك فهمتيني ممنوع حيت هي باقي ماعندها استعداد... فهاد المدة حتى تحسن ...وانا معك
الى حتاجيتي شي حاجة انا بجنبك.....