Dare with the Beast [COMPLETED]

KABANATA XX

"Hello, Klaude?" dumiretso ako ng upo. Tama ba ang pagkakarinig ko? Binanggit ba talaga nitong babaeng katabi ko ang pangalan ni Klaude?

Palihim kong pinakinggan ang kanyang pagsasalita. Dahil sa maingay na tugtog sa loob ng club ay nilalakasan nya ang kanyang boses. Sapat na sapat na iyon para makarating ng malinaw sa pandinig ko.

"Andito ako sa club. Can you pick me up? Hindi na raw kasi tuloy si Valerie. Ikaw nalang ang pumunta rito."

Maraming Klaude sa mundo. Hindi lang naman si Klaude ko ang may pangalang ganoon dito. Bakit ba nakikinig pa ako sa usapan ng ibang tao?

"Please be here as soon as possible. I'm alone. Baka lapitan ako ng mga lalake rito." sinulyapan ko ito. Naka-nguso ang pula nyang labi pero makikitang napapangiti ito dahil sa kausap. Ngumiti ako ng mapangutya. Arte!

"Yes, Klaude. I'll wait for you. Bye! I love you!"

Napa-iling nalang ako. Kinuha ko ang aking cellphone. Inoff ko ang airplane mode at nagtipa ng text kay Klaude.

To Klade:

Pwede mo ba akong puntahan dito sa club? Hihintayin kit...

Hindi ko na natapos ang tinatype ko ng biglang nag-flashback sa utak ko ang mukha ng babaeng katabi ko. I know her! Sya iyong babaeng kasama ni Klaude noong unang beses ko silang nakita rito sa club!

I'm so sure of that! Hindi ako pwedeng magkamali. Muli ko itong pinagmasdan habang tahimik itong umiinom sa kanyang margarita. Palinga linga ito sa paligid at minsanan ay ngumingiti. This bitch! Sya nga iyon! Walang duda!

Don't tell me, kausap nya si Klaude ko! At sinabihan pa nya ng 'I love you'! The fuck! Gustong gusto ko nang basagin ang hawak kong alak sa pagmu-mukha nya!

Tinago ko ang aking cellphone. Binura ko ang message na dapat ay ise-send ko kay Klaude. Inayos ko ng kaunti ang aking buhok at sapilitang ngumiti.

"Excuse me." agaw ko sa kanyang pansin. Lumingon ito sa akin at ngumiti. The way she smiles, halatang isa itong malanding babae! "Sorry, I overheard you talking with your... boyfriend?" lalong lumapad ang ngiti nito.

"Yes?" her eyes are beautiful. Hindi ko maitatanggi iyon. Mas mukha itong matured kaysa sa akin. Balot ng make-up ang kanyang mukha pero maganda ang pagkakalagay rito.

Nanuyo ang lalamunan ko. Ngayon ko lang ito natitigan ng harapan. At ang mas pinaka-kinaiinis ko ay ang hindi nya pag-deny na boyfriend nya si Klaude.

"His name's Klaude, right? Parang may kakilala kasi akong Klaude."

"Oh! You mean Klaude Hendricks?" natatawa nitong usal. No way! Si Klaude ko nga! Nahihirapan na akong huminga. Hindi ko alam kung dahil ba ito sa isa ko pang katabi na sa akin ibinubuga ang sigarilyo nya o dahil sa pagbanggit ng babaeng kausap ko sa buong pangalan ni Klaude?

"Klaude Hendricks? No, I mean... Klaude Santos. Nagkamali lang pala ako." pagsisinungaling ko. Tumawa ako ng peke at pinakitang mukha akong nahihiya sa aking sinabi. "But I know Klaude Hendricks. Boyfriend mo pala sya? He's a billionaire. Ang swerte mo naman."

Tumango ito na parang proud syang girlfriend ni Klaude. Onti nalang ay mahuhulog na ako sa aking upuan. Hindi ko na alam kung sinong paniniwalaan. Gusto kong makausap si Klaude. I want to confront him. Marami akong problema nitong mga nakaraang araw.

Hindi ko alam kung saan ako magsisimula. Ang paghingi ba ng pabor sa kanya tungkol sa problema ng pamilya namin? Ang pagpapa-alis sa akin ni Daddy papuntang ibang bansa? Ang paglalayas ko sa amin para makasama sya? O ang pagtatanong kung totoo bang girlfriend nya ang babaeng ito ngayon?