His Wedding Planner (Complete)

7th Plan

"D-dahil... d-dahil, ahm, s-sabi ni mama. Kaya nga ako pinasama ni mama, dahil baka kung ano ang mangyari sa inyo, puro kayo babae. Ayan! Dahil sa pagiging clumsy mo, tsk!, pahamak."

 

"Aba't..." Magsasalita pa sana ko ng biglang may tumikhim. Napatingin ako kay Jelly at Annie na sabay na tumingala at naging malikot ang mga mata nila na akala mo may hinahanap.

Kinagat ko ang labi ko at napanganga na lang bigla, because realization struck me! Oh. My. Deer! Napapikit ako ng sobra sobra.

Nakalimutan kong may Jelly at Annie pa pala kaming kasama. Hindi ko man lang sila napansin. Dahil busy ako sa pakikipag bangayan ko kay Bryle. What does it mean? Does it mean anything? I mean, isa rin ba yun sa mga signs na gusto mo na talaga ang isang tao?

Yeah, I like him. Dahil iniligtas niya ko at binuhat, dahil gwapo siya, dahil kinilig ako sa ginawa niya, dahil pinili kong mag aral sa Laurente, kasi dun din siya nag aaral, dahil sumali ako sa cheering para mas mapalapit pa lalo sa kanya, dahil magaling siya mag basketball, dahil... umikot ang mundo ko sa kanya kanina!

Fine! I like him. Pero he is so mean, frank, straight-forward, he doesn't beat around the bush. Whatever you call it!!

Biglang napadiretso ang likod ko ng maramdaman na nakaupo na ko. Napatingin ako sa paligid, at napagtanto ko na bahay na pala ito nila Bryle. Nakita ko na lang siyang nakatalikod sakin, papunta ata siyang kusina nila.

"Uy!! Para kayong aso at pusa kanina!" Pang iintrigang sabi ni Annie.

"Oo nga! Alam mo... I smell something fishy."

 

"Pareho tayo, Jelly." Panggagatong pa ni Annie.

"Hay nako! Alam mo yang something fishy na naaamoy mo? Ikaw yan, Jelly... jellyfish!" Ngumuso si Jelly ng biglang tumawa si Annie.

"Hahahahaha! Sabi na nga ba eh, ikaw talaga yun, Jelly!"

 

"Ang sama niyong dalawa." Nakanguso pa ring sabi ni Jelly.

"Eto si Annie, tinatawanan ka! Tsk!"

 

"Eh kasi... fishy! Hahaha!"

Habang nag aasaran yung dalawa, kinuha ko yung cellphone ko at ini-text ko si Manong Edgar. Magpapasundo na ko, kasi medyo kumikirot ang paa ko. Lahat ng direction sinabi ko, para hindi siya maligaw.

Na-touch ako ng nilagyan ni Bryle yung na-sprain na paa ko ng malamig na towel. Medyo ni-massage pa niya ng dahan dahan. Tatarayan ko pa nga dapat kasi kanina pa siyang bigla bigla na lang hahawak sa binti ko, tsansing na yun ah!!

Napatingin ako kay Annie at Jelly na nagsisikuhan! Akala ko ba gusto ni Annie si Bryle? Eh kung masiko si Jelly, kilig na kilig siya. Di ba dapat ma-hurt siya? Weird!

After 45 minutes, narinig namin na may kumakatok sa pinto nila Bryle, na agad naman niyang pinagbuksan. Iniluwa nun si Manong Edgar.

"Nandito po ba si Miss Zeria?" Tanong ni Manong. Nilakihan na lang ni Bryle ang pagbukas sa pinto para makita ako ni Manong.

"Aalis na ko Annie, Jelly. Sabay na kayo sakin, pahatid ko na kayo."

Biglang tumayo si Jelly. "Talaga? Hay! Salamat naman, ang layo layo kasi ng lalakaran papuntang labasan eh."