Lihim na nangingiti ang dalawa sa naramdamang pagtataka ng mga dinatnan nila sa dining room ng makita silang magkahawak kamay pang pumasok. Hindi sila nagpahalata. Nagkatinginan lang sila, hindi napigilan ni Sam na pisilin ang kamay ni Sarah na nangingiti na rin. Sa isip isip nito, tama nga, kailangang harapin niya ang bagong pagsubok na pinasok niya. Make the most out of their situation kung hindi lalo lang siyang magiging miserable. Wala siyang balak na makita ng mga tao na miserable ang buhay niya, isa pa, alang alang sa kabaitan ni Sam, ipapakita niya sa lahat na karapat dapat siyang maging Mrs. Milby. Ipapakita niyang napaka swerte ng taong mamahalin niya, at yun ay si Sam. Magsisisi ang lalaking ipinagpalit siya sa iba.
Nginitian ni Sarah si Sam, iginala ang paningib sa mga pagkain na nakahain. "Naman! Paborito ko yata lahat ng nakahain ah! Sige,tikman natin yung sisig saka kunting chicken adobo. Mamaya naman yung iba." Masayang sagot ni Sarah. Masiglang naglagay ng mga pagkaing sinabi ni Sarah si Sam sa plato nito.
"Salamat, ikaw kumain ka na rin."
"Ano gusto mong inumin?" Tanong uli ni Sam.
'"Ano ba, kumain ka namuna, ako na kukuha."
Dahil na rin siguro sa nakitang lambingan ng dalawa, nabawasan ang tension sa paligid nila. Naging normal ang kwentuhan. Nabawasan ang pag aalala ng mga magulang nila na isang malaking pagkakamali ang biglang pagpapakasal ng dalawa.
Nagpaiwan muna sa ang dalawa. Nauna ng bumalik sa Pilipinas ang mga magulang nI Sarah at iba pa nilang kasama sa tour. Nagawan ng paraan ng mga management ng dalawa na maayos ang mga schedule nila para magkaroon pa sila ng 2 weeks na magkasama at ma enjoy ang honeymoon nila.
Pagkaalis ng mga magulang ni Sarah ay sinabihan siya ni Sam na sila naman ang mag impake para sa honeymoon nila.
Nagulat si Sarah. Hindi niya alam na balak si Sam na umalis pa. Ang alam lang niya ay doon muna sila habang mainit pa ang balita tungkol sa kanila sa Pilipinas. "Honeymoon? Saan? Saan tayo pupunta?" Excited na tanong ni Sarah sa asawa.
"Sa lugar na walang nakakakilala sa atin. Sa lugar na magagawa natin ang gusto natin gaya ng ordinaryong honeymooners." Nakangiting sagot ni Sam. "Dito sa US kahit na sabihing malayo sa Pilipinas, kilala ka pa rin ng mga kapwa nating Filipino. Hindi pa rin tayo makakakilos ng gusto natin. Pupunta tayo sa lugar na walang mag iisip na ikaw si Sarah Geronimo, ang popstar ng Pilipinas."
Kitang kita ang tuwa sa mukha ni Sarah. Yung makita lang ni Sam ang ganoong expression sa mukha ng asawa ay sapat na sa kanya. Bonus na lang yung malambing na pagyakap nito sa bewang niya. Alam niya , ganoon lang talaga kalambing ang dalaga lalo na pag natutuwa ito dagdagan pa na alam nitong nasa di kalayuan ang pamilya ni Sam.
"Saan naman tayo pupunta?" Excited na tanong ni Sarah..
"Costa Rica! Di ba gusto mong makarating doon?" Kumikindat na sagot ni Sam. Tinitigan ang asawa, habang hinihintay ang reaction ni Sarah sa sagot niya. Hindi siya nagkamali, priceless ang nakita niyang saya sa mukha ng asawa. Hindi ito nakapagpigil sa sobrang tuwa. Parang batang napatalon ito sa tuwa at laking gulat ni Sam ng halikan siya ng asawa sa pisngi.
Natawa na lang ito at niyakap ang asawa. "I love you Mrs. Milby. Just seeing you happy, makes me the happiest." Hinalikan ito sa noo.
"Alam mo napaka swerte ko, sa lahat ng napikot ikaw ang masaya. Buti na lang pumayag kang papikot, paano na kaya kung sa tindi ng kalasingan ko ng gabing yun at hindi ikaw ang nanduon? Sirang sira na siguro ako ngayon. Hindi lang pagkatao ko, pati career ko." Kinikilabutang sabi ni Sarah.
"Hmmm ngayong na realized mona yan,dapat siguro may prize ako." Biro ni Sam.
"Ano gusto mo? Kahit na ano, will buy it for you. ngayong 25 na ako,I have total control of my finances na. Hindi ko na kailangang magsabi kay Mommy kung may gusto akong bilhin lalong lalo na ngayong Mrs. Milby na ako."
