His Determined Wife

Chapter Eight

Ilan taon na ba siyang ganyan kay Kiel? Almost a year? Simula ng maging mag-asawa sila? Hindi eh. Simula pa nung high school kami nagpapakatanga na siya sa Kiel Jacob Del Rosario na yan na akala mo naman kung sino. Sa dami ng mangliligaw ni Jelaena noon na may sinabi rin naman ay hindi ko talaga lubos maisip kung bakit mas pinili pa niya yung lalaking snob at pokerface na yun. At 'take note' si Laena pa mismo ang nanligaw dito. Iniisip ko talaga noon na may sayad na talaga si Jelaena dahil sa lahat ng magugustuhan ay yung lalaki na yun na seryoso sa buhay at hindi marunong tumawa. Kahit na madalas nagmumukha na siyang tanga sa kakasunod dito ay ayos lang sa kanya. Naaalala ko na napapailing nalang ako sa tuwing naalala ko ang kagagahan niya. Hindi ko alam kung ano ba talagang nakita nito sa lalaking iyon. Well, aaminin ko naman gwapo, matalino at mayaman yang walang pusong Kiel na yan pero kahit na! Ang sungit kaya ng isang iyon. Pero syempre dahil kaibigan ko pa rin siya. Iniintindi at sinasakyan ko nalang lahat ng trip niya.

Akala ko talaga titigil at mawawalan na ng pag-asa si Laena kay Jacob pero nagulat pa ako ng si Kiel mismo ang magsabi na siya na daw ang magpapatuloy ng panliligaw kay Jelaena. At dahil sobrang inlove na ang lola niyong si Jelaena ay hindi na rin niya hinayaan pang manligaw si Kiel at sinagot na rin niya ito ng araw na iyon. Nung una hindi ko talaga siya gusto para sa kaibigan ko pero nakita ko namang mabait naman pala at gentleman si Kiel. Marunong rin naman pala siyang ngumiti at maalalahanin din kaya boto na rin ako sa kanya. Ramdam ko naman kasi na mahal niya rin ang kaibigan ko. Masaya ako na makita ang kaibigan ko na sobrang saya kaya naman ayos na rin sakin si Kiel para sa kanya kahit na minsan inaatake ito ng pagiging masungit nito.

Yung akala kong tuloy tuloy na happy ever after ng kaibigan ay biglang nagbago nung nag-2nd year college na kami. Walang sabi sabi kasi ay biglang umalis si Jelaena. Nagpunta daw ito sa America. Wala akong ideya kung bakit siya umalis dahil wala naman siyang nababanggit sakin. Nagulat nalang din akong bigla sa desisyon nito. Naisip ko rin ng mga panahong iyon kung my kinalaman kaya ang palagi kong nakikitang lungkot sa kanya bago ito umalis? Pero ang sabi naman niya ay wala lang daw iyon pero bakit siya umalis?

Nang tanungin ko naman si Kiel tungkol dito dahil alam kong my alam siya ay nagalit lang ito sa akin dahil kasabwat daw ako nito sa panloloko sa kanya ni Jelaena. Nasabi niya sa aking nagpunta daw si Jelaena sa America kasama ang isa sa kaibigan din naming si Vincent na manliligaw din dito noon. Nagulat ako sa nalaman ko, paanong sasama si Jelaena kay Vincent eh siya ang mahal na mahal ng kaibigan ko? Hindi siya naniwala sa mga sinabi ko at bigla nalang umalis. Alam kong may mas malamim pang dahilan si Jelaena at hindi iyon dahil kay Vincent. Kilala ko ang kaibigan ko kaya alam hindi talaga iyon ang dahilan niya. Hindi niya basta basta iiwan ang taong mahal niya kung wala siyang matinding dahilan.

Dahil sa naguguluhan pa rin ako sa nalaman ko ay sa mismong parents niya ako nagtanong kung bakit ay bigla bigla na lamang itong lumabas ng ibang bansa pero wala naman akong nakuhang sagot sa kanila. Mabuti pa daw ay kay Jelaena na mismo ako nagtanong. Sinabi din ng parents niya na tatawag ito sa kanya. Nagalit ako kay Jelaena noon dahil naturingan akong bestfriend niya ay wala akong kaalam alam sa mga nangyayari pero hindi rin naman nagtagal iyon. Bestfriend at kapatid na ang turing ko sa kanya kaya hindi ko siya natiis.

Linggo linggo ay tumatawag siya sakin para kumustahin kami dito. Kapag tinatanong ko kung ano ba talagang nangyayari sa kanila ay wala naman siyang maisagot sakin. Palagi niya lang tinatanong sakin kung ano ang kalagayan ni Kiel at kung gaano niya ito kamahal. Hindi ko alam kung paano ko sasabihin sa kanya tungkol kay Kiel ng panahong iyon. Wala naman akong masabi at maipayo sa kanya dahil hindi ko alam ang buong kwento. Hindi ko masabi sa kanya ang tungkol kay Kiel, na bumalik na ito sa pagiging Mr. Pokerface nito palagi at ang madalas na nitong kasama si Cass. Alam ko kasing masasaktan siya pero hindi ko rin naman masisi si Kiel dahil alam akong galit siya sa pang-iiwan ng kaibigan ko sa kanya.