How to Seduce a Hunk Again [Book 2] COMPLETED

The End Part 2 (Chapter 45) Mission versus Mission

Ten grinned slyly sa naging katanungan ni Mick. Totoo naman kase yung punto ng mokong na 'to. Yun din naman ang naisip ko from the start. Naniniwala akong hindi namin sila basta basta matatakot ng ganun-ganun na lang.

"Naiintindihan ko yung punto mo Mick. May mga bagay lang na 'ALAM NA NILA', na alam din natin," My Sister is trying to be cryptic again.

"Anong alam nila na alam din natin?" si Joaquin na may hitsura ang nagtanong. "Saang banda?"

From standing position, naupo sa harap namin si Ten. Basing her gesture, mukhang may inililihim pa siya sa aming lahat na hindi pa namin alam.

Ramdam naming lahat na lumalakas ang hangin na nagbabadyang malapit nang umulan. Lubhang nakakabahala dahil ang pag-ula'y maaaring maging kaibigan o kaaway namin sa mga panahong ito.

"This might shock all of you specially my Brother," biglang tumingin sa 'kin si Ten at napakunot nuo naman ako sa kanya.

"Bakit Ten?" sambit kong naguguluhan.

"Our eldest Brother..... Renzo? He told everything to our Aunties," Ten said calmly.

"W-what??????" gulat na gulat kong reaksyon. Mukhang ako lang 'yung gulat na gulat sa aming lahat.

"You heard it right Jace. Renzo made them know everything that we're planning for. All the ideas about this mission? Sinabi niya sa mga Aunties natin. Kaya alam na nila kung ano 'yung real story behind SAAVEDRA TREASURE."

"HOW COME????" Napatayo ako sa sobrang pagkagulat. Napakamao ako sa sobrang galit at hindi ko nararamdaman 'yung kirot ng sugat sa kamay ko. "THAT STUPID A$$$HOWL?" I said with disgust.

"It's disgusting I know Jace. Akala ko 'yung unang misyon natin, na hanapin kung saan ka nagmula, and the treasure na ipinamana sa 'tin ni Mama? Akala ko magbabago na siya.... hindi pala! Kinasabwat niya ang mga AUNTIES natin para lang ma-unlock yung secret about the Treasure. If I only knew, hindi ko na sana siya isinama sa mga plano namin ni Mama."

Ang kapal talaga ng mukha ni Kuya Renzo. Ang sarap niyang balatan ng buhay. Once a buwaya, always a buwaya talaga at nakuha pa niyang talikuran ang mga tunay niyang kadugo para lang sa pesteng kayamanang ito.

Kanina'y takot na takot ako sa posibleng mangyari sa misyong ito but now I'm enraged. Full of hate kay Renzo ang nasa puso ko.

"So, don't tell me Ten.... alam na nila ang tungkol sa ALAMAT? So kung alam na nila 'yung kwento... na this is the hiding place of the TREASURE AND THIS WHOLE THING IS CURSED... bakit pa sila pupunta rito? For what? Dahil hindi sila naniniwala sa ALAMAT? SA CURSE? Gagawin nila 'yun para sa mga personal nilang INTERES sa kayamanan?" pasigaw kong sabi na tila pinapagalitan si Ten.

Ten gave me a very sad stare. "Hindi ko alam pero, mukhang ganun na nga. It's GREED. Kapag nasa sirkulasyon na ng dugo mo 'yan, wala kang papaniwalaan kahit ano."

Napasabunot ako ng buhok. Hindi kami close ni Renzo pero hindi ko inisip na magagawa niya 'to. Napakahayop ng gagong iyon. 'Pag makita ko siya, kahit kapatid ko siya, pauulanin ko siya ng suntok hanggang sa mamaga ang mukha niyang sintigas ng kaluluwa ng demonyo.

Nagtanong muli si Mick. "So, alam na nila ang lahat tungkol sa islang ito? Kung ganun, hindi na natin sila mapipigilan kahit ano pang gawin natin?!"

Tumayong muli si Ten at ako'y naupong muli na tila napapasuntok pa sa hangin sa sobrang galit. Si Alex na katabi ko'y tinatapik tapik ako sa likuran para lang kumalma.

"Sa totoo lang, naguguluhan din ako, pero ito 'yung tingin kong pwedeng maging daan para tumigil sila. Since alam naman nila ang tungkol sa islang 'to, well, panindigan na natin. Let's make them believe na mapanganib nga ito by making this looked sinister. 'Pag nalaman nilang hindi safe ang lugar na 'to, baka umalis sila...."