PANTASYA

Pantasya part 6

Binago ko na ang  aking routine sa araw-araw. Paggising ko pa lang sa umaga, nagjojogging na ako.Iniikot ko ang buong barangay namin. Binabalewala ko lang ang mga taong nakatingin sa akin lalo na ang mga mapanghusgang mga tao na nang-aasar sa akin na baboy. Tuwing wala namang pasok, nagwowork-out ako sa gym sa isang mall malapit sa amin, minsan naman sinasamahan ako ni Jason. Sa simula medyo mahirap, pero kung pagsisikapan, talagang kakayanin.

Sinimulan ko na rin ang pagpapaganda ng aking balat base sa mungkahi ni Jason. Regular akong nagpupunta sa isang espesyalista. Hindi ko naman gaano pinoproblema ang gastos dahil tinutulungan naman ako ni Jason. Kahit busy ako sa mga ganitong bagay, hindi ko pa rin pinababayaan ang aking pag-aaral.

Nagbunga naman ang aking paghihirap, second year college na ako, isang taon buhat nang magsimula ako, nawala na ang aking pagkachubby. Isang Rico na ako ngayon na may magandang pangangatawan, may maputi  at makinis na balat. Napansin ko na rin ang aking pagtangkad.

"Wow anak, ang laki na talaga nang pinagbago ng itsura mo, binatang-binata ka na, naalala ko tuloy ang tatay mo" si Inay isang araw habang nag-aagahan kami.
"Oo nga tol, mas macho ka na sa akin" si Kuya.
"Ako na naman ang napansin niyo" sabi ko.
"Hindi lang kami pati na ang mga kapitbahay natin lalo na si Tita Mely mo sa tapat." si Inay.
"Health conscious lang po ako inay, siyanga pala kuya tuloy na ba talaga ang paglipat mo sa Maynila"nalaman ko kasi na nmadedestino si kuya na magturo sa isang eskwelahan doon.
"Oo, tatapusin ko na lang ang school year sayang lang at hindi ko na makakasabay si... ay wala hehehe" sagot ni kuya. Kahit pinutol niya ang kayang pahayag ay alam ko na ang taong tinutukoy niya, alam niya kasi na ayaw ko nang pag-usapang pa iyon. Magsasalita pa sana ako nang may kumatok sa gate namin. Si Jason pala ito nang buksan ko ang gate. Madalas na pala siyang sumasabay sa akin sa pagpasok at minsan sa pag-uwi galing school.

"Good Morning Rico" si Jason. Nakakadala talaga ang mga ngiti niya.
"Ikaw pala, nag-agahan ka na ba? halika pasok ka muna" yaya ko sa kanya. Sa loob ng bahay,
"Oh iho, halika at kumain ka muna, pasensiya ka na kung ito lang ang ulam namin.
"Ok lang po tita, kumain na po ako sa amin kanina" sagot ni Jason.
"Ay naku, ayaw lang niya ng ulam natin, palibhasa mayaman" sabat ni Kuya.
"Ano ka ba kuya, busog lang yung tao" pangangatwiran ko. Ewan ko ba sa kuya ko, hanggang ngayon ay iba ang pakikitungo niya kay Jason. Pero hindi ko na lang ito binibigyan ng pansin.
"Rico, ayos lang ako" nahihiyang sagot ni Jason.

Nang matapos ang agahan, sabay kaming umalis ni Jason. Habang naglalakad,

"Rico, mamaya punta ka sa bahay namin, umuwi na kasi ang mommy ko galing Canada, may kaunting salu-salo." si Jason.
"Jason, may session ako sa gym mamaya baka hindi ako makasama sa iyo"
"Ano ka ba tol, minsan lang naman to, sige na?" si Jason ulit.
"Sige na nga" pagpayag ko. Marami na rin kasi siyang nagawa sa aking mabuti.
"Isa pa pala Rico, sa mga susunod na araw, hindi na tayo magcocommute at maglalakad, dahil magkakaroon na ako ng sariling kotse" 
"Wow, ang yaman niyo talaga" ang sabi ko sa kanya.
"Parang naiinggit ka sa tono ng boses mo, huwag kang mag-alala lagi kang makakasakay" si Jason sabay akbay sa akin. Ngumiti lang ako sa kanya.

Nang matapos ang klase, sabay na kaming pumunta sa kanila. For the first time, nakita ko ang bahay nila. Malaki pala ito. Nasa isang exclusive na subdivision ito na para lang sa mga mayayaman. Medyo nahiya pa ako nang pumasok kami dahil sa dami ng mga tao dun, mga kamag-anak pala ng pamilya nila ang mga ito. Dumeretso kami sa kanilang malawak na hardin. Doon sinalubong kami ng isang may edad na babae.

"O Jason anak, buti naman at nakarating ka na, at teka siya ba ang sinasabi mong bestfriend mo?" sabi ng babae.
"Yes Mom, by the way he is Rico, And Rico, this is my mom, Carmencita Garcia." pagpapakilala sa amin ni Jason.
"Wow, he' so handsome, ah iho you can call me Tita Carmen na lang" sabi sa akin ng mommy ni Rico sabay nakipagkamay.
"Sige, maiwan muna namin kayo, aasikasuhin lang namin ang iba pa nating bisita" si Tita Carmen ulit.