Forbidden Flower | JFuentes #1 (GXG) ✔

Chapter 35

Anne Del Rio

"Jillian, malas natin ang haba ng pila." Nandito kami sa registrar, nakapila dahil mageenrol na kami. Si Jean mukhang mahuhuli siya. Si Jo wala rin, pagdating na lang siguro niya galing Thailand.

"Babe, tara."

"Tara saan?------naku, Jillian!" hinila ko yong damit niya. Nakatingin tuloy sa amin lahat ng estudyanteng kasama namin sa pila.

"Babe, hindi ko nagawang pumila kahit minsan kaya tara sisingit tayo." Sabi ko na nga ba! Hindi man lang ako bigyan ng kahihiyan ng bakulaw na 'to.

"Umayos ka nga! Pipila tayo kung ayaw mong sapakin kita!" Mukhang hindi siya makapaniwala sa sinabi ko. Para kaming tanga na hindi alam kung ano ang gagawin dito. Nahihiya na ako dahil nakatingin sila sa amin.

"Babe, naman eh! Mabilis lang tayo matatapos kung sisingit tayo."

"He! Sumingit ka kung gusto mo, basta pipila ako."

Iniwan ko siya at pumunta ako sa dulo ng pila. Hindi porket kami eh sunod sunuran ako sa kanya. Kawawa naman yong unang pumila. Lihim akong napangiti dahil ayan na siya. Sumunod naman sa akin.

Para tuloy nalugi ang itsura niya.

"Kung nagmamadali ka sige lang singit ka doon, oh" saka ko siya tinaasan ng kilay.

"Babe, halikan kaya kita." Napalunok ako sa sinabi niya. Tumahimik na ako, yon nga lang kawawa siya dahil lahat ng dumaan na Prof kinakamusta siya o kaya mga estudyate nagpapapicture sa kanya.

"Eto ang nakakainis kapag pumipila ako, hindi pa ako nakaka-enrol pagod na tong leeg at bibig ko katatango at kakangiti."

Natatawa ako nagre-reklamo na naman ang bakulaw. Bahala nga siya!

Natapos kaming mag-enrol na dalawa reklamo pa din siya ng reklamo. Dahil ang init daw at pagod na yong leeg niya.

"Jillian, kain na tayo? Yong masarap!"

"Oo babe, tara!"

Tignan mo 'to! Nakarinig lang ng pagkain biglang naging okay na agad siya.

Pumunta kami sa pinakamalapit na fast food chain saka nagorder. Two piece fried chicken with rice si Jillian plus spagetti at crusher. Ako spagetti lang at crusher ang inorder ko.

"Jillian, mauubos mo ba yan?"

Tumingin siya sa food niya saka ngumiti.

"Kaya ko 'to, babe. Wait lang, ha?" tumayo siya habang dala-dala yong pinggan niya. Saan pupunta yon?

Sumubo na lang ako. Pagbalik niya, ayon punong-puno ng gravy yong plato niya. Grabe talaga 'tong bakulaw na 'to. Pero bakit ganon? Hindi naman ako natu-turn-off kahit anong gawin niya. Cute nga niya, eh!

"Jillian, SPG ka na naman."

"Babe, naman pagkatapos mo akong papilahin lalaitin mo pa ako."

Natatawa tuloy ako sa sinabi niya.

Pagtapos na kaming kumain tumayo ulit siya at pumunta sa counter. Nagtataka ako gutom pa kaya siya?

"Babe tara na." sabi niya habang dala dala yong dalawang plastic na inorder niya.

"Jillian, gutom ka pa ba?"

Hindi niya ako pinansin. Lumabas na siya kaya sumunod na ako. Napangiti ako. Akala ko para sa kanya yong binili niya pero hindi pala, inabot niya sa mga bata na namamalimos.

"Halika na babe huwag kang tumunganga diyan."

"Jillian, nakakaasar ka. Hindi ako nakatunganga. Pinapanood kaya kita."