مشاري و راكان

البارت السابع

..

سحبه معاه لداخل البيت و دخله المجلس ..

مشاري وهو يأشر بيده لراكان / يله أقضب الأرض و أجلس ..

راكان / الله يسامحك يا مشاري و الله يا الغالي ماله داعي كان خليتني أروح و بجيك وقت ثاني ..

مشاري / أصه ولا كلمة .. قرقر واجد أنا ما يبي مفهوم صديق !

راكان و هو يهز رأسه زي الهنود / معلوم صديق ..

مشاري و راكان بوقت واحد / ههههههههههههههه ..

..

مشاري / يله بروح أجيب القهوة نتقهوى لين يأذن الظهر ..

راح مشاري يجيب القهوة من المطبخ لقى أمه قدامه ..

مشاري / يمه تكفييين أبي غداء على كيف كيفي و كيف كيفك هههه ..

أم مشاري / و أنت الصادق على كيف كيف أبوك هههههه ..

مشاري / ههههههههه مافهمت عليك ؟

أم مشاري / يعني أقصد بسوي غداء على مزاج رجلي أبوك التحفة هههه .. يعني ما يهمني يعجبك غداي و لا لأ .. هههه

مشاري / ههههههههه .. أفااااا تسحبين علي عشان الشايب الحب خخخخخخ ، منتي بسهلة يا أم مشاري اثاريك رومانسية ..

بس والله بجد يمه أتكلم أبي غداء من جماله يتكلمون عنه بصحيفة سبق عشان راكان خويي لزمت عليه يتغدى معاي و لازم أتجمل منه فديته ..

أم مشاري / آهاااا الزحمة ذي إللي مسويها عشان راكان ..
بصراحة زميلك هذا أدب و أخلاق حتى أمه ماشاء الله بنت حلال الله يستر عليهم ..

.. خلاص أجل انقلع طس عند زميلك و تقهو معه لين أسنع الغداء ..

مشاري / طيب بضف وجهي خخخخ ..

أخذ القهوة و طلع من المطبخ ..

وهو في طريقه للمجلس شاف أبوه نازل من فوق ..

مشاري / هلا يبه كيفك ألحين ؟

أبو مشاري / إيه بخير الحمدلله ..

مشاري / يبه تعال تقهو معي أنا و راكان خويي بالمجلس ..

أبو مشاري / لا شوي و يأذن الظهر بروح للمسجد ..

مشاري / طيب يبه براحتك ..

..

راح مشاري عند راكان و جلسوا يتقهوون مع بعض ..

راكان / إيه صح يا مشاري نسيت اقولك .. ترا دكتور مادة برمجة الحاسب طلب منا بحث و يقول يوم الخميس أبغى أشوف مواضيع بحوثكم كبداية للتجهيز لعمل البحث ..

مشاري / أففففف أعوذ بالله .. أكره شغل البحوث هاذي
طيب و أنت وش بتسوي ؟

راكان / والله يا أخوك ما أدري ماقررت لحد الآن .. بس يمكن إذا شفت أن موضوع البحث هذا معقد راح اضطر أدور لي مكتبة مضبوطة تضبط لي شغلي على أحسن ما يكون ..