ခမ်းနားသောအဆောက်အဦးကိုကျောခိုင်းခဲ့ပြီး တစုံတစ်ယောက်ရှေ့ကိုဦးတည်နေသော ဤခြေလှမ်းတစ်စုံဟာ စိတ်လှုပ်ရှားခြင်းတြွေပည့်နှက်နေသည်။ နူးညံ့စွာလှပနေသည့် တစုံတစ်ယောက်မျက်နှာကိုကြည့်ရင်း မိမိမဟုတ်သောတခြားသူလက်အား မြဲမြံစွာကိုင်ထားသည်ကိုမြင်ရသည့်တခဏ နှလုံးသွေးတွေဗြောင်းဆန်သွားသည်။ အေးစက်နေသောမျက်ဝန်းတစ်စုံက စိမ်းဖန့်ဖန့်လေးလှမ်းကြည့်နေပြီး အခြားသောလက်အားဆုပ်ကိုင်ရင်း မိမိရှေ့သို့လျှောက်လာသည်ကို ရပ်ကြည့်နေမိသည်။
" လာပေးတဲ့အတွက် ကျေးဇူးတင်ပါတယ် "
တိုးရှရှလေးထွက်လာသော စကားသံလေးက မျက်ဝန်းတစ်စုံလိုပင် စိမ်းသက်လှသည်။ ဆစ်ကနဲနာကျင်သွားသည့် ခံစားချက်ကြောင့် မိမိနှုတ်ခမ်းလေးဟာ သိသိသာသာလွန့်သွားခဲ့သည်။
" စကားတစ်ခွန်းကိုပြောလိုက်ရင် ကျေးဇူးတင်လိမ့်မယ်မထင်ဘူး "
ထိုစကားကိုမိမိပြောလိုက်တော့ စိမ်းဖန့်ဖန့်မျက်ဝန်းတစ်စုံက အနည်းငယ်စိတ်လှုပ်ရှားသွားပုံရသည်။ အံ့အားသင့်စွာပွင့်ဟလာသောနှုတ်ခမ်းလေးက မပိုင်ဆိုင်ရမှန်းသေချာတော့မှ ငေးကြည့်ချင်စရာကောင်းနေသည်။ မလိုက်ဖက်သောလူနှစ်ယောက်ကိုကြည့်ပြီး မိမိမှာခေါင်းကိုမော့ကာ တစ်ချက်တော့ရယ်မောပစ်မိသည်။
" မပျော်ရွှင်ဖို့မျှော်လင့်တယ် လကျာ် "
မိမိနှုတ်ကနေထွက်လာသည်က လူမဆန်သောစကားတစ်ခွန်းပေ။ စိမ်းဖန့်ဖန့်မျက်ဝန်းတစ်စုံကတော့ နားနှင့်ကြားလိုက်သောစကားကို မယုံနိုင်သောဟန်ဖြင့်ပြန်ကြည့်နေသည်။
" ဘာလို့လဲ "
တစ်ဖက်ကထွက်လာသော အေးစက်စက်စကားသံကို အပြုံးအရယ်မရှိဘဲကြည့်လိုက်သည်။ မိမိကထိုစကားကိုပြောလျှင် ဤသို့တုံ့ပြန်ခံရမည်ကိုနားလည်ထားသည်။ ထိုကြောင့် အပြုံးအရယ်မဲ့သောအကြည့်ဖြင့် သိပ်လှနေသောသတို့သမီးအသစ်စက်စက်ကို မျက်နှာချင်းဆိုင်ကြည့်နေမိသည်။
" ဘာလို့လဲ မမလေးဆူးနှင်း "
" အဆုံးထိနာကျင်စေဦးမှာလား "
နားထဲသို့လာရိုက်ခတ်သော အသံလှိုင်းဟာ ရုတ်တရပ်ဆိုသလိုကျယ်လောင်လာသည်။ တစ်ချက်ချင်းပဲ့တင်ထပ်လာပြီး အကြိမ်ကြိမ်ရိုက်ခတ်နေသော ထိုစကားလုံးသံတွေက အေးစက်သောအကြည့်နှင့်ထပ်တူကျနေသည်။ စိမ်းဖန့်ကာလှပနေသောမျက်ဝန်းဟာ အကြည့်တစ်ချက်နှင့်ပင် လူကိုအသက်ရှုကျပ်အောင်လုပ်နိုင်လေသည်။ မဟုတ်ဘူးလို့နှုတ်ကငြင်းဆန်ရန် ကြိုးစားမိချိန်မှာတော့ မွန်းကျပ်သောမြင်ကွင်းတွေဟာ တစတစပြောင်းလဲသွားခဲ့သည်။
မောဟိုက်သောပင့်သက်တစ်ရှိုက်နှင့် ရုန်းကန်ကာဖွင့်လိုက်သောမျက်ဝန်းဟာ လက်တွေ့နှင့်နီးစပ်ရန် မည်မျှအချိန်လိုအပ်လိုက်သည်မသိပေ။ အယောင်ယောင်အယမ်းယမ်းနှင့် လှမ်းဆုပ်မိသောဘယ်ဘက်လက်ထဲ နွေးထွေးသည့်အထိအတွေ့ကိုသိရမှ စိတ်တွေဟာငြိမ်သက်စပြုလာသည်။ နိမ့်ချည်မြင့်ချည်အသက်ရှုနှုန်းက ခြောက်ခြားနေသည့်စိတ်ကိုဖော်ပြနေပြီး အထိတ်တလန့်ဖြစ်နေသောမျက်ဝန်းဟာ အိပ်စက်နေသောသူကိုမြင်တွေ့တော့မှ ပင့်သက်ကိုရှိုက်ထုတ်နိုင်လေသည်။
ငါအိပ်မက်မက်နေတာပဲ.....
ပေါ်လွင်နေသောပခုံးသားထက်မှာ အမှတ်အသားတွေထင်ရှားနေပြီး အစွန်းရောက်ပတ်သက်ခြင်းတွေကြောင့် မျက်တောင်ထက်ကမျက်ရည်စတို့ဟာ ယခုအထိစိုစွတ်ကာမခြောက်သွေ့သေးပေ။ လက်နှစ်ဖက်ကိုချည်ထားသည့်အတိုင်းလေး အိပ်ပျော်နေသော ထိုမျက်နှာလေးကိုကြည့်ပြီး လက်ကတွန့်ဆုတ်စွာတိုးကပ်လာမိသည်။
ပါးပြင်လေးကိုဖွဖွလေးထိကပ်ရင်း သွေးစတွေထင်ကျန်နေသောနှုတ်ခမ်းအား လက်မဖြင့်ဖွဖွပွတ်လိုက်သည်။ အိပ်ပျော်နေသောအလှလေးကိုငေးရင်း မျက်တောင်လေးလှုပ်ရှားလာသည်ကိုတွေ့၍ ထိတွေ့နေမိသောလက်ကိုအသာရုပ်သိမ်းမိသည်။ မျက်ခုံးလေးထိလုနီးနီး တွန့်သွားသောမျက်နှာလေးက နာကျင်မှုကိုအံကြိတ်လိုက်ပုံရသည်။
" နိုးပြီလား "
မျက်လုံးလေးဖွင့်လာသည့်အချိန်မှာ စိမ်းဖန့်နေသောမျက်ဝန်းလေးက မိမိကိုမမြင်လိုဟန်ဖြင့် အကြည့်လွှဲသွားသည်။ မိမိစကားကိုလည်း တစ်နေရာကိုတွေဝေစွာကြည့်ပြီး ခေါင်းကိုအသာညိတ်ပြသည်။
" နေလို့သက်သာလား "
စိမ်းဖန့်ဖန့်မျက်ဝန်းလေးက အကြည့်ကိုသာ တစိုက်မတ်မတ်လွှဲထားသည်။
" ပထမဆုံးမှန်းမသိလိုက်ဘူး နာနေလား "
" လက်ကိုဖြည်ပေးပါ မမလေးဆူးနှင်း "
စောင်ပေါ်ကနေထိတွေ့မိသော ဗိုက်သားချပ်ချပ်လေးကို လက်ဖြင့်ဖွဖွထိတင်ရင်း ဂရုတစိုက်မေးလိုက်တော့ မေ့လျော့နေသောအရာကို သတိပေးလာသည်။ ညကဖြစ်ပျက်သမျှမှာ တသက်တာစောင့်ထိန်းထားသောအရာအား ဖျက်ဆီးလုယူမိထား၍ မိမိကိုနာကျည်းနေဟန်ရှိသည်။ အခြားသူပိုင်နက်ထဲမှာ ပြုသမျှခံလိုက်ရသည့်အပေါ် အကြည့်လွှဲခြင်းဖြင့်တုံ့ပြန်နေသူအား ဆူးနှင်းမှာအပြစ်မမြင်နိုင်ပေ။
ထိုမျက်ဝန်းစိမ်းလေးပြောသည့်အတိုင်း ခါးစည်းကြိုးဖြင့်ချည်ထားမိသော လက်ကောက်ဝတ်လှလှလေးကို လွတ်မြောက်ခွင့်ပေးလိုက်ပြီး ဖွဖွလေးလက်ကိုကိုင်ကာနမ်းမိသည်။ စောင်တစ်ထည်တည်းအောက်မှာ မရုန်းထွက်နိုင်သေးဘဲ မတရားပိုင်ဆိုင်ထားမိသော ခန္ဓာကိုယ်လေးအား ညင်သာစွာပွေ့ဖက်ထားရင်း ဆူးနှင်းသဘောကျစွာပြုံးလိုက်သည်။ တဆက်တည်း အိပ်မက်အကြောင်းတွေးမိပြီးနောက် လက်တွေဟာအလိုလိုတင်းကျပ်သွားသည်။
" လကျာ် "
ငြိမ်သက်နေမိသောလူနှစ်ယောက်ကြား လေတိုးသံသာသာခေါ်သံက မပီမပြင်ထွက်ပေါ်လာသည်။ စိမ်းဖန့်ဖန့်မျက်ဝန်းတစ်စုံဟာ အကြောင်းအရင်းမရှိစွာ နံရံကိုစိုက်ကြည့်ရင်း တိတ်ဆိတ်နေခဲ့သည်။
" အစ်မကိုမုန်းနေပြီလား "
ထိုအချိန် စိမ်းဖန့်ဖန့်မျက်ဝန်းဟာလှုပ်ရှားသွားပြီး တစ်ဖက်ကိုလှည့်ကြည့်လာခဲ့သည်။ ခန္ဓာကိုယ်ကိုပွေ့ဖက်ထားသောသူထံ မျက်ဝန်းစိမ်းတွေရွေ့လျားကာ အဓိပ္ပါယ်မဲ့ကြည့်မိသည်။ အရက်အတူသောက်ရာကနေ အိမ်ပြန်ပို့ပေးရင်း မှားယွင်းမိသွားသောကိစ္စကို မျက်ဝန်းစိမ်းဟာလက်ခံနိုင်ရန်ခက်နေသည်။
" မုန်းနေလား လကျာ် "
မျက်ဝန်းစိမ်းလေးဟာ ဘာမှမဖြေဘဲ နှုတ်ခမ်းလေးစေ့ပိတ်ထားသည်။
" မုန်းနေရင်လည်း ဒီတိုင်းခဏနေပေးလို့ရမလား "
မျက်ဝန်းကိုမှိတ်ချလိုက်ပြီး မျက်ဝန်းစိမ်းကိုဖက်ထားရင်း ဆူးနှင်းငြိမ်သက်လိုက်သည်။ မှားယွင်းစွာဖြစ်ပျက်သွားခြင်းမဟုတ်ဘဲ လိုလားစွာပတ်သက်ခဲ့မိသည်ကိုတော့ ဝန်မခံဘဲထိမ်ချန်ထားချင်သည်။ ငေးကြည့်နေသော စိမ်းဖန့်ဖန့်မျက်ဝန်းသည်လည်း တွေဝေခြင်းများစွာဖြင့်ပင်။
...........................................................
တစ်လှမ်းချင်းရောက်လာပြီး ထွေးပွေ့ခံလိုက်ရသောအခိုက်မှာ စိမ်းဖန့်ဖန့်မျက်ဝန်းတစ်စုံဟာ အံ့အားသင့်စွာဝိုင်းစက်သွားခဲ့သည်။ နွေးထွေးသောအထိအတွေ့ကြောင့် ပွေ့ဖက်ရန်မဝံ့သောလက်တို့ဟာ လေထဲတွင်ချီတုံချတုံတွေဝေနေသည်။
" မမလေးဆူးနှင်း ! "
" ထပ်မတွန်းထုတ်နဲ့တော့ လကျာ် "
နေရောင်တွေတိုက်ရိုက်ကျရောက်နေသော ထိုနေရာကြောင့်များ နွေးထွေးမှုတွေရှိနေခဲ့တာလား။ လကျာ်တွေဝေစွာငြိမ်သက်ရင်း ပွေ့ဖက်လိုသောစိတ်ကို လက်သီးဆုပ်ကာငြင်းဆန်မိသည်။ အသက်ရှုသံတိုးတိုးနှင့် လာရောက်ရိုက်ခတ်နေသောလေငွေ့တို့က လည်တိုင်နားတွင်တဝဲလည်လည်သာ။
ပြောစရာစကားတွေပျောက်ရှနေပေမဲ့ သူမခေါ်ရာနောက်ကိုမငြင်းဆန်ဘဲ ကားတစ်စီးတည်းဖြင့်လိုက်လာမိသည်က လွယ်ကူလွန်းရာရောက်နေမည်လားမသိချေ။ နူးညံ့ညင်သာစွာဆုပ်ကိုင်ထားသော လက်လှလှလေးကိုငုံ့ကြည့်ရင်း လကျာ်မျက်ဝန်းတစ်စုံက သူမမျက်နှာကိုလှမ်းကြည့်ဖြစ်သည်။ ပြုံးပြနေသောအကြည့်တို့ကို မြင်လျှင်မြင်ချင်းမှာ မဝံ့ရဲစွာအကြည့်လွှဲမိသည်။
" လကျာ် "
လေသံသာသာခေါ်သံကြောင့် တွေဝေတုံ့ဆိုင်းစွာ လှည့်ကြည့်လိုက်သည်။ လက်တစ်ဖက်တည်းဖြင့် ကားကိုမောင်းနှင်နေသောသူမက လကျာ်ကိုကြည့်ရင်းပြုံးပြနေသည်။ လှပသောသူမမျက်နှာထက်မှာ နေရောင်ဖျော့ဖျော့လေး ကျရောက်လျက်ပင်။
" ဟုတ် မမလေးဆူးနှင်း "
လကျာ်ထံကတိုးရှရှအသံကို မျက်တောင်မခတ်ကြည့်ရင်း သူမတစ်ချက်ပြုံးသွားသည်။ နားလည်ရန်ခဲယဉ်းသောအပြုံးနှင့် ကားကိုလမ်းဘေးနေရာတွင်ရပ်ကာ လကျာ်လက်ကိုသူမလွှတ်လိုက်သည်။ နှုတ်ခမ်းစွန်းကအပြုံးဖျော့ဖျော့ရယ် နားလည်ရန်ခက်သောအကြည့်တွေက လကျာ်စိတ်ကိုရှုပ်ထွေးစေလေသည်။
" ကားပေါ်ကဆင်းရအောင် "
လုံခြုံရေးခါးပတ်ကိုဖြုတ်ပြီး လကျာ်ဘေးကထွက်သွားသောသူမကို နားမလည်နိုင်စွာကြည့်နေသည်။ ကားတံခါးကိုဖွင့်လျက်အတိုင်းလေး အပြင်ကနေကိုယ်လေးကိုင်းကာ လကျာ်ကိုကြည့်နေပြီး လှပစွာပြုံးပြသည်။ လကျာ်တို့ရောက်နေသောနေရာက အဖွဲ့တွေကြားကပဋိပက္ခဖြစ်ပွားနေကျ နာမည်ကြီးလမ်းမပေါ်တွင်ဖြစ်သည်။
ခါးကြားတွင်သေနတ်တစ်လက်သာပါသော လကျာ်ထံမှာ ခုခံစရာလက်နက်ဟူ၍ များများစားစားမရှိပေမဲ့ သူမအပြုံးလေးကိုတွေတွေလေးငေးရင်း ကားပေါ်ကဆင်းလာခဲ့သည်။ လမ်းမဘေးတစ်ဖက်တစ်ချက်မှာ ခြုံခိုနိုင်စရာအပင်ကြီးတွေပေါက်ရောက်နေပြီး လမ်းမပေါ်ကိုနေပြောက်လေးတွေသာကျရောက်စေသည်။ မှောင်ရီပျိုးစလမ်းမပေါ်မှာ ကားတံခါးပိတ်ကာ အေးဆေးစွာလမ်းလျှောက်နေသောသူမကို လကျာ်ရပ်ကြည့်နေမိသည်။
" မမလေးဆူးနှင်း "
တုံ့ဆိုင်းနေသောခြေထောက်တစ်စုံက ဖြည်းနှေးစွာစတင်လှမ်းရင်း တိုးရှရှခေါ်သံကြောင့် လှမ်းကြည့်လာသောသူမကို တွေဝေစွာကြည့်လိုက်သည်။ ပတ်ဝန်းကျင်ဟာ နေပြောက်ထိုးရုံမှအပ အမှောင်အတိလို့ဆိုနိုင်အောင် မှောင်ရိပ်သန်းနေလေသည်။
" ဒီနေရာက အန္တရာယ်များပါတယ် "
ထိုအချိန် လေရူးတစ်ချက်ဟာ အပင်တွေလှုပ်ခါသွားအောင် တိုက်ခတ်သွားသည်။ မျက်ဝန်းနက်နက်လေးနှင့် မျက်ဝန်းစိမ်းလေးဟာ အချိန်အတော်ကြာကြည့်ဖြစ်ကြသည်။
" ပြန်ကြရအောင်ပါ "
သူမ နှုတ်ခမ်းလေးလွန့်ရုံပြုံးပြသည်။
" ဒီကိုလာခဲ့ "
လကျာ်စကားကိုမကြားလိုက်သည့်အလား သူမဘက်ကလက်ကမ်းပေးရင်း ခေါင်းလေးစောင်းကာလှမ်းခေါ်နေသည်။ သစ်ပင်ရိပ်တွေကျနေသောလမ်းမပေါ်မှာ နေ့အလင်းရောင်ဟာ ပျောက်လုမတက်အနေအထားဖြစ်လေပြီ။ အေးစိမ့်သောလေရူးတွေလည်း အဝေးကနေအရောက်လာကာ တိုးဝေ့တိုက်ခတ်လာသည်။
" အစ်မတို့ လမ်းအတူလျှောက်ရအောင် "
အမိန့်ဖီဆန်သောခြေထောက်တစ်စုံက သူမအရှေ့ကိုနှေးကန်စွာလျှောက်လာမိပြီး ညင်သာစွာဆုပ်ကိုင်လိုက်သောအထိအတွေ့နောက်ကို လကျာ်မသိလိုက်ဘဲလိုက်မိသွားသည်။ တစ်လှမ်းချင်းနောက်ပြန်လျှောက်ပြီး လကျာ်ကိုကြည့်နေသော သူမ၏မျက်ဝန်းလေးကိုငေးကြည့်ရင်း ခြေလှမ်းတွေဟာ သူမဆွဲခေါ်ရာနောက်ကိုပါလာသည်။
အကြောင်းအရင်းမရှိဘဲ လမ်းမထက်မှာပြေးလွှားနေမိပြီး တစ်ချက်တစ်ချက်လှည့်ကြည့်လာသော သူမမျက်နှာလေးထက်က အပြုံးလှလှတွေကိုငေးမောမိသည်။ လေရူးတွေတိုက်ခတ်နေသည့်ကြားကနေ သူမမျက်နှာလေးကိုလှမ်းကြည့်ရင်း အလင်းရောင်ဖျော့ဖျော့အောက်က မျက်ဝန်းစိမ်းလေးဟာ မှေးဖျော့စွာပြုံးခဲ့သည်။ လက်ကျန်အလင်းရောင်အောက်မှာ လူနှစ်ယောက်ဟာ စိတ်လွတ်ကိုယ်လွတ်ပြေးဖြစ်ကြသည်။
" လကျာ် "
" ဟင် ? "
ခေါ်သံလေးနှင့်အတူ ပြေးလွှားနေသောခြေလှမ်းတွေကိုရပ်လိုက်ချိန်မှာ နှုတ်ခမ်းလေးပူနွေးကာစိုစွတ်သွားသည်။ နူးညံ့သောအထိအတွေ့ကြောင့် စိမ်းဖန့်သောမျက်ဝန်းလေးက အံ့သြဝိုင်းစက်ကာကြည့်လိုက်သည်။
" အစ်မတို့ အတော်လေးပြေးလာမိကြတာပဲ "
အဝေးတစ်နေရာကိုလည်ပြန်ကြည့်ပြီး လက်ကိုဆုပ်ကိုင်လာသောသူမကို လကျာ်တွေတွေငေးငေးလေးကြည့်မိသည်။ အဆင်ပြေသလိုနမ်းသွားပြီး ပုံမှန်အတိုင်းပြောဆိုနေသောပုံစံလေးက လကျာ်ကိုသိမ်ငယ်စိတ်ဝင်လာစေသည်။ သဘောကျမိသောစိတ်ကို သော့ခတ်ထားနိုင်ဖို့ မည်မျှကြိုးစားရဦးမည်မသိပေ။
ညအမှောင်နက်နက်အောက်မှာ နှစ်ယောက်အတူဘေးချင်းယှဉ်လျှောက်ခွင့်ရသည်က လကျာ်အတွက် အကြီးဆုံးဆုလာဘ်တစ်ခုလိုပင်။ တိတ်ဆိတ်ကာလူသူကင်းမဲ့သောနေရာမှာ နှုတ်ဆိတ်စွာလမ်းလျှောက်နေသော မဝံ့မရဲငမိုက်သားဟာ လက်လေးကိုင်ရဖို့ကိုတွန့်ဆုတ်နေသည်။ မထိုက်တန်သောအရာကို လကျာ်တုံးခုလို့မလှမ်းချင်ပေ။ သူမအနားမှာ အသုံးချခံလေးအဖြစ်သာ ဆက်လို့ရှိနေချင်သေးသည်။
" မမလေးဆူးနှင်း "
အတွေးတွေများစွာနှင့် ခေါင်းငုံ့ထားမိသောအချိန်မှာ အဖွဲ့တစ်ဖွဲ့ဆီမှအနက်ရောင်ကားနှစ်စီးဟာ လကျာ်တို့ဘေးကနေဖြတ်တက်သွားကြသည်။ လေ့ကျင့်သားပြည့်ဝခဲ့သောသူအဖို့ ချက်ချင်းပင်ခေါင်းထောင်မိကာ သူမကိုလကျာ်ကိုယ်ဖြင့်ကွယ်လိုက်မိသည်။ အနက်ရောင်ကားနှစ်စီးက ခပ်လှမ်းလှမ်းမှာရပ်တန့်သွားပြီး ရှေ့ဆုံးကား၏အနောက်ခန်းမှန်ပွင့်လာသည်။
" ဆွေးနွေးပွဲကအဖွဲ့တွေပဲ စိတ်မပူနဲ့လကျာ် "
ရှေ့ဆုံးကား၏အနောက်ခန်းမှာ အကြီးအကဲမိန်းကလေးနှစ်ယောက်ရှိနေပြီး လကျာ်တို့ကိုကားမှန်ချကာကြည့်လာသော အကြီးအကဲမိန်းကလေးက ညာဘက်ခြမ်းတွင်ထိုင်နေသည်။ တစ်ချက်သာအကဲခတ်သွားပြီး မကြာခင်မှာ ထိုအနက်ရောင်ကားနှစ်စီးသည်လည်း လကျာ်တို့လာခဲ့သောနေရာသို့ထွက်ခွာသွားကြသည်။
ထိုတော့မှသက်ပြင်းချမိသောလကျာ်မှာ နောက်ကျောကရယ်သံတိုးတိုးလေးကြောင့် ပိုင်စိုးပိုင်နင်းလုပ်မိသောအဖြစ်ကို သတိရလိုက်တော့သည်။ အားနာစွာနောက်လှည့်ကြည့်ပြီး တောင်းပန်ရန်မဝံ့မရဲကြည့်လိုက်ရင်း လက်ချောင်းလေးတွေကို အချင်းချင်းကုတ်နေမိသည်။ မရည်ရွယ်ဘဲလုပ်မိသွားသော အပြုအမူတစ်ခုဖြစ်ပေမဲ့ လကျာ်ဘက်ကစည်းကျော်မိခဲ့သည်မဟုတ်လား။
" တောင်းပန်ပါတယ် မမလေးဆူးနှင်း "
မဝံ့မရဲစကားသံက လည်ချောင်းထဲမှခဲယဉ်းစွာထွက်လာပြီး ခပ်စူးစူးကြည့်နေသောအကြည့်ကို မျက်လွှာချကာရှောင်ဖယ်မိသည်။
" ဘာကိုတောင်းပန်တာလဲ "
" ခဏက မမလေးဆူးနှင်းလက်ကို "
လကျာ်အသံကတိုးသထက်တိုးလာသလိုပင်။
" အလျင်စလိုဆွဲမိသွားတယ် "
လက်မကိုလက်မဖြင့်ပြန်ကုတ်ရင်း ကွန်ကရစ်လမ်းမကိုသာ လကျာ်တွေတွေလေးငုံ့ကြည့်နေသည်။ သူမထံက အကြည့်စူးစူးတွေလက်ခံရရှိပေမဲ့ မော့ကြည့်ဖို့မဝံ့ရဲနေပေ။ နူးညံ့သောအထိအတွေ့က မျက်နှာကိုလာရောက်ထိတွေ့သည်အထိ ခေါင်းကိုငုံ့ထားမိဆဲဖြစ်သည်။ ရယ်သံတိုးတိုးလေးကလည်း နားထဲသို့လာရောက်ရိုက်ခတ်လျက်ပင်။
" အရက်သောက်ကြရအောင် လကျာ် "
..........................................................
မျက်နှာသစ်ဘေစင်မှာ လက်ကိုထောက်ရင်းတွေဝေနေပြီး မှန်ထဲကစိမ်းဖန့်ဖန့်မျက်ဝန်းကို လကျာ်ရှင်ကြည့်နေသည်။ ထင်သာမြင်သာသောနေရာတွေသာမက ဖုံးကွယ်ထားသောနေရာတွေ၌ပါမကျန် အမှတ်အသားတွေရရှိထားပြီး လည်တိုင်ကအမှတ်အသားကတော့ အထင်ရှားဆုံးဖြစ်လေသည်။ မှိန်ဖျော့နေသောမျက်ဝန်းတစ်စုံဟာ မနေ့ညကဖြစ်ရပ်တွေကိုတွေးရင်း ဝမ်းဗိုက်ကိုဖြည်းဖြည်းချင်းဖိလိုက်သည်။
အိပ်ရာအောက်မှာပြန့်ကြဲခဲ့သော အဝတ်အစားတွေကို ဖြစ်သလိုပြန်ဝတ်ထားသည့်ပုံစံက ကိုယ့်ကိုကိုယ်ပြန်ကြည့်လျှင်ပင် အဆင်မပြေနေချေ။ အမှတ်အသားတွေထင်းနေသော လည်တိုင်တဝိုက်ကလည်း ညကအဖြစ်အပျက်များကို မီးမောင်းထိုးပြနေသည်။ မလွန်ဆန်နိုင်သောမှားယွင်းမှုက လကျာ်ကိုအပြစ်ရှိသလိုခံစားရစေပြီး သိမ်ငယ်စိတ်တွေပိုလို့ဝင်လာခဲ့သည်။
" လကျာ် "
ရေချိုးခန်းထဲဝင်လာသောသူမကို လကျာ်မြင်နေရပေမဲ့ ဝေဝါးနေလေသည်။ ခါးတဝိုက်ကိုချယ်လှယ်လာသမျှ တွေဝေစွာရပ်ကြည့်ရင်း မှန်ထဲကသူမမျက်နှာလေးကို ဝေဝေဝါးဝါးကြည့်မိသည်။ သူမကတော့ လကျာ်ကိုအနောက်ကနေဖက်ရင်း ငြိမ်သက်စွာရပ်နေသည်။
" ညကကိစ္စကို မေ့ပေးပါမယ် "
တိုးရှရှထွက်လာသည့်စကားသံဟာ စိုစွတ်နေသောရေစက်နှင့်အပြိုင် မျက်ရည်စက်ကိုကျလာစေသည်။ စိတ်ထဲကသိမ်ငယ်မှုကို သူမမသိနိုင်ပေမဲ့ ယခုအချိန်မှာလကျာ်အလွန်ဝမ်းနည်းနေသည်။ နှစ်များစွာကောင်းကောင်းမြိုသိပ်ပြီး လောဘမကြီးခဲ့ပေမဲ့လည်း မထင်မှတ်ဘဲလွန်ကျူးမိခဲ့ကြပြီ။
" မရှိခဲ့သလို ဘာမှမဖြစ်ခဲ့သလိုနေပေးပါမယ် မမလေးဆူးနှင်း "
ထိုစကားလုံးတွေပြောနေချိန်မှာ ခါးတဝိုက်ကပိုမိုတင်းကျပ်လာသယောင် မှားယွင်းစွာလကျာ်ခံစားမိသည်။ သူမမျက်နှာကိုကြည့်တော့လည်း ပုံမှန်အတိုင်းသာ အပြုံးလှလှလေးပြုံးပြနေခဲ့သည်။
" မာကင်ရာတွေက စကားပြောနေတယ်နော်လကျာ် "
ရယ်သံနှောကာပြောလာသော သူမစကားသံတွေက လည်တိုင်ကိုနှုတ်ခမ်းဖြင့်ထိကပ်ရင်း အက်ရှရှပြောလာကာ ခါးတဝိုက်ကိုပိုတင်းကျပ်လာစေသည်။
" တကယ်ဘာမှမဖြစ်ခဲ့တာပဲလား "
လကျာ်တိတ်ဆိတ်စွာပင် လက်သီးလေးဆုပ်မိသည်။
" ဟုတ် "
" လကျာ် အစ်မကိုနောက်နေတာလား "
တောင့်တောင့်လေးရပ်နေသောလကျာ်ရှင်ကို ဖက်ထားရာကနေလူချင်းခွာပြီး ရွှေဆူးနှင်းအံ့သြသလိုမေးလိုက်သည်။ မှန်ထဲကနေကြည့်နေရသည်ထက် မျက်နှာချင်းဆိုင်ဖြစ်နေတာက ပို၍မှန်နေမလားပင်။
" အစ်မကိုကြည့် "
လိမ်ညာလို့ရနိုင်မည့်ရေစက်တွေလည်း မျက်နှာပေါ်မှာခြောက်သွေ့သွားခဲ့ပြီး မရပ်တန့်နေသောရေစက်တို့က တစက်စက်ဖြင့်ကျလို့နေသည်။
" အစ်မကိုကြည့် လကျာ် "
အတင်းငုံ့ထားသောမျက်နှာကို ဆွဲယူမော့စေလိုက်ပြီး ရွှေဆူးနှင်းစိတ်မရှည်စွာပြောလိုက်သည်။ မျက်လုံးလေးတွေရဲတက်ကာ တွေတွေလေးကြည့်နေသောသူကို မျက်ခုံးတွန့်ချိုးစွာကြည့်မိသည်။ စိတ်ထဲတွင်အလိုမကျခြင်းကလည်း အချိန်အခါမကျစွာရောက်လာလေသည်။
" အခုမှားခဲ့ပြီးတာကို ဘာလို့လက်မခံတာလဲ "
" နစ်နာသွားတာက လကျာ်ဖြစ်နေတာတောင် ဘာလို့ဒီစကားပြောနိုင်တာလဲ "
လကျာ်ရှင်နှုတ်ဆိတ်လျက်သာရှိနေသည်။
" အစ်မကို တာဝန်မယူနိုင်တဲ့သူထင်လို့လား ဟုတ်လားလကျာ် "
ထိုမေးခွန်းကို လကျာ်ရှင်ခေါင်းခါကာ တိတ်တိတ်လေးငြင်းဆိုသည်။
" မထုံတတ်သေးပုံစံနဲ့ ဘာဖြစ်ချင်နေတာလဲလကျာ် "
" အိမ်ပြန်ချင်တယ် "
အတင်းအကျပ်လုပ်ယူထားရသလို အခြေအနေကြောင့် မျက်နှာကိုဖိကိုင်ထားသောလက်ကို ရွှေဆူးနှင်းလွှတ်ချမိသည်။ သက်ပြင်းကိုလှောင်ရယ်ကာချရင်း တဖက်သတ်ဖြစ်နေသော မိမိကိုယ်ကိုစိတ်ပျက်သွားသည်။
" ဖြစ်ပြီးခဲ့တာကို မရှိသလိုလုပ်လို့မရတော့ဘူးလကျာ် ဒီကိစ္စကိုလင်္ကာသိသွားပြီ "
ထိုစကားကိုကြားလျှင်ကြားချင်း လကျာ်ရှင်ခေါင်းထောင်မိသွားပြီး ရွှေဆူးနှင်းကိုထိတ်လန့်စွာကြည့်လာသည်။ စိမ်းဖန့်ဖန့်အကြည့်တွေထဲမှာ မည်သည့်အဓိပ္ပါယ်သက်ရောက်သည်မသိသော အရိပ်အယောင်တြွေမင်တွေ့နေရသည်။
" အစ်မကိုယ်တိုင် အသိပေးလိုက်တာ "
" မမလေးဆူးနှင်း "
..........................................................
