لهاث رمايا

‏ ‏ part 5 𓆪 ‏𓆩 ‏

خجلت من كلامه ماعرفت أدر اكفيت بالابتسامة
وهو كمل چاي وترخص ينام واني هم مددت
اول ماخليت راسي ع المخدة شوخرت حتى
مالحكت أفكر.. وهذا ع شي بيَّ..

فزيت ع دفرات بطني كمت مخترع ادحك
الشرطي نفسه للي اعتقلني ، ادحگ ستوه
صبح الفجر اريد اصحصح ارجع ذاكرتي
اني وين! شوصلني لهنا ؟

شرطي : كوم ابوك يريدك؟
باستغراب
_ ابوي؟؟

الشرطي : لأ صاحبتك اطرم ماتسمع!
الحجي : ع كيفك اذا انت كعدت دفرات
شيفتهم.

الشرطي : اسكت إنت عجوز البين.

كمت متعصب من كلامه
وطن : هابيي احترم نفسك احجي عدل
رجال بكد ابوك عليش تتجاوز!

ماحس اله ع بوكس كومني بالكاع
گزيت ع سنوني وقبضة ايدي اريد ارجع
لكمة الضربة بس لازمني الحجي وشاورني
بهمس
_ لا تخلي الشيطان يغلبك إياك تحكم باعصابك
بس اتضربه يشد وياك ويخيسك بالسجون
وراك عائلة لا تنسى..

حجه وابتعد رخت اعصابي دحكت بحقد
اهجس جره من خوانيگه نفس حامد عار
اخ لاجن حكم القوي على الضعيف..

ترخصت من الحجي وطلعت الرعد بالمشي
ماتحمل شغلة احد يعاملين كـ ملك او عبــد
عنده ، اهجس قبق راسي راح يطير من كثر
التفكير..

شفته مرتخي ع كرسي ومنطلق بكلام
مبين آليوم مأخذ اجازة ، وسنونه الصفر
تلمع تكول مفرش بكركم ، اشرا اجي اكعد
گباله الله يستر شنو ناوي ، لازم گلـبي من شغله
خاف يضربني كدامهم واخسر احترامي

داود : هاا ملعون صاير خريج سجون!

ضحكت بستهزء ، حتى نظرة خوف ومحنه
بعيونه ماكو
وطن : العرگ دساس يأبه.
_ شتقصد ابن القندرة؟
_ قصدي واضح.

هزز راسه يتعود بكلام ، ميطبل تهديد
صرنه أطول من عده وبعد يضرب يبنه.

ماجادلت وياه تركته يحجي ويشتم ويرجع
الورا دفع كفاله وبلتواسيل يلا تنازلو اولاد حامد
ماستغربت أكيد وراهم نية ومشكلة، بس مافكرت
رجعت وياه طريق كله يدردرم
داود : بدون ابوكم فلس متسون.

وطن : أمم

داود : ول ابن انعل ابن الجلب تستهزء؟
وطن : ماهتم ولا اتأثر تغلط ع روحك.

داود : انعل ابوك لابو جابك خلفتكم عون طلعتو
بس المشاكل والقهر من وراكم هساع انت
تسوه كفاله بس أمك المعلونة اكلت رأسي
اطلعك .

بعصبية نترت
وطن : لا تغلططط عليهاااا.

_ ترفع حسك عليه؟

_ ماارفع بس امي خط أحمر لا تجيب
طاريها.

تف عليه ودار وجهه مانقشت ، بقيت اطحن
بروحي وارجع لورا ، وصلنه للبيت دخلت
صارت تبوس بيه وتبجي كعدت يمها طمنتها
ماكو شي إجراءات بسيطة هو ماهتم كبل
طب الغرفته وسد الباب.. اكلت لكمه وطلعت
الشغل بوجهي..

لازم الم فلوس الكفالة وانطي ماأحب يجملني
بفلس احمر ، وهنه فلوسي بالأصل ياخذهن
من شغلي بس المهم اردهن..

....

نَــــــفس.

مرة يومين ع اختفاء انس ماكدر اكول موت
واطلع افاول ع أخوي ، ماخلو مكان مادور عليه روحنا طلعت واحنه ندعي ونصلي حتى نحصل شي او دليل يثبت انُ الجثة مو آله الواحد ثاني..

كاعدين داير ماداير امي ومنحس غير ع محمود طب يصرخ وكع گلوبنه بس يصيح ماناخذ منه كلمة..
محمود : ولججج يمة الحكي يمةةة وينججج
ازهار : شكوو ابن الاوادم؟

محمود : هذا طلع والله هو هذا مو هو؟
ازهار : تحجي عدل ول اعدل حلگك بالنعال.

يحجي وياشر ع الباب
محمود : يمه هو عايش طلع والله.

لطمت ع صدرها وصاحت
_ منووو! انوسي عايش؟
محمود : اي والله هو طلعت الجثة الصديقة
إلياس مو انس المتفجر.

كامت تبجي فرح وقهر لان هي تحب انس بنفس الوقت فرحة برجعت وسلامة ابنها، كامت طلعت الشارع واحنه كلنه وراها ركضنه فيلق من النسوان كلها طلعت برا حتى الجهال نريد ندحگ نلمح طولة، مو اكثر من دقائق ونشوف ابوي لازم انس ومن
جهة الثانية عهد منتجي عليهم ويعرج وحاله
يبجي ملابسه مشگشگه وجهه كله مترب ،

كامن النسوان تهلهل وكلنه كمن نصفك ونتباجه برجعته خوالي فروح وكلها اجت تحمدت اله بالسلامة بس وهو جان فاصل عن الكل حتى ماارد ولا كلمة.. امي تبوس وتحجي ويا تريده يسولف يدحك عليها تتطمن عليه تسأله وين جان هاليومين، لاجن ماكو ساكت بس عيونه ترمش خفنه عليه أكثر ماينطق شي.. تركو ماضغطو عليه..

مره اسبوع بين الأخطار والناس تجي تتحمد بالسلامة وانس عازل نفسه عرفنه علمود صديقة الياس ضايج لله يرحمة ويغفرلة..

عهد ومرتو وجميلة بدو يحضرون حتى يعبرو
ويكدر عهد يرتب جواز السفر حتى تدرس خارج العراق.. وثاني يوم جان موعدهم يجي رجال ياخذهم وبعبرون لاكن مشي لمدة إيام همه
يخلصون الطريق مشي.. وقتها
جانت دينا مرت عهد حامل بالنسبه الها صعب
وخفنه لا يطيح الطفل بس جانو مجبورين
يعبرون حتى يكملون حياتهم ، واحنه ضلينه
هين نتأكد وصلو بخير يلا وراهم نعبر
المنطقة أكثر امان..

ثاني يوم كملو كلشي مأاخذو شي َوياهم غير
ملابسهم وتوكلو شمرت امي وراهم مي.. ومن
بعدها اختفت أخبارهم مانعرف شي.. بيومها
جان انس غريب حيل حتى تصرفاته
ونظراته تخوف مو ع بعضه ، فجأه وصاح
الاهلي من بعد فترة صمود ، هساع يلا
طلع صوته...

دخلنا اندحك نايم ع ظهره ، وعيونه بالصگف
وشفته بيضه متفطرة ، ويرجف ، نطق جملة خله الخوف يصقع أرواحنا..
انس : اني قررت اخذ حگ الياس وانسب
عضو بالمنظمة الأسلامية..

....

لاتنسون التصويت ،
اللي يغلس يرجع يصوت 😑🫠

- مــريـآم 🩷

يتبع ♣️🕸️...