لهاث رمايا

‏ ‏ part 4 𓆪 ‏𓆩 ‏

لُهـــــــــــــــــاثُ رَمَايَا

بقلمي ألكاتبة مريآم 🩷

لا تنسون التصويت والتعليق بين الفقرات لطفاً 🩷

________✍︎___________

يعوضنّي الدمـع وانه الخسـرته هواي؟
شيعوضني الدمع؟
انـه الخسرته هواي
على رمله امل كل عمري وشلته
وانه الباكو نهاري
ورحت ادوره بلليل
واللي المسودن طبع ميعرف سالفته .

________✍︎___________
 

أكو ناس تنولد والحظ ما يحبها ، كأن الدنيا كاتبتلهم الشقا من أول نفس.
كل ما يحاولون يبدون صفحة جديدة ، ترجع
لُهاث تقيدهم من رقبتهم وتضحك..
يمكن إحنا مو بس نعيش القدر… يمكن هو يعيش بينا ، ويتغذى من وجعنا..

من زمان ، من حادثة محد يريد يذكرها ، وكلشي صار بعدها تغير..
بيوت انهدت ، ناس اختفوا ، وأسرار انحكت نصّها وانهبلوا بيها الباقين..
حين يختلط الوهم بالواقع ، يبدأ اللهاث الحقيقي.

      
أحياناً أحس الدنيا ما عدها گلب ، تلفّ وتدوس وما تسأل شبيچ ، شنو خسرتي! وشنو ضل بيچ؟
كلشي بيها يوجع ، حتى اللحظات الحلوة بيها غصّة كأنما الفرح يخاف يطوّل عندي..
تعبت من التمثيل ، من الابتسامة اللي ما تشبهني ، من الناس اللي تشوفني قوية وهي ما تدري شگد مكسورة من داخل..
بس رغم كل هذا ، أكعد من جديد، يمكن مو لأن عندي أمل ، بس لأن ما أقبل أضيع نفسي بين الخراب..

يمكن بعدني أؤمن إن الله يشوف ، وإن يوم من الأيام راح يجي شي يعوض كلشي انسلب منّي. الدنيا ظلمتني ، إي… بس ما أقدرت تسرق منّي إيماني ، ولا قدرت تطفي النور الصغير اللي بعده يعيش بيّه..
                   
حجت جملة الي جحضت عيوني بسببه
_ جميلة : اريـد اكمل دراستي بالخارج .

ام نَفس : شنووو!!

جميلة : اي مثل ما سمعتي عجل تردين
اداوم بالبصره تقنيات طبية واني معدلي
95!

ام نَفس : طبعآ لا، بس شون الأوضاع متسمح.
_ نـعبر ، الجيش .
_ ماخليج ترحين وحـدچ لأزم أخبر خوالـچ.
_ كولي لمن تردين المهم انا اسـفر قبل
 لا تـفوفتني سـنة.

كالت چلمته وراحت تتأمر بكلامها وامي متكدر
ترفضله طلب لأن أختنا الچـبيرة..
راحت الغرفه تخابر خوالي هما الي يتصرفون
عدهم معارف واسطات بكل مچان.

رحت وراها اتنصت عليهم من ورا الباب
خاف تفوتني چلمه حجاية تايهه
امُ نَفس : اهم شي عندي دراستهم
ياخوية لو اعرف اشتغل وابيع في سبيل اوفر
مصروفهم.

تقدمت آكثر وأني مشلبه على الباب
بس تنفتح گبل بوجهي للگاع ، فجأه حسيت
نبرة صوتها تغيرت للحزن
_ ماعرف ماعرف ياخويه بس دبرلي حل
لأن حرمات تنضلم هين بالعراق عاد
تدرس طب عام بالخارج .