لهاث رمايا

‏ ‏ part 5 𓆪 ‏𓆩 ‏

#لُهـــــــــــــــــاثُ رَمَايَـــا ♣️

بقلمي مـــــــࢪيآم

لا تنسون +نجمة +تفاعل بكل فقرة ♥️

حساباتي :

Watapd : Merriman_88
Telegram : mrayam88z
lnst: miryam_n8

________✍︎_________

ماگدرت الزم دمعتي
بهوسة العالم بچيت.!
________✍︎_________

نَفـــس..

الأجواء مرعبة كل ثانيــة تفز ؏ صوت طلق
وصواريخ ، وتسمع تكبير وصراخ الأطفال ،
والأمهات تتباجه بفقدان أولادها
أو سحب ضناها من حضنها علمود نظام التدريب
، اي احد مينفذ طلبهم ياخذو ، ويخلوو
تحت التدريب ونظام السلامي..

من دون الأيام جان اليوم گلب امي خايف ع
اخوي انس.. تلوج وكلسا كالت لعهد شو اخوك
اتأخر اليوم وين صار؟

عهد : يمة قابل هو زعطوط ميعرف يدير
روحه ، تلكي هو واليأس دايحين .

الأم : لأ گلبي حاس صاير شي هو ميتاخر
هلكد روح دحگ الو وين راح!

_ هساع أطلع ادور عليَّ بس خلي
داع*ش يدخلون، وادوره بالشوارع..

صدُك ألبيت دخل إنذار بسبب انس ، اختفى
منعرف وين ، امي تخبلت صارت تتخيل خذو
داع*ش ، لو لاسامح الله مات بانفجار
بدت حسبه تودي وحسبه تجيب ، منتظرين
ع نار ، بلكي يدخل ، عين ع الباب هسه
يجي هسه يطب ، دگت آلـ 9.. وهو ماله أثر.

فز گلبي من سمعت رنـة تلفون ابوي كمت بخوف
اشوف منو! باوعت رقم غريب ، زاد خوفي أكثر
بلعت ريكي وصحت
_ بابا رقم غريب يتصل عليك.
_ جيبي.

ايد ترجف وأني انطي تلفون.. احس يرن بضلوعي
مو بأذني.. فتح خط واني واكفه كدامه ماتحركت هو يسمع للمتصل.. ورا ثوانـــي ادحگ وجهه أبوي أصفر وعيونه مترمش .. عرفت صاير شي لـ أنس.

مالحكت اسأله شبيك ، فوراً اجه صراخ امي من صالة ، زرف مسمع من كثر صراخها.. رجلية ماتن
بعد ميساعدني اروح اشوف شكوو .. كعدت
بالكاع ابجي.. من سمعت امي تكول ل عهد
_ ولكككك احجييييي صدك اخوك استشهد احجييييي.

هو ساكت مانطق ولا حرف ، زادت بالدموع من
سكوته ، صح هو مكروة ومااحبه بس من وصلت الصدك ، اختلف كلشي ماريد اخسر واحد بيهم ، لتفت لأبوي ادحگ خال ايده ع عيونه وجتافه تهتزز.. تخبلت بزايد يعني شنو صح كلام
امي معقولة انس مات!

قبل شويه كال نَفس جوعان سويلي اچل
لأ لأ مستحيل مااصدك..

عتلت الأصوات الصراخ والطم اخوان كامو
يلطمون ع راسهم.. اخاف انطقها بين نفسب
_ء ءاستشهد اخوي استشهد اخوي لأ ياربي لأ.