حامد : همزين ابوك عرگجي عليش تزامط
صيتكم عابركم.
طفر اخو الثاني
_ وامه تشتغل وتبيع خبز النسوان ، كلهم
عـــبد.
حامد : هههههه لأ ولك والضرب شنو؟
_ شنو!!
_ بفلوس شغله يجيب لابو بيره وجزر ناقصهم
ويسكوّ وتصير خوش مُزه .
الكل : هههههههههههههههه.
قبضت ع أيدي احس شراييني نطت
اهجس عفاريت الاجن والإنس كلها بدت
تتطافر كدامي
خاصتاً من جاب طاري امي بالسانه
النكس وبنص المركز كدام اليسوه ومايسوه
بدون مقدمات، جيرته من ياخته ونمت فوكاه
شبعته بوكسات كلات اضرب بدون وعي
ولا اتوقف وكلها تجر بيَّ حتى اوخر ، بس
محد يكدرلي اذا اعرت بشي محد يفگني..
لأحد ما ثگلت انفاسي ، وصدري يصعد
وينزل بصعوبه كمت منه، ادحگ وجهه صاير
خارطة العراق بس ناقص اضيف تعاريف الدول
وتكمل..
قدير : ول شبيك نجلبت عليه!
صهيل : ربك ستر ماموته بيده .
قدير : يردون يستفزو ويخلو هو الغلط
بس البغل مايلزم اعصابه.
نترت بغضب احس روحـي لعبت
وطن : يجبون طاري امييييي ولككك
امييييي بنص الزبايل وتردني اسكتتتت!
ول لو اعرف اخيس بالسجون ومارضى
واحد مثل أمثال حامد يجيب طاري امي
ول اكضو وافرغ الشاچور بحلكوو.
واحد يدحك بوجهه ثاني ساكتين ماحجو
شي، رأساً اجت الشرطة ودخلتني للحبس
وهم بقوو بالتحقيق أهلهم يطلعوهم بكفاله
، اما اني اللي ﷲ..
اول مادحكت ع السرير كبل رحت عليه
ماهتميت الشي، اهجس جسمي يصرخ من تعب
وطن : اخ الكواويد ماخلوني اتهنى بنومتي .
فزيت ع صوت حجي بصفي ، بيده اليمنى
لازم جكارة والثاني يشرب جاي ، كمت عدلت
كعدتي.. وحجيت بصوت ودود
وطن : لله بالخير حجي.
الحجي : هلا وليدي شلونك!
دنكت راسي، استحي من هالكلمة لان
ماعرف ارد كلمة بخير مو من قاموسي
تنهدت بحسرة وردت
_ ؏ ﷲ حجي.
_ ونعم بالله.
رجع سحب دخان وزفره بوجهي، كحيت
مختنك من دخان ، ردت اكوم من يمه رأساً
جرني من يدي وردني بصفه
الحجي : شمسوي مكسورة حتى شمروك
هنا؟
وطن : ممسوي لاجن البشر تعيل بيَّ واني زلمه
بـدوي طبعي نخلةٍ اعاند ريح البريّه ،
اوگف صامد والليل يشهد اللي ، ولا ارضه
للمذله لو شويّه.
طفى الجكارة وندار عليه
الحجي : والنعم ، وانا زلمة شروگي طبعي نسر ،
ما اهاب الماي لو عكر ، اشرب التعب كاست
وفخر ، واضحك للدنيا لو تنكسر.
YOU ARE READING
لهاث رمايا
Romanceلا تبحث عَن ألبداية فالحِكاية بدأت قبل أن تُكتب. وما بينَ السُطور... صوت يلهث بأسمها. " لُهَاثُ رَمايا " ليست حكاية هروب ، بل صراع للبقاء.. بقلم : مۘــريآم
part 5 𓆪 𓆩
Start from the beginning
