لهاث رمايا

‏ ‏ part 5 𓆪 ‏𓆩 ‏

جميلة : ول انجبي بدي يوم گبل بأجر اخلص
من وجهج ايع شكد مكروها كل سمينه
تكون مسمومة ..

نَفس : هه هه وكل ماسحة تكون مضغوطة..

خزرتني بحقد شمرت القوري وراحت
استغفرت ماردت اسوي مشكلة حتى وقت
مو مناسبة، ماعرف شون عدها قابلية اخوها
مفقود مدري ميت وهي الها خلگ للتكاون..

عفتها متعودة ع القهر لملمت المطبخ غسلت
المواعين حضرت الاستكاين الجاي، والضيافة
لان بيتنه كلما يزيد بالناس أصدقاء اخواني
واصدقاء انس كلها اجت نص طلعت ادور
ونص بالبيت تحمينا لان القصف والرمي مستمر
المهم كملت كلشي وطلعت انطي النسوان
خلصت رحت شفت امي شاده راسه من وجع
والضغط معلگ مترضى تبلع ولا تاخذ دواه..

عجزت كثر مالحيت واصيرت عليها وهي فاقلة
تركتها ورحت كعدت ع دچــه ادحگ ع ضجيج
أصواتهم ، وصوت رنة الاستكان احسها دگ
بعقلي ، وگلبي يسولف بكتر ، أعيش صراع
بين الاثنين.. تركت المكان ودخلت لغرفتي
حضنت دقلمبص ونمت من بعد نهار كامل
من الصراعات والنوح ندخلت بسبات لغير
عالم...

...

وَطــــــــــن

طلعت من كملت الحمام بوجهي للغرفة
حتى ماريد اتعشى ، أريد بس الوح الفراش
وادفي ضلوعي..
اهجس عضم يطگ بعضم من البرد ..

ماحس غير دخلت اختي وجهها يصوفر
وتمتم بحجيها
_ الشرطة بالباب تنتظرك

صفنت الثواني استوعبت شتكول ، بعدها اجه
بالي ماكو غيرهم اولاد حامد النذال ،لبست
القميص شون ماجان وطلعت، امي
ضربت خدودها بس سمعت
والام : ولك وطن شمسوي يمه لا تلوع كلبي.
_ ماكو شي وغلاتج مجرد انذال ربيتهم واجَو يشتكون ، لاحد يطلع اروح وارجع لا تخافين.

عاندت اله تطلع وراي لابسه جادر صلاتها ودموعها تجري تنهدت بقهر اتخبل من أشوفها تبجي.. اخ ياحامد اذا لزمك اله افنيك..
طلعت ادحك السيارة شرطة واثنين ظباط
الشرطي : وطن داوود
هزيت راسي
الشرطي : تفضل ويانه عليك لقاء قبض من
المدعي حامد.

ماحجيت شي رأسا ركبت، وطريق كله اهواجس اذا سمع ابوي شيسوي راح يأذيها لو يضربها؟

لحد ماوكفت سيارة باب المركز
دخلت ادحگ الربع كلها ملتمه
وطن : ول مسوين لم شمل للعفطية كلها هين!

قدير : ناقصنة وجودك وتكمل أبو الليل.

حجيت وعيونه ادحگ ع اولاد حامد
وطن : ههه الصوصي مشتكي علينه يم بابي.

صهيل : هههه وبعد نسيت مامي وتــن.

ضحكنه كلنه وهو كامو يزاگطون يردون
يهجمون وعمهم يمنعهم ، امشي برخاوه
بينهم وفنه اللي يلوحني آله انام ع خوانيگه
اشتري العركه مشترايه وياهم..