ابوي اختنك مااتحمل يضل أكثر ، رأساً البس وطلع
يدور على أنس عسى ولعل يطلع مشبهين بالجثث ويطلع عايش.. امي ع حطيتها ماتحركت بالباب منتظر انس يرد وتدعي وتنوح وساعة تسب وتغلط ع دواع*ش..
بدو خوالي يجون وناس والجوارين ونص ماكدرو
لان مراقبين من قبل المنظمة.. بدا البيت ينترس بالنسوان والزلم النعرفه ولمنعرفه اجه يعزينا.. وكلها تلطم واكو نسوان هم فاقدات ولدهن صارن يم
امي بالباب يبجن ويلطمن.. مشاهد لو تمر الف سنة ماناسها عذاب، اتعس ايام حياتي عشتها ، روحي طلعت، نافسي ضاق ، اريد اطلع من البيت، أصواتهم تضرب براسي ، دمي يسب من رهبه والخوف ..
ادحگ امي تشمر التراب ع روحها تشيل من
الگاع وتغسل وجهها
ازهار : هذا الاخذك مني هذا الحرمني منك اريد اغسل وجهي بي بلكي يخجل ويردك اللي.. انوسي يمه عزيز روحـي اترب الوطن رحمتني من طولك يمةةةة يبوووو عليج ازهار مات ولدج ولكم تعالوو واسوني تعالوو حرموني حسبي الله ونعم الوكيل بيكم بدم بارد الشباب الحلو تندفن شذنبها، بعدك ماعرست والله بعدني اريد افرح بي..
روحي اتگطعت بعتابها غصيت بشهكتي
كبل عفت الكل ودخلت لغرفتي ، اذا اضل أكثر
اتخبل تنهدت بحيرة واسترجع كلامها.. صح
هي كالت ورا عهد ازوج انس خلي افرح بيهم
كبل لا يصير شي بينا ونموت.. بس مالحكت
تزفه عرس بالجنة..
الليل ما هون علينا ، ولا البُعد نِسي وجعه ،
كل زاوية بالبيت تصيح باسمه
صوته بعده يدور بالغرفة ، وضحكته معلّگه بالهوا
يمّه، حتى النوم يخاف يقرب
چم مرّة ناديتك ، يمكن ترجع ، يمكن الباب ينفتح مثل گبل...
بس ماكو غير السكون!
وسكوتي الموجوع ينتظر الصبح يمكن يجيبك..
الليل ما خلص ، واحنه بعدنا ننتظر يمر...
كل ساعة نسمع صوت باب ، نحسبه إجه،
وكل نسمة تهب ،
نحچي: يمكن ريحته ، يمكن صوته!
البيت كله ساكت ، بس أنفاسي ثگيلة
العرگ ينزل والعيون ما تنام
أعد الدقايق وأحچي ويه صورته :
يمّه ، تعبت ، لا الليل مر ، ولا الوجع خف
حتى القمر ، باهت ، يمكن حزن ويانه ،
يمكن هو هم ينتظر يرجع مثلنا...
لحد ماطلع الفجر واحنه ماغمضت النا عين
لا اكل ولا شرب ، ريكي يابس من الصراخ
والبجي بس گلبي ماينطيني اشرب مي وأخوي
منعرف مجانه..
عفت غرفتي وطلعت اشوفهم رحت المطبخ
اخذ لأمي شي تسند طولها ، اعرف مترضى تاكل
وراح ترفض نفس كل مرة بس عسى ولعل تقبل
هالمرة ، واكفه اثرم طماطة وبالي شارد وماحس
اله ع ضربه بخاصرتي فزيت بوجع ، ادحك
جميلة متخوصره وبيدها قوري الجاي
جملية : اني خدامة عد الخلفوج كاعده مستريحه
بغرفتج واني اگرب الأخطار ، بحجة دايخه.
نَفس : غير انتِ اختنه العبيرة وتكوم بالواجب
لو متكدرين ع فراك نَفس تحوصين لازم اذبين
سمج متفوتين يوم..
YOU ARE READING
لهاث رمايا
Romanceلا تبحث عَن ألبداية فالحِكاية بدأت قبل أن تُكتب. وما بينَ السُطور... صوت يلهث بأسمها. " لُهَاثُ رَمايا " ليست حكاية هروب ، بل صراع للبقاء.. بقلم : مۘــريآم
part 5 𓆪 𓆩
Start from the beginning
