لهاث رمايا

‏ ‏ part 5 𓆪 ‏𓆩 ‏

كمت املخ بروحي والطم بالحضتها حسيت فقدت جزء من روحي ، مو انس نفسه للي جان يضربني نسيت كلشي نسيت كرهي ، ردت بس يرجعلنا
بس ادحگ طوله.. الأصوات بدت تتعالى وكل ركن بالبيت بدا يون بسبب صراخ وجع أمي..
_يمه فقدت ضناي حسام ماتت ابني خذو مني
كتلكم گلبي حاسني ابني صابه شي گلب والده يحس بس جذبتوني ولكم جذبتوني..

اجه عهد يلزم ايديه يريد يسيطر ع حركاته
ويهديها ماكو فقدت امي تزحف بالكاع وتصيح
_ رجلية وكفن مااكدر اتحرك اريد اكوم الم جسم ابني اريد ادفن رجلية ماتتتن اخ يابويةة راح وليدي لله لا يوفقكم خذتوو عزيزي..

اسمع نحيبها وكلماتها يقشعر بدني بالرجفه ، لميت رجلية صدري وادحك بصمت عليهم، ماعندي حيل اكوم اواسي أمي.. ولا أكدر اطفي نار وجعها..

لزموها معاذ وعهد حتى ينهضوها.. متكدر تمشي شعرها طالع وجهه عليه آثار التملخ والدگ وصدرها ازرگ ودشداشتها مزكتها.. ركضت جميلة تجيب الها شال تستر جسمها.. كعدت بعتبت الباب وراسها منتجيه ع حافة الباب وتنعي بصوت مليان عتب
وكسرة، وصورته بيدها حاضنته
ازهار : يمه اعرفك نشم وليدي انوسي ادري هواي
شُهداء وادري هواي موتة واعرف الوادم كلها ميته بس يمه نار گلبي متنطفي انت عزيز.. انوسي
ماطب ألبيت اذا متردلي ، ول كعدتي هين بالعتبه
مااعوفك يابعد أمك.. انتظرك ترجعلي حتلو
مگطميك لميخافون ﷲ..

مسحت دموعها بشلتها واخواني محاوطيها
وكلنا نبجي ع كلامها إللي يهد البدن ، امي
متعلقه بكل أخواني تتخبل اذا مااجو بالليل
يكعدون يمها ويبوسون رأسها.. لو ياكلون
برى البيت مو من ايدها .. مو تسمع ضناها
مستشهد تفقد كل روحها..

أزهار : يمه يابعد روحي ردلي والله ماكدر
ع فراگك ، اعرف رايح المجان احسن من هين
بس ماكدر استغى عنك موبيدي والله ردلي
مو تريد ازوجك روان تعال تعوف قاط العرس
وتلبس الچفن يمه انوسي لويش تعذب گلب
أمك..

يايمةةةةةة غربتني بروحتك يمةةة ردولي ابني ممسوي شي ولله لويش تاخذو لويش افتهمَو الأمهات متكدر ؏ فقدان ضناها.. تعال افرشلك الروح ولله بس تردلي اخ ماتحمل فكرة اموتككككك..

عهد : يمةة بس ع كيفج ع روحج والله بعدنه ممتاكدين هو نفسه انس ميت بعدهم بالبحث ،
الجثه مامعروف شكلها لان موذرة..

هي سمعت هيج تخبلت بالزايد تضرب روحها
واحنا لازمين ايديه
_ ولكم مگطمين ابنيييييي عوفونييي الم ابنيييييي عوفوني ألم جسمة المشمر ، ولكمم يمةة مين يقبضون روحك وانت متوذر اخخ شحال روحك..

_ يمةة شهيد لا تحجين هيج راح الأحسن مني ومنج.

_ متحسون بگلب الأم ماتعرفون تموت قبل لا يدفون ابنها، خذوو عزازنا هوايي والله هوايي خذوو ولدنا خاطر نعيش بشرف مهنئ يبعد امك مهنئ أمك ..