لهاث رمايا

‏ ‏ part 4 𓆪 ‏𓆩 ‏

يحجي وياشر ؏ كلبه والغصه تارسه صدره
عـهد : ادوس ؏ گلبي اذا بـيوم غـنه عليه.

وكام من السفره كلنه نسدت نفسنا ع الأكل
عليه وشكله مبين شكد متأذي بس ميكدر
يسوي شي..

وراها بيومين راحت امي تمشي العهد اخذت نسوان
المنطقه باليل.. ثاني يوم ردو خبر الموافقه امي
دزت المشيه سويت كلشي بسرعه بسرعه
حتى يتم ؏ خير بدون عــراقيل ..

وصدك كلشي تحت السيطره بدينا نحضر
نيشان بـ مليونين من غير لـ ذهب
بوقت حـصار داعش احنهه سوينه كلشي
من الغالي والثگيل حتى نطلع بأحسن صوره
وتحرك گلب الگرايب واهل سلوى اهم شي ..

مرت الايام واجه يوم خطبة عهد كلها كاعده
من الصبح تحضر للحفلة ، ويرحون البيت البنيه
ولازم تبدي المشاكل وجميلة تخرب الفرحة
جميلة : يمةة لا تخلين نَفس تروح لـ خطبة.
ام نَفس : عليش!!
_ منو يضل بالبيت تا تروح هناك بين النسوان
  تحشر روحه بعدها زعطوطة .

انا سمعت هيج روحي احتركت طبيت عليهن
ادبـچ بالگاع مثل الحصان وعطت بتهديد
نفس : مو بكفيچ لـ ماسحة تدخلين
أروح اضل، هين اتگشخ اتمعشك
كلووو بكفي اني.

اجه ابوي من وراي اعتقد سمع كلامنه صاح
حسام : اذا نَفس متروح الخطبة كلهاا
مـتصيرر.

جميلة : بس هي..
_ انتهى النقاش جميلة حالها من حالچ.

هو كال هيج رحت اطفرر ابوسه واشكره
بـعدهي رحت ابدل لبست كيمونه صلوخ
وبنطرون خـردلي..
وجميلة فستان لحد الكاحل بـ لون الوردي الفاتح
وهي ضعيفة حيل عظام جسمها مبينه 
بمنظر محلوو..

هي شافتني احلى منها واكشخ منهاا
كامت تحرك بروحه وتخـوزر ؏ صامت
متكدر تفتح حلكه بشي لان اسويها مناحه
كدام العالم..

بدأو نجهز الحفلة خطوبة عـهد ودينا بـوجود
سلوى.. امي متفوت اذا متحرك گلوبهم اهم شغلة
ماناسبتهم..

كاعده بصف أمها تعجبت من شفتها ساكته
ماخذه وضع الصامت بدون تعلق لجن لدمعه
تلالي عينها ..
ومن شافت عـهد عقد ودخل يـلبسها الحلقة
بسرعه طلعت بـرا..

عـهد يتجاهل وجودها بكل الطرق حتى ميباوع
بس يـخسر ويالفتت بنظره عتاب كانه يكلها
" عليش سويت هيـچ عليش وصلتنا هينن "

أني عين عليَّ وعين عليها اخاف تفوتني لقطه
أو مشهد .

امي وكفت بـنصهم تصفك وتهلهل
ام نفس : هـاي رادهاا وهـاي لـ تمناهاا
بـت الشيخ لـ بن الشيخ جـبناها.

مرت خالي غمزته لـ عهد وهي ادحك لام سلوى
: بـوسه ولك بـوسه لا تـخاف من امـهاا.

لكل صار يكول بوسها وهو وجهه احتقن من
الخجل والاحراج.. وتصفيك هوسات العجايز
القديمةة.. اسمعها ومعت من كميت الخجل وهناا مستمرت..