_ انا ورا كل چلمة اسمعها أدعي ربي تصير
وتسافر واخلص منهآ ، حتى نكدر نعيش بسلام
بدون مشاكل ولآ تترس براس اهلي عليه.
ورا ماكملت سمع وعرفت الاريده عفتها ورجعت .. اتسلل الغرفتي مثل الحية بدون محد يحس
؏ كولت امي لا تسمعين ؏ الناس لا تصيرين
كل إثنين ثالثهم انتِ.
بس أبو طبع ميغير طبعه لازم اعرف الصغيره
والجبيره هين ..
كعدت اكمل دراستي حتلوو ماراح نكدر نداوم َ
المهم التهي بشي..
لحد مااصار اليل ، نفخت بضجر مليت ذبيت
الكتب ورحت اتعشى اهم شي عندي الاكل
حتلو تصير بالصواريخ المهم ادلع كرشي.. طلعت شفتهم
ملتمين كلهم ؏ سفرة.. وامي وي طبتي فتحت موضوع جميلة..
ام نَفس : احمم اسمعوني اريد احجي شي
بخصوص دراسة جميلة.
عـهد : خير يمةة.
ام نَفس : اختكم طلع قبولها بالبصره وانا
ماوديتها بتي تاعبه عليه اخر شي اتصير
تقنيات!
مـاجد : ول وشبيها لـ تقنيات ترفسون النعمه
بـرجلكم.
انس : انا لو معدلي نفس جميلة حتى انت
اتبره مـنك.
محمود : ههههه أنت معدلك يخلوك واكف
بصالة الولادة ياهي التجيب تصرخ بدالها .
مـاجد : وانت معدلك هورن مال إسعاف ميخلوك.
ام نفس : عليش ماكلكم تنجبون وتخلوني
اكمللل!
كلهه سكتت ورا ماعطت امي وبدت تشرح
الموضوع وشلون قنعت خوالي حتى يرتبولها
الموضوع حتى تطلع تكمل دراسته
وانا اعاين عليهم شلون يتناقشون بدون
ماادخل للن محد مهتم لرأيي بالأساس..
جميلة : لااا انا اريد صـيدلة.
ام نفس : وشبي لطب عام.
كامت وكفت بنصهم وتهزز ايدها بغرور
_ أحب اكون لـ صيدلانية جميلة حسام.
مـاجد : شلون صيدلانية مُـصفرچـه.
انس : هههههههههههههههه جبتها فيت
جميلة : ههه ههه مااضحك دشوف روحكم
جنكم..
قاطعه مُعاذ وهو يشرب مي كـال
مُعاذ : زوچ نـعال.
نفس : هههههههه
مـاجد : حجه المعوق شوف روحك لچلب
يبجي ؏ حالك متكسر تكسر.
انس : مانحجي ويا الزعاطيط.
مـاجد : أحسنت أناناس.
ام نَفس : عندي بعد موضوع!!
عـهد : شسالفة يمةة مواضيعج متخلص ليوم
_ لاا ، هالمره يخصك انت.
_ اني؟
هززت راسه وبدت تحجي واحنه نسمع
_ اريد ازوجك بـ عناد اهل سلوى وشفت بت
الحلال واريد اسوي حفلة تحجي الحـارة
بـي ، ابني الجبير اول فرحتنه حتلوو
الأوضاع متسمح المهم اخطبلك.
هوو كاعد ساكت مااحجه شي بس يسمع
صاحت امي : هااا شتكول عـهد؟؟؟.
فزز نفس بقهرر ملامحه مبينه عليه الحزن
عـهد : انا كتلچ سوي الي تـريد موافق.
_ وسلوى ؟!!
YOU ARE READING
لهاث رمايا
Romanceلا تبحث عَن ألبداية فالحِكاية بدأت قبل أن تُكتب. وما بينَ السُطور... صوت يلهث بأسمها. " لُهَاثُ رَمايا " ليست حكاية هروب ، بل صراع للبقاء.. بقلم : مۘــريآم
part 4 𓆪 𓆩
Start from the beginning
